الجن سمعناه وهو بيطلع من اخويا (اسره بتاعتنا ضاعت ) للاسف

[غير مسجل]

السلام عليكم يااساتذتنا


انا واسرتى بالكامل ينتابنا الخوف والقلق بسبب ماحدث ودخل على الاسرة من عالم الجن
من الاخر الاسرة حالها اتلغبط خالص
الحكايه كلها تبدأ من اخى الصغير واد جدع وحلو ومشهور بحب الناس رغم صغر سنه
المهم ان اخويا ده كان ناوى ينتحر ويرمى نفسه فى بحر
والناس نقذوة الحمد لله
اخويا الصغير ده اللى هو اصغر فرد فى الاسرة اخر العنقود كما يصفون
اتصاب ...........
اولا نظره ضعف وركب نضارة
وحاول الانتحار ده غير انه سائق واللى بيسوقه كان دايما يتقلب به فى الفترة الاخيرة والحمد لله ربنا بيستر ومابيكونش فيه مقابل او حد جاى وراه
وبدأ فى شرب السجاير والمخدرات بطريقة لم يستطع ابى او امى او احنا اننا نمنعها عنه المهم ليا واحده قريبتى ولادها كانوا بيعملوا افعال غريبه وجابت ليهم شيخ وحالهم اصبح ممتاز قولنا نشوف الموضوع ده
حضر الشيخ واول اما شاف اخويا تأكد ان فيه جن وعمل معمول له عموما اسرتى اتجمعت وبعض الاقارب والشيخ ووضع سماعه على اذن اخويا وقارىء بيقرأ بصوت جميل جدا قرأن.............
ومسكنا اخويا وكان فيه قوة رهيبه بجد واتكلم واحد غير اخويا بينه وبين الشيخ
انا ماكنتش مؤمن بده بس للاسف اصبحت متأكد انه موجود لانه اصاب الاسره بالكامل
الحديث بقى اللى دار بينهم انه فيه ضرب لاخويا وقعد يقوله اخرج والا احرقتك فبعد ضرب حلو قالوا ايه اللى جابك واصبت فلان فنطق بأسم واحده من اقاربنا انها احضرته بأسم عمل بالموت وضرب اخر كى يطلع منه وطلع الحمد لله

طلع منه ورجع اخويا فعلا شخص تانى واتأسف على اللى عمله وصلى وبقى بيروح الجامع فترة
ثم انقلبت الايه مره اخرى
ورجع الوضع مابقاش طايق الشغل ده غير انه هايدخل الجيش لانه دبلوم والموضوع ده بيقلقوا اكتر ورجع للمخدرات والصياعه وكره المجال اللى هو اصلا بنى مستقبله عليه بنفسه لا اختيار ولا اجبار
عموما رجع العمل له والشيخ شربه لبن وتمر ورقاه بالرقية الشرعيه والراجل ده المره دى امام جامع ومشهور بحب الناس له
انا مش عارف فيه ايه
المهم اخويا الاخر بعد اما زهق من كتر العرض على الاطباء واشعه الرنين المغناطيسى المكلفه الشيخ اللى بيطلع الجن ده شافه وقال انها مخطى على عمل بوقف الحال وبعد اما طلع منه الجنى بعد حديث وضرب الحمد لله فاق ورجع وحس فعلا بتغيير والمرض الحمد لله راح مش كله لكن تحسن ملحوظ واكثر من رائع بعد ان زهق من كتر العرض على الاطباء واشاعات الرنين المغناطيسى وبرضه نفس الشخص هو اللى كان عامل العمل ده
واخويا الكبير فلوسه مش بتبقى فى ايده مشقه الحياه اصبح يساعد بالكثير لينا وللاسره ابى وامى واهمل بيته
والاخ الاخر مازال فى الكليه ومتعدد الرسوب بيكره يروح الامتحانات بعد ان كان من المتفوقين

ارونى وجهة نظركم لو انتم مكانى او تقولوا رساله
بالفعل ابى وامى واخوتى قلنا فوضنا امرنا الى الله لكن حقيقى الخوف والرعب دائم وملازم للاسرة ابويا تعب جدا راجل على المعاش ومازال لم يعرف الراحه وام ايضا كبيرة ومش واخده على الراحه ابدا يفضلوا يشتغلوا وبعد كده يناموا ولو فيه واجب بيروحوا يقدموه ويرجعوا للنوم واحنا واخوتنا فى اشغالنا بنخاف واثر علينا نفسيا والله
اقسم بالله اننا تعبنا
ماذا فعلنا لقريب ده اللى عمل اعمال وحضر جان ليصيبنا
افوض امرى لله ادعولنا ربنا يساعدنا ويحمينا ويرزقنا من حيث لانحتسب ونرجع زى الاول ننافس بعد على النجاح
الحياه اصبحت مكروة المعيشه بالنسبه لى وللباقيين نتمنى الموت كى نرتاح
الاسرة خلاص تعبت والله العظيم
ادعو لينا ولو فيه حل قولوا عليه احنا تعبنا قوى وعمرنا ماذينا حد والله
حسبنا الله ونعم الوكيل ونفوض الامر لله الواحد القهار
وربنا الاسره دى تعبت جدا

[فريق استشارات سرك فى بير(الأخوات)]

رد: الجن سمعناه وهو بيطلع من اخويا (اسره بتاعتنا ضاعت ) للاسف

الحمد لله والصلاة والسلام على رسول الله وعلى آله وصحبه أما بعد:

فنرجو الله لكم الشفاء مما ألم بكم، ثم اعلم يابنى أنه لا بد من أخذ الأسباب لعلاجها، والتي من أولها اللجوء إلى الله عز وجل بالدعاء، وتحري أوقات الإجابة فيه، لأنه سبحانه هو وحده القادر على شفائ اسرتك.
ثم عليكم بالمداومة على أذكار الصباح والمساء، والإكثار من ذكر الله تعالى، وفعل الطاعات من صلاة وصدقة وبر وصلة وغيرها، ولتقبلوا على قراءة كتاب الله تعالى، ففيه الشفاء من الأمراض الظاهرة والباطنة قال سبحانه ( وَنُنَزِّلُ مِنَ الْقُرْآنِ مَا هُوَ شِفَاءٌ وَرَحْمَةٌ لِلْمُؤْمِنِينَ وَلا يَزِيدُ الظَّالِمِينَ إِلَّا خَسَاراً ) (الإسراء:82)
وخاصة سورة البقرة والمعوذات.
ثم اعلم أنه لا حرج في الاستعانة برقية من عرف بالصلاح والورع، ولا تملوا من العلاج بالرقية الشرعية فإنها ستنفع بإذن الله إذا استكملت شروطها وانتفت موانعها ، وذلك لأن الرقية الشرعية هي من جنس الدعاء ، والله تعالى يقول : وَقَالَ رَبُّكُمُ ادْعُونِي أَسْتَجِبْ لَكُمْ (غافر : 60) ، ، ونقترح عليكم الذهاب إلى أهل الاختصاص من الأطباء فربما كان مرض أخاكم عضوياً يحتاج إلى تشخيص وإعطاء العلاج.
والله أعلم.

وإليكم هذه المواد نسأل الله أن تفيدكم :

http://www.youtube.com/watch?v=l7ltjq8dIok


http://www.youtube.com/watch?v=KV146U5_s9A

http://www.youtube.com/watch?v=WbQyU7YlTXo