السلام عليكم ورحمه الله وبركاته(( التوبة ))

[غير مسجل]

السلام عليكم

قبل سنتين كنت تقريبا بعمل كل الذنوب الى ممكن اى حد يتخيلها لحد لما ربنا اسسترجنى فى الطريق الهداية خطوه خطوه لحد ما لبست النقاب وبقيت اصلى قيام وسنن ورواتب واحفظ قران

الحياة كانت جميييييييله جدا فى طاعت ربنا صعب على الواحد انه يدوق حب ربنا وبعد كده يبعد عنه

المشكله

بعد التزامى بشهور بدات تحصلى حاله من الفتور وبسبب جهلى بالدين مكنتش عارفه ازاى اتجنبها وبدات تزيد عندى شويه بشويه

كنت بتبتل بالدعاء وراح منى وكنت بقيم الليل وراح منى والنوافل والسنن راحت منى وصيام النوافل بردو راح منى وحفظ القران راح منى وبر الوالدين راح منى

وبقيت اتفرج على مسلسلات وافلام اجنبى

والحجات الى كنت بعملها قبل الالتزام رجعت اعملها تانى (( العا..........))

وطبعا الفجر مش فى وقته وصلوات تانيه كتير من الفرائض بضيع منى

انا فى حاله انهيار تام كل يوم اسوء من الى قبله والمشكله الاول لما كنت اعمل الذنب ازعل اوى وارجع اتوب رغم انى كنت برجع اعمله تانى بس كان بيبقى جوايا زعل وحزن بسببه

دلوقتى بقيت اعمل الذنب وكانى حاسه انها مبقتش تفرق معايا لا بحس بزعل ولا حزن

انا عارفه انى رايحه فى طريق اسود ونفسى ارجع عنه بس مش عارفه

انا عندى 22 سنه متزوجه من شاب ملتزم ايضا بس الحمدلله هو مازال بخير بس بيعمل فى الخارج يمكن لو كان موجود معايا كان اعانى على فعل العبادات

انا هكلمكو بصراحه انا رجعت اعمل كل الذنوب الى كنت بعملها قبل الالتزام بس رغم كل الذنوب دى سعات بحس جوايا انى بحب ربنا ومش عاوزه ازعله منى وافضل ادعى ادعى بعرف وقتها ان ربنا هو الى ارادنى انى ادعيله

لان فى الغالب انا عااااااااااااجزه عن فعل اى عباده ومقتصره على الصلوات الخمس بس
نفسى اقيم الليل وبكون صاحيه لكن بحس انى جسمى متخدر ومربوطه بحبل بيبقى نفسى اتبتل لربنا بالدعاء وبحس انى مش قادره ادعى اصلا

نفسى اكثر من قراءة القران ومش بقدر

انا مش عاوزه التمس اعذار لنفسى اكيد فى اسباب هى الى وصلتنى لكل ده لكن مهما كان السبب انا عاوزه ارجع تانى

انا حولت كتييييييييييير ارجع لربنا تانى ومش عارفه ولو رجعت بسرعه برجع للذنوب تانى
مبقاش فى حاجه بتاثر فيا لا القران ولا سماع الدروس

قلت اسئل معلمه من معلماتى بس بقول لنفسى هسئل بشر بدل ما اسئل معمله اسئل ربنا وبقول مش هيقدرو ينفعونى بحاجه
مش هقدر ارجع تانى غير لما ربنا يقدر ليا الهدايه من جديد

انا عارفه ان ربنا زعلان منى وغضبان عليا يمكن اكتر من الناس الى مش ملتزمه يكفى انى دقت لذه الطاعه وبعدت عنها

لكن انا مش هفضل كده كتير انا عاوزه حد يساعدنى علشان كده بعتلكو

رغم ان زوجى لما بيكلمنى بيحاول دايما يرقق قلبى وطبعا علشان هو مش عايش معايا ميعرفش انى بعمل كل الذنوب والمعاصى دى وفاكر انى ملاك

حاولو تساعدووووووووووووووونى بالله عليكم

انا بموت

[فريق استشارات سرك فى بير(الأخوات)]

رد: السلام عليكم ورحمه الله وبركاته

وعليكم السلام ورحمة الله وبركاته
الحمد لله والصلاة والسلام على رسول الله صلى الله عليه وسلم
أهلا ومرحبا بكِ أختى الفاضلة وأسأل الله سبحانه أن يحبب إليكِ الإيمان وأن يزينه فى قلبك وأن يكره إليكِ الكفر والفسوق والعصيان

آلمتنا رسالتك أختى الفاضلة لما وصل إليكِ به الحال بعد أن اصطفاكِ الله ورزقكِ بالهداية
لكن أبشرى ففيكِ الكثير بإذن الله ودليل ذلك كتابتك هذا الموضوع وإعترافك بأنكِ بفعلك هذا مخطأة دليل خير بإذن الله
فما بجرح ميت أيلام

أختى الفاضلة تستطيعى التغيير للأفضل بإذن الله فالذى هداكِ أول مرة سبحانه وتعالى قادر على هدايتك الآن
الله كريم ورحيم
لكن علينا نذاخذ بالأسباب ولا نقف مكتوفى الآيدى ونقول إن أراد الله لنا الهداية فسنُهتدى !
لا ياأختى ينبغى عليكِ أن تأخذى بالأسباب لتعودى أفضل مما كنتى عليه
وأول هذه الأسباب :. التوبة النصوح
فالتوبة هى الرجوع عن كل ما لا يرضى الله إلى كل ما يحب الله ظاهرا وباطنا
ولتعلمى اختى الفاضلة أن للتوبة شروط وهى
أولا : الإخلاص فى التوبة لله سبحانه فلا تتوبى لأنكِ مللتِ من حياة المعاصى
لا بل توبى لله ... توبى لان الله أمر بالتوبة
قال تعالى (( وَتُوبُوا إِلَى اللَّهِ جَمِيعاً أَيُّهَا الْمُؤْمِنُونَ لَعَلَّكُمْ تُفْلِحُونَ ))
ثانيًا : الإقلاع عن الذنب
ثالثا : العزم على عدم العودة إليه أبدا
رابعًا : الندم على ما مضى وهو ركن التوبة الأعظم
خامسًا : أن تبادرى بالتوبة قبل أن تموتى وقبل أن تطلع الشمس من مغربها

هذه شروط خمسة يجب أن تتوفر فى التوبة لتكون توبة نصوحا بإذن الله

أختى الفاضلة
هيا من اللحظة ... لا تتوانى
من اللحظة توبى إلى الله سبحانه
وليكن لسان حالك رجعالك يارب مهما كان الذنب
الله غفور رحيم

أختى الفاضلة ألا تعلمى أن الله يحب التوابين ؟؟!

نعم ياأختاه يحب التوابين بل يفرح بتوبة التائب وهو الغنى عن العالمين
قال تعالى (( إِنَّ اللّهَ يُحِبُّ التَّوَّابِينَ وَيُحِبُّ الْمُتَطَهِّرِينَ ))
وقال صلى الله عليه وسلم (( لَلهُ أشدُّ فرحًا بتوبةِ أحدِكم ، من أحدِكم بضالَّتِه ، إذا وجدها ))
وقال صلى الله عليه وسلم (( التوبةُ تجُبُّ ما قبلَها ))

أختى الفاضلة
لا تسوفى التوبة فالموت يأتى بغتة فانظرى ماذا أعددتِ للقاء الله
السبب الثانى حتى تعودى أفضل مما كنتى :.
الصلاة
أختى الفاضلة الصلاة صلتك برب العالمين
الصلاة بها تنشرح الصدور وتطمئن
لا تفرطى فيها أبدا

وقتما تسمعى الآذان بادرى بتلبية النداء ولا تتأخرى
فما تخشين فواته بيد الله سبحانه
ابدأى من حيث انتهى إليكِ حالكِ
فإن كان حالك الآن تأخير الصلاة فلتكن توبتك بإن تعاهدى الله على الصلاة فى أول الوقت
قال صلى الله عليه وسلم (( خيرُ الأعمالِ الصلاةُ في أولِ وقتِها ))

ثم تدرجى شيئا فشيئا فى النوافل فلتحافظى على الصلاة أول وقتها + السنن الراتبة (( 12 ركعة فى اليوم والليلة )) ولتحافظى على ذلك وقتا
وإن شعرتى بثباتك على ذلك وأن ذلك أصبح ثابتا عندك لا يمكن أن تتأخرى عنه أبدا فلتدخلى القيام شيئا فشيئا ... وهكذا

من الأسباب التى تعينك على أن تكونى أفضل مما كنتى
الإستعانة بالله
وحرى بهذا السبب أن يكون أولا وهو أولا
فالمرء لا يستطيع فعل طاعة ولا إجتنباب معصية غلا بتوفيق الله
فاستعينى بالله سبحانه ولا تعجزى وأكثرى من الدعاء أن يهديكِ الله وأن يعينكِ على تحقيق ما يرضيه سبحانه
ولا تغفلى عن الدعاء فالدعاء هو العبادة وهو سلاح المؤمن والسهم الذى لا يخطأ فأكثرى من الدعاء

من الأسباب التى تعينك
القرآن
أختى الفاضلة هلمّى مرة أخرى غلى رحاب القرآن وليكن لكِ منه حظ يوميا حتى ولو قلّ القدر الذى تقرأيه المهم أن تجتهدى أن لا يمر بكِ يوم إلا وفتحتى كتاب الله سبحانه
وهلمّى إلى حفظه فما أجمل أن تحفظى كلام الملك سبحانه

من الأسباب التى تعينك
الصحبة الصالحة
فالصاحب ساحب
انتقى صحبة صالحة تعينك على الطاعة وتأخذ بيدك

من الأسباب التى تعينك
الذكر
اذكرى الله واجعلى وقتك ذكر لله سبحانه إما أن تذكرى الله بالأذكار المطلقة أو تسمعى ما يرضى الله من أهل العلم

هذه بعض أسباب خذى بها وستجدى نتائج طيبة بإذن الله

وخلاصة هذه الأسباب
1. التوبة من كل ما مضى مع تحقيق شروطها .
2. المحافظة على الصلاة فى أول وقتها .
3. قراءة القرآن .
4. الذكر .
5. الإكثار من الدعاء .
6. الصحبة الصالحة .

كنت بتبتل بالدعاء وراح منى وكنت بقيم الليل وراح منى والنوافل والسنن راحت منى وصيام النوافل بردو راح منى وحفظ القران راح منى وبر الوالدين راح منى وبقيت اتفرج على مسلسلات وافلام اجنبى

احسنى الظن بربك وستعودى بإذن الله أفضل مما كنتِ وما ذلك على الله بعزيز
خذى بالأسباب وأقبلى على الطاعة من جديد
واسمعى هذا الدرس
رااااائع وبه علاجا لما ألمّ بكِ بإذن الله فلا تترددى فى سماعه

لمـــاذا انتكســــتى ؟؟!!

وإياكِ والعقوق
سارعى بإرضاء والديك عسى أن يرضى الله عنكِ برضاهما عليكِ

أختى الفاضلة وقتك إن لم تشغليه بطاعة الله فيقينا ستشغليه بمعصية الله فاشغلى نفسك بالطاعة حتى لا تشغلك بالمعصية

http://www.youtube.com/watch?v=DjvVD2w3vM4

واقرأى هذا الموضوع
https://forums.way2allah.com/showthread.php?t=214882
وهذا موضوع سينفعك جدا

اعترافاااااات صاحب عادة سرية

وكفّى أختنا عن فعل هذا الذنب البشع فإن لم يكن أحد يراكِ فيكفيكِ أن الله يراكِ ولا يغرنّك ستره سبحانه وعدم وجود زوجك أختنا ليس مبررا لفعله ونسأل الله سبحانه وتعالى أن يعينك على نفسك وأن يقيكِ شرها

انا هكلمكو بصراحه انا رجعت اعمل كل الذنوب الى كنت بعملها قبل الالتزام بس رغم كل الذنوب دى سعات بحس جوايا انى بحب ربنا ومش عاوزه ازعله منى وافضل ادعى ادعى بعرف وقتها ان ربنا هو الى ارادنى انى ادعيله

ما شاء الله
ألم أقل لكِ أختنا أن بكِ خير كثيرا بإذن الله !
ترجمى هذا الخير إلى عمل
وظنى فيكِ بإذن الله أنك ستبشرينا بتوبتك وأوبتك إلى الله
ونحن معكِ لا تترددى فى أى مشورة فنحن فى خدمتكم
وإن أردتى متابعة إيمانية لكِ فنحن لكم وبكم
بارك الله فيكِ وهداكِ لما فيه رضاه

قلت اسئل معلمه من معلماتى بس بقول لنفسى هسئل بشر بدل ما اسئل معمله اسئل ربنا وبقول مش هيقدرو ينفعونى بحاجه
مش هقدر ارجع تانى غير لما ربنا يقدر ليا الهدايه من جديد

الصحبة الصالحة أختى الفاضلة خير معين بعد الله سبحانه لفعل الطاعة وإجتناب المعاصى ولا حرج إن وقعتى فى مشكلة إيمانية أو غيرها أن تسألى معلمتك
قال تعالى (( فَاسْأَلُواْ أَهْلَ الذِّكْرِ إِن كُنتُمْ لاَ تَعْلَمُونَ ))
وكما ذكرتى لن تهتدى إلى بأمر الله ولكن عليكِ بالأخذ بالأسباب بارك الله فيكِ

http://www.youtube.com/watch?v=n5d0m4UTksM

http://www.youtube.com/watch?v=uKrvk86gp8E
رااااااااااائع
اسمعى بقلبك

http://www.youtube.com/watch?v=_s2huPqGIMo
أسأل الله سبحانه أن يلهمكِ رشدكِ وأن يردكِ إلى الحق ردا جميلا
إنه ولي ذلك ومولاه ....

[غير مسجل]

رد: السلام عليكم ورحمه الله وبركاته(( التوبة ))

السلام عليكم ورحمه الله وبركاته

الحمدلله امبارح بعد ماكتبتلكو الرساله حسيت براحه نفسية اكتر معرفش ليه

واخذت فى البكاء واستغفرت الله عز وجل

والحمدلله صليت الفجر امبارح فى وقته لاول مره من اسابيع

بس انا لسه خايفه جداااااااااااااااا لانى قبل كده كنت بتوب لربنا سبحانه وتعالى وسرعان ما ارجع تانى للذنوب

بس انا حاسه بحاجه غريبه انى لما بتكتبلكو زى ماكون فى جوايا شحنه ايمانيه بس عليها تراب وكتابتى ليكى زى ماكون بنفض التراب الى على الشحنه دى هو انا كده ابقى منافقه

انا خايفه ارجع للذنوب تانى انا مش عاوزه ابعد عن ربنا بس غاصب عنى بحس بحاجه بتشدنى نحيه الذنوب

انا برتاح اكتر لما بكون موجوده لوحدى فى البيت رغم كل الذنوب الى فيها دى بس لما بكون لوحدى بشغل القرآن وبعمل طاعات

معرفش ايه الفرق بين انى موجوده لوحدى وبعمل كده ولما تبقى ماما واخواتى موجودين معايا مش بعمل كده بس اغلب وقتى بكون قاعده فى اوضتى لوحدى تجنب لاى ذنوب او مشاكل ممكن تحصل(انا قلتلكم انى متزوجه وزوجى مسافر عشان كده انا قاعده مع ماما واخواتى )

بالله عليكم ادعولى ربنا يرجعنى ليه تانى

ولو مفيهاش مضايقه ممكن ادخل كل يوم اتابع معاكو انا عملت ايه فى يومى ده (((رغم انى لما قلت لنفسى اعمل متابعه ايمانيه معاكو حسيت انى ممكن معملش ذنوب علشان افضل كويسه فى المتابعه مش علشان ربنا هو الى بيراقبنى وهو الى شايفنى ومش هعمل ذنوب علشانه)))

وبعدين قلت طيب اخد المتابعه دى سبب بس لحد ما ابطل ذنوب وارجع استقيم تانى على طريق ربنا وبعد كده خلاص هبقى مش بعمل ذنوب علشان ربنا بس حاسه انى كده مش مخلصه

انا عاوزه ابطل ذنوب علشان ربنا بس حاسه انى محتاجه حاجه تاخد بإيدى خطوه خطوه لحد ما ارجع تانى لربنا

وبردو لسه خايفه انى افشل للمره المليون زى قبل كده


(((انا لما بقعد واكتبلكو بقعد اعيط وانا بكتبلكو معرفش ليه ولا ايه السبب بس بحس انى بطلع كل الحجات الى جوايا الى مضيقانى رغم انى كنت احب انى اتكلم مع ربنا واشتكيله واسئله

يعنى بمعنى انى ارمى كل همومى من ذنوب وغيرها وكل حاجه على ربنا سبحانه وتعالى وانى افضفض معاه وانى اسئله هو واخلى حياتى كلها معاه

بس للاسف انا حتى مش عارفه ادعى لربنا ومش عارفه اتكلم معاه لسه حاسه انى مقيدة



انا اسفه جدااااااااااااااااااااا على التطويل وعارفه ان كل واحد عنده الى مكفيه وانى بتقل عليكم

بس والله العظيم انا مسألتكوش غير لما وصلت لاسوووووووووووووووء حاله

[فريق استشارات سرك فى بير(الأخوات)]

رد: السلام عليكم ورحمه الله وبركاته(( التوبة ))

بس انا حاسه بحاجه غريبه انى لما بتكتبلكو زى ماكون فى جوايا شحنه ايمانيه بس عليها تراب وكتابتى ليكى زى ماكون بنفض التراب الى على الشحنه دى هو انا كده ابقى منافقه

تسمحى لى ياابنتى أن أكمل معكِ مابدأته أختك من الفريق جزاها الله خيرا ,,أنا أيضا تألمت جدا من حديثك وشعرت بصدق توبتك وانابتك الى الله ,,بنيتى الفاضله ,, انتى برسالتك لنا تفرغى كل مالديكِ من هموم وأكيد الانسان عندما يفضفض مع أحد يشعر بالراحه ,ولاأجد فيما فعلتيه نفاق أو رياء ,,ياابنتى ان العاصى يرى ذنوبه كأنها ذبابه تقف على أنفه وسهل أن يبعدها عن أنفه ,,أما المؤمن فيرى ذنوبه كأنها جبل يكاد أن يقع عليه ,,وأنا أرى أنكِ على خير ولآاذكيكِ على الله فبكائك هذا وأنتى تكتبتى دليل واضح على صدق توبتك وشعورك بالذنب ,وهذا مؤشر إيمانى رائع ,فإثبتى ولاتتركى الشيطان يثنيكِ عما بدأتيه ,حاولى أن تنشغلى بشىء مفيد يقربك من الله ,لاتجلسى وحدك فى حجرتك حتى لايلعب بخيالك الشيطان ,حاولى تكونى قريبه من اسرتك ,انشغلى بتعلم علم شرعى يحصنك من الشهوات التى تبعدك عن طريق الإستقامه ,,ابنتى الفاضله ,نحن معكِ جميعا ونمد لكِ أيدينا فلا تخافى ولاتحزنى ,قربى ولن تندمى ان شاء الله ,حاولى الاشتراك معنا هنا فى المنتدى ستجدى الصحبه الصالحه التى تعينك على طاعة الله ,,وهمسه فى أذنك ,,أرجو ان تعجلى برجوعك الى زوجك اما بالسفر له أو برجوعه هو إليكِ ,وغدا سوف يمن الله عليكِ بالذريه الصالحه التى ستنسيكِ حتى إسمك ,,هيا ياابنتى أريد أن أرى ابتسامتك تنير وجهك ,وسوف اراها بالطبع من خلال رسالتك القادمه ,راجعى نفسك وأعيدى الثقه بالله ثم ذاتك ,,اثبتى لنفسك انك قادره على تخطى هذه الأزمات بالصبر والتوبه والانابه الى الله ,وحسن الظن به عز وجل ,انا سأتركك الآن وفى انتظار رساله منك بها بشرياااااااات ,ان شاء الله ها تقدرى ,,فى حفظ الرحمن ابنتى الفاضله .