السلام عليكم و رحمة الله و بركاته

[غير مسجل]

أولًا : جزاكم الله خيرًا على هذا العمل الطيب المبارك إن شاء الله فى ميزان حسناتكم

ثانيًا : أنا بنت عمرى 31 عام ، منتقبة و بدرس علوم شرعية و بحفظ القرءان فى معهد للقرءان و القراءات ( كل النعم دى بفضل الله عليا و منه و كرمه ) الحمد لله .. مشكلتى هى مش مشكلة بالنسبة لى لكن هى مشكلة بالنسبة لأهلى .. لما برفض أى عريس متقدم بتحصل كل مرة مشكلة كبيرة فى البيت و بسمع منهم كلام بيوجع جدااااااااااا ، حاولت أكتر من مرة أتناقش معاهم و أوضح لهم وجهة نظرى فى موضوع الزواج .. بالنسبة لى مش فارق معايا امتى هتزوج لكن اللى فارق فعلا هتزوج مين .. أنا ليا فكرة مختلفة عنهم عن الزواج هما شايفين الزواج زوج على خلق ( بيصلى و بيصوم و أهله ناس طيبين أو كويسين ) فرح و فرحة و انهم يتطمنوا عليا فى حياتهم ( ربنا يرزقهم طول العمر مع البركة و حسن العمل ) و ده من حقهم أنا مستوعبة حقهم ده جداااااااا و الله ، لكن فكرتى أنا مختلفة عن الزوج و الزواج ( أنا مش عاوزة أتزوج اى زوج و خلاص ، و يبقى اسمى تزوجت و أنجبت ، أنا محتاجة يكون زوجى سند ليا فى الدنيا و رفيق ليا فى الجنة إن شاء الله مش عاوزة زوج يكون عائق ليا فى دينى عاوزاه يكون أب صالح لأولاده و بناته يعلمهم دينهم و يربيهم على الأخلاق الحسنة ، عاوزاه يكون أب قدوة مش أب و خلاص عاوزاه يربى أولادى يبقوا من محررى الأقصى يحملوا هم أمتهم .. عاوزة حاجات مش حاسة من جوايا إنها غريبة و لا مش موجودة ) .. لكن هما مش عاوزنى أنتظر عاوزنى أتزوج و خلاص علشان فرصى فى الزواج ما تقلش .. ليهم حق يمكن فى بعض النقاط لكن مش بإيدى ( أخر مشكلة كانت من يومين لأنى رفضت أخ أنا أحسبه على دين و خُلق لكن سبحان الله و الله ما شعرت بقبول شكلى و لا نفسى استخرت الله كثيرا و تبرأت من حولى و قوتى لحول الله و قوته ) والدى غضب جدا منى و قالى كنتى بترفضى علشان الالتزام أهو ملتزم و مهندس و و و حاولت أوضح وجهة نظرى و إنى فعلا مش قادرة أتقبله لكن كان ردهم مش مهم تكونى متقبلاه دلوقتى ما عرفتش أفهمهم شعورى .. لدرجة أختى قالتلى يمكن فيكى حاجة مش طبيعية هى اللى بتخليكى ترفضى .. و هى تقصد إنى كنت بشوف كوابيس فترة طويلة و مستمرة معايا .. كوابيس سيئة جداااااا و وصلت لحد إنى كنت بحس بحد جنبى و أنا نايمة مش بشوف حاجة لكن بحس و وصلت لحد محاولة اللمس و الاقتراب منى و محاولات مستميتة منى لصد ذلك و الاستعانة بالله و بفضل الله بقالى فترة مش بتيجى الكوابيس و لا بيحصل الأمر ده .. أنا بقيت مش عارفة الصح فين هل أوافق على اى حد حتى لو مش متقبلاه ؟!!! هما بيقولوا جربى خوضى التجربة و اقاومى باللى بتشعرى بيه ده .. لكن أان مش عارفة مش قادرة أسمع كلامهم و مش قادرة أظلم نفسى و أظلم شخص مالوش ذنب معايا فى حياة الله أعلم بيها أنا فعلا مريضة و فيا حاجة و لا لأ ..

أنا دخل بيتنا عرسان كتير فى كل مرة يا إما الأخ بيمشى يا إما برفض و أحيانا ببقى مش عارفة هل رفضى مبالغ فيه و لا لا .. أنا فعلا فى حيرة من أمرى مش عاوزة أغضب أهلى و مش عاوزة أبقى سبب فى نكدهم و مش عارفة فعلا أعمل إيه طيب

أسفة جدا و بعتذر للإطالة

[فريق استشارات سرك فى بير(الأخوات)]

رد: السلام عليكم و رحمة الله و بركاته

وعليكم السلام ورحمة الله وبركاته
حياكم الله وبياكم أختنا الفاضلة
نسأل الله أن يقبلكم ويثيبكم على حسن نواياكم

نراكِ فعلا ذات رأى صائب فى أمر عدم الزواج من غير الملتزم

http://www.youtube.com/watch?v=LLlJRKDcqgw


لكن عندما يتقدم لكِ الزوج المرضى فى خلقه ودينه
فلم لا تعطين لنفسك فرصة الاستخارة والسؤال عن المتقدم
وقد قَالَ رَسُولُ اللهِ صَلَّى اللهُ عَلَيْهِ وسَلَّمَ :
إذا أتَاكُم مَنْ تَرْضَوْنَ دِينَهُ وخُلُقَهُ فَأنْكِحُوه، إلاَّ تَفْعَلُوا تَكُنْ فِتْنَة في الأرْضِ وفَسَاد، قَالُوا: يَا رَسُولَ الله؛ وإنْ كَانَ فِيهِ؟ قَالَ: إذا جَاءَكُم مَنْ تَرْضَوْنَ دِينَهُ وخُلُقَهُ فَأنْكِحُوه. ثَلاَث مَرَّات ) – حَسَنهُ الألباني

أما كونه لا يشاركك فى أمنياتك
فإنكِ ان صدقتِ سيوفقك الله فى تحقيقها جميعا بإذن الله
فالدين لا يأتى بسهولة ويسر
بل لابد من مجاهدة وصبر
فإن لم يكن الزوج موافقا لكِ فى جميع أمنياتك فهو يوافقك فى بعضها
فاحمدى الله على ما فيه من خير وبحسن التعامل وصدقك مع الله ودعائك اجعليه يشاركك بقية أمنياتك

وكونكِ ترين الزواج غير مهم
وعن أنس بن مالك ـ رضي الله عنه ـ قال: ( جاء ثلاثة رهط إلى بيوت أزواج النبي ـ صلى الله عليه وسلم ـ يسألون عن عبادة النبي ـ صلى الله عليه وسلم ـ، فلم أخبروا كأنّهم تقالّوها، فقالوا: وأين نحن من النّبي ـ صلى الله عليه وسلم ـ، قد غُفِرَ له ما تقدّم من ذنبه وما تأخّر، قال أحدهم: أمّا أنا فإنّي أصلي اللّيل أبدا، وقال آخر: أنا أصوم الدّهر ولا أفطر، وقال آخر: أنا أعتزل النّساء فلا أتزوّج أبدا، فجاء رسول الله ـ صلى الله عليه وسلم ـ إليهم فقال: أنتم الّذين قلتم كذا وكذا؟!، أما والله إنّي لأخشاكم لله وأتقاكم له، لكنّي أصوم وأفطر، وأصلي وأرقد، وأتزوّج النّساء، فمن رغِبَ ( أعرض ) عن سنّتي فليس منّي ) رواه البخاري


نعم لا تكونى متلهفة على الزواج فتضيعى دينك لأجله
لكن تيقنى أنه فطرة الله التى فطر الناس عليها
كما أنه من برك بوالديكِ الذين يرون الزواج سعادة لكِ

أما ما يصيبك من نفور من الخطاب حتى الصالحين
فلعله من الشيطان فعلا
فهو لا يريد إقامة بيوت مسلمة ملتزمة
فاستعينى بالله
والزمى الرقية الشرعية

http://www.youtube.com/watch?v=K_szoYhhI78

واستعينى بالله ولا تلتفتى لما يلقيه لكِ من نفور
واسألى جيدا عن المتقدم لكِ واستشيرى أهلك والمقربين منكِ
وإذا عزمتِ فتوكلى على الله
واسألى الله أن يوفقك للخير ويصرف عنكِ الشر
والله تعالى أعلى وأعلم