يـــــــــــــــــــــــــــارب

[غير مسجل]

انا مش عارفة ابدا منين انا عندى 25 سنة متزوجة من 3 سنين تقريبا قبل الزواج كان نفسى فى حاجات كتير تتحقق ومتحققتش الحمد لله يعنى مثلا كان نفسى ادخل كلية غير كليتى , كان نفسى اتزوج إنسان اقتنع بيه عقلى وقلبى لكنه بعد ما اتكلم راح وخطب حد تانى , كان نفسى أتزوج بإنسان صالح ولما جه زوجى انبهرت بوظيفته وإتلهيت إنى أبص لاخلاقه او اصله او الحاجات التانية اللى المفروض الاهل يهتموا بيها . وبعد ما إتخطبنا غضبت ربنا كتير وكان بيقولى انه عادى يحصل بين المخطوبين كنت صغيرة 21 سنة معنديش خبرة فى اى حاجة إتنازلت عن حاجات كتير اوى تقريبا اهلى هما اللى شالوا الليلة كلها . مشترنيش بمعنى اصح متعبش علشان يتزوجنى .لا . كانت كل حاجة متاحة ادامه . كنت دايما بعارض اهلى علشان مش يساعدوه بالطريقة دى لكن هما كانوا يقولوا هو كويس لغاية ما اقتنعت بكلامهم وبدأت ؟أساعده بمرتبى .وبعد ما اتزوجنا حصل مشاكل كتير .. سبت شغلى بسببه خسر وظيفته بسبب إستهتاره وعدم تحمله المسئولية , كان لما يحصل مشكلة اهله كلهم يعرفوها لغاية ما اخدوا فكرة وحشة عنى . بيع دهبى كله بغرض ان مفيش شغل فى البلد ويعمل مشروع وكل مشروع دخل فيه بيخسره ومش بيرجع فلوسى وحاجتى ويقول انها حاجته هو عملت مشكلة معاه وسبت البيت بسبب انه مش عايز يشتغل وابيع تانى دهبى ويدخل مشروع وعملى فضيحة ى عيلته كلها وفى الاخر رجعت البيت .... حياتى معاه كانت استغفر الله العظيم النوم طول النهار وسهر بليل مع اصحابه حياة مفهاش بركة ولا فيها تفكير وتخطيط للمستقبل كنت بنصحه كتير لغاية ما تعبت والتزمت فى الصلاة وبقيت اتحسبن عليه وادعى ربنا انه ينقذنى منه انا وابنى وفعلا ربنا استجاب لدعائى ... كان بيجيب الفلوس بطريقة مش حلال ففى يوم جت مباحث الاموال العامة وقبضت عليه وانا مكنتش اعرف بحاجة وقفت جنبه بعنا الشقة اللى حيلتنا وساعدته بنص الفلوس فى القضية .. اهله مقدروش اى حاجة مع ان ابنهم مديون لاهلى ب 50 الف جنيه لكن مفيش منهم اى تقدير اهانونى واهانوا اهلى اتخانقت معاهم وبعدت عنهم وفى الاخر كان فيه وصل امانة حقى من الشقة اديته لوالده علشان يجيبلى فلوسه راح جاب الفلوس وخدهم ليه ومش ادهاملى اشتكيته لابنى قالى " هو هيصرف عليا منين يعنى قلتله ان الفلوس دى انا مدينة لناس بيها وكاتبين عليا ورقة " مهتمش لكلامى اتهمنى انى عايزة مدة حبسه يطول !!! اللى طالباه تحليل بسيط باللى بيحصلى انا دالوقتى اتجهت لربنا كتير بس خايفة اكون بفترى على حد انا وقفت جنبه كتيييييييييييير ودى كانت اخرتها

[فريق استشارات سرك فى بير(الأخوات)]

رد: يـــــــــــــــــــــــــــارب

السلام عليكم ورحمة الله وبركاته
الحمد لله والصلاة والسلام على رسول الله صلى الله عليه وسلم
أهلا ومرحبا بكِ أختى الفاضلة وأسأل الله سبحانه أن يبارك فيكِ ويرزقكِ الرضا كما اسأله سبحانه أن يبارك لكِ فى ولدك وأن يهدى زوجك
لا شك أختى أنك أخطأتى جدا فى بداية الأمر لقبولك رجل ألهاكِ مظهره عن جوهره !
لكن لا بكاء على اللبن المسكوب
أختى الفاضلة ... لا تفكرى طويلا فيما مضى فالذى مضى إن كان حزينا فسيزيدكِ حزنا وإن كان جميلا فسيزيدكِ تحسرا وفى كلا الحالتين ستحزنى
الرضا جنة الدنيا
قد نُحرم من أشياء نحبها ونرجوها لكن الله سبحانه وتعالى حكيم
لم يقدّر الله لكِ أن تدخلى هذه الكلية التى رجوتيها لحكمة يعلمها سبحانه
فلا تجزعى ولا تتسخطى أن رزقكِ الله خلاف ما تريدى فحسبك قول الله تعالى (( وَعَسَى أَن تَكْرَهُواْ شَيْئاً وَهُوَ خَيْرٌ لَّكُمْ وَعَسَى أَن تُحِبُّواْ شَيْئاً وَهُوَ شَرٌّ لَّكُمْ وَاللّهُ يَعْلَمُ وَأَنتُمْ لاَ تَعْلَمُونَ ))
كذلك إختيارك لهذا الزوج الذى _ حسب ما ذكرتى _لم يراعى الله فيكِ
قد أخطأتى فى إختياره _ولعل بنات المسلمين يتعظون ولا ينبهروا بالمظهر والوظيفة فكل شيء قد يزول فى غمضة ولكن إن كان صاحب دين فيُرجى منه الخير _
لكن انظرى معى خطأك هذا ماذا أوصل بكِ ؟؟!
إنه القرب من الله سبحانه
فلا سعادة ولا نجاة إلا بطاعة الله سبحانه

الحمد لله أن هداكِ الله ووفقكِ فى ظل هذا الجو الملبّد بالمعاصى وشعورك بالظلم
اثبتى على ما وفقكِ الله إليه وسلى الله المزيد من نعمه وفكّرى فى ولدك كيف ستربيه تربية ترضى الله سبحانه
تفكّرى فى أن تجعليه رجلا يحمل كتاب الله ... يكون بارا بكِ وبأبيه مهما كان أبيه ظالما لكِ
لا تحزنى لفعل أهله معكِ وأكثرى من قول ( حسبنا الله ونعم الوكيل )
وأبشرى فدعوة المظلوم لا ترد
قال رسول الله صلى الله عليه وسلم (( ثلاث لا ترد دعوتهم الصائم حتى يفطر والإمام العادل و المظلوم تحمل على الغمام و تفتح لها أبواب السماء و يقول الله تبارك وتعالى وعزتي وجلالي لأنصرنك ولو بعد حين ))
وأدعوكِ لقراءة هذا الرابط

زوجى أخذ مالى وخدعنى

واذكّرك أختى الفاضلة بقول الله تعالى {أَحَسِبَ النَّاسُ أَن يُتْرَكُوا أَن يَقُولُوا آمَنَّا وَهُمْ لَا يُفْتَنُونَ }العنكبوت2
اصبرى أختى على ما أصابكِ من مكروه وأكثرى من الدعاء والتضرع أن يصلح الله حالك وأن يبدّله إلى أحسن حال
أسأل الله سبحانه أن يهدى زوجك وأن يرده إلى الحق ردا جميلا وأن يردّه إليكم وقد تغيّر حاله إلى أحسن حال
كما أسأله سبحانه أن يبارك لكِ فى ولدكِ وأن يعينك على تربيته تربية صالحة
بارك الله فيكِ .