كيف تعاقب نفسك على الذنب (تجربتى)

[غير مسجل]

السلام عليكم

انا كنت مفكر ان انا بس اللى مش عارف اطبق مبدأ العقوبة على ذنوبى
لكن الحمد لله دلوقتى بعرف على الاقل بالقليل

بالنسبة للناس اللى نفسها تعاقب نفسها على اى ذنب
من تجربتى
انت اكيد عندك ذنب او اكتر ونفسك تعاقب نفسك عليهم
لكن بص اول حاجة اختار ذنب منهم، او اكتر حسب ما تقدر تعمل اللى جاى
لما تذنب ، اعمل اى عمل هوا حقير عند النفس ولا تهتم له زى مثلا ، طلع نفس جنيه لله
لو مش عارف تطلع نص جنيه ازاى ، امشى فى اى موقع او اماكن المواصلات واشترى علبة منديل من اى حد من اللى قاعدين فى الشارع
قوم مثلا اغسل الصحنين اللى فى الحوض للوالدة
قوم مثلا قوم سبحان الله وبحمده سبحان الله العظيم (حبيبتان إلى الرحمن) ... غالية قوى عند ربنا انك تقولها وانت مذنب ...
سطب برنامج آيات على الجهاز من اللينك ده http://quran.ksu.edu.sa/ayat/
وبعد الذنب افتحه واقرأ على الاقل آيتين

- بص كمان فى معلومة لازم تاخد بالك منها
شوف الحديث ده كدا:
-----
"إن إبليس قال لربه عز وجل وعزتك وجلالك لا أبرح أغوي بني آدم ما دامت الأرواح فيهم فقال له ربه فبعزتي وجلالي لا أبرح أغفر لهم ما استغفروني"
الراوي: أبو سعيد الخدري المحدث:الهيثمي - المصدر: مجمع الزوائد - الصفحة أو الرقم: 10/210
خلاصة حكم المحدث: أحد إسناديه رجاله رجال الصحيح
-----
بص ربك رد عليه وقاله إيه ، خليك كدا ... نفسك توقعك او شيطانك قوله عادى "استغفر الله العظيم" عادى "سبحان الله وبحمده سبحان الله العظيم" ...

اهم حاجة فى موضوع العقوبة انك تحاول تعمل اى عقوبة تكون تافه بالنسبة لنفسك ، وحبه حبه تقوى عصبك معاها .. وحبة حبة ربنا هيعينك على اشد من كدا إن شاء الله ، وربنا هيغفرلنا مادمنا نستغفر.

حاجة اخيرة ... حاول تدور على دور فى الايمانيات للشيخ اللى تحب تسمعله ، واظب على انك تدعى ربنا بإنه يحبك ويحببك فى طاعته .. واظب على ذكر ربنا.

وتذكر دائما عند كل ألم من ذنب ... "سبحان الله وبحمده سبحان الله العظيم" حبيبتان للرحمن ، حبنا يارب.
وادعى ربنا انه يكون جبنك وقت ألمك ويعينك على فتنة الدنيا.

بالنسبة للناس اصحاب ذنوب الخلوات (خصوصا العادة السرية) ، حاول بعد الذنب علطول اعمل بعده عمل لله (حتى لو هتذكر ربنا مش غلط وانت جنب)، ومتزعلشى ربنا مش هيضيعك ... وركز على انه يرزق قلبك كراهية الذنب ... ومتزعلشى على اللى صابك منها ، ان شاء الله ربنا هيشفيك منها ومن شرها ...

جاهد فى غض البصر وان تتقى الله ، وربنا اعلم بما فى نفسك.

---------
"يُستجابُ لأحدِكم ما لم يعجَلْ، فيقولُ : دعوتُ ودعوتُ فلم أرَه يُستجابُ لي، فيستحسرُ عندَ ذلك ويدعُ الدعاءَ"
الراوي: [أبو هريرة] المحدث:ابن باز - المصدر: مجموع فتاوى ابن باز - الصفحة أو الرقم: 305/5
خلاصة حكم المحدث: صحيح
---------

ربنا يتوب علينا

[فريق استشارات سرك فى بير(الأخوات)]

رد: كيف تعاقب نفسك على الذنب (تجربتى)

وعليكم السلام ورحمة الله وبركاته
ما شاء كلمات طيبة نفع الله بها ورزقك التوبة النصوح وجعلك أول المنتفعين بهذه الكلمات
هذا درس رائع جدا ومتميز جدا
لا تحرم نفسك والزوار من سماعه
http://www.youtube.com/watch?v=94eSH...hQ1Nw&index=23

ونذكّركم بدرس للشيخ حازم شومان الليلة على قناة أمجاد الساعة 10 مساءا
وهكذا كل يوم أحد من كل إسبوع
بارك الله فيكم .