إعـــــــلان

تقليص
لا يوجد إعلان حتى الآن.

حائر , فاشل , ايه الحل ؟

تقليص
هذا الموضوع مغلق.
X
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • حائر , فاشل , ايه الحل ؟

    السلام عليكم ورحمة الله وبركاته
    انا مش عااارف
    انا الحمد لله بدأت انسى الماضى وانسى اللى فات لأن مافيش حاجة تستاهل
    بس المشكلة الوقتي اني مش عارف اذاكر او مش حابب اذاكر مش عارف ايه بالظبط
    انا بكمل تعليم وبحاول بقدر الامكان اكمل علشان المستقبل وكدا لكن ماليش نفس اذاكر خالص اتعقدت من كل حاجة كتب كتير دكاترة معقدة بتعقدنا في حياتنا بناخد كتب كتير اووووووي وكبيرة ومش عارف اذاكر ايه ولا ايه ولا ايه
    وغير كدا المواد اصلا صعبة
    ومن التفكير والتشتت اللى في دماغي مش عارف اعمل ايه كرهت كل حاجة كرهت الدراسة وكرهت طايفة معينة من الناس
    ومعندش بثق في حد مهما كان فقدت الثقة في الناس لأن اللى هاتثق فيه دا بعد كدا هايخونك ويصدمك ويسيبك تعاني
    لان محدش يستاهل اثق فيه واديله الامان وافتح له قلبي مهما كان
    بفكر حاليا اسيب الدراسة دي وماكملشي التعليم في المرحلة دي بس مش عارف اقول الكلام دا لهم في البيت ازاي ولا اقنعهم بيه
    انا مش نافع وانا عارف كدا ولو دخلت الامتحان حاسس اني مش هانجح
    كل واحد عارف نفسه
    دلوووني اعمل ايه بالله عليكم
    انا في حيرة من امري وتعبان ومش عارف اعمل
    مع اني والله الحمد لله احسب نفسي ملتزم بصلى الفروض والنوافل وبصوم والاذكار ومحافظ على ورد يومي من القرآن
    بحاول اطيع ربنا بقدر استطاعتي وابعد عن المعاصي واي حاجة تفكرني بذنوبي وبالماضي
    وماعندش بتفرج على التليفزيون خالص ولا افلام ولا اي حاجة الحمد لله بفضل الله
    سبت طريق المعاصي وبحاول امشي في طريق ربنا
    قولولي اعمل ايه بس في حالتي دي

    انا بكلمكم هنا كلام عمري ما قلته لحد لابويا ولامي ولا اخواتي ولا اي مخلوق فاتح لكم قلبي وبتكلم معاكم زي ابن لكم
    مقدرش اقول الكلام دا لحد من اهلي خالص مهما كان
    ساعدوني
    محتار اوي حاسس اني هاحرق قلبهم لما اعمل كدا ولما يشوفوني فاشل كدا وخرجت بس والله الامر مش بايدي
    الامر صعب جدا جدا لدرجة كبيرة غير الدراسة
    الماضي اللى كنت فيه مش عاوز يسيبني في حالي وبحاول ابعد وانسى بكل املك وانا ان شاء الله بعد إرادة الله قادر على كدا

    اعمل ايه بس
    براحتكم تمسحو المشاركة او تتركوها
    اللى شايفينه مناسب اعملوه
    ربنا يكرمكم

  • #2
    رد: حائر , فاشل , ايه الحل ؟

    السلام عليكم ورحمة الله وبركاته ..
    أهلا بك أخانا
    أنا نصيحتي لك بخصوص كيفية المذاكرة
    أخي أن الله أخرجنا من بطون أمهاتنا لا نعلم شيئا ومع الوقت تعلمنا
    المهم قم بتقسيم المواد وعمل خرائط ذهنية لو تعرفها حتسهل عليك الأمر جدا
    وكل مادة تدخل مجهز خرائطها من قوانين لو كليتك عملية او عنوانين رئيسية وفرعية
    لو كليتك نظرية ولا يوجد شيء صعب ادعو الله عزوجل أن يعينك حاول تغير طريقة مذاكرتك
    والجو اللىى بتذاكر فيه للاسف احنا متوفرة لنا كل شيء زمان كانت الناس بتنزل تذاكر على ضوء
    الشوارع تحت فانوس فى عز البرد
    المهم حاول واستعن بالله ولا تضغط على نفسك حب المذاكرة والكلية
    لو حطيت فى دماغك انك بالكلية دى حتوصل وتشتغل حتنجز فيها صدقا عن تجربة
    اعمل ليك حافز واهداف قريبة واهداف بعيدة
    وربنا ييسر امرك وحترك الجزء الايماني لباقي الفريق المبارك

    زائرنا الكريم نحن معك بقلوبنا
    كلنا آذان صاغيه لشكواك ونرحب بك دائما
    في
    :

    جباال من الحسنات في انتظارك





    تعليق


    • #3
      رد: حائر , فاشل , ايه الحل ؟

      السلام عليكم ورحمة الله وبركاته
      الحمد لله والصلاة والسلام على رسول الله صلى الله عليه وسلم
      أهلا ومرحبا بك أخى الفاضل ونسأل الله تبارك وتعالى أن يرزقكم من واسع فضله وأن يسعدكم فى الدنيا والآخرة وأن يسبغ عليكم ستره وعافيته ... اللهم آمين

      أسعدتنا جدا أخى الفاضل بتناسيك الماضى وهذا جزء كبير من خروجك من حالة الهم التى تعيشها وحالى الحيرة فلا شيء يستدعى الحزن فعلا إلا الحزن على التفريط فى طاعة الله

      وبالنسبة لمسألة المذاكرة فإضافة لما تم ذكره مسبقا
      عليك أخى الفاضل أن تضع هدفا أمامك
      هل تريد أن تنجح ويكون لك مستقبل ؟؟؟
      هل تريد أن تفرح فى نهاية العام ؟؟؟

      إذن عليك أن تذااااااكر وتذاكر
      وهذه المصطلحات (( مش قادر أذاكر ... مش عارف ... مش حابب ... المواد صعبة جدا ... المواد كثيرة ... الخ ))
      هذه مصطلحات محبطة
      لا يمكن معها بحال أن تستطيع المذاكرة على ما يرام
      لأنك مُقنع نفسك أنها صعبة
      حتى لو كانت سهلة فستشعر بصعوبتها
      والحل !!
      الحل أنك تستعين بالله ولا تعجز
      وتبدأ من الآن فى استذكار دروسك وضع فى نيتك خدمة دين الله وإكفاء نفسك وعدم الحاجة إلى الوالدين وكذلك لإسعادهم بنجاحك
      نظّم وقتك
      وضع الهدف أمامك أنك تنجح وتحصل على تقدير عال
      وسل نفسك من يحصل على إمتياز أو جيد جدا أفضل منكِ فى ماذا ؟؟؟
      يقينا عندهم أمور تؤرقهم وتضايقهم

      ضع هدفا أكبر قليلا مما تريد
      فمثلا إن كنت تريد أن تحصل على جيد فلا تضع نصب عينيك وأنت تذاكر أنك تذاكر لتحصل على جيد !!!
      بل ذاكر مذاكة من يريد أن يحصل على جيد جدا حتى إن نزل بك الحال تنزل إلى ما كنت تريد وهو جيد

      واستخدم أكثر من حاسة فى المذاكرة وإن كنت ممن يستطيع أن يذاكر بجماعة فاخر صحبة صالحة تذاكرون سويا ويكون فى ذلك إعانة على الصلاة فى أول وقتها وتذكير بعضكم البعض بالطاعات

      وبناء على هذا الكلام فنحّى فكرة تركك للدراسة جانبا
      أتريد أن تكون فاشلا حقا ؟؟؟!

      ياأخى لا تترك الدراسة فلربما تندم بعد ذلك أشد الندم حينما ترى من تخرج ويحمل شهادة ويقينا ستساعده بإذن الله على العمل فى أى مكان وبأى مرتب

      بدلا من أن تدخل الحزن على أهلك بتركك للدراسة اجتهد أن تدخل السرور على قلبهم بالمذاكرة والنجاح
      وصدقا بإستعانتك بالله يتحقق المرجو

      ياأخى أنت لست فاشل
      كيف تكون فاشلا وأنت ذكرت ما ذكرت من الخير الذى أنت فيه ؟!!!
      احمد الله على النعم
      وواظب على الطاعات كما أنت وكن فى زيادة

      أخى الفاضل ... لا تدخل الحزن على أهلك فهم يتمنون اليوم الذى يرونك فيه حاملا لشهادتك !

      أما عن عدم ثقة فى أحد
      فنوافقك فى شطر من كلامك
      أنه فعلا ضُيّعت الأمانة
      وقلما من يحافظ على الأسرار
      وليس بالكثير من يحافظ على شعور الآخرين
      لكن هذا لا ينفى أبدا أن هناك كذلك من هم أهل للأمانة وأهل لإن تثق فيهم من إخوانك

      فلا تبيح أسراراك إلا لمن يعلم أسراراك
      ربك .. حبيبك ... سبحانه وتعالى

      وإن كان ولابد من أن تفضفض مع أخ من إخوانك فلا يكن مع أى أحد
      وليس كل شيء

      ويسعدنا جدا جدا ثقتكم هذه فينا
      والحمد لله القسم اسمه (( سرك فى بير ))
      فلا تتردد فى البوح عما تريد وستجد بإذن الله من يقف بجانبكم ويحاول التخفيف عنكم

      نسأل الله تبارك وتعالى أن يذهب عنكم كل همّ وغم وأن يرزقكم السعادة
      ونأمل أن تكون لك مشاركة أخرى قريبا جدا تبشرنا فيها أنك فعلا شرعت فى المذاكرة ونحّيت جانبا فكرة ترك الدراسة
      بارك الله فيكم .


      زائرنا الكريم نحن معك بقلوبنا
      كلنا آذان صاغيه لشكواك ونرحب بك دائما
      في
      :

      جباال من الحسنات في انتظارك





      تعليق


      • #4
        رد: حائر , فاشل , ايه الحل ؟

        أحب أضيف شيء من تجربتي في المذاكرة

        بداية الكلام السلبي مع النفس المخ بياخده وبينفذه فورًا

        والمخ بيسخر كل طاقة الجسم لتحقيق الفشل ده

        المخ مبرمج يساعد الإنسان على تحقيق ما يريده

        ثانيا تفاءلوا بالخير تجدوه

        ليس اليأس من شيم الإسلام و المسلمين

        لا يياس من روح الله إلا القوم الكافرون

        الدعاء الكثير مهم جداا

        من منا يعلم شيء بدون حول الله وقوته

        هو سبحانه من " علم الإنسان مالم يعلم "

        ليا تجربه مشابه وكلامي اللي السابق نتيجة التجربة دي

        كان عندي مادة في الكلية

        صعبة دي لا توصف ولأني دراسات عليا ماعنديش كتب أنا اللي أجمع المنهج

        ولأني دراسات عليا الدكتور مايشرحش أحنا كبار والمفروض ندور ونبحث

        المادة كانت عبارة عن مدارس نظرية فلسفية باللغة الإنجليزية

        ددخلت الامتحان أول مرة

        مش عارفة أذاكر ولا عارفة أذاكر ايه ولا فاهمه حاجة

        دخلت سقطت

        دخلت دور تاني

        وانا كلي كره للمادة رهييييييييييييييييييييب

        دخلت الإمتحان سقطت تاني وكل زمايلي معايا نجحوا ما عدا انا و وبنت

        عدت السنة

        حاول أذاكر واحساس بشع لكرهي للمادة

        دخلت الإمتحان سقطت

        باقي فرصه واترفد من الجامعه

        وكنت انا الوحيده اللي داخله أمتحن

        مافيش غيري دور تاني عموما فضلا عن الماده دي

        قلت هو في ايه بالظبط

        مادة زي أي مادة وكل الناس بتنجح اشمعنا أنا

        يا أنا يا المادة دي

        وأقنعت نفسي أني بحبها مع تفائل بالله وصبرعليها

        طلعت الورق وكل الإمتحانات اللي امتحنتها 3 امتحانات

        قلت هو الدكتور هيجيب ايه يعني مش هيخترع أنا هذاكرالامتحانات دي وهي شامله المنهج

        وبالفعل ذاكرتهم وعملت كل اللي في وسعي

        وتوكلت على الله واحسنت الظن بالله وصليت ودعيت

        وامتحنت وبفضل الله نجحت

        للعلم كل مرة من 3 مرات اللي سقطت فيهم كان عندي وقت كبير جداا أذاكر فيه

        وكان في مرة ذاكرت فيها شهر

        المرة اللي نجحت فياه عرفت معاد الإمتحان قبلها ب5 أيام

        وذاكرت 4 ايام او 3

        المرة اللي نجحت فيها كان جوايا اصرار اني أنجح علشان كنت لسه لابسه النقاب

        علشان أثبت ان الناس المتدينه مش فشله وهم دول خير الأمه

        توفر النوايا الحسنه مهم

        بر والدين

        انفع ديني وبلدي

        أقدم على رب العالمين بعمل صالح

        وغيره كتيير

        الإنسان بيعمل اللي علي وبيترك الامر لله وكله خير

        تعليق


        • #5
          رد: حائر , فاشل , ايه الحل ؟

          كل كل كل الكلام الي كتبتوه صح
          + الكلام الذي كتب
          الدعاء الدعاء الدعاء
          تنبيه مش لازم ان الواحد لما يجي يدعي يبكي ويستنى اخر الليل ويبقى نعسان هي صحيح افضل افضل الاوقات بس بقول كدة الي اهم من كدة اختار اوقات لما يكون قلبكم فعلا محتاج الدعاء وفعلا محتاج ربنا ادعي من قلب يعني ايه ؟
          يعني في اي اي وقت سواء صلاة او في الركوع او في المحاضرة في اي وقت بس من قلبكم ادعوا ان الله يهب ليكم ذاكرة قوية جدا وذكاء قوي ليه ؟
          لان اصلا اصلا احنا جاهلين جدا بس ربنا هو الي عارف كل حاجة كل حاجة ويعلم الغيب يعني احنا بناخذ العلم ده هو هبة من ربنا يعني ربنا من فضله بيدينا ذاكرة قوية وبيدينا علم فلما انت تطلبوا من الله ان يديكوا من فضله وتقولو من قلب الله المستعان لا حول ولا قوة الا بالله يعني بدون الله احنا هنتووووووه مش هنعرف حاجة خالص وفعلا دية حقيقة يعني بدون قوة ربنا مستحيل كنا نقدر نتكلم ولا نكتب ولا اي حاجة نعملها
          باختصار ادعي ربنا من اعمااااق قلبكم

          تعليق


          • #6
            رد: حائر , فاشل , ايه الحل ؟

            المشاركة الأصلية بواسطة فريق استشارات سرك فى بير مشاهدة المشاركة
            السلام عليكم ورحمة الله وبركاته ..
            أهلا بك أخانا
            أنا نصيحتي لك بخصوص كيفية المذاكرة
            أخي أن الله أخرجنا من بطون أمهاتنا لا نعلم شيئا ومع الوقت تعلمنا
            المهم قم بتقسيم المواد وعمل خرائط ذهنية لو تعرفها حتسهل عليك الأمر جدا
            وكل مادة تدخل مجهز خرائطها من قوانين لو كليتك عملية او عنوانين رئيسية وفرعية
            لو كليتك نظرية ولا يوجد شيء صعب ادعو الله عزوجل أن يعينك حاول تغير طريقة مذاكرتك
            والجو اللىى بتذاكر فيه للاسف احنا متوفرة لنا كل شيء زمان كانت الناس بتنزل تذاكر على ضوء
            الشوارع تحت فانوس فى عز البرد
            المهم حاول واستعن بالله ولا تضغط على نفسك حب المذاكرة والكلية
            لو حطيت فى دماغك انك بالكلية دى حتوصل وتشتغل حتنجز فيها صدقا عن تجربة
            اعمل ليك حافز واهداف قريبة واهداف بعيدة
            وربنا ييسر امرك وحترك الجزء الايماني لباقي الفريق المبارك
            وعليكم السلام ورحمة الله وبركاته
            المشكلة مش في تجهيز او عمل خرائط للمادة وكدا المشكلة في المادة نفسها المواد معقدة والدكاترة معقدين معقدنا في المادة اللى بيدرسوها لنا
            الدكتور نفسه بيقول انا عارف ان المادة ثقيلة وصعبة ولم يشرح فيها شيئ ومكرر فيها كذا كتاب كاملين مطالبيين بيهم
            يعني حاجة تجيب عقدة للواحد
            والله الواحد مش عارف يعمل ايه الله المستعان عليهم بجد
            شكرا لكم على ردكم
            ربنا ييسر لنا وللجميع الامر

            تعليق


            • #7
              رد: حائر , فاشل , ايه الحل ؟

              المشاركة الأصلية بواسطة فريق استشارات سرك فى بير مشاهدة المشاركة
              السلام عليكم ورحمة الله وبركاته
              الحمد لله والصلاة والسلام على رسول الله صلى الله عليه وسلم
              أهلا ومرحبا بك أخى الفاضل ونسأل الله تبارك وتعالى أن يرزقكم من واسع فضله وأن يسعدكم فى الدنيا والآخرة وأن يسبغ عليكم ستره وعافيته ... اللهم آمين

              أسعدتنا جدا أخى الفاضل بتناسيك الماضى وهذا جزء كبير من خروجك من حالة الهم التى تعيشها وحالى الحيرة فلا شيء يستدعى الحزن فعلا إلا الحزن على التفريط فى طاعة الله

              وبالنسبة لمسألة المذاكرة فإضافة لما تم ذكره مسبقا
              عليك أخى الفاضل أن تضع هدفا أمامك
              هل تريد أن تنجح ويكون لك مستقبل ؟؟؟
              هل تريد أن تفرح فى نهاية العام ؟؟؟

              إذن عليك أن تذااااااكر وتذاكر
              وهذه المصطلحات (( مش قادر أذاكر ... مش عارف ... مش حابب ... المواد صعبة جدا ... المواد كثيرة ... الخ ))
              هذه مصطلحات محبطة
              لا يمكن معها بحال أن تستطيع المذاكرة على ما يرام
              لأنك مُقنع نفسك أنها صعبة
              حتى لو كانت سهلة فستشعر بصعوبتها
              والحل !!
              الحل أنك تستعين بالله ولا تعجز
              وتبدأ من الآن فى استذكار دروسك وضع فى نيتك خدمة دين الله وإكفاء نفسك وعدم الحاجة إلى الوالدين وكذلك لإسعادهم بنجاحك
              نظّم وقتك
              وضع الهدف أمامك أنك تنجح وتحصل على تقدير عال
              وسل نفسك من يحصل على إمتياز أو جيد جدا أفضل منكِ فى ماذا ؟؟؟
              يقينا عندهم أمور تؤرقهم وتضايقهم

              ضع هدفا أكبر قليلا مما تريد
              فمثلا إن كنت تريد أن تحصل على جيد فلا تضع نصب عينيك وأنت تذاكر أنك تذاكر لتحصل على جيد !!!
              بل ذاكر مذاكة من يريد أن يحصل على جيد جدا حتى إن نزل بك الحال تنزل إلى ما كنت تريد وهو جيد

              واستخدم أكثر من حاسة فى المذاكرة وإن كنت ممن يستطيع أن يذاكر بجماعة فاخر صحبة صالحة تذاكرون سويا ويكون فى ذلك إعانة على الصلاة فى أول وقتها وتذكير بعضكم البعض بالطاعات

              وبناء على هذا الكلام فنحّى فكرة تركك للدراسة جانبا
              أتريد أن تكون فاشلا حقا ؟؟؟!

              ياأخى لا تترك الدراسة فلربما تندم بعد ذلك أشد الندم حينما ترى من تخرج ويحمل شهادة ويقينا ستساعده بإذن الله على العمل فى أى مكان وبأى مرتب

              بدلا من أن تدخل الحزن على أهلك بتركك للدراسة اجتهد أن تدخل السرور على قلبهم بالمذاكرة والنجاح
              وصدقا بإستعانتك بالله يتحقق المرجو

              ياأخى أنت لست فاشل
              كيف تكون فاشلا وأنت ذكرت ما ذكرت من الخير الذى أنت فيه ؟!!!
              احمد الله على النعم
              وواظب على الطاعات كما أنت وكن فى زيادة

              أخى الفاضل ... لا تدخل الحزن على أهلك فهم يتمنون اليوم الذى يرونك فيه حاملا لشهادتك !

              أما عن عدم ثقة فى أحد
              فنوافقك فى شطر من كلامك
              أنه فعلا ضُيّعت الأمانة
              وقلما من يحافظ على الأسرار
              وليس بالكثير من يحافظ على شعور الآخرين
              لكن هذا لا ينفى أبدا أن هناك كذلك من هم أهل للأمانة وأهل لإن تثق فيهم من إخوانك

              فلا تبيح أسراراك إلا لمن يعلم أسراراك
              ربك .. حبيبك ... سبحانه وتعالى

              وإن كان ولابد من أن تفضفض مع أخ من إخوانك فلا يكن مع أى أحد
              وليس كل شيء

              ويسعدنا جدا جدا ثقتكم هذه فينا
              والحمد لله القسم اسمه (( سرك فى بير ))
              فلا تتردد فى البوح عما تريد وستجد بإذن الله من يقف بجانبكم ويحاول التخفيف عنكم

              نسأل الله تبارك وتعالى أن يذهب عنكم كل همّ وغم وأن يرزقكم السعادة
              ونأمل أن تكون لك مشاركة أخرى قريبا جدا تبشرنا فيها أنك فعلا شرعت فى المذاكرة ونحّيت جانبا فكرة ترك الدراسة
              بارك الله فيكم .

              وعليكم السلام ورحمة الله وبركاته
              اللهم امين
              ربنا يكرمكم امنا الفاضلة يارب
              انا والله مش عاوز ابقى فاشل ولا اي حاجة انا نفسي فعلا اكون حاجة اقدر اخدم ديني في المجال اللى انا فيه
              مش عاوز اخلي شكل الملتزمين وحش
              مش عاوز يشوفو واحد ملتزم وفاشل ويقولوا اهو الملتزمين بتوع الدين والالتزام فشلة
              انا مش عاوز ابقى فاشل علشان حاجات كتير اووووي
              نفسي ارفع راس ابي بين الناس ويفخر بي
              نفسي ابقى حاجة كويسة علشان لما النبي عليه الصلاة والسلام يشوفني يفرح بيا مش يحزن
              نفسي ابقى مثال يحتذي به وقدوة للغير
              نفسي . نفسي . نفسي
              انا بفضل الله بدأت اذاكر اليوم بس للاسف مذاكرتشي كتير ذاكرت شوية صغيريين ولكن بدأت بس برضه خايف
              بس انا هاعمل اللى علي وااذاكر وربنا هو اللى هايكرم ان شاء الله
              بس انا والله خايف من الفشل يكون غصبن عني
              خايف بفشلي دا ربنا يزعل مني ويغضب
              نفسي اكون من اللى ربنا قال فيهم
              بسم الله الرحمن الرحيم
              يرفع الله الذين آمنوا منكم والذين أوتوا العلم درجات
              يااه
              والله يا امي انا فقدت الثقة تقريبا كدا في الجميع بسبب ما مررت به
              الحمد لله كنت فين وبقيت فين يااااه طريق ربنا حلو الحمد لله اللهم اتمها علي نعمة حتى القاك يارب
              انا والله فعلا فعلا بكلم معاكم هنا براحتي وبقول لكم حاجات كتير اووووي عمري ماقلتها لحد ولا فكرت في يوم اقولها لحد
              بس مش كل حاجة
              لأن في حاجات مش عاوز لساني ينطق بها حياء من ربي ورجاء ان يغفر لي ويرحمني لأن مش قادر اذكرها تاني
              يارب سامحني يارب
              الحمد لله
              بالله يا أمي لاتنسيني من الدعاء بالثبات حتى القى الله
              دا اللى انا عاوز من الدنيا احيا لله بس واموت وهو راضي عني
              الحمد لله
              انا بدأت اليوم بفضل الله في حفظ القرآن مع اخ لي في العمل متقن للقرآن وان شاء الله احفظ كتاب ربي
              فادعولي

              تعليق


              • #8
                رد: حائر , فاشل , ايه الحل ؟

                المشاركة الأصلية بواسطة غير مسجل مشاهدة المشاركة
                أحب أضيف شيء من تجربتي في المذاكرة

                بداية الكلام السلبي مع النفس المخ بياخده وبينفذه فورًا

                والمخ بيسخر كل طاقة الجسم لتحقيق الفشل ده

                المخ مبرمج يساعد الإنسان على تحقيق ما يريده

                ثانيا تفاءلوا بالخير تجدوه

                ليس اليأس من شيم الإسلام و المسلمين

                لا يياس من روح الله إلا القوم الكافرون

                الدعاء الكثير مهم جداا

                من منا يعلم شيء بدون حول الله وقوته

                هو سبحانه من " علم الإنسان مالم يعلم "

                ليا تجربه مشابه وكلامي اللي السابق نتيجة التجربة دي

                كان عندي مادة في الكلية

                صعبة دي لا توصف ولأني دراسات عليا ماعنديش كتب أنا اللي أجمع المنهج

                ولأني دراسات عليا الدكتور مايشرحش أحنا كبار والمفروض ندور ونبحث

                المادة كانت عبارة عن مدارس نظرية فلسفية باللغة الإنجليزية

                ددخلت الامتحان أول مرة

                مش عارفة أذاكر ولا عارفة أذاكر ايه ولا فاهمه حاجة

                دخلت سقطت

                دخلت دور تاني

                وانا كلي كره للمادة رهييييييييييييييييييييب

                دخلت الإمتحان سقطت تاني وكل زمايلي معايا نجحوا ما عدا انا و وبنت

                عدت السنة

                حاول أذاكر واحساس بشع لكرهي للمادة

                دخلت الإمتحان سقطت

                باقي فرصه واترفد من الجامعه

                وكنت انا الوحيده اللي داخله أمتحن

                مافيش غيري دور تاني عموما فضلا عن الماده دي

                قلت هو في ايه بالظبط

                مادة زي أي مادة وكل الناس بتنجح اشمعنا أنا

                يا أنا يا المادة دي

                وأقنعت نفسي أني بحبها مع تفائل بالله وصبرعليها

                طلعت الورق وكل الإمتحانات اللي امتحنتها 3 امتحانات

                قلت هو الدكتور هيجيب ايه يعني مش هيخترع أنا هذاكرالامتحانات دي وهي شامله المنهج

                وبالفعل ذاكرتهم وعملت كل اللي في وسعي

                وتوكلت على الله واحسنت الظن بالله وصليت ودعيت

                وامتحنت وبفضل الله نجحت

                للعلم كل مرة من 3 مرات اللي سقطت فيهم كان عندي وقت كبير جداا أذاكر فيه

                وكان في مرة ذاكرت فيها شهر

                المرة اللي نجحت فياه عرفت معاد الإمتحان قبلها ب5 أيام

                وذاكرت 4 ايام او 3

                المرة اللي نجحت فيها كان جوايا اصرار اني أنجح علشان كنت لسه لابسه النقاب

                علشان أثبت ان الناس المتدينه مش فشله وهم دول خير الأمه

                توفر النوايا الحسنه مهم

                بر والدين

                انفع ديني وبلدي

                أقدم على رب العالمين بعمل صالح

                وغيره كتيير

                الإنسان بيعمل اللي علي وبيترك الامر لله وكله خير
                ماشاء الله كلامكم جميل ومحفز للمذاكرة والله والهمة والعزيمة اللى حضرتك اتخذتيها
                احنا عندنا والله الدكاترة ربنا يعينا عليهم
                لو احنا ناخد مواضيع مثلا نذاكرها ونبحث عنها يبقى كويس اووووي لكن يربطك معاها بكذا كتاب كاملين للمادة مطالب منك تذاكرهم للامتحان مش تقرأ وخلاص
                احنا حتى لو جينا نقرأ بس مش هانخلص الكتب قراءة
                رحماك يارب
                ربنا ييسر وان شاء الله هاخد الامر تحدي ولكن اولا سيكون لله
                ربنا يكرمكم يارب وينفع بكم ويوفقكم لما فيه الخير

                تعليق


                • #9
                  رد: حائر , فاشل , ايه الحل ؟

                  المشاركة الأصلية بواسطة غير مسجل مشاهدة المشاركة
                  كل كل كل الكلام الي كتبتوه صح
                  + الكلام الذي كتب
                  الدعاء الدعاء الدعاء
                  تنبيه مش لازم ان الواحد لما يجي يدعي يبكي ويستنى اخر الليل ويبقى نعسان هي صحيح افضل افضل الاوقات بس بقول كدة الي اهم من كدة اختار اوقات لما يكون قلبكم فعلا محتاج الدعاء وفعلا محتاج ربنا ادعي من قلب يعني ايه ؟
                  يعني في اي اي وقت سواء صلاة او في الركوع او في المحاضرة في اي وقت بس من قلبكم ادعوا ان الله يهب ليكم ذاكرة قوية جدا وذكاء قوي ليه ؟
                  لان اصلا اصلا احنا جاهلين جدا بس ربنا هو الي عارف كل حاجة كل حاجة ويعلم الغيب يعني احنا بناخذ العلم ده هو هبة من ربنا يعني ربنا من فضله بيدينا ذاكرة قوية وبيدينا علم فلما انت تطلبوا من الله ان يديكوا من فضله وتقولو من قلب الله المستعان لا حول ولا قوة الا بالله يعني بدون الله احنا هنتووووووه مش هنعرف حاجة خالص وفعلا دية حقيقة يعني بدون قوة ربنا مستحيل كنا نقدر نتكلم ولا نكتب ولا اي حاجة نعملها
                  باختصار ادعي ربنا من اعمااااق قلبكم
                  ياااااااااااااااارب
                  ربنا يكرمكم يارب وينفع بكم
                  الدعاء فعلا سلاح قووي جدا ياررررررب

                  تعليق


                  • #10
                    رد: حائر , فاشل , ايه الحل ؟

                    السلام عليكم ورحمة الله وبركاته أخينا الفاضل وأهلا ومرحبا بكم مجددا فى بيتكم الثانى ونسأل الله تبارك وتعالى أن يرضى عنكم ويغفر لكم ويزيدكم هدى
                    ما شاء الله اللهم بارك
                    كم أسعدتنا بردك هذا
                    والحمد لله أنك بدأت فى المذاكرة والقليل غدا يكون كثيرا
                    المهم المذاكرة
                    والعبرة مش بكثرة الجلوس على الكتاب
                    العبرة بتحصيل الفهم ولا يغنى ذلك عن زيادة ساعات المذاكرة
                    ابدأ بالمواد السهلة لتشجعك أكثر على المذاكرة
                    وابدأى بتلاوة بعض آيات من كتاب الله فبه تنشرح الصدور وتطمئن النفوس وتستريح
                    والحمد لله لبدءك فى حفظ كتاب الله ونسأل الله أن يرزقنا وإياكم ختم القرآن على الوجه الذى يرضيه سبحانه
                    وأكرر لك ثانية أخى الفاضل نحّى فكرة إنك فاشل جانبا فأنت لست بفاشل حتى وإن فشلت لست بفاشل
                    وأذكرك بهذا الذى أخترع الكهرباء هل هو فاشل ؟!!!!
                    ولم يخترعها من أول مرة بل مرارا
                    لكن كان أمامه هدف يريد تحقيقه
                    فلازم تضع الهدف _ النجاح بتفوق _ أمامك

                    وإن شاء الله ستنجح وتحصل على تقدير وما ذلك على الله بعزيز
                    ذاكر فقط واترك أمرك كله لله
                    وإن شاء الله تعمل موضوع بعد نهاية الإمتحانات والنتيجة تبشرنا فيها بنجاحك

                    ونحن فى خدمتكم فى أى مشورة وفى أى وقت
                    أراد الله بنا وبكم كل خير

                    زائرنا الكريم نحن معك بقلوبنا
                    كلنا آذان صاغيه لشكواك ونرحب بك دائما
                    في
                    :

                    جباال من الحسنات في انتظارك





                    تعليق


                    • #11
                      رد: حائر , فاشل , ايه الحل ؟

                      المشاركة الأصلية بواسطة فريق استشارات سرك فى بير مشاهدة المشاركة
                      السلام عليكم ورحمة الله وبركاته أخينا الفاضل وأهلا ومرحبا بكم مجددا فى بيتكم الثانى ونسأل الله تبارك وتعالى أن يرضى عنكم ويغفر لكم ويزيدكم هدى
                      ما شاء الله اللهم بارك
                      كم أسعدتنا بردك هذا
                      والحمد لله أنك بدأت فى المذاكرة والقليل غدا يكون كثيرا
                      المهم المذاكرة
                      والعبرة مش بكثرة الجلوس على الكتاب
                      العبرة بتحصيل الفهم ولا يغنى ذلك عن زيادة ساعات المذاكرة
                      ابدأ بالمواد السهلة لتشجعك أكثر على المذاكرة
                      وابدأى بتلاوة بعض آيات من كتاب الله فبه تنشرح الصدور وتطمئن النفوس وتستريح
                      والحمد لله لبدءك فى حفظ كتاب الله ونسأل الله أن يرزقنا وإياكم ختم القرآن على الوجه الذى يرضيه سبحانه
                      وأكرر لك ثانية أخى الفاضل نحّى فكرة إنك فاشل جانبا فأنت لست بفاشل حتى وإن فشلت لست بفاشل
                      وأذكرك بهذا الذى أخترع الكهرباء هل هو فاشل ؟!!!!
                      ولم يخترعها من أول مرة بل مرارا
                      لكن كان أمامه هدف يريد تحقيقه
                      فلازم تضع الهدف _ النجاح بتفوق _ أمامك

                      وإن شاء الله ستنجح وتحصل على تقدير وما ذلك على الله بعزيز
                      ذاكر فقط واترك أمرك كله لله
                      وإن شاء الله تعمل موضوع بعد نهاية الإمتحانات والنتيجة تبشرنا فيها بنجاحك

                      ونحن فى خدمتكم فى أى مشورة وفى أى وقت
                      أراد الله بنا وبكم كل خير
                      وعليكم السلام ورحمة الله وبركاته
                      ربنا يبارك فيكم أمنا الفاضلة على سعة صدركم دي وعلى كلامكم المحفز الجميل
                      ربنا يجعله في ميزان حسناتكم يارب
                      وان شاء الله اعمل بنصاحئكم دي
                      وربنا يعيينا ويكرمكم يارب
                      سؤال امي
                      ازاي اخشع في الصلاة انا حاسس اووووي بالتقصير فيها اني مش بخشع في الصلاة
                      ازاي اوصل لمرحلة الخشوع في الصلاة
                      مش عاوز اكون بادي حركات وخلاص نفسي فعلا احس بيها وكدا زي ما بنقرأ عن السلف الصالح والناس بتوع زمان
                      ربنا يكرمكم يارب

                      تعليق


                      • #12
                        رد: حائر , فاشل , ايه الحل ؟

                        وفيكم بارك الله وجزاكم الله خيرا وتقبل منكم هذه الدعوات الطيبة ورزقكم مثلها وزيادة ... اللهم آمين
                        ما شاء الله
                        حسنا ما سألت عنه نسأل الله تبارك وتعالى أن يرزقنا وغياكم الخشوع فى الصلاة
                        اسمع لهذا الفيديو فستجد فيه جوابا شافيا على سؤالك بإذن الله
                        http://www.youtube.com/watch?v=fY2qWGJSyEU
                        بارك الله فيكم .

                        زائرنا الكريم نحن معك بقلوبنا
                        كلنا آذان صاغيه لشكواك ونرحب بك دائما
                        في
                        :

                        جباال من الحسنات في انتظارك





                        تعليق


                        • #13
                          رد: حائر , فاشل , ايه الحل ؟

                          وعليكم السلام ورحمة الله وبركاته
                          أهلا ومرحبا بكم مجددا أخينا الفاضل ونسأل الله تبارك وتعالى أن يتقبل توبتك ويغفر جميع ما مضى من الذنوب والآثام ... اللهم آمين
                          ويسعدنا تواصلكم معنا ولن نغلق الموضوع بإذن الله والقسم فى خدمة زواره فى أى وقت
                          فلا تتردد ولم تثقلوا علينا فى شيء ... ونحن فى خدمتكم
                          بارك الله فيك أخينا الفاضل
                          بس ممكن استفسار الوقتي بيقول صلاة النوافل وسنة تحية المسجد وكدا انا بصليها في المسجد بس مش بلحق اصلى الا ركعتين بس وبعد كدا الاقامة تقوم دا مثلا في الظهر وكدا بيضيع علي 4 ركعات اعمل ايه ؟
                          نسأل الله تبارك وتعالى أن يصلكم برحمته وفضله
                          ما شاء الله ... زادكم الله حرصا على فعل ما يحب الله ويرضى
                          أذكّرك بحديث رسول الله صلى الله عليه وسلم (( من ثابرَ على اثنتي عشرةَ رَكعةً في اليومِ واللَّيلةِ دخلَ الجنَّةَ أربعًا قبلَ الظُّهرِ ، ورَكعتينِ بعدَها ، ورَكعتينِ بعدَ المغربِ ، ورَكعتينِ بعدَ العشاءِ ، ورَكعتينِ قبلَ الفجرِ ))
                          وفى رواية (( من صلَّى في يومٍ وليلةٍ اثنتي عشْرَةَ ركعةَ تطوعًا غيرَ فريضةٍ بنى اللهُ له بيتًا في الجنَّةِ ))
                          تأمل ... فالذى يبنى لك بيت فى الجنة ... الملك سبحانه وتعالى له كل صفات الكمال والجلال

                          وبعد تأمّلك لهذا الفضل العظيم لمن صلى 12 ركعة فى اليوم والليلة من دون الفريضة
                          فلا تضيّع على نفسك الأربع ركعات بعد الظهر
                          صليهم بعد أن تصلى الظهر والحمد لله الوقت بين الظهر والعصر متسع تستطيع بإذن الله إدراكهم
                          وفقك الله لما يحب ويرضى

                          وأما عن مشاركتك الثانية _بارك الله فيكم _
                          فما شاء الله ربنا يثبتكم على قيام الليل بثلاث ركعات وربنا يزيدكم من فضله
                          لا تستقلّهم
                          فلا تعلم ما شأنهم عند الله تبارك وتعالى
                          فاستمر على صلاة ثلاث ركعات لفترة ولا تزيد عليهم الآن
                          استمر حتى تدرك أنك لن تتركهم بإذن الله بحال من الأحوال
                          ثم زد شيئا فشيئا
                          فصلى ركعتين قيام وزوّد الوتر إلى ثلاث ركعات
                          وهكذا تزوّد فى الطاعات تدريجيا
                          http://www.youtube.com/watch?v=UOujsnDnQ6M
                          وأحسن الظن فى ربك ونسأل الله تبارك وتعالى أن يغفر لكم ويسامحكم ويعفو عما بدر منكم
                          ونسأله سبحانه ان يرزقنا رضاه وأن يسبغ علينا نعمه الظاهرة والباطنة وأن يجعلنا من الشاكرين عليها .. اللهم آمين
                          وهذه فيديوهات طيبة
                          http://www.youtube.com/watch?v=m07wP3nEfnE
                          http://www.youtube.com/watch?v=kIe6PpNzrLU
                          وهذا درس ماتع ... نافع جدا
                          http://www.youtube.com/watch?v=94eSH...hQ1Nw&index=23
                          وندعوكم لمشاهدة برنامج الدكتور حازم شومان على شاشة قناة أمجاد يوم الأحد من كل إسبوع الساعة 10 مساءًا
                          ونسأل الله تبارك وتعالى أن يكون قد انصلح حالكم فى المذاكرة

                          وفقكم الله لما يحب ويرضى ......

                          زائرنا الكريم نحن معك بقلوبنا
                          كلنا آذان صاغيه لشكواك ونرحب بك دائما
                          في
                          :

                          جباال من الحسنات في انتظارك





                          تعليق


                          • #14
                            رد: حائر , فاشل , ايه الحل ؟

                            السلام عليكم ورحمة الله وبركاته
                            ربنا يبارك فيكم أمنا الفاضلة على ردكم وعلى عدم غلق الموضوع الحمد لله فرحان اوي بكدا
                            ان شاء الله امي هاعمل بكلامكم وهاصلى الاربع ركعات لو لحقت قبل الاقامة اتنين وبعد الصلاة وكدا بس ان شاء الله مش هاسيبهم تاني وربنا يغفرلي اللى مضى واللى مصلتوش قبل كدا
                            سامحني يارب
                            وان شاء الله كمان هاستمر في القيام وربنا يعيني ويتقبل مني يارب ويسامحني
                            انا شاهدت الفديوهات ماعدا الحلقة الاخيرة الفديوهات جميلة ماشاء الله
                            ربنا يثبتني يارب

                            انا فرحان اوي اني لاقي حد اتكلم معاه كدا

                            انا الحمد لله بذاكر بس برضه مش قد كدا خالص بس بذاكر وان شاء الله اكثف المذاكرة اكتر واكتر
                            لله

                            امي
                            انا النهاردة كنت قاعد مع اخ لي في الله وقالي حديث تعبني اووي وقلقني
                            الحديث معناه ان الواحد بيكون بيعمل بعمل اهل الجنة يعني ملتزم ولحية وكدا والصلاة ولكن يدخل النار
                            مش فاكر الحديث كله
                            بس لما سمعته منه قلقني واحزنني وخلاني خايف
                            يعني انا ممكن اكون كدا وفي الاخر يسبق علي الكتاب وادخل النار
                            العمل ايه يا أمي ؟
                            يارب ارحمني يارب وسامحني
                            ادعيلي يا أمي
                            التعديل الأخير تم بواسطة فريق استشارات سرك فى بير(الأخوات); الساعة 27-04-2013, 08:33 PM.

                            تعليق


                            • #15
                              رد: حائر , فاشل , ايه الحل ؟

                              السلام عليكم ورحمة الله وبركاته
                              اذيك يا أمي الفاضلة
                              في حاجة سمعتها من الشيخ حازم شومان وقلقاني قالها
                              ان كل ركعة سيبناها وكل حاجة هانتحاسب عليها وربنا هيحاسبنا عليها
                              وان الراجل علشان تكاسل ومقامشي يصلي بيجي ملك وبيضرب راسه بصخرة كبيرة ولما راسه ترجع سليمة تاني يضربه تاني بيها وعلى كدا ليوم القيامة
                              انا ضيعت صلاوات كتير اووووي وصيام كتير وحاجات كتير
                              ربنا هيحاسبني عليها
                              انا مش عارف اعمل ايه ربنا يرحمنا برحمته
                              كلامه قلقني اوي
                              هاقول ايه لربنا على الصلاة اللى سبتها عن قصدي في عمري اللى فات
                              هاقول ايه لربنا

                              تعليق

                              يعمل...
                              X