الدعوة إلي إلله

[غير مسجل]

السلام عليكم ورحمة الله وبركاته
كيف حالكم يا نجوما سطعت وتلألأت نعم والله العاملين في هذا المنتدي الطيب نجوما تري بين السماء مضيئة بارك الله فيكم ونفع بكم وزادكم.
أنا في الأكاديمية وأقنعت جماعة صحابي إن احنا حنبتدي دعوة إلي الله ونرجع صحابنا بس مواجهانا شوية عقبات وهي إن أي نشاط ديني أو سياسي في الأكاديمية ممنوع بس احنا حنشتغل دعوة فردية بإذن الله الفكرة بقا إن أنا فكري سلفي أقرب للدعوة السلفية وماشي علي نهج الشيخ حازم شومان اللي بسمع كل خطبه وبحبه أكثر من أي حد إلا أبي وأمي في الأحياء طبعا (بس في خطبة ما لقيتهاش هنا في المنتدي خطبة مش مكسوف اللي الشيخ كان بيكلمكم وبيمدحكم فيها ما علينا ده مش موضوعنا) المهم في واحد تاني اتعرفت بيه ماشي علي نهج حبيابنا الإخوان المسلمين أنا مابتكلمش علي حد وعلي فكرة أنا ماشي مع السلفيين وفاكرني إخوان وفي نفس الوقت ماشي مع الإخوان وفاكرني سلفي واعرف ناس من هنا ومن هنا قيادات وناس عالية وبجب الاتنين صاحبي ده بحسه عاوز يكون هو القائد ودي مش مشكلة المشكلة إنه بيقولي عاوزين نعمل أسرة تبع رسالة قولتله تمام بس مش حوقف حوار الدعوة الفردية ده قالي يد الله مع الجماعة قومت قولتله أنا حشتغل في الموضوعين في نفس الوقت .العبدلله وبفضل الله ليه أسلوب مؤثر بمعني ان ناس كتير بيحبوني رغم ذنوبي والله وأنا بحس صاحبي التاني ده بيستغلني أصل هو قالي أنا وأنت بس من نحيتنا حتكون دعوة أما باقي اللي معانا حتكون خير بالنسبالهم عادي أنا عاوز منكم حاجتين تنصحوني أتعامل معاه ازاي واشتغل ازاي .
وتنصحوني عن الدعوة إلي الله أزاي بكامل أساليبها وحاجتها وياريت الرد سريعا ..آسف جدا علي الإطالة وجزاكم الله خيرا

[فريق استشارات سرك فى بير(الأخوات)]

رد: الدعوة إلي إلله

السلام عليكم ورحمة الله وبركااااااته
------------
حياكم الله وبياكم وجعل ربى الجنة مثوانا ومثواكم
وأهلاً ومرحباً بكم معنا فى بيتنا الثانى (( منتدى الطريق إلى الله))
http://www.youtube.com/watch?v=4BX0yuMIne4
اعلم أخينا الفاضل -حفظكم الله- أن أعظم الأعمال قاطبةً أن تعيش خادماً لهذا الدين ،، فالدعوة هى وظيفة الأنبياء والرسل وما أعظمها من وظيفة ومن رسالة أن نعيش الحياة خادمين لدين الله تعالى،
وأن خيرة هذه الأمة كانت ومازالت بالدعوة
قال تعالى: (( كُنْتُمْ خَيْرَ أُمَّةٍ أُخْرِجَتْ لِلنَّاسِ تَأْمُرُونَ بِالْمَعْرُوفِ وَتَنْهَوْنَ عَنِ الْمُنكَرِ وَتُؤْمِنُونَ بِاللَّهِ))
لذا فعليكم ألا تدخروا جهداً فى وسعكم إلا وقد بذلتموه فى خدمة هذا الدين ، ولا شك أنكم على ثغر عظيم فاستعينوا بالله وجددوا نواياكم وتوكلوا عليه يذلل لكم كل الصعاب، واعلم أنك الجماعة ولو كنت وحدك بإستعانتك بالله وإخلاصك وتجديد نيتك بإستمرار
وقد أمرنا نبينا -صلى الله عليه وسلم -بالدعوة فقال:((بلغوا عنى ولو آية))
((بلغوا------تكليف* عـنى------تشريف*ولو آية-------تخفيف))
فنسأل الله الكريم أن يستخدمنا وإياكم وهو عنا راضٍ ولا يستبدلنا
وهذه مجموعة هدايــــــا عن فضل الدعوة لشيخنا وشيخكم المفضل
الدكتور / حازم شومان -حفظه الله-
http://www.youtube.com/watch?v=fsIe_rsdOvw

http://www.youtube.com/watch?v=rCISUfWW3qI
-----------------------------------

أما عن المنهج ،، فنريد أن نسألكم سؤالا ما معنى سلفى المنهج؟
السلفية هى قرآن وسنة بفهم سلف الأمة ،،إذا من المهم جدا أن توضحوا منهجكم وتفخروا به فأنتم تسيرون على هدى النبى -صلى الله عليه وسلم - وأصحابه الكرام.
-----------------------------------
إن الدعوة الفردية لها كبير الآثر ولكن وجود الأسر تيسر عليكم الكثير كسهولة الحصول على تصريح مثلا بندوة لأحد المشايخ وهكذا ولا تكفوا عن الدعوة الفردية ومن صورها:
* توزيع الأسطوانات الدعوية والمطويات والكتيبات
* التحدث مع الشباب بأسلوب طيب فماكان الرفق فى شىء إلا زانه
* القرب من الشباب ومصحابتهم
*إعطاء كلمة على سبيل المثال فى مسجد الكلية بعد الصلاة عن التوبة والصلاة
* النشر عن معسكرات الشيخ/ حازم وستجدوا جديد المعسكرات أولا بأول هنا ع المنتدى والموقع فهذه المعسكرات يكون لها أثر طيب بفضل الله على الشباب فيشعرون أن الإلتزام ليس صعب او اكتئاب وحزن بل إن ديننا نهانا عن ذلك
نسعد بتواصلكم معنا وننتظر استفساراتكم دوما -إن شاء الله تعالى-
بوركتم
ب.ا