لا احب المذاكرة

[غير مسجل]

لا احب المذاكرة بكرها وبيكون عندى امتحان ومش بعرف اركز واذاكر وبزهق وبضيع الوقت وامتحاناتى قربت وبقعد افكر كتيير هعمل ايه ومش بعمل حاجة وما فيش وقت وانا بذاكر ببطء ومش بلحق اخلص حاجة وفى وقت الامتحانات بيجيلى ضييق واكتئاب :(
كيف احب المذاكرة ؟

[أبويحيى]

رد: لا احب المذاكرة

بارك الله فيك أخي الحبيب

أولا أخي لازم تحتسب النية من المذاكرة .... انت بتذاكر ليه وايه نيتك من الدراسة في الجامعة ( خدمة مسلمين - رضا والدين - سبب للعمل وجلب الرزق مستقبلا - ..... )

ثانيا لازم يكون عندك خطة في المذاكرة : جدول تقسم فيه المواد حسب الايام المتبقية وتسيب وقت للمراجعة قبل الامتحان

ثالثا اعمل لنفسك مكافآت في المذاكرة : مثلا لو ذاكرت ساعة هاقعد على النت نص ساعة او اى شئ تانى ممكن يكون فيه ترفيه مباح ليك بحيث انك تتحفز للتركيز والقعاد على الكتاب للمذاكرة

رابع المذاكرة في البداية هتكون صعبة ولكن بعد فترة هتبدا تتعود عليها فصابر نفسك فى اطالة مدة جلوسك على الكتاب مثلا اول مرة نص ساعة تانى مرة ساعة تالت مرة ساعة ونص

خامسا شوف حد من زملائك تحفزوا بعض فى المذاكرة سواءا بالمذاكرة مع بعض بس بشرط عدم تضييع وقتكم فى الكلام او تلكموا بعد كل يوم بحيث تشوفوا خلصتوا ايه وباقيلكوا ايه وهكذا

وهذا رابط نافع بعنوان
فن المذاكرة (



للشيخ على قاسم

وفقك الله اخي لكل خير