بدون عنوان

[غير مسجل]

السلام عليكم
انا طالبه في كليه الطب منتقبة
من شهر تقريبا تمت خطبتي علي مهندس هو مش ملتزم الالتزام اللي كنت اتمناه هو بفضل الله بيصلي في المسجد واخلاقه رفيعه بس شخص عادي
يوم النظرة الشرعيه كان هو اول شخص يتقدملي واتكلم معاه قبل كدا كنت بسكت خالص لما اقعد واشوف اي عريس متقدم
انما دا انا اتكلمت معاه وقلت كل اللي عاوزاه وان في الخطوبة مفيش تليفونات ولا خروجات ولا اي معاصي في الفترة دي
هقعد معاه بنقابي قلت كل اللي عاوزاه وبعد اما مشي استخرت وكل اما والدي يسالني اقوله مش عارفة شوية وارد
جه يوم استخرت وحصل موقف ساعد ان الموضوع يتم
وتمت الخطوبة المشكلة اني خايفة انا فعلا وكلت ربنا في الموضوع دا
انا خايفة يكون بيسمع كلامي دلوقتي وبعد كدا يمل مني ومن طلباتي
بس انا كنت عاوزة شخص هو اللي يطلب مني كدا مش انا اللي اطلب منه
قبل ما هو يتقدم لي اتقدم شخص تاني كان ملتزم بس سبحان الله محصلش نصيب
وقبل الخطوبة الرسمية اتقدم لي اشخاص ملتزمة زي ما كنت بتمني بس كان خلاص والدي وافق ووصلهم الرد
اعمل معاه ايه؟ انا عاوزة اعقد القران بس خايفة
انا مش عاوزة اظلمه معايا
هو ممكن اساعده انه يقرب لربنا ؟هو عنده قابليه للموضوع ده
انصحوني اعمل ايه؟
يا رب اكون وصلت اللي عاوزاة
جزاكم الله خيرا

[فريق استشارات سرك فى بير(الأخوات)]

رد: بدون عنوان

وعليكم السلام ورحمة الله وبركاته
الحمد لله والصلاة والسلام على رسول الله صلى الله عليه وسلم
أهلا ومرحبا بكِ أختى الفاضلة ونسأل الله سبحانه أن يجعله زوجا صالحا مطيعا لله سبحانه .. اللهم آمين

قال صلى الله عليه وسلم (( إذا جاءكم من ترضون دينه وخلقه فزوجوه ))
إن أرتضيم دينه وخلقه فالحمد لله
والحمد لله أنكم استخرتم وبعد الإستخارة تيسر الموضوع

فلعله خير بإذن الله ولا يوجد إنسان كامل ياأختى
لا تفكرى فيمن تقّدم لكِ قبله أو من كان سيتقدّم لكِ بعده فلعل هذا أفضلهم أختاره الله لكِ

أطيلوا فترة الخطوبة نوعا ما وبمرور الوقت إن شاء الله سيتبيّن لكِ مدى إلتزامه وأجّلى عقد الزواج حتى تطمأنى إليه تماما

ولعلكِ تكونى سببا إن شاء الله فى التزامه أكثر
نسأل الله سبحانه أن يهدينا وإياكم لما يحب سبحانه ويرضى