ساعة الاستجابة يوم الجمعة

[غير مسجل]

السلام عليكم ورحمة الله وبركاته

انا عارف ان فى ساعة استجابة يوم الجمعة.......بس هل الساعة دى فى طوال يوم الجمعة ولا فى صلاة الجمعة فقط

انا عايز اعرف علشان ادعى ربنا فيها ان يبقى جسمى حلو مش نحيف.......علشان انا نحيف اوى وفى ناس بتتريق عليا وبتخلينى مخنوق من الحياة.....وامى كمان بتتريق عليا وتقولى انا مش عارفة انت بتنزل الشارع بجسمك دا ازاى...وفى ناس كتير اوى اتريقت عليا من الصغير الى الكبير.....وارجو منك تقولى على حل علشان انا خلاص اتخنقت ومش عارف اعمل ايه.....وببقى كمان مش عايز انزل الشارع خالص ولا اشوف الناس علشان محدش يتريق عليا.....وفى ناس قالتلى انت هتتجوز ازاى بجسمك دا مفيش واحدة هترضى تتجوزك .........وكمان ساعات بفكر ان ربنا يموتنى علشان استريح من الذل دا

فعايز اعرف ساعة استجابة ادعى فيها ربنا يخلى جسمى حلو وربنا.......ويا ريت تدعيلى علشان حضرتك رجل صالح وربنا هيستجيب ليك

[فريق استشارات سرك فى بير(الأخوات)]

رد: ساعة الاستجابة يوم الجمعة

وعليكم السلام ورحمة الله وبركاته
الحمد لله والصلاة والسلام على رسول الله صلى الله عليه وسلم
أهلا ومرحبا بك أخى الفاضل وأسأل الله سبحانه أن يبارك فيكم ويرضى عنكم

نعم أخى الفاضل هناك ساعة إجابة فى يوم الجمعة فعندما ذكر صلى الله عليه وسلم يوم الجمعة قال: فيه ساعة لا يوافقها عبد مسلم وهو قائم يصلى يسأل الله تعالى شيئا إلا أعطاه إياه وأشار بيده يقللها.
أختلف العلماء هل هى الساعة التى يجلس الإمام على المنبر إلى أن يقضى الصلاة أم التى قبل المغرب والراجح من كلام أهل العلم أن هذه الساعة هي آخر ساعة قبل الغروب
http://www.youtube.com/watch?v=41bfhNLBoaM

وارض بما قدّر الله لك فالمرء ليس بحجمه فهناك من هو ضخم الحجم ولا يزن عند الله جناح بعوضه لكفره بالله سبحانه
فلتهتم برضا الله عنك فالرضا كل الرضا فى رضاه ولا تعير للناس سمعك
فالناس لا يرضون
فلترض بالله لتكن من أغنى الناس ولتكن من سعداء الدنيا والآخرة بإذن الله
ومن يخاطبك بمثل هذه الكلمات ابتسم واحمد الله فالله خلقك فى أحسن تقويم
وانزل الشارع ومارس حياتك فأنت يقينا فى أحسن خلقة مهما نحُل جسمك
ثم لا حرج عليك أن تذهب لطبيب للسمنة والنحافة وتتابع معه وإن شاء الله تكن هناك نتائج طيبة
بارك الله فيك وزادك من فضله وكرمه .