انـــــــا تـــــعـــــبـــــــــت

[غير مسجل]

السلام عليكم ورحمة الله وبركاته

انا تعبت من كتر التفكير ,,,,,, خطيبي أقل مني في التعليم وانا كل ما اشوف صحباتي بيتخطبوا لمهندسين زينا بقول من جوايا انا كمان كنت استحق مهندس زيي

بس خطيبي ربنا يعلم قدر معذته عندي وربنا يتمملنا علي خير وهو عنده ميزااااااااات كتييييييرة جداااااا صعب الاقيها في حد تاني

بس الموضوع ده كل ما افكر فيه بتخنق بجد وحاسة ان تفكيري ده بيسيء ليه هو

ريحوني بالله عليكم علشاااااااان انا تعبت م الموضوع ده

[فريق استشارات سرك فى بير(الأخوات)]

رد: انـــــــا تـــــعـــــبـــــــــت

وعليكم السلام ورحمة الله وبركاته
أسأل الله لنا ولكِ أختى أن يرضينا به وعنه
وألا يجعل الدنيا أكبر همنا ولا مبلغ علمنا
اللهم آمين

أختى الفاضلة
يقول تعالى { يَا أَيُّهَا النَّاسُ إِنَّا خَلَقْنَاكُمْ مِنْ ذَكَرٍ وَأُنثَى وَجَعَلْنَاكُمْ شُعُوبًا وَقَبَائِلَ لِتَعَارَفُوا إِنَّ أَكْرَمَكُمْ عِنْدَ اللَّهِ أَتْقَاكُمْ إِنَّ اللَّهَ عَلِيمٌ خَبِيرٌ }
فكان التفاضل عند الله عز وجل بالتقوى وليس بأى شيئ آخر

ويقول أيضا {"وَأَنْكِحُوا الْأَيَامَى مِنْكُمْ وَالصَّالِحِينَ مِنْ عِبَادِكُمْ وَإِمَائِكُمْ إِنْ يَكُونُوا فُقَرَاءَ يُغْنِهِمُ اللَّهُ مِنْ فَضْلِهِ وَاللَّهُ وَاسِعٌ عَلِيمٌ" }
فلم يكن الثراء شرطا للزواج بل ان الله ذكر أنه يغنيهم - ان كانوا فقراء - من فضله

و قال رسول الله صلى الله عليه وسلم (( إذا خطب إليكم من ترضون دينه وخلقه ، فزوجوه . إلا تفعلوا تكن فتنة في الأرض وفساد عريض))
الراوي: أبو هريرة المحدث:الألباني - المصدر: صحيح الترمذي - الصفحة أو الرقم: 1084
خلاصة حكم المحدث: حسن صحيح
فجعل النبى - صلى الله عليه وسلم - شرطين للزواج الدين والخلق

فأنصحكِ أختى أن تصرفى عنكِ ذلك الشيطان وتعلمى أن الرجل لا يقيم بكونه مثلك فى التخصص أم لا
طالما تحقق التكافؤ بينكما فعلام الحزن
حتى وان كان ليس بنفس تخصصك فمؤكد هو جامعى
والحياة لا تقاس - صدقينى - بالشهادات
ومن قال أن سعادتك ستكون مع المهندس
وكم رأينا من زيجات كان الرابط فيها هو الدنيا وفشلت
و نجحت زيجات أخر بفضل الله تمت على أساس من الخلق والدين

فانبذى عنكِ تلك الأفكار وتخيلى لو كان هو الآخر يفكر مثلك فمؤكد هذا سيحزنك

ارضِ به طالما رضيتِ منه خلقه ودينه ولا تنظرى لغيرك
بل انشغلى بنعم الله عليكِ واعملى فى شكرها

أسأل الله أن يرضينا ويرضى عنا
اللهم آمين

[غير مسجل]

رد: انـــــــا تـــــعـــــبـــــــــت

السلام عليكم ورحمة الله وبركاته

جزاكم الله خيرااااا

والله انتوا ريحتوا قلبي بكلامكم ده كتييييير

أنا الحمد لله قرأت فتاوي وسمعت كلام كتير للشيوخ بالنسبة للعلاقة بين الخطيبين

والحمد لله اتفقت مع خطيبي إن المكالمات التليفونية تبقي أقل ما يمكن وف نفس الوقت الحمد لله مفيش أي كلام عاطفي ولا يؤدي لحدوث فتنة بيتقال يعني كله كلام عادي اطمئنان معرفة بعض الأشياء وكدة يعني وأوقات ممكن نتكلم ع الفيس فهل ده جائز طالما مفيهوش أي خروج عن الكلام العادي ولا ايه ؟؟؟؟

هو أحسبه علي خير ولا أزكيه علي الله بس أنا نفسي يُقبل علي اللحية وعايزة أفاتحه ف الموضوع ده

يعني قبل كدة اتكلمت معاه بس كان تلميحات مش بشكل مباشر وهو فهم بس قالي إنه لسة مش قدها

بس أنا مش مقتنعة بموضوع أدها ولا مش أدها لأني لما انتقبت كنت شايفة كدة بردو بس الحمد لله النقاب خلاني أتغير للأحسن

قولولي أنا من حقي كخطيبة لسة مش زوجة إني أتكلم معاه ف حاجة زي كدة وف نفس الوقت لو ينفع أفاتحه واقنعه ازااااي

في انتظار ردكم بارك الله فيكم

[فريق استشارات سرك فى بير(الأخوات)]

رد: انـــــــا تـــــعـــــبـــــــــت

أختى الفاضلة
أذكركِ وأنتِ تعلمين هذا أن خطيبك مازال أجنبيا عنكِ
فاقطعى خطوات الشيطان من بدايتها ولا تجعلى له إليكما سبيلا
بل اصبرى حتى يتم العقد ووقتها سيجوز لكِ الكلام كما تحبين
وبالنسبة لأمر اللحية
فيمكنكِ أن تحدثيه عنها وعن وجوبها وتعطيه كتيب أوشريط عن ذلك أثناء زيارته لكم
وطبعا يكون جلوسك معه فى وجود محرم وأنتِ بحجابك الشرعى

http://www.youtube.com/watch?v=2cs0pknU0Qg

وأسأل الله أن ييسر لكِ أمرك ويصب عليكم من الخير صبا

[غير مسجل]

رد: انـــــــا تـــــعـــــبـــــــــت

اللهم آمييييين

جزاكم الله عنا خير الجزاااء

الله اسأل أن يهدينا إلي ما يحبه ويرضاه

اعذروني إني أثقلت عليكم ولكن أنتم لي خير معين بعد الله عز وجل

انا دلوقت فاضلي سنة واتخرج وللأسف لما دخلت هندسة تفكيري مكنش زي دلوقت

يعني انا دلوقت مش حابة اشتغل لما اتخرج لأني عارفة موضوع الاختلاط ده وانا مش حاباه خاااااالص خصوصا بعد المعاناة منه ف الكلية

ولكن أهلي سواء أمي أو أعمامي أو أخوالي كلهم بيقولولي أوعي تفرطي ف شغلك بعد جوازك وبيقولولي مش بعد تعب أمك معاكي السنين دي كلها هتقعدي ف البيت

وأمي بصرااااحة تعبت معايا معنويا وماديا طول الأربع سنين اللي فاتوا ده غير السنة الجاية فمش عارفة اعمل ايه

محتاااارة جداااااا حاسة اني لو قعدت هبقي شيعت كل تعبها ده وف نفس الوقت مش حابة اشتغل

نفسي ادرس علم شرعي وابقي داعية لله ,,,,,,,,,,,,,,, دي أمنيتي وربنا يحققهالي

وخطيبي من جواه نفسي اني مشتغلش وأبقي لبيتي وأولادي بس هو ف نفس الوقت مش قادر يفرض عليا الأمر ده وبيقولي حتي لما نتزوج مش هفرض عليكي تشتغلي ولا لأ وسايبلي مطلق الحرية فيه ,,, بس حاسة اني لو مشتغلتش ده هيفرحه أكثر

قولولي أعمل إيه ؟!!!!!!!!

[فريق استشارات سرك فى بير(الأخوات)]

رد: انـــــــا تـــــعـــــبـــــــــت

أختى الفاضلة
أسأل الله أن يهدى قلبك وينير بصيرتك ويثبتك

نعم الرأى ما رأيتِ أختى فى كراهية الاختلاط
وأسأل الله لكِ الثبات على هذا حتى تلقى الله

وانظرى أختى للحالات التى تعمل فيها المرأة
ضوابط عمل المرأة خارج بيتها

فإذا كانت والدتك تعبت معك كثيرا فى الكلية فليس هذا دافعا لكِ لأن تتعرضى لما لا ترتضيه لنفسك ودينك

فإن رضى الله مقدم على رضى كل أحد
عن عائشة رضي الله عنها قالت: قال رسول الله صلى الله عليه وسلم
" من أرضى الناس بسخط الله سخط الله عليه وأسخط عليه الناس ومن أرضى الله بسخط الناس رضي الله عليه وأرضى عليه الناس " رواه الترمذي .

لكنى أنصحكِ بالتحلى بالحكمة وعدم جرح الوالدة بقرارك هذا
فأنتِ مخطوبة وفى الغالب ستتزوجى بعد الانتهاء من الكلية بإذن الله
أى قبل أن يأتيكِ أى فرصة عمل
وفى الغالب - إن أتتكِ - فرصة عمل حكومية ستأخذ وقت

وعندها ستتمكنى من أن تعتذرى بأعذار كثيرة أهمها أن زوجك لا يريد لكِ العمل وطاعتكِ له واجبة

أى اثبتى على ما ترينه الأرضى لله
لكن لا تعلنى عنه حتى لا تحزنى والدتك وحتى لا تتعرضى لشبهات تذبذبك
وأكثرى من الدعاء فلولا رحمة الله لم يتحقق لنا شيئ مما نريده فى الدين أو الدنيا
وعن معاذ رَضِيَ اللَّهُ عَنْهُ أن رَسُول اللَّهِ صَلَّى اللَّهُ عَلَيْهِ وَسَلَّم أخذ بيده وقال: يا معاذ والله إني لأحبك، ثم أوصيك يا معاذ: لا تدعن في دبر كل صلاة تقول: اللهم أعني على ذكرك وشكرك وحسن عبادتك حديث صحيح رواه أبو داود والنسائي بإسناد صحيح
وإن صدقتِ ستجدى من حسن تدبير الله لكِ ما يجعلكِ تسجدين له شكراً

أسأل الله أن يعينك ويرزقكِ أرضى ما يرضيه عنكِ
اللهم آمين

[غير مسجل]

رد: انـــــــا تـــــعـــــبـــــــــت

السلام عليكم ورحمة الله وبركاته

اللهم آمين يـــا رب ولكم المثل واكثر

جزاكم الله خيراااااا وربنا يريح قلوبكم زي ما بتريحوا قلوبنا

ربنا يرزقكم الفردوس الأعلي