محتاجة راي امي الدرة ضروري .. بالله عليكم لا تتاخروا علي

[غير مسجل]

السلام عليكم ورحمة الله وبركاته

عندي مشكلة ارجو راي امي بالفريق

انا مخطوبة بقالي سنة وحصلت ظروف مكناش عاملين حسابها نهائي

الحمد لله على كل شئ...دلوقتي الظروف دي طلعت لينا سنة من الهوا زيادة يعني تلات سنين

مش سنة و6 اشهر او سنتين زي ما عملنا حسابنا

حصلت مشاكل كتير لا داعي لذكرها بس مش بيني وبين خطيبي لا ظروف ملغبطة عندي

دلوقتي هو هيعرف موقفه من الجيش في شهر 4 ان شاء الله ومش عارفين هياخد اعفا ولا لا والموضوع ده من ضمن المشاكل

فبابا اقترح عليا لما لقا نفسيتي وحشة وانا في بلد وخطيبي في بلد وعندنا مششاكل كبيرة في بيتنا هنا

فبابا قالي خلاص اتجوزوا مع والدته ووالده دلوقتي وفي خلال السنة بتاعة الجيش دي خليكوا قاعدين معاهم

وهو ينزل الاجازة 5 ايام في الشهر .. وبعد لما يخلص يجهز شقته وتقعدوا فيها ...

انا مش عارفة الخطوة دي كويسة ولا لا ... انا بصراحة خايفة منها

هو والدته ووالده ماشاء الله اللهم بارك محترمين معايا جدااا وبيحبوني اوووي ومش هيعرضوا

بس انا اللي خايفة اكون بقلل من نفسي ... مع العلم ااننا لو هنتزوج بعد الجيش يبقى هيدخل في شهر 7 ويخرج 7 اللي بعده

محتارة بقول اوافق وخلاص واجي على نفسي السنة دي ... ولا افضل مع امي وابويا لحد ما ربنا يسهلها لنا

بالله عليكِ ياامي فيديني ... جزاكِ الله خيرااااااااااا

[فريق استشارات سرك فى بير(الأخوات)]

رد: محتاجة راي امي الدرة ضروري .. بالله عليكم لا تتاخروا علي

الحمد لله والصلاة والسلام على رسول الله وعلى آله وصحبه وسلم ,أما بعد ,
مرحبا ابنتى الفاضله ,أولا ياابنتى أنا لاأرى أى وجه للتعجل فى هذا الأمر ,وواحده واحده مع بعض نفكر ,
طبيعى ان البنت لازم يكون لها شقتها المستقله ,لازم تشعر بأنها عروسه فى بيتها ,مملكتها الخاصه ,وبعدين بينى وبينك ,,اذا تم الزواج فى شقة والده ,انسى ان يكون لكِ شقه قريب ,خلاص ياابنتى زهوة الفرح وفرحة العروسه خلاص بتكون انتهت ,فين الدافع اللى ها يخليه يجهز شقه ,أنا لاأقول لك هذا الكلام من فراغ ,وأشهد الله على ذلك ,ان أمامى بنات تزوجوا بدون تجهيز شقه وأزواجهم سافروا وتركوهم فى بيت أهلهم ,والآن معهم بدل الطفل طفلان وثلاثه ,ولايوجد شقه الى الان ,,أنا بقولك عن رأيى أنا شخصيا ,يعنى لو بنتى مش ممكن أوافق لها على هذا أبدا ,وبعدين ما أنتى قاعده مع والدك ووالدتك وفى بيتك ,ممكن تتجوزى عند والدك ؟طبعا مش ها تحسى انك اتجوزتى ,ابنتى الفاضله ,نصيحتى تنتظرى السنه الباقيه وتجهزى بيتكم براحتكم ,وممكن حل آخر ,تجهزى شقتك من الان قبل مايدخل الجيش يعنى شهر 7 باقى عليه 4 شهور ,,ممكن فى الوقت هذا تجهزى شقتك ,وتتزوجى عند أهل زوجك لحين عودته من الجيش يبقى بهذا ضمنتى ان لكِ بيت مستقل ولن تعيشى باقى عمرك فى بيت ليس ببيتك ,تعرفى يابنتى لو الكلام ده فى الزمن الماضى ,كانت الناس غير الناس والدنيا كانت أهدأ وأجمل ,كانوا الاولاد بيعيشوا مع أهلهم فى نفس البيت ,ولكن الان الدنيا اتغيرت ,والنفوس اتغيرت ,يبقى نعمل الصح ولاداعى للعجله ,
وطبعا انتى أدرى بظروفكم منى,فأرجو ألا تغضبى من كلامى ,وممكن باقى الفريق يبلغك برأيه ايضا ,واستخيرى الله ياابنتى ,أسأل الله أن يقدر لكِ الخير ويسعدك فى الدارين .

[غير مسجل]

رد: محتاجة راي امي الدرة ضروري .. بالله عليكم لا تتاخروا علي

جزا الله خضرتك خيرااااااا

نفس راي امي فعلا ... بس ماما رفضت كمان علشان مصدر الدخل مش حلوة يعني ان والده ووالدته يصرفوا علينا لان الجيش مش بيشتغل فيه طبعا لكن من غير جيش فيه شغل بفضل الله واذا ربنا كرمنا بالاعفا مشاكلنا هتتحل بفضل الله

خلاص انا هنتظر بإذن الله ولا داعي للإستعجال ربنا يقدرر الخير حيث كان
جواك الله خيرااا امي الحبيبة وجعلك من سعداء الدارين امين يارب

[فريق استشارات سرك فى بير(الأخوات)]

رد: محتاجة راي امي الدرة ضروري .. بالله عليكم لا تتاخروا علي

جزانا الله وإياكِ ابنتى الفاضله ,,اسأل الله لكِ التوفيق والسداد ,
وان شاء الله هذه المده سوف تنتهى سريعا
وسيوفق الله بينكما بإذن الله ,فى حفظ الرحمن ياابنتى .