أمراض القلوب ( الحسد)

[غيرمسجل]

السلام عليكم
ياريت تدوني نصيحة في الحسد
عشان أنا شاب جامعي في كلية هندسة خاصة وده قدر طبعا كان نفسي أدخل هندسة عادي بس قدر الله ما شاء فعل المشكلة عندي إني أنا بقيس موضوع التوفيق ده بطريقة وحشة بمعني إني كنت بذاكر وفيه ناس بتذاكر أقل مني وذنوبها أكتر مني وجابوا أكتر مني ونفس النظام في الكلية ليا أصحاب ما بيذاكروش ويجيبوا أعلي مني ليا صاحب عزيز عليا جدا أنا بذاكر وهوا مابيذاكرش وما بيصليش دايما بنصحه وبدعوه لله بس في الآخريروح يجيب أعلي مني أنا عارف إن ديه آثار الذنوب والمعاصي بس أنا نفسي ما بقيتش طيبة زي الأول لدرجة إني بعمل ملخصات أصحابي كلهم بيذاكروا منها بطلت اعمل وما بقيتش ادي حد مجهودي وبطلت أساعدهم ولو معايا حاجة بخفيها لإني بصراحة كنت أهبل وكنت بديهم كل حاجة بدون مقابل _.....أرجوكم انصحوني

[فريق استشارات سرك فى بير(الأخوات)]

رد: أمراض القلوب ( الحسد)

عليكم السلام ورحمة الله وبركاته

حياك الله أبننا الفاضل .

أبني الكريم ، لا تجعل الشيطان الرجيم يتخذ سبيله إليك .

أصحابك بيجيبوا درجات أعلى منك برغم أنهم غير ملتزمين لأن ربنا بيبتلك .

بيختبر إيمانك .

عاوز يشوفك هتقول انا راضي يارب ولا هتقنط .

أنت أنسان مؤمن ، وربنا وهبك نعمة الألتزام اللي حرم منها كتير من أصحابك .

يعني أنت أحسن منهم بكتير .

التميز مش بدرجات الدراسة يا بني ، التميز في القرب من وربنا والحصول على رضاه .

أنت كنت بتعمل خير من خلال الملخصات اللي بتلخصها لأصحابك ، الخير ده لك أنت مش لهم هما .

أيوة ده خير لك أنت ، لأن كل اللي بيستفاد منها بتكون في ميزان حسناتك .

وكل ما ينجحوا من خلال ملخصاتك دي ، هتكون بكدة ساعدت أن العلم بيوصل لأنسان ، اللي ربما يكون علمه ده سبب في أبتعاده عن معصية .

والأجر كله يرجع لك أنت .

فأستعذ بالله من الشيطان الرجيم أبني الكريم .

ولا تجعل له مدخلاً داخل قلبك .

م.م