ضايعة

[غير مسجل]

السلام عليكم

لو سمحتم مسح كلامى بعد القراءة

[فريق استشارات سرك فى بير(الأخوات)]

رد: ضايعة

وعليكم السلام ورحمة الله وبركاته

اختنا الفاضلة
أسأل الله أن يهدينا وإياك لأرضى ما يرضيه عنا

من قال أنك لا تحافظين على شيئ من دينك ؟
أليس الندم على المعاصى والشكوى من التفريط فى حق الله أليس كل هذا من الدين ؟

اختنا
وما لجرح ميت بإيلام
لو كان قلبك قد مات لما بحثت عن الدواء
بحثك عن الدواء دليل أن قلبك به حياة ربما هو مريض لكنه مازالت به حياة
وهذا بداية العلاج
الاعتراف بالمرض ثم البحث له عن علاج

فاحتملى قسوتى عليك بعض الشيئ واعتبريه مشرط الجراح الذى سيعقبه الشفاء بإذن الله

بداية لا تصدقى كل ما يقال لك عن كونك صحيحة ولست مريضة
لا تجعلى أحد يخدعك أقرى بينك وبين نفسك بالمرض فمن يفعل ذلك يكون أكثر تلهفا على العلاج ممن يخادع نفسه ويوهمها بالصحة

الأمر الثانى اختنا الكثيرون يتحدثون فى الدين بل إن المستشرقين قد يتحدثون عن ديننا أفضل منا
فلا تجعلى الشيطان يخدعك ويوهمك بحسن كلامك

المعتبر عند الله الأعمال وليس الكلام

يقول عز وجل ( الَّذِي خَلَقَ الْمَوْتَ وَالْحَيَاةَ لِيَبْلُوَكُمْ أَيُّكُمْ أَحْسَنُ عَمَلا )
ولم يقل أحسن قولا ولا أحسن علما

فاعرفى نفسك حق المعرفة لكى تبدأى الطريق بلازيف فمن يبدأ بالزيف قد لا يصل

ثالثا لا تقولى أنك تحافظين على النقاب لكونه عادة وما يدريك لعل نور الإيمان فى قلبك هو ما يجعلك على هذا القدر من الحياء فلا تخلعى حجابك فى وقت أصبح العادى هو عدم الحجاب

فأعلى رجاءك فى رحمة الله فهو ما أغلق الباب فى وجهك أبدا وإلا لما تركك فى وسط أهل دينه ولما حفظ لك طاعتك له

وإلا أفتظنين أنك ترتدين النقاب بحولك وقوتك لا والله إنما هو توفيق الله ورحمته بك
فاحمديه سبحانه أنه يضعك وسط عبيده الذين التزموا بدينه ولا يحرمك فضله وكرمه

رابعا إليك برنامج العلاج بإذن الله لكن عاهدينى اختنا أن تأخذى كلامى بالجد والله قدير { وَالَّذِينَ جَاهَدُوا فِينَا لَنَهْدِيَنَّهُمْ سُبُلَنَا وَإِنَّ اللَّهَ لَمَعَ الْمُحْسِنِينَ }

*** من كلامك أشعر أن للشيطان النصيب الأكبر فى حالة التخبط التى أنت فيها
فجاهديه اختنا
وجهاده بالتزام كل ما شرعه الله ورسوله - صلى الله عليه وسلم - للوقاية منه

ومن ذلك قراءة سورة البقرة قال صلى الله عليه وسلم : لا تجعلوا بيوتكم مقابر ، إن الشيطان يَنْفُر مِن البيت الذي تُقْرأ فيه سورة البقرة . رواه مسلم .

والذكر ... يقول صلى الله عليه وسلم: من قال إذا أصبح: لا إله إلا الله وحده لا شريك له له الملك وله الحمد وهو على كل شيء قدير كان له عدل رقبة من ولد إسماعيل، وكتب له عشر حسنات وحط عنه عشر سيئات، ورفع له عشر درجات وكان في حرز من الشيطان حتى يمسي، وإن قالها إذا أمسى كان له مثل ذلك حتى يصبح. رواه أبو داود وصححه الألباني.

والمحافظة على الوضوء ودوام الذكر

*** إياك وترك الصلاة فهى معراجك وبها سترقى روحك وتكمل وستنصلح حياتك من حيث لا تدرين
يقول تعالى ( إِنَّ الصَّلَاةَ تَنْهَى عَنِ الْفَحْشَاء وَالْمُنكَرِ )

فجاهدى نفسك وشيطانك والدنيا كلها فى أمر الصلاة

*** أريد منك أن تلزمى ورد من القرآن يوميا جاهدى فيه بقدر استطاعتك واقرأى معه تفسير لتفهمى وتعملى

*** أريد منك الاكثار من القراءة والسماع عن الدار الآخرة
ومن ذلك قراءة كتاب رحلة إلى الدار الآخرة للشيخ محمود المصرى

هذا جدول بسيط جدا اختنا لكن أريدك أن تلزميه وستجدين العلاج بإذن الله
وأنا معك اختنا إذا احتجت لشيئ آخر
أسأل الله أن يرزقنا أرضى ما يرضيه

[غير مسجل]

رد: ضايعة

جزاكم الله خيرا على الرد
ومعلش بعت أسأل عن الموضوع مكنتش شوفت الإجابة انا اسفه

انا خلاص ضعت تماماً مبقاش عندى أمل في حاجة اصلا
حياتى ماشيه مع نفسها
مفيش هدف بمشى عليه
فعلا وصلت لمرحلة مش عايزه حاجه
انا لو شرحت لك لطف ربنا بيا كان ازاى
ربنا ما سبنيش فى زنقة ابدا
ادانى كل اللى انا عيزاه
حتى لو محصلش بردو ادهولى
بصى انا جات فترة مكنتش ببطل عياط
تصدقى والله العظيم الدموع جفت في عينى
مبقاش حاجه فارقه
بعمل صح غلط اى حاجه
سنين وبنعشها نتمناها تخلص قبل ما أخلص كتابه

مابقتش أفكر كنت ايه وبقيت ايه
اللى انكسر جوايا عمره ما يتصلح
معنديش أمل ارجع زى ما كنت فضلا عن أن يكون احسن
عايزه بس أطيع ربنا واعمل اللى يحبه منى لو الفروض بس
عايزه اشيل فكرة الجواز دى من دماغى نهائي
انا كدا مرتاحه
عايزه ربنا يبعدنى عن أى حد بيكرنهى أو يتمنى لى الشر حتى لو اخويا
كل عريس يتقدم يتجدد أمل أنى ممكن افرح
شكله واخد مننا موقف ومش عايز يخبط على بابنا دلوقتي

بابا مات فعلا انا من بعده لوحدى مشتته مليش حد يخدنى فى حضنه ويحن عليا واطمن وهو موجود وما اشلش هم بس عادى قدر الله اكيد حلو

انا بقيت أحب احكى اوى
اتهيألى لو قابلت حد وقالى احكى لى وانا ارتحت له هاحكيله
مش عارفه ليه مع انى كنت كتومه
ردوا عليا أى حاجه قولوها
انا نفسى افوق واعيش

[فريق استشارات سرك فى بير(الأخوات)]

رد: ضايعة

فالذنب على الذنب يقسى القلب ويسبب الفتور
قال تعالى ( كلا بل ران على قلوبهم ما كانوا يكسبون )

الحل : دوام الاستغفار والتوبه من جميع الذنوب صغيرها وكبيرها
والاكثار من دعاء النبي صلى الله عليه وسلم : ( اللهم مصرف القلوب صرف قلوبنا على طاعتك)
طيب ممكن المشكله من خلال كلامك تبقى فى حاجتين :
1) أحيانا بنبقى مستعجلين التغير ...يعنى عاوزين نخرج من حاله الفتور دى بسرعه
وده كويس لكن أحيانا بنفذه غلط فنبالغ فى الجدول


فالحل :
** اعمل جدول مناسب وزود عليه بالتدريج

((فخير الأعمال أدومها وإن قل ))
** راعى فى الجدول حال قلبك ..

يعنى متخليش الجدول عبادات كثير وتنسى الرقائق
فالقلب محتاج يخرج من غفلته عشان يبدأ ينشط فى العباده

فحاول تسمعى سلسله عن الدار الأخره أو الجنه أو النار كل يوم درس
وممكن تستمع لدعاء مؤثر لأحد الشيوخ

2) تانى مشكله هى اننا بيتسرب لنا شعور خفى بانه مفيش فايده
يعنى نحس انه مافيش فايدة....ما ياما دعيت...ياما صليت...أقول لربي إيه تانى؟؟....خلاص قولت كل اللى عندى.....ما انا كل مره برجع تانى
انا هحط الجدول بس عارف انى مش هستمر

((وكأن الشيطان رمى فى قلوبنا نوع من انواع القنوط الخفى ...فبنرجع لربنا وأحنا مش واثقين اننا هنتغير بل اغلب ظننا اننا هنرجع تانى ))

والحل
قول الرسول صلى الله عليه وسلم

(استعن بالله ولا تعجز )
(ادعوا الله وأنتم موقنون بالإجابه )

وقوله تعالى فى الحديث القدسى

(أنا عند ظن عبدى بى فليظن بى ما شاء )

فاحسن التطهر وصلى ركعتين لله فى جوف الليل

اطلب توبته من كل الذنوب ما علمت منها ومالم تعلم
(فالسلف قلت ذنوبهم فعلموا من أين يأتون ونحن كثرت ذنوبنا فطبيعى الا نعلم من أين نؤتى )
اشتكى له ضعفك وانعدام حيلتك وتخبطك


الشيء الثانى فيه شيء معين فى حياتك بيظهر من كلامك انه مضايقك او بتتذكره من وقت لتانى فأنت ادعى ربنا سبحانه وتعالى وأتكلم مع الله واشكى له كل اللى فى قلبك
واللى مزعلك واطلب منه العون والطاقة على الاستمرار فى الحياة فنحن نفر منه إليه
وربنا ييسر كل امورك اللهم آمين