Tweet
أصلا عادى
السلام عليكم
انا بنت عندى 28 سنه مش متجوزة اهلى متوفيين واخواتى متجوزين. معايا اخت فى نفس البيت بس فى شقه منفصله انا بشتغل ف شركه قطاع خاص وباجى على المغرب انا عاوزة اتكلم
انا نفسى احس ان فى حد مهتم بيا ومش اقصد زوج لا نفسى حد يسألنى أتغديتى ولا لأ ولو رايحة مكان يقولى رايحة فين ومتتأخريش ولو تعبانة يبقى خايف عليا مش لمجرد الواجب نفسى احس ان فى حد يسأل عنى اى حد . نفسى لما اعمل حاجة غلط يعاتبنى او حتى يزعق لى نفسى حد يكلمنى يقولى عملتى اية فى الشغل ولما احكى يبقى سامعنى ويتفاعل معايا . انا ليا مجموعه صحاب بس كلهم متجوزين الحياه يعدتنا بنتكلم كل فين وفين هما بيحبونى وانا بحبهم بس وجودهم مبقاش فعلى فى حياتى انا الحمد الله احسن من غيرى بكتير ليا اخ بس هو خطب دلوقتى ربنا يوفقه كان قايم بالدور دة بس هو اصلا مسافر وزاد عليهم انه بقى مش فاضيلى وانا عادى يعنى مش ببين حاجة وراضيه الحمد الله بس محتاجة اهتمام اختى الى معايا فى نفس البيت للاسف انانية اهم حاجة بيتها وجوزها ومش ليها اى علاقة بيا مهما حاولت عمرها ماسألتنى اتغديتى ولا لأ ولو تعبت مبتعرفش اصلا وانا اخر اهتماماتها ولما فى مرة جيت احكى لها حاجة حصلت فى الشغل سفهتنى ولا كانى اتكلمت ولما ألحيت تسمعنى قالت لى وكلامك دة هستفيد بية بأيه يعنى او تقولى انا صدعت انتى اية راديو وانا مبكنش اتكلمت واللهى كتير بس ببقى عاوزاها تهتم بس بحاول اشد انتباها فى اى مواضيع تهمها عشان تكلمنى وهى بردة مش مهتمه لما بشوف حد معاه مامته وانا بشترى هدوم مثلا افضل اقول يابختها صحباتى فى الشغل كل واحدة تحكى عن اهلها وانا معنديش حاجة احكيها حياتى بتتوقف من بعد المغرب بعد مابخلص شغلى اجى ممكن اتغدى وانام واواقات بكسل اصلا اطبخ .ليا اخت تانية كمان دى كويسه اوى معايا وحنينه ولما بروح عندها البيت بقى ملكه بتدلعنى وتسال عليا بحس فيها ريحة ماما مع انها اكبر منى بسنتين بس لما اهلى توفو جوزها عرض عليا اجى اعيش معاهم بس انا رفضت ودلوقتى احتمال اكبير اختى تنقل فى مكان بعيد ع الصيف وهى حاليا عندها تؤم ربنا يعنها عليهم شافطين كل وقتها وهى بتسأل عليا كل ما وقتها يسمح بده وراضيه بس مش عارفه هعمل اية لما تسافر متهيألى مفيش حل بس اصلا عادى انا مش مهتمه اصلا يعنى اكيد نفسى اى حد يعبرنى بشوية اهتمام بس عادى انا احسن من غيرى الحمد الله مش عارفة انا جاية هنا لية بس يمكن حبيت افضفض وخلاص وياريت لو حد رد عليا لا يواسينى ولا يشفق عليا اصلا انا مش استحق الصفة دى مش عارفة متوقعة الردود من دلوقتى الى هيقولى ربنا يرزقك الزوج الصالح الى يغنيكى ههههههههه والى هيقولى قربى من ربنا والى هيقولى روحى اشغلى وقتك باى حاجة زى تحفيظ القران اوحفظة ده لو تكرم حد وعبرنى وبصراحة اى من الردود دى مش محتاجاها اسفة عارفة اسلوبى غتت بس انا كدة وارجع واقول اصلاااااااااااااااااااا عااااااااااااااااااااااااااااااااااااااااادى
انا بنت عندى 28 سنه مش متجوزة اهلى متوفيين واخواتى متجوزين. معايا اخت فى نفس البيت بس فى شقه منفصله انا بشتغل ف شركه قطاع خاص وباجى على المغرب انا عاوزة اتكلم
انا نفسى احس ان فى حد مهتم بيا ومش اقصد زوج لا نفسى حد يسألنى أتغديتى ولا لأ ولو رايحة مكان يقولى رايحة فين ومتتأخريش ولو تعبانة يبقى خايف عليا مش لمجرد الواجب نفسى احس ان فى حد يسأل عنى اى حد . نفسى لما اعمل حاجة غلط يعاتبنى او حتى يزعق لى نفسى حد يكلمنى يقولى عملتى اية فى الشغل ولما احكى يبقى سامعنى ويتفاعل معايا . انا ليا مجموعه صحاب بس كلهم متجوزين الحياه يعدتنا بنتكلم كل فين وفين هما بيحبونى وانا بحبهم بس وجودهم مبقاش فعلى فى حياتى انا الحمد الله احسن من غيرى بكتير ليا اخ بس هو خطب دلوقتى ربنا يوفقه كان قايم بالدور دة بس هو اصلا مسافر وزاد عليهم انه بقى مش فاضيلى وانا عادى يعنى مش ببين حاجة وراضيه الحمد الله بس محتاجة اهتمام اختى الى معايا فى نفس البيت للاسف انانية اهم حاجة بيتها وجوزها ومش ليها اى علاقة بيا مهما حاولت عمرها ماسألتنى اتغديتى ولا لأ ولو تعبت مبتعرفش اصلا وانا اخر اهتماماتها ولما فى مرة جيت احكى لها حاجة حصلت فى الشغل سفهتنى ولا كانى اتكلمت ولما ألحيت تسمعنى قالت لى وكلامك دة هستفيد بية بأيه يعنى او تقولى انا صدعت انتى اية راديو وانا مبكنش اتكلمت واللهى كتير بس ببقى عاوزاها تهتم بس بحاول اشد انتباها فى اى مواضيع تهمها عشان تكلمنى وهى بردة مش مهتمه لما بشوف حد معاه مامته وانا بشترى هدوم مثلا افضل اقول يابختها صحباتى فى الشغل كل واحدة تحكى عن اهلها وانا معنديش حاجة احكيها حياتى بتتوقف من بعد المغرب بعد مابخلص شغلى اجى ممكن اتغدى وانام واواقات بكسل اصلا اطبخ .ليا اخت تانية كمان دى كويسه اوى معايا وحنينه ولما بروح عندها البيت بقى ملكه بتدلعنى وتسال عليا بحس فيها ريحة ماما مع انها اكبر منى بسنتين بس لما اهلى توفو جوزها عرض عليا اجى اعيش معاهم بس انا رفضت ودلوقتى احتمال اكبير اختى تنقل فى مكان بعيد ع الصيف وهى حاليا عندها تؤم ربنا يعنها عليهم شافطين كل وقتها وهى بتسأل عليا كل ما وقتها يسمح بده وراضيه بس مش عارفه هعمل اية لما تسافر متهيألى مفيش حل بس اصلا عادى انا مش مهتمه اصلا يعنى اكيد نفسى اى حد يعبرنى بشوية اهتمام بس عادى انا احسن من غيرى الحمد الله مش عارفة انا جاية هنا لية بس يمكن حبيت افضفض وخلاص وياريت لو حد رد عليا لا يواسينى ولا يشفق عليا اصلا انا مش استحق الصفة دى مش عارفة متوقعة الردود من دلوقتى الى هيقولى ربنا يرزقك الزوج الصالح الى يغنيكى ههههههههه والى هيقولى قربى من ربنا والى هيقولى روحى اشغلى وقتك باى حاجة زى تحفيظ القران اوحفظة ده لو تكرم حد وعبرنى وبصراحة اى من الردود دى مش محتاجاها اسفة عارفة اسلوبى غتت بس انا كدة وارجع واقول اصلاااااااااااااااااااا عااااااااااااااااااااااااااااااااااااااااادى
تعليق