الله المستعان(الوسواس القهري)

[غير مسجل]

السلام عليكم و رحمة الله و بركاته
انا بعانى من السواس القهرى(الخوف من المرض) بقالى فتره كنت كل ما اتعب اى تعب افكر انه حاجه و حشه
و بمجرد ما التعب كان يروح كنت انسى
لحد من 5 شهور الموضوع زاد عندى اووووى من كتر ما اللى حوليا بقوا بيتكلموا عن المرض الوحش بقيت بخاف منه اوى لدرجة انى من 5 شهور جالى تعب ف معدتى و فضلت افكر ف الموضوع ده و تعبت اوى و مريت بحاله وحشه جداااا جدا ربنا ما يرجعها عليا تانى ولا يوريها لحد ومات عمى من 5 شهور ايام ما كنت تعبانه و من ساعتها نظرتى للدينا اتغيرت بقيت بفكر ف الموت و المرض جدا بشكل مرضى و بخاف منهم جدا
كنت الاول لما اسمع ان حد مات كان الموضوع بيكون عادى اما من ساعه ما عمى توفى و انا بقى كل تفكيرى ف الموت رغم انى مكنتش متعلقه بيه اوى او حاجه
عارفه ان كل حاجه بايد ربنا و عارفه ان الموت ممكن يجى للانسان ف اى وقت بس نفسى اتخلص من اللى انا فيه ده ابقى انسانه طبيبعه زى كل الناس بزعل اوى لما حد يعرف بحالى و يعرف انى بخاف و يقولى انتى اللى تخافى؟؟ عشان باصين ليا انى ملتزمه و منتقبه و بزعل من نفسى اوى لما بشوف ناس عاديه جدا عندها رضا من جواها و مش شايلين هم بكره بزعل من نفسى
مع ان ربنا من عليا بنعم كتير اوى برغم معاصى كنت بعملها كتير و الحمد لله قدرت ابعد عن حاجات كتير غلط كنت يعملها
و مش عارفه الخوف اللى عندى ده ضعف ايمان ولا ابتلاء
حتى لما بقرأ ان ربنا لما بيحب عبد بيبتليه بخاف ربنا يبتلينى بحاجه مصبرش عليها و ادخل تحت سخط ربنا
تعبانه اوى بقالى فتره بجد و الله و بدعى ربنا بس حاسه انى مذبذبه مش عارفه مكانى عند ربنا فين بقيت نايمه قايمه ع الخوف من بكرررررررررررره اللى انا عارفه اصلا انه بتاع ربنا و بس
حتى بقيت بخاف افقد امى
ربنا كريم معايا اوى و ادانى حاجات كتير مكنتش احلم بيها بس التقصير عندى انا معنديش حتة حسن الظن دى حتى ف تعاملاتى مع الناس
بالله عليكوا قبل ما تردو عليا بحل ادعولى بظهر الغيب ربنا يهديلى نفسى

[فريق استشارات سرك فى بير(الأخوات)]

رد: الله المستعان(الوسواس القهري)

وعليكم السلام ورحمة الله وبركاته
الحمد لله والصلاة والسلام على رسول الله صلى الله عليه وسلم
أهلا ومرحبا بكِ أختى الفاضلة ويسعدنا ويسرنا تواصلكم معنا فى أى وقت وفى أى موضوع ونسل الله تبارك وتعالى أن يذهب عنكِ ما أهمّك وأغمك وأن يشفيكِ شفاء لا يغادر سقما ... اللهم آمين

أختى الفاضلة ما شاء الله عليكِ ملتزمة ومنتقبة ونحسبك على خير وحسيبكِ الله لا تدعى هذا الخوف الزائد يسيطر عليكِ وانظرى إلى ما آل إليه حالك بسبب هذا الخوف الغير طبيعى
فقد تسبب لإصابتك بأمراض كنتِ فى غنى عنها لو علّقتِ قلبك بالله وتوكلتِ عليه حق التوكل

وعلاج الخوف والقلق هو الاعتماد على الله، والثقة به، والتوكل عليه، والجزم الكامل بأن الأمور كلها بيده، وأنه ما شاء الله كان، وما لم يشأ لم يكن. وأنه سبحانه أحق من ذكر، وأحق من عبد، وأنصر من ابتغي، وأرأف من ملك، وأجود من سئل، وأوسع من أعطى. وتوجد بعض الأذكار والتعوذات المفيدة في تحصين المرء نفسه من جميع المؤذيات. قال الوليد بن الوليد: يا رسول الله إني أجد وحشة، قال: فإذا أخذت مضجعك فقل: أعوذ بكلمات الله التامات من غضبه وعقابه وشر عباده، ومن همزات الشياطين، وأن يحضرون، فإنه لا يضرك وبالحري لا يقربك. رواه أحمد.


أختى الفاضلة .... الخوف والوسواس أيًّا كان نوعه يعالج بتحقير فكرة الوسواس نفسها، وبالنسبة للخوف من الموت فلا شك أن الموت حق، وأن الخوف منه لا يزيد من العمر ولا ينقصه ثانية واحدة، ولكن على الإنسان أن يطلب من الله تعالى أن يختم له بخير وأن يلطف به في دنياه وآخرته.

وهذا النوع من الخوفقد يكون خوف مرضي، لذا دائمًا حاولي أن تقاوميه، حاولي أن تخضعي تفكيرك للمنطق (ما الذي يجعلني أخاف؟ ما الذي يجعلني أوسوس)

وسلي الله تعالى دائمًا عيشة هنية وميتة سوية، وأنا على ثقة كاملة أنك إن شاء الله قوية الإيمان وأنك متوكلة، وهذا لا شك أنه يدفع هذا الفكر الوسواسي بإذن الله تعالى، وقد قال تعالى: {قُل لَّن يُصِيبَنَا إِلاَّ مَا كَتَبَ اللّهُ لَنَا هُوَ مَوْلاَنَا وَعَلَى اللّهِ فَلْيَتَوَكَّلِ الْمُؤْمِنُونَ}

فلا تخافى أختنا وكلى أمرك لله وسليه سبحانه أن يدبّر أمركِ فسبحانه يحسن التدبير
وننصحك أن تشغلى نفسك بما يرضى الله حتى لا تأتيكِ هذه الوساوس كما أنه ينبغى عليكِ أن تتعلمى علوم شرعية تقوى بها عقيدتك

اذهبى إلى دروس العلم فبها تنشرح الصدور وتطمئن القلوب وتستريح النفوس ولما لا وهى ذكر لله

ثم صاحبى الصالحات ممن يعينوكِ على طاعة الله
وانظرى إلى هذا الموضوع لعله يفيدك

الخــــوف
وختاما عليكِ بالصلاة فى أول وقتها والمحافظة على الوضوء قدر المستطاع ولا تهجرى كتاب الله بل أقبلى عليه حفظا وتلاوة

وإن رأيتِ أن موضوع الخوف عندك زاد عن حده فتابعى مع طبيب حتى تزول هذه الأعراض
ونسأل الله سبحانه أن يعافيكِ ويشفيكِ من كل داء
اللهم آميييين
فى رعاية الله ...