أريد المساعدة

[غير مسجل]

السلام عليكمورحمة الله وبركاته
أنا متضايقة جدا وقلت اكتب هنا يمكن تساعدوني لأن بحب المنتدى جدا
ممكن لما تقروا كلامي تقولوا ده مش مشكلة بس الموضوع ده شاغلني جدا
المهم انا أعمل محفظة قران وصدقا نفسي أكون سبب إن الناس تحفظ القران بطريقة صحيحة ابتغاء الاجر من الله
المهم لما روحت التحفيظ من مدة حدث بيني وبين معلمة أخرى مشكلة ما فهي ضايقتني بفعل ما ورفعت صوتي عليها شوية
لم أقصد أن ارفع صوتي عليها والله ولكن هي نرفزتني فانفعلت وصوتي علي غصب عني المهم الاخت شكت لزوجها وزوجها أخبر الشيخ مشرف التحفيظ فعاتبني وطلب مني أن أحسن علاقتي بها
انا تضايقت من فعلها لانها ادخلت المشرف في الموضوع وهم لاموني على رد فعلي ولم يفكروا رد فعلي كان نتيجة ايه
هذا الموضوع جعلني اتضايق من نفسي وفكرت في ترك المكان بس مينفعش لان مفيش حد غيري وهما محتاجين معلمات
فكرت ان اجلس في البيت واترك مخالطة الناس فهذا افضل لقلبي وبعدا عن المشاكل
وهناك امر اخر ان المجموعة اللي بتحفظ معي هما بنات لا يتجاوز عمرمهم اربعة عشر عام حفظهم مش عاجبني خالص
لما باروح البيت باحس بالمسؤلية تجاههم حاسة اني باتعب معهم ومفيش نتيجة كويسة
معلمتي طلبت مني ان احفظخهم بالتجويد وبيتعبوني جدا مش عايزين كده
التحفيظ ده عبارة عن دورة ست ساعات حاسة ان الموضوع ثقيل جدا على نفسي ونفسي اتركه بس مينفعش اسيبه خالص زي ما قلت قبل كده
مشكلتي اني مبعرفش اطنش يعني بحب الحفظ يكون متقن
انا في ضغط جدا بسبب الموضوع ده وملقتش حد افضفضله غير هنا يا ريت تقولوا لي نصائح تهدوني بها
وانا في البيت بافضل افكر اعمل معهم ايه والبنت دي احفظها ازاي فده يسبب لي ضغط نفسي لما اروح البيت انسى التحفيظ مش عارفة
على فكرة دي مش اول مرة اشارك في الموضوع ده لا انا شاركت قبل كده وعندي خبرة بس مش عارفة السنة دي حاسة اني تايهة ومش عارفة اعمل ايه
انا أسفة جدا لأني طولت عليكم
أرجوكم ردوا عليا لان عندي امتحانات في معهد شرعي ونفسي بالي يرتاح علشان اذاكر واسمع دروس المعهد

[فريق استشارات سرك فى بير(الأخوات)]

رد: أريد المساعدة

عليكم السلام ورحمة الله وبركاته

حياكِ الله أختنا الكريمة .

نسأل الله تعالى أن يجعلكِ من الحفظة الكرام البررة ، وأن يجعل لكِ القرآن نوراً وبرهانا وسراجاً .

أسمعي أختنا ، المهمة اللي بتقومي بيها دي مهمة عظيمة جداً وكبيرة جداً في خدمة دين الله تعالى .

نعم أختنا أنتي ربنا أختارك تقومي بالمهمة العظيمة دي ، لان كلام ربنا هو المنهج اللي بتمشي عليه الحياة كلها ، فما بالك لما حد يحفظ المنهج ده ويسير على اسسه الصحيحة ، أكيد هيفيد الدين بصورة جيدة جداً ، وهيكون من المجاهدين بعلمهم في سبيل الله .

فتخيلي لما أنتي تكوني السبب في الموضوع ده ، لان ربنا أختاركِ وجعلكِ سبب في تحفيظ البنات دي القرآن .

تخيلي بئا أنتي كدة بتخدمي الدين أد أيه .

ده في الدنيا ، ما بالكِ بالأخرة ، أنتي أكيد عارفة مثوبة حافظ كتاب الله ، وأيضاص مثوبة مُحفِّظ كتاب الله .

اللي أنتي بتمري بيه دلوئتي ده يا أختنا هو من عمل الشيطان أعاذنا الله وأياكِ منه .

بيحاول يهدم الدين من خلالكِ ، نعم ، فكما أتفقنا أنه بتحفيظك القرآن للفتيات بتكوني بتخدمي الدين وبتُقيمي الدين على المنهج الصحيح ، فبناءاً عليه إن توقفتي عن هذه المهمة ستُمكني هذا الشيطان اللعين من محاولة هدم الدين .

الشيطان بيحاول يزهقكِ في العمل ده ، وبيخنقكِ منه ، وبيعمل كدة مع غيرك وغيركِ أختي ، فيه ناس همتهم ضعيفة ووقعوا بسرعة وتخلوا عن مهمتهم دي ، وناس حاربوا وتمسكوا وصمدوا أمام كل خطوات الشيطان اللعين في هدم الدين .
حتى ضعف همة البنات معاكِ في التسميع هو من عمل الشيطان ، أولاً لكي يجعلكِ تملين وتتضايقين مثلما حدث معكِ بالفعل ، وثانياً لأنه يكره أن تحفظ الفتيات القرآن .

فلا تكوني ممن يؤتى الدين من قِبَلِهم أختنا .

أصبري وثابري ، وكلما خانتكِ نفسكِ وركنت إلى التقاعس وبخيها ، وذكريها أنها في هذه الدنيا لهذه المهمة فقط ، ويجب أن تؤديها على أكمل وجه .

وأن الأجر الذي ستنالينه من الله يستحق هذه المشقة وأكثر .

فأنتِ الأن في جهاد يا أختنا ، ويجب أن تنتصري فيه بكل الطرق .

وأدعي دائماً لهؤلاء الفتيات أن ربنا يرزقهم حفظ كتاب الله .

وأقعدي وتحدثي معهم بكل صدق وصراحة ان اسلوبهم في الحفظ لا يعجبك ، وعرفيهم الهمة العظيمة اللي هما مُكلفين بيها .

أهم شيء هو ألا تملِّي مهما طال الوقت .

أسأل الله تعالى أن يأجركِ على ما تقومين به .