عاقد عليها ولكن

[غير مسجل]

انا باختصار شاب كاتب كتابي
ومن ساعة الخطوبه وانا ملقلق من خطيبتي هي متدينه محترمه
بس اي شئ مش بتعمله اهميه
ولما عقدت عليه حسيت انها راميه نفسها اويي عليا
يعني ساعات بختبرها في حاجات تقولي اللي انت عاوز تعمله اعمله
وبحس انها مش راسيه ولا حتي تقيله
ولما بتكلم معاها في موضوع عادي احس في كلامها وحراكتها اغراء
واحيانا تكون مش قاعده علي بعضها
انا قلتلها انا مش هاجي الا بعد مايحددو الفرح
لان الوساوس دخلت في دماغي وكمان في الفاظ وحروف تصدر منها ليس فيها حياء وادب
واديني بقالي اسبوعين لا بكلمها ولاحتي بروح لهم وبفكر اني انفصل عنها
لاني مش عاوز واحد تديني اي حاجه بسهوله
وكمان عاوزها تكون راسيه وتقيله
انا من طبعي عدم التساهل واي حاجه بعملها حساب لكن خطيبتي للاسف
ليس لها اعتبارات لااخلاقيه ولا حتي للعادات والتقاليد
لكن الظاهر لما تشوفها تقول دي رابعه العدويه 2013
لكن لما خطبتها وبعد كده كتبت كتابي لقيتها واحده عارضه ازياء
وكمان كل حاجه عندها مفيش مشكله
ادعولي ان ربنا يبعتلي واحده تكون مثلي او حتي احسن مني
لاني كنت سافقد الثقه في كل بنات حواء بسبب تصرفات المتساهله

[ضيف]

رد: عاقد عليها ولكن

السلام عليكم ورحمة الله وبركاته وبعد،،،

فمرحبًا بك اخى الفاضل في استشارات سرك فى بير.

لا شك -اخى- أن الفتاة بعد العقد عليها تُصبح زوجة شرعًا للرجل الذي تزوجها، فيجوز له ما يجوز من زوجته ويجوز لها ان تظهر زينتها لزوجها ، إلا أن مسألة الدخول بها أمر ينبغي أن تراعى فيه أحكام العادة، ومن ثم فنصيحتنا لك أن تتقبل هذا التساهل من زوجتك وتحمله على أحسن المحامل، فهى تخشى ان تبتعد عنها ان ضيقت عليك وخاصة بعد العقد فالكل يعلم انها الان زوجتك ويجوز لها ان تظهر فى زينتها امامك فهى تفعل هذا حتى ترضيك ولتسعد انت بذلك فلا يكون جزائها اخى ان تطلقها فليس الامر كما تظن بل هى تريد سعادتك ورضاك وخاصة انك قلت انها ملتزمة



وربما كان هذا التصرف وهو التقليل من الزيارات في هذه الفترة خير لك من حيث لا تشعر، فإن العادة التي عرفناها من كثير من أحوال الفتيات اللاتي يُكثرن من لقاء الزوج في فترة ما قبل الدخول أن هذا النوع من التواصل الدائم والمكثر منه يؤدي إلى نوع من الملل مع طول المدة، فلا يأتي العرس إلا وقد شعر كل واحد منهما بنوع من السآمة من صاحبه، وفي ذلك من الآثار ما لا يخفى عليك في الحياة الزوجية بعد ذلك.

ولذا فإنا نرى - أن لا تنزعج كثيرًا لما يحصل، وحاول أن ترفق بزوجتك وما تريده اخبرها به بهدوء وحكمة حتى لاتوغر صدرها بحزن حيث انها تفعل هذا ارضاءا لك ليس الا



نسأل الله تعالى أن يقدر لك الخير حيث كان, وييسر لكم, ويبارك لك في زوجتك, ويبارك لها فيك, ويرزقكما الذرية الصالحة الطيبة.

[غير مسجل]

رد: عاقد عليها ولكن

هيا صح بعض تصرفاتها غلط
بس انا شايف انها تصرفات بنت عادية بعد العقد
ولازم تقدر هيا قد إيه عفت نفسها عن الحرام وحوشت كل ده ليك
ويمكن عشان انت تقيل وواثق من نفسه وده واضح من كلامك
شايفها مش راسية ولا تقيلة
وبالنسبة لموضوع انك شايفها عارضة أزياء وانها من برة رابعة العدوية زي ماقلت
دا هوا ده المطلوب
المفروض تتشاف من برة ملتزمة زي ماقلت
واما تعقد تبتدي تظهر جمالها وشياكتها واهتمامها بنفسها
بس في حدود بردو
وده اللي بيطلبه كل زوج من زوجته

لو كانت عكس كدة
راسية وتقيلة ومش مهتمة بنفسها كنت هتيجي تشتكي بردو
وتقول عليها معقدة
بصراحة انت غلطان جدا ولسه مش فاهم
الأصل إنه بيت كويس وانها بنت ملتزمة
ليه تدي للشيطان فرصة يدخل بينكم ويوسوسلك
اتقِ الله فيها هيا مبتعملش حاجة حرام