اخى سئ الأخلاق

[غير مسجل]

السلام عليكم ارجو حذف الرسالة بعد القراءة
ارجو الرد فى اسرع وقت بوركتم

[فريق استشارات سرك فى بير(الاخوة)]

رد: اخى سئ الأخلاق

وعليكم السلام ورحمة الله وبركاته

بارك الله فيك ياولدي الكريم على حرصك ورفضك أفعال هذا الشاب
وانا معاك انها مشكلة كبيرة فعلا ومصيبة عاوزة صبر جامد في حلها
عشان كده أول حاجة أوصيك بيها تذكر قول الله تعالى:
{وَبَشِّرِ الصَّابِرِينَ * الَّذِينَ إِذَا أَصَابَتْهُم مُّصِيبَةٌ قَالُوا إِنَّا لِلَّهِ وَإِنَّا إِلَيْهِ رَاجِعُونَ * أُولَٰئِكَ عَلَيْهِمْ صَلَوَاتٌ مِّن رَّبِّهِمْ وَرَحْمَةٌ ۖ وَأُولَٰئِكَ هُمُ الْمُهْتَدُونَ}
البقرة:155 : 157
فاصبر ياولدي ، واستبشر الخير بأن الله سيدبر الأمر لكم بحوله وقوته
وأول حاجة تعملها إنك تستعين بالله تعالى وتنوي بكل إخلاص مساعدة هذا الشاب في هدايته ورجوعه عن هذه الفاحشة
إستعن بالله يا ولدي الفاضل وداوم على الدعاء في كل وقت وفي أوقات الإجابة، وياريت وانت بتصلي ركعتين في وقت السحر وانت ساجد بين يديه سبحانه، داوم على الدعاء إن ربنا يوفقك ويعينك على تقديم النصيحة المقبولة لهذا الشاب
وداوم على الدعاء له بالهداية ، فالدعاء بظهر الغيب له آثار طيبة إن شاء الله تعالى

وبداية حل المشكلة بعون الله ها تكون من البيت،
بمعنى إن والده ووالدته لازم يصبروا على أفعاله ويدعوا له دايما بالهداية
وحاول يا ولدي الغالي، لو تقدر تتكلم معاهم دايما،
إنك تصبّرهم وتهَدِّيهم وتقنعهم بعدم طرده من البيت والصبر عليه ، ودا أفضل من خروجه عشان ما يزيدش سوء

وانت عليك دور مهم جدا جدا يا ولدي الغالي..
أولا: الصبر عليه.. صبرًا جميلًا ، وحاول تتماسك جيدًا وانت بتتعامل معاه ،
وحاول تجذبه ليك.. بحيث تخليه يسمع لك ويستمع لكلامك كويس
يعني ممكن يكون بيعمل كده ومش راضي عن نفسه اللي شدَّاه للمعصية؛ ودا أكيد على ما أعتقد، لكن الظاهر منه المكابرة والعناد
المهم إن أسلوبك في التعامل معاه عليه أساس كبير إن شاء الله في هدايته
خاصة لو كان فيه مودة وحب بينكم ، حافظ يا ولدي على إشعاره بحبك الشديد له وخوفك عليه
هو ممكن يقبل كلامك أكثر من والديه
عشان كده عاوزك تستعين بالله تعالى وتصبر عليه لأقصى درجة

وطبعًا عشان تحل المشكلة دي ها تحتاج وسائل تساعدك؛
أولها إستعدادك ناحيته برغبتك في إصلاح حاله ، وبعدين أسلوبك معاه ، وبعد كده الكلام اللي ها تنصحه بيه من وقت لآخر
وممكن تبحث عن طرق حل هذه المشكلة على النت
زي مثلا، قراءة المواضيع دي وتحاول تطبق اللي فيها معاه، على الروابط:

http://www.alukah.net/fatawa_counsels/0/59041/

http://www.alukah.net/sharia/0/75533/


http://www.al-eman.com/الكتب/فتاوى%2...8&d261040&c&p1

طبعًا دا مثال لبعض المواضيع من أخرى كثيرة في مواقع ثقات، يا ريت تبحث أكثر وتقرأ أكثر وتحاول تطبق اللي فيها،
من محرك بحث المواقع العلمية:

http://www.dorar.net/site/gsearch

المهم هو استعدادك الطيب لهداية هذا الشاب والاستعانة بالله على ذلك
وما تستعجلش النتيجة ؛ لان الهداية بيد الله وحده ، وما تندمش على نصحه وإرشاده ، واحذر ان الشيطان يوهمك إنه ما فيش فايدة!
لأ طبعًا أكيد هناك فوائد كثيرة؛ بشرط الإخلاص في النية والقول والاستمرار على نصحه لله
حاول يا ولدي تتقرب منه أكثر وتتعامل معاه كصديق مخلص يخاف عليه
حتى لو صدَّك أو رد عليك عليك بطريقة غير لائقة؛ لازم تصبر وتتحمل ، ودا أسلوب الدعوة إلى الله تعالى
يعني ربنا بفضله وكرمه عليك ها يثيبك بحسن الثواب بحوله وقوته، ومحاولتك المتكررة معاه بلين ومودة ها تخليه يراجع نفسه ويفكر في كلامك ويبدأ يستجيب لك بعون الله المستعان

وياريت كمان لو تلاقي حد يساعدك من إخوانه اللي يعرفوه في المسجد اللي قلت إنه بيروحه
بس اللي عارفين المشكلة فقط لعدم التشهير به وفضيحته أكثر من ذلك، ويفضل إنك تختار من تتوسم فيهم التقوى والصلاح والاستعداد لمشاركتك نصيحته وهدايته بتوفيق الله لكم

رزقك الله يا ولدي بالصبر الجميل، وأعانك وقواك وصرف عنك هذه الغمة وكشفها بفضله،
وهدى على يديك هذا الشاب وأثابك حسن الثواب
هدانا الله وإياكم ووقانا وصرف عنا شرور الفتن والفواحش ما ظهر منها وما بطن
وآخر دعوانا أن الحمد لله رب العالمين