مجرد فضفضة

[فضفضة&]

السلام عليكم ورحمة الله وبركاته
مشكلتي لا تعتبر مشكلة ولكن من باب الفضفضة
تعرفت على شخص منذ 5 سنوات الى الان
بحبه جدا وبيحبني جدا الحمد لله
واتفقنا على الزواج الحمد لله والبيت عندي يعرف كده
وهو كان بيحافظ عليا يعني مكناش مقضينها خروج وفسح وكده الحمد لله
ولكن الى الان لم يقدر الله ذلك بسبب انه لسه شاب وكده والزواج تكاليفه لا تخفى عليكم
المهم بمرور الوقت بدأنا نقرب من ربنا اكتر
وعرفنا ان كلامنا حرام وبالفعل مش بنتكلم بقالنا مدة كبيرة الحمد لله
(نسيت اقول اني انتقبت الحمد لله ...وهو قرب من ربنا اكتر الحمد لله .هو افضل مني التزاما من البداية يعني هو سبب من اسباب التزامي ولبسي الاسدال ثم تطلعي وحبي وبحثي للنقاب .. كل واحد منا قرب لربنا اكتر وعرف عن الدين اكتر واكتر)
المهم في اليوم اللي اتفقنا اننا خلاص مش هنتكلم تاني فيه
ذكرته وذكرني بوعودنا اننا ان شاء الله هننتظر بعض واني فعلا مش هعد مع حد ولا هشوف حد لو اتقدملي
المهم
انا مش زعلانة اننا مش بنتكلم
لا مش هكدب واقول مش زعلانة
انا زعلانة بس فرحانة برده ان ربنا وفقنا لكده عشان نرضيه
فأنا متأكده ان ربنا لن يضيعنا ان شاء الله
...........
امبارح (وحده شفتها بدرس علم بحضره ديما وكانت خدت رقمي)
لقيت رقم بيتصل بيا فرديت المهم طلعت اخت زميلتي دي وقالتلي ان اختها مدحت فيا ادامها وكده وهي صحبتها بتدور لاخوها على عريس وكده وهو ماشاء الله ع قدر من الالتزام وحامل لكتاب الله وملتحي
لو كنت بتكلم لوحدي كنت هقولها لا بس كنت بتكلم في الصاله وماما سمعاني واخويا
المهم بعد ما قفلت ماما بتقولي مين دي
فقلتلها كذا كذا ومنتظره مني رد بكرة
المهم امبارح متكلمتش مع ماما في حاجة
اليوم بقى
ودلوقتي تحديدا قبل ما اكتب
بتقولي ها؟؟
قلتلها خليني اتكلم معاكي بصراحه
مش معنى اني مش بكلم..... اني مش بحبه ومش عيزاه.. انا بتمنى كل الصفات الحلوة اللي بتمناها تبقى فيه يا ماما ويبقى هو ابو عيالي
ووانا بصراحه رافضة اللي جاي ده وعارفه نفسي حتى لو شفته مش هرتاح لاني مش عايزة غير..... وانتي عارفه
المهم اعدت تزعق شوية
وبعدين قلتلها حطي نفسك مكاني يا ماما لما تبقي بتحبي حد بتتمني يبقى زوجك وابو اولادك
اتعصبت وقالتلي خلاص يبقى منفتحش باب لاي حد يجي بعد كده واي حد يسألك قولي انك مخطوبة
قلتلها يعني اقولها ايه بكرة
قالتلي قوليلها اننا رفضنا بقى وخلاص ( كلامها ده وهي متعصبة)
قلتلها حاضر
وده اللي هيحصل فعلا بكرة؟؟
.............
الله المستعان
بالله عليكم ادعولي وادعوله ربنا يعفنا ببعض ويوسع رزقه ويجعلنا الخير لبعض ويجمعنا على خير عاجلا غير اجلا
......اسفه لازعاجكم

[فريق استشارات سرك فى بير(الأخوات)]

رد: مجرد فضفضة

وعليكم السلام ورحمة الله وبركاته
الحمد لله والصلاة والسلام على رسول الله صلى الله عليه وسلم
أهلا ومرحبا بكِ أختى الفاضلة ونسعد بفضفضتك معنا ونسأل الله تبارك وتعالى أن يهديكِ لما يحب سبحانه ويرضى
أختى الفاضلة ننصحك أن تتفكرى جيدا فى حالك
هذا الشاب الذى تعلّق قلبكِ به لا نضمن أختنا أنه سينتظرك أو أنكِ أصلا زوجته

أختى كل شيء بقدر
الله سبحانه وتعالى يعلم من ستتزوجين ويعلم سبحانه بمن سيتزوج هذا الشاب

فالذى ننصحك به أن تستخيرى الله قبل رفض لأى خاطب يتقدم لكِ فلعل هذا الذى تنتظريه وينتظرك لا هو نصيبك ولا أنتى نصيبه ويمكن كذلك ان يكون ما تحبى

إن لم تكونى قد رفضتى هذا الشاب الحامل لكتاب الله المتّبع لهدى رسول الله صلى الله عليه وسلم فاستخيرى الله
امهلى نفسك واستخيرى الله

وإن أبيتِ فليكن من هذا الشاب أن يتقدّم لخطبتك أمام أهلك وتعلم الدنيا أنكِ قد خُطبتى إليه وتوخّروا الزواج إلى وقت ما يتيسر له فهذا نراه أفضل لكِ ياأختنا
بارك الله فيكِ ورزقكِ الزوج الصالح وجميع بنات المسلمين

[فضفضة&]

رد: مجرد فضفضة

الله المستعان
هو جه البيت واهلي شافوه وحصل قبول ولكن لم يتم اتخاذ اي خطوة لظروف حصلت
نسيت اقولي اني لسه بالدراسة وهو سافر بره
تفتكري ممكن ف يوم مش يكون من نصيبي ولا اكون من نصيبه؟؟؟
يا الله مش متخيله كده
الله المستعان
لا اله الا الله
سأنتظره فقد اقترب الوقت وسأعلم نصيبي ام لا
بالله تدعولي يكون من نصيبي واكون من نصيبه لاني نفسي فيه هو بالذات وهو كذلك نفسه فيا انا بالذات
انا مكلمتش الاخت دي النهرده رنيت عليها عشان ابلغها ردي بالرفض مردتش على الموبايل وبعتت رسالة قالت هتتصل بيا بكرة

[فضفضة&]

رد: مجرد فضفضة

لا اله الا انت سبحانك اني كنت من الظالمين
اللهم اخترلي ودبرلي ياااااااااااااااااااااااااااارب

[فضفضة&]

رد: مجرد فضفضة

الله المستعاااااااااااااااااااان
انا مخنوووووووووووووووقة اوووووووووووووي وتعبااااااااااااااااااانة اووووووووووووووووووي
يااااااااااااااااااااااااااااااااااارب

[فضفضة&]

رد: مجرد فضفضة

انا رديت عليها امبارح بالرفض
راحت خنقتي بفضل الله والان افضل بكثيييييييير من قبل الحمد لله
يوما ما سأبشركم هنا بعودته وزواجنا ان شاء الله تعالى
فأسألكم الدعاء لنا بان يجمع الله بيننا على خير ويجعلنا خير ازواج لبعضنا ان كان ذلك خيرا وان كان شرا يكتب بنا الخير ويجمعنا مع بعض
اسفه لازعاجكم
كنت فعلا وقت ما كتبت كنت مخنوقة ومتضايقة لدرجة اني كنت ببكي
لكن خلاص بفضل الله والحمد لله راحت خنقتي
ارجو اظهار مشاركتي السابقة وهذه ايضا

[فريق استشارات سرك فى بير(الأخوات)]

رد: مجرد فضفضة

نسأل الله سبحانه ان يسعد قلبك وأن يقر عينك بما يرضيه سبحانه
ودوما ادعوا الله ان يقدّر لكِ الخير وأن يرزقكِ الرضا به
وتقرّبى إلى الله بفعل مزيد من الطاعات والقربات
ونسأل الله سبحانه أن يحفظنا وإياكِ من الفتن ما ظهر منا وما بطن اللهم آمين