ملتزم و خاطب بنت محترمة و حاسس انى غلطان

[غير مسجل]

السلام عليكم و رحمة الله و بركاته
انا شاب المفروض انى ملتزم او بحاول التزم
بصلي و اصوم و احفظ قران و اسم دروس و ايام قليله قيام ليل
بقالي سنه بدور على اخت علشان اخطبها ولازم تكون من بلدي علشان اهلي ميتبهدلوش
مش لاقى اخوات و لما لقيت ال تقول لا مش دلوقتى و ال رحت و خطبتها و فى الاخر طل اهلها غاصبين عليها و طلعت كانت بتحب واحد على الفيس و هى حافظة القران و ازهرية و منتقبة
طبعا كان نفسي اتجوز اخت تعينى على القران و القيام و الصيام و هكذا
و لكن ضغط الاهل و الاصحاب و الاقارب
اختاروا واحد محترمه و لبسها محترم و ملهاش فى الكلام بتاع الولاد و كدا
هى بتصلي بس و يومها الباقى يا بتكلم صحبتها يا بتتفرج على التلفزيون و طبعا افلام و كدا
لما كلمتها هى مطيعه و قبلت تلبس النقاب و قبلت الفرح فى المسجد و سعيده بي و بانى ملتزم و كدا
و بتسمع كلامى و قلت لها عاوزين نحفظ قالت ماشي و خليتها بدات قراة قران كل يوم 5 صفحات و بدات معايا و بتصحينى كل يوم الفجر قبل ما تنام برنه
بس اوقات كدا بحس انى غلطان
و ان فى فرق انه تكون ملتزمه فعلا او بتسمع كلامى و بتحاول ترضينى
و فى نفس الوقتى هى الوقتى اتعلقت بيا و انا برده اتعلقت بيها
و مش عارف اعمل ايه صراحه
و كل فتره كدا التفكير ياخدنى
طيب الزوجه الملتزمة هتساعدنى على القيام مثلا و هتبقى حفظه قران هتحفظ ولادى طيب افرد ربنا كرم و سبتها للجهاد مثلا هتايدنى و تحتسب و كلام من دا
و فى نفس الوقت طيب ما رحت لواحده حفظة القران و عملتنى وحش علشان واحد تانى
و رحت لواحده ملتزمه و رفضت علشان مش عاوز تتجوز الوقتى او معقده من الزواج
و رحت لواحده تانيه و معجبتش والدتي
افيدوني و ثبتوني بالله عليكم

[فريق استشارات سرك فى بير(الأخوات)]

رد: ملتزم و خاطب بنت محترمة و حاسس انى غلطان

بسم الله الرحمن الرحيم

السلام عليكم ورحمة الله وبركاته وبعد،،،


أهلا بك نسأل الله أن يبارك فيك، وأن يرزقك الزوجة الصالحة التي تقر بها عينك وتسعد بها في الدنيا والآخرة .

بخصوص ما سألت عنه، فالإجابة تختلف من حالة إلى حالة، ومن شخص إلى شخص وأفصل لك الأمر .

- إذا كانت الفتاة غير متدينة لكن عندها رغبة التدين، وتشعر بالتقصير، وتسعى إلى اكتمال تدينها، فهذا لا بأس به في حالة لا يوجد غيرها ، بمعنى أنه يوجد أخوات أفضل منها أو ليس في الأفق المنظور أفضل منها.


أما إذا كانت الأخت هناك من أفضل منها تدينا فلا شك أن الأفضل تدينا أولى وأفضل .
هذا بالنسبة للأخت المطلوبة للزواج،

أما بالنسبة لك فانظر بارك الله فيك هل تفعل المعصية وهى مقرة بها أم لا؟ وهل تقبل النصيحة أم لا؟


وهل هى على استعداد للتغير أم لا؟ وهل هناك أفضل منها في الوقت الراهن أو القريب العاجل أم لا؟


أتصور أخي الكريم، إذا لم تكن إلا هذه الأخت وكانت على استعداد للاستقامة أكثر من ذلك، وهى حريصة عليك، أتصور أنه بعد الاستخارة أفضل ولعله أحسن، فرزقها الله بك لتعبرا الحياة إلى الله آمنين مطمئنين .


أتمنى عليك عدة أمور :


1- الاستخارة قبل كل شيء، وثق أن الله سيقدر الخير لك ما دمت به موصول .


2- الاستشارة وخاصة من يعرف الأخت، ويعرف مداخلها ومخارجها؛ حتى تتأكد منها قبل أن ترتبط بها .


3- الدعاء إلى الله عز وجل أن يرزقك الخير، وأن يقدر لك ما يصلحك وما يرضيه عنك. وتوكل على الله، وعسى الله أن يجعل منها علي يديك أختا صالحة تقية نقية. وفقك الله أخانا الفاضل، ونحن ندعو الله أن ييسر لك الأمر حيث كان وأن يرضيك به

لا تدع للشيطان سبيل إلى قلبك
وتدرب وتعلم على اسلوب النصيحة حتى تستطيع التغيير وفقك الله وسدد خطاك
والله أعلم