إعـــــــلان

تقليص
لا يوجد إعلان حتى الآن.

هل الالتزام صعب؟

تقليص
X
  •  
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • هل الالتزام صعب؟

    هل الالتزام صعب ؟
    هل طريق ربنا صعب ؟
    هل الالتزام بسنه الحبيب المصطفى عليه افضل الصلاه والسلام صعب ؟
    وخصوصا فى هذه الايام

    اتمنى انكم تدوا للسؤال اهميه
    وانى الجواب يكون بسرعه لاانى الاسئله دى معبره جدا عن حالتى وعما افكر فيه

  • #2
    رد: هل الالتزام صعب؟

    عليكم السلام ورحمة الله وبركاته

    حياك الله أبننا الفاضل .

    شوف يا أبني ، عمر طريق ربنا ما كان صعب ، طريق ربنا هو الطريق الوحيد اللي المشي فيه سهل جدا ً .

    والألتزام من أسهل ما يكون ، كل ما عليك هو ترك الذنب والتوبة ز

    لكن اللي صعب فعلا وقليل اللي بيقدروا يتحملوه هو الثبات .

    نعم يا بُني الثبات ، الثبات على الألتزام هو اللي صعب ، الثبات عى المشي في طريق ربنا هو اللي صعب .

    الراجل بجد هو بس اللي بيقدر يتخطى الصعاب دي ويكمل .

    متفتكرش ان الانسان اللي بيمشي بيمشي في طريق ربنا بيبقى خلاص الطريق ميسر وممهد امامه .

    لا ، دا لازم تقابله عقبات ، وكل ما يتقدم اكتر العقبات تزيد اكتر واكتر .

    ولا أنت فاكر ان الانسان مجرد ما يتوب ويلتزم خلاص الشيطان هيسيبه في حاله ؟

    لا يا ابني ، الشيطان اعذنا الله واياك منه ، بيروح يغوي الانسان الملتزم التائب ، مش بيغوي العاصي .

    لان العاصي هو خلاص من ضمن فريقه فمش محتاج يتعب نفسه معاه .

    انما بيحاول ويحاول مع الملتزم يمكن يقدر يضمه لفريق العاصيين .

    والمحاولات دي بتكون صعبة وشاقة جداً على الانسان الملتزم . لكن على قدر احتماله وتمسكه بدينه ستكون المثوبة من الله جل وعلا .

    ولا يستطيع الصبر على هذه العقبات سوى الرجل حقاً كما ذكرت لك سابقاً .

    الانسان بنفسه هو اللي يقرر هيكون على قدر هذه المكانة العظيمة التي وهبه الله اياها ام لا .

    مكانة التائبين العائدين الأوابين .

    يقول رسولنا الكريم ( صلى الله عليه وسلم ) :

    " يأتي على الناسِ زمانٌ ، الصابرُ فيهِم على دينِه ، كالقابضِ على الجَمْرِ

    الراوي: أنس بن مالك المحدث:الألباني - المصدر: صحيح الجامع - الصفحة أو الرقم: 8002
    خلاصة حكم المحدث: صحيح " .

    وهذا من شدة العقبات التي يواجهونها في طريقهم الى الله جل وعلا .

    وفقكم الله وثبتكم على طاعته ومراضاته ياارب .

    زائرنا الكريم نحن معك بقلوبنا
    كلنا آذان صاغيه لشكواك ونرحب بك دائما
    في
    :

    جباال من الحسنات في انتظارك





    تعليق


    • #3
      رد: هل الالتزام صعب؟

      طاب ياريت نصائح للثبات
      علما بانى لا زلت فى بدايه الطريق

      تعليق


      • #4
        رد: هل الالتزام صعب؟

        جزاكم الله خيرا ياامى
        كلام حضرتك جمييل اوى

        تعليق


        • #5
          رد: هل الالتزام صعب؟

          المشاركة الأصلية بواسطة &&العائد الى الله&& مشاهدة المشاركة
          طاب ياريت نصائح للثبات
          علما بانى لا زلت فى بدايه الطريق
          أفضل طريقة للثبات يا أبني أن حب ربنا يملأ قلبك .

          لو حب ربنا ملأ قلبك هتجري جري في طريق عبادته وطاعته ، لأنك بتجري عشان توصل للي بتحبه ، بتطيعه عشان تكون قريب منه لأنك بتحبه .

          الشيطان بيقدر يُغوي أي أنسان ، إلا الأنسان اللي حب ربنا ملأ قلبه .

          لأن مش بيبقى في مجال أصلا لغواية الشيطان .

          حب ربنا يا ابني .. حبه بجد .. أقرأ كثيراً عن أفضاله علينا وعن الخير اللي عنده لعباده الصالحين ، وعن محبته ورحمته لعباده .

          وقتها هتعرف أد أيه هو أحق بالحب .

          ووقتها فقط لن تحتاج لطرق للثبات على الطاعة ، لأنها ستكون وقتها جزء لا يتجزأ من علاقتك به جل وعلا .

          ومن الأمور اللي تملأ نفسك أكثر وأكثر بمحبة الله هي الصحبة الصالحة ، فهي لن تنفك أبداً عن ذكر الله أمامك وعن فضائله ، مما سيجعل لمحبته في قلبك طريقاً سهلاً ممهداً .

          نسأل الله لكم ولنا محبته وحسن عبادته كما يحب ويرضى والثبات على طاعته .

          وفقكم الله أبننا الفاضل .

          زائرنا الكريم نحن معك بقلوبنا
          كلنا آذان صاغيه لشكواك ونرحب بك دائما
          في
          :

          جباال من الحسنات في انتظارك





          تعليق


          • #6
            رد: هل الالتزام صعب؟

            المشاركة الأصلية بواسطة غير مسجل مشاهدة المشاركة
            جزاكم الله خيرا ياامى
            كلام حضرتك جمييل اوى
            وجزاكم الله الفردوس الاعلى برفقة رسولنا الكريم أبني / أبنتي .

            زائرنا الكريم نحن معك بقلوبنا
            كلنا آذان صاغيه لشكواك ونرحب بك دائما
            في
            :

            جباال من الحسنات في انتظارك





            تعليق

            المحتوى السابق تم حفظه تلقائيا. استعادة أو إلغاء.
            حفظ-تلقائي
            x
            إدراج: مصغرة صغير متوسط كبير الحجم الكامل إزالة  
            x
            أو نوع الملف مسموح به: jpg, jpeg, png, gif
            x
            x
            يعمل...
            X