امي بالفريق او الشيخ ابو معااااذ ..خايفة اكون بخون خطيبي كدة ..

[غير مسجل]

السلام عليكم .... انا مشكلتي اني شايفة ان خطيبي مبقاش مالي عنيا يعني مش هو اللي كنت بتمناااه ..انا نفسي في شخص ملتزم حافظ كتاب الله مش بيشتم زي كل الشباب لكن خطيبي رغم انه بيحبني جداااااا وبيقدرني ويحترمني وانا كمان والله مش متخيلة اسيبه ... بس حاسة ان عيني بقت تروح على الشباب الملتزم .. يعني مثلا بقيت اقول ياسلام لو خطيبي كان بيصلي في المسجد ياسلام لو ملتحي ياسلام لو نتجوز بسرعة ( احنا ظروفنا شوية صعبة) الحمد لله
مش بقى مالي عنيا وكلمته كتير مفيش فايدة بيصلي الفروض بالعافية عمره ما حضر دروس ولا حسيت انه بيسعى للعلم الشرعي كمان بيشتم على الناس بطريقة فظيييعة ... زي معظم الرجال يعني .. المهم دلوقتي اني بقيت ابص على اصحاب ابويا معارف اخويا الملتزمين .. وبقيت عايزة اسيب خطيبي علشان اتخطب لحد فيهم .. بس عارفة ان ده حرام .. اصبر بقى على خطيبي وخلاص ولا اسيبه انا حاسة اني نفسي في شخص ملتزم يعاملني معاملة النبي لزوجاته ..اعمل ايه ؟؟؟؟
انا لو سبته حرام؟؟ طيب هو انا لما ببص لحد من اصحاب بابا وابقى نفسي ده اللي يبقى خطيبي دي خيانة؟؟وكمان خطيبي مش عايزني اشتغل وبصراحة انا خايفة ماانا لو قعدت في البيت ممكن يطلقني بعد الشر بعدين ابقى في الشارع؟؟
رغم اني عارفة اضرار الشغل ..حاسة اني بتلكك .. ممكن تجاوبوني الله يكرمكم يارب

[فريق استشارات سرك فى بير(الأخوات)]

رد: امي بالفريق او الشيخ ابو معااااذ ..خايفة اكون بخون خطيبي كدة ..

الحمد لله والصلاة والسلام على رسول الله وعلى آله وصحبه أجمعين ,أما بعد ,مرحبا ابنتى الفاضله ,

وتعليقا على ماورد برسالتك :

انا مشكلتي اني شايفة ان خطيبي مبقاش مالي عنيا يعني مش هو اللي كنت بتمناااه .

حسناًَ ياابنتى وأين الذى كنتى تتمنيه قبل أن تقبليه خاطباًَ لكِ ,,؟لماذا لم تسألى جيدا عنه وتتحرى سلوكياته من قبل أن يتقدم إليكِ, اين دور والديكِ حينما قبلوا لإبنتهم شخص يتسم بهذه الصفات التى ذكرتيها ,,؟اين أنتم من حديث رسولنا الكريم صلوات ربى وسلامه عليه
(اذا جاءكم من ترضون دينه وخلقه فزوجوه ,,,الى آخر الحديث ,,) ,لماذا نتغافل عن أهم شىء يحفظ أولادنا وننظر الى الشكليات ,,وأيضا من العجيب انكِ تقولين أن ظروفكم ضيقه ,,فعلى أى أساس تمت هذه الخطوبه ,,؟ان كانت تمت على الحب والإعجاب فهذا لايكفى ياابنتى وهناك أمورا فى الحياه ستواجهكم أقوى من كل ماتفكرى فيه
وبخصوص مشاعرك تجاه الملتزمين ,,
اعلمى ياابنتى أنه إذا كانت المشاعر غير صحيحة وفي الاتجاه غير الصحيح،
فإن الإنسان ينبغي عليه أن يمتنع عنها. فالأمر الأصعب والأخطر هو التمادي والاستمرار في هذا الطريق والإصرار على السير في ما لا يُرضي الله تعالى. ونحذر أي فتاة من أن يكون قلبها مع رجل وجسدها عند رجل آخر، لأن هذا يجلب لها المتاعب.وسوف تقعى فى مشاكل لاحصر لها ,يجب أن تحددى من الآن من تريدى .,,فلا يجب أن تتمادى فى هذه العلاقه وانتى من الآن تنظرى الى من هوأفضل من هذا الخاطب فما بالك بما يحدث مستقبلا ,استخيرى الله ياابنتى وابحثى عن المميزات فى هذا الخاطب وان كانت عيوبه يمكنك تغيرها فإستمرى معه وحاولى أن توجيه الى طريق الله ومصاحبة الصالحين ,ولو أنى أرى صعوبه فى ذلك من وجهة نظرى لأن هذا الخاطب جبل على ماهو عليه وليس لديه استعداد للتغيير

مفيش فايدة بيصلي الفروض بالعافية عمره ما حضر دروس ولا حسيت انه بيسعى للعلم الشرعي كمان بيشتم على الناس بطريقة فظيييعة .

,والله المستعان ,,,لكن على كل الأحوال لاينبغى الإستمرار فى علاقه وانتى من داخلك تشعرين بالخيانه بالتفكير فى شخص آخر أو تمنى شخص آخر وشعورك بأن هذا الخاطب لايملأ عينك الآن سوف يتزايد مع مرور الوقت ,فإستخيرى الله ياابنتى واعزمى على إما القبول بما فعليته بنفسك أو الإبتعاد ويغنى الله كلا من سعته ,والله الموفق .

[غير مسجل]

رد: امي بالفريق او الشيخ ابو معااااذ ..خايفة اكون بخون خطيبي كدة ..

امي جزاكي الله خيرااااا على ردك واهتمامك
بالنسبة للسؤال ياامي احنا فعلا سالنا عليه بابا راح لحد المكان اللي ساكن فيه
وسال ناس كتييييييير عليه وكان ردهم انه انسان كووويس جداااا واخلاق عالية وكمان والده ووالدته شكروا فيهم اووي
ولما جيه البيت طبعا عجب بابا وماما وقالوا لي اهم حجة عندنا انسان يتقى الله فيكي اهم من الفلوس
وقالوا ادام راجل وبيتحمل مسئولية ان شاء الله ربنا هيوفقه (( خذوهم فقراء يغنيهم الله))
تمام ياامي؟
وصلت حضرتك الفكرة ؟
هو كانسان تشوفيه تقولي ماشاء الله عليه كووويس جداااا لكن انا التزمت بعد الخطوووبة
بقيت نفسي يبقى زي الشباب الملتزم ده
بيصلي في المسجد بيحضر دروس علم وهكذا
هو بيحب الشيوخ جدااا وعنده استعداد للالتزام الحمد لله بس عيز دايما حد معاه
بيخاف ربنا وبيقولي انا مش ببص على البنات علشان محدش يبصلك الحمد لله هو ميوله كويسة
انا بس اللي مخليه مش مالي عنيا موضوع الالتزام وكمن الشتيمة
بصراحة انا عيلتتي كلها بابا واخويا وكل الرجل اللي في عيلتي تقريب بيشتموا :(
بالنسبة لهم الشتيمة دي عااااادي
بس مش اهلهم لا .. مثلا لما يتفرجوا ع السياسة في لتلفزيون
لما يشوفو مطش كورة وكدة يعني

اللي مدايقني بقى حتة اني بقول ياسلام لو فلان يبقى خطيبي خايفة تكون دي خيانة
فحضرتك رايك اني احاول معاه وافضل وراه في موضوع الالتزام
ولا اتركه .. مع العلم ياامي هو بيصلي الحمد لله ولو قولت له يلا نقرا قران يوافق وبيشجعني على النقاب وحفظ القران وبيقولي لو حفظتي مثلا السورة دي هجبلك هدية

خايفة اتركه اندم لانه في النواحي العادية بتاعة الحياة كووويس جدااااا الحمد لله

هل انا غلط ومتشددة ياامي لما احبه يبقى ملتحى مثلا وبيحفظ قران ؟؟

مع العلم امي وابويا شايفين ان ده تشدد مني ولم اقوله ربي دقنك يزعقولي جدااا انا عرفة المظهر مش مشكلة اوي
لكن اللحية بتربي ياامي

اسفة للاطالة

[فريق استشارات سرك فى بير(الأخوات)]

رد: امي بالفريق او الشيخ ابو معااااذ ..خايفة اكون بخون خطيبي كدة ..

هل انا غلط ومتشددة ياامي لما احبه يبقى ملتحى مثلا وبيحفظ قران ؟؟

لاطبعا ياابنتى هذا ليس تشدد هذا هو شرعنا ومنهجنا الإسلامى ,وقد ورد كثير من الأحاديث في شأن اللحية، تفيد تحريم حلقها منها الآمر بإعفائها، ومنها الناهي عن حلقها، وعن التشبه باليهود والنصارى والمجوس الذين يحلقونها، وردت هذه الأحاديث عن جماعة من الصحابة منهم ابن عمر وابن عباس وأبو هريرة في البخاري ومسلم ومسند أحمد وسنن النسائي وسنن أبي داود وجامع الترمذي وموطأ مالك ومعجم الطبراني ومسند البزار ومسند أبي يعلى وغيرها.
فمن ذلك قول النبي صلى الله عليه وسلم: قصوا الشوارب وأعفوا اللحى، خالفوا المشركين. متفق عليه. وقوله صلى الله عليه وسلم: جزوا الشوارب وأرخوا اللحى خالفوا المجوس. رواه مسلم وأحمد. وقوله: خالفوا المشركين وفروا اللحى وأحفوا الشوارب. متفق عليه.


ومن خلال حديثك ياابنتى أرى انكِ متمسكه به ,فحاولى اصلاحه وأكثرى من الدعاء له بالهدايه ,وان شاء الله ربنا يتقبل منك ويصلحه لكِ ,اسأل الله أن يقدر لكِ الخير ويوفقكِ الى مايحبه ويرضاه ,