جارتي حلمت حلم و من ساعتها مش بتصلي

[غير مسجل]

السلام عليكم و رحمة الله و بركاته

جارتي حكت لي و قالت ::

كنت عند قريبتي و بت عندها اليوم ده و لما جيت اصحي من النوم لقيت نفسي مش عاوزة اصحي و زي ما يكون حد عمال يجبرني اني انام

و شوفت ناس لونهم اسووووود و شكلهم وحش اوي عمالين يزقوني و يجبروني اني انام و هي كانت خايفة منهم اوي
كل ما تيجي تقوم تنام تاني
بس لما سمعت صوت قريبها وصل قامت من النوم و صحت لنفسها كده
هي كانت عمالة تخنق الناس السود دول في الحلم
و لما صحت لقت نفسها كانت بتخنق في بنتها اللي نايمة جنبها

صحت من النوم عمالة تعيط جامد

قريبتها قالت لها مالك ؟؟
قالت لها مش عارفة هاتي المصحف اقرأ شوية يمكن اهدأ
مسكت المصحف
ماعرفتش تقرأ و حست ان لسانها تقل
خلت قريبتها تقرأ ..قريبتها حست ان لسانها تقل كده
قالت تدخل الحمام (أعزكم الله ) تشطف و شها و كده
بتقولي انا كان اللي طالع عليا اني عاوزة اقطع المصحف و خلاص

راحت حاولت تتمالك نفسها و عطت المصحف لقريبتها عشان ما تقطعهوش

الكلام ده من يجي شهر

هي من ساعتها
بتقولي انا عاوزة أقرأ قرآن و مش عارفة انا نفسي اقرأ بس كل ما امسك المصحف ما اعرفش اقرأ
و حاسة انها مخنوقة و مش عارفة تصلي
بتقولي لما بصلي بحس اني بصلي شكل لكن قلبي لاء

قطعت الصلاة من ساعتها و مش بتقرأ قرآن

للعلم جارتي دي كانت واحدة عادية بتصلي و عايشة حياتها و خلاص

بس كام واحد من اقاربها ماتوا ورا بعض

فحست انها ممكن تموت في اي لحظة و كانت مقررة انها تلبس النقاب بس مالبستهوش و كانت قالتلي انها عاوزة تحفظ قرآن في المسجد و ما راحتش

هي عاوزة تكون كويسة و تقرب من ربنا


هي دلوقتي بتسأل تعمل ايه عشان تعرف تصلي و يا تري هي ممكن يكون فيها حاجة ؟؟

[فريق استشارات سرك فى بير(الأخوات)]

رد: جارتي حلمت حلم و من ساعتها مش بتصلي

وعليكم السلام ورحمة الله وبركاته
الحمد لله والصلاة والسلام على رسول الله صلى الله عليه وسلم
أهلا ومرحبا بكِ أختى الفاضلة وأسأل الله سبحانه أن يهديها للصلاة وأن يبعدنا عنا وعنها كل سوء

ما فعلته جارتك هذه من ترك للصلاة وترك لقراءة القرآن حرام وخطأ كبير
ولتعلم حرمة ترك الصلاة
ويرجى مراجعة هذا الرابط
التفصيل فى حكم تارك الصلاة

فعليها أن تعود إلى رشدها وليس معنى أنها لا تشعر بخشوع قلبها فى الصلاة أن تتركها !!!
بل تجتهد لتحصّل الخشوع

حذّريها أختنا من عاقبة تارك الصلاة فالأمر ليس هيّنًا أبدًا
ثم انصحيها بتلاوة القرآن ولو خمس آيات فى اليوم المهم أن لا تهجره فهذه مصيبة أخرى
حكم هاجر القرآن وجزاءه

أما عن الكوابيس المزعجة
فإليكِ هذا الرابط
الكوابيس المزعجة

هي عاوزة تكون كويسة و تقرب من ربنا
هي دلوقتي بتسأل تعمل ايه عشان تعرف تصلي و يا تري هي ممكن يكون فيها حاجة ؟؟

من أراد أن يتغيّر للأحسن فعليه أن يعمل فليس الأمر بالتمنّى فحسب
ومن يصدق الله يصدقه
فعليها أن تحافظ على الصلاة فى أول وقتها وتدفع عنها هذه الوساوس وتستعين بالله ولا تعجز
وإن شاء الله ليس بها شيء
فقط تحافظ على الصلاة وتجتهد فى الحفاظ على الأذكار وبإذن الله سينصلح حالها
ولتسارع بلبس العفاف والطهر والتشبّه بأمهات المؤمنين فلا ندرى متى سيأتينى الموت ولن ينفعنا بعده الندم
بارك الله فيكم .

[غير مسجل]

رد: جارتي حلمت حلم و من ساعتها مش بتصلي

بسم الله الرحمن الرحيم
والصلاة و السلام على سيد المُرسلين أما بعد:
معلس أنا أسف أنى تدخلت فى الموضوع
بس الموضوع لفت نظرى بصراحة
أرجو من حضرتك أن تقوم الأخت بسماع هذه الرقية الشرعية
http://www.youtube.com/watch?v=BbzA0uVBX3k
والله أشفى كل مريض