نفسي أرتاح ( تنظيم الوقت )

[غير مسجل]

السلام عليكم ورحمة الله وبركاته


أنا مشكلتي اني يعتبر شايلة بيت لوحدي وفي نفس الوقت بدرس وبحفظ قرآن الحمد لله وبدرس علم شرعي

أنا متأكدةاني لو نظمت وقتي مش هيبقى في مشكلة بس مش عارفة خالص..

عندي في الكلية حوالي 10 مواد في الترم منهم7 مواد ليهم معامل فبتبقى محتاجة مذاكرة هي كمان ورسومات وكده

وفي نفس الوقت مش عندي في الكلية الا الجمعة والسبت بس اللي أجازة وبروح أغلب الأيام على الساعة 5 أو 6



باجي من الكلية تعبانة ومش ببقى قادرة أعمل حاجة خالص فيها مجهود ولا تنظيف بيت ولا عمايل أكل ولا حتى مذاكرة

مضايقة جدا من نفسي ومهما أحاول أعمل لنفسي جدول ولا كده مش بعرف ولا عارفة أذاكر العلم الشرعي

بحس أن اليوم أصلا خلاص مش فيه وقت.

وكمان بابا قالي أني أركز في دراستي عشان بقضي وقت في العلم الشرعي والتحفيظ وقالي الامتحانات داخلة وكده

نفسي أتعود أصحى الفجر بس بردو مش عارفة بظبط المنبه لكن مش بقوم خالص

وكمان الأكل بعمل يوم الجمعة عادي لكن يوم في وسط الأسبوع ده بيبقى حاجة شبه مستحيلة وحسة ان الأيام بتتقضى كده وخلاص

مضايقة أوي علشان بابا نفسي يكون مبسوط

وهو مش بيشتكي خالص والله بالعكس ده بيساعدني جدا بس نفسي أكون محافظة على نظافة البيت دايما وأعمل الأكل وأغسل وأذاكر وأحفظ قرآن وأذاكر العلم الشرعي لأني مقصرة فيه جدااااا وقربت امتحن فيه ونفسي كل حاجة تبقى ماشية مظبوط والوقت يبقى منظم كده

نفسي بجد

ياريت تساعدوني

وجزاكم الله خيرا

[فريق استشارات سرك فى بير(الأخوات)]

رد: نفسي أرتاح

وعليكم السلام ورحمة الله وبركاته
الحمد لله والصلاة والسلام على رسول الله صلى الله عليه وسلم
أهلا ومرحبا بكِ أختى الفاضلة ونسأل الله تبارك وتعالى أن يعلى همتك دوما نحو كل خير وأن يجعلك من سعداء الدنيا والآخرة ... اللهم آمين
يسعدنا كثيرا أن نرى ذوات الهمم العالية فى الخير فلا شك أنها هذه نعمة تستوجب الشكر

أختنا الفاضلة قال الله تعالى (( لاَ يُكَلِّفُ اللّهُ نَفْساً إِلاَّ وُسْعَهَا ))
حاولى تنظمى وقتك أختنا على ما تريدين فعله
أنت تريدين 1. حفظ القرآن ... من أعظم القربات لرب الأرض والسماوات
2. تعلم العلوم الشرعية ومذاكرتها ... لتتعلمى وتعلمى
3. مذكرة مواد الكلية لتُسعدى والدك وأهلك
4. المساعدة فى أعمال المنزل

رتّبى وقتك من حيث الأولولويات ولا تكلّفى نفسك فوق طاقتها حتى لا تمل فتشعرين بالإحباط وربما يورّث ذلك التقصير فى الكل

أهم شيء تحافظين على الصلاة فى أول وقتها
نامى قدرا كافيا غير مبالغ فيه ولو يكن من ست إلى ثمان ساعات لا تزيد

قومى لصلاة الفجر وإن صدقتى الله يصدقك والله يعلم الصادق من غيره
إن كنت صادقة للإستيقاظ لصلاة الفجر صدّقينى ستستيقظى

بعد صلاة الفجر أقرأى واحفظى ما تريدين حفظه من كتاب الله
فإن هذا الوقت وقت مبارك شريف يسهل فيه الحفظ بعون الله

إن أردتى أن تنامى فنامى واستيقظى على وقت المحاضرات ولا تضيّعي المهم منها
بعد عودتك إلى المنزل قابلى أهلك بوجه بشوش وارتاحى قليلا
وساعدى فى البيت على قدر طاقتك

انظرى ما تبقى عندك من وقت حتى تنامى وقسّميه للمذاكرة
وضعى لنفسك جدول للمذاكرة لتحققى قدرا كبيرا من المذاكرة ولا يضيع الوقت وابدأى بالأهم فالمهم

وانظرى إلى هذه الإستشارة فستنفعك كذلك بإذن الله

كيف أنظم وقتى

ولا تغفلى عن الدعاء
ونسأل الله تبارك وتعالى أن يعينك وأن يرزقنا وإياكِ حفظ القرآن وأن يعلمنا ما ينفعنا وأن ينفعنا بما علمنا إنه بكل جميل كفيل وهو حسبنا ونعم الوكيل
وصلى الله وسلم وبارك على سيدنا محمد وآله وصحبه وسلم

[غير مسجل]

رد: نفسي أرتاح ( تنظيم الوقت )

جزاكم الله خيرا
ولا تنسوني من دعائكم