انا كدة بفكر صح ولا غلط ؟؟؟

[غير مسجل]

السلام عليكم ورحمة الله وبركاته

اولا جزي الله كل القائمين علي هذا القسم وجعل كل عملكم في موازين حسناتكم ليوم القيامة ونفع الله بكم دينه

ثانيا ..
عندي مشكلة والحمد لله مش كبيرة بس حسيت تفكيري مشتت ومش عارفة هل انا بفكر صح ولا غلط !!
>>
انا الحمد لله وبفضله اولا وأخيرا بدأت التزام من حوالي 6 سنين .. بس خلال ال6 سنين دول كنت بنتكس وارجع اتوب تاني كتييييييييييير
وللأسف فعلت ذنوب عظيمة اسأل الله ان يعو عني ويغفر لي
كان من الأسباب اللي كانت بتفتح ليا باب الذنوب هو الفراغ ..
انا الحمد لله خلصت كليتي واتخرجت لكن قبل ما اتخرج كنت في حالة ايمانية سيئة وخشيت اني انتكس مرة تانية لما اتخرج والاقي قدامي وقت فراغ فققرت اشتغل عشان ميبقاش قدامي متسع من الوقت الشطيان يخليني استغله استغلال سيء وبالفعل اشتغلت

لكن بعدها بفترات قصيرة جدااا .. ربنا من عليا بالتوبة النصوح وأحسبني بدأت التزام من عام واحد بس لأن كل اللي فات ده كان تخبطات مني ومكنش الاتزام الصح ..

والحمد لله سألت الله أن يرزقني بالزوج الصالح اللي يعينني علي الثبات ويشد من أزري ويكون معلمي .. والحمد لله رزقني الله بأفضل مما كنت أتمني ,, لله الشكر والحمد
ودلوقت حياتي اتغيرت بشكل كبيييييير .. ما زلت في فترة الخطوبة ولكن قريبا سنتزوج بمشيئة الله ..
والحمد لله أحاول قدر المسطتاع المواظبة علي حفظ القرآن وحضور الدروس في المسجد .. وبمشيئة الله رب العالمين هلتحق بمعهد إعداد الدعآة ..
يعني مشكلة الفراغ بالنسبالي الحمد لله انتهت ... وبفضل ربنا بعد ما التزمت بجد .. أصبحت أكره الذنوب اللي كنت بعملها ولو حدثتني نفسي بها الحمد لله لم أجد استجابة من نفسي يعني اسأل الله إنه يكون طهر قلبي من هذه الذنوب .. الحمد لله

موضوع شغلي بقي .. الحمد لله اولا وأخيرا .. انا شغلي مختلط جداا .. يعني المكتب اللي انا فيه انا البنت الوحيدة مع 2 رجال .. نحسبهم علي خير والحمد لله مفيش خلوة لآن المكتب مفتوح باستمرار لاستقبال العملاء والمندوبين ولكني حاسة ان الوضع كدة غلط ..
واوقات بيحصل من ناحيتهم هزار وضحك وغير كدة بكون في الشغل من الصبح للمغرب والمقابل المادي لا يستحق كل التعب ده !!

قررت اسيب الشغل .. لكن أمي مش راضية وحابة اني استمر حتي الكام الشهر اللي قبل زواجي !!
بتقولي ان اي مكان فيه الاختلاط وكدة كدة انتي بتتعلمي من شغلك ازاي تتعاملي مع الناس وكدة !

لكن انا اصلا اشتغلت عشان السبب اللي قولته في البداية مع اني مش بحب اشتغل ومقتنعة اقتناع تام ان المرأة الأولي ليها القرار في بيتها
الا لو طبيبة او ممرضة او معلمة فمثل هذه الأعمال احنا في حاجة ليها لكن انا مجالي الهندسة كله اختلاط في العمل وحتي العمل اللي انا فيه حاليا بعيد عن مجالي ولكنه اللي كان متاح وقتها

انا من زمان وانا نفسي اكمل طريقي في الدين والدعوة وأنفع ديني واللي حوليا .. اي نعم قصرت وفرطت ولكن ربنا من عليا بالتوبة ومن عليا باللي يساعدني احقق حلمي ده
لأن ده فعلا حلمي والحمد لله بدأ يتحقق بالتدريج

قولولي انا كدة بفكر صح ولا غلط ... استمر ف الشغل زي ما امي بتقولي ولا اتركه في اقرب وقت ,, خاصة اني عارفة انه مش بينطبق عليه كل الضوابط واللي اهمها عدم الاختلاط .. فانا شغلي هو عين الاىختلاط !!

سامحوني لأني طولت عليكم ولكن فكري مشتت ومتخبط ولم اجد منفثا بعد الله غيركم

جزاكم الله خير الجزاء

[فريق استشارات سرك فى بير(الأخوات)]

رد: انا كدة بفكر صح ولا غلط ؟؟؟

الحمد لله والصلاة والسلام على رسول الله وعلى آله وصحبه، أما بعـد: =

فنسأل الله تعالى أن يجزيكما خيرا على الحرص على الاستقامة، ونسأله سبحانه أن يزيدكما هدى وتقى وصلاحا.
ونحن معك في تفكيرك فبفضل الله انت لستي في حاجة له

فإذا كان هذا العمل المذكور فيه اختلاط بالرجال -كما ذكرت- وأن الخروج إليه يقتضي استخدام وسائل المواصلات التي فيها اختلاط أيضا ومنكرات فلا يجوز لك الاستمرار فيه إذا كنت مستغنية عنه والحالة هذه، فالاختلاط أمره خطير، ومفاسده عظيمة فإذا أردت السلامة لدينك فاتركي هذا العمل، ومن يتق الله يجعل له مخرجا* ويرزقه من حيث لا يحتسب.. هذا وعد الله في كتابه، وهو سبحانه لا يخلف وعدهولا يجوز لك مجاملة والدتك في أمر يتعلق بدينك وعرضك، ولا بأس بأن تحاولي إقناعها بأسلوب لطيف بمبررات تركك العمل وقد قال عليه الصلاة والسلام : " لا تكونوا إمّعة تقولون: إن أحسن الناس أحسنا وإن ظلموا ظلمنا ، ولكن وطنوا أنفسكم إن أحسن الناس أن تحسنوا وإن أساءوا فلا تظلموا" رواه الترمذي.
والله أعلم .