طلب من احد المعارف

[غير مسجل]

السلام عليكم ورحمة الله وبركاته
من فضلكم محتاج نصيحة للاخ ده ...
-------- طلب من احد المعارف ---------

شاب صغير يعمل بمطبعة، وانا معتاد لزيارة هذه المطبعة من حين لحين ، وفجأة لقيت نفسى محتاجة انها تكلمه انت ليه تصرفاتك كدا .. ليه مش بتعوز تصلى .. ليه وليه وليه وليه .. وكان من ضمن تصرفاته انه دائما يجرى على باب المطبعة عشان يعاكس البنات - هوا شاب فى 3 اعدادى و الحمد لله سقط الترم الاول - انا حبيت انبهه ان الموضوع ده ممكن يأثر عليه لما يبلغ وبعدين لقيت الموضوع زيادة عنده اوى ، برضه قولت انبهه يمكن يأثر عليه .. افاجأ بلغ من سنة واكتر قبلها وانه بيعصى الله فى احدى ذنوب الخلوات .. حاولت اخد وادى معاه لقيته ضايع تماما ، بوان عليه الوجع وهوا بيقوللى انا بلغت وانا فى ليبا ومحصلشى اللى حصل الا فى البلد بنت .... ، طبعا قضيت ايام معاه بحاول على قدى اساعده ، بس ماشى بدون اهتمام اوى معاه ، يعنى كلمة من هنا النهاردة ، يوم تانى كلمة من هنا ، ده حتى عنده حاجة من االامبالاه والهستيرية (او زى ما فسرتها بعد اللى حصل منه امبارح انه فى قمة الوجع والالم والاحساس انه بيموت) ... المهم عشان ما اطولشى عليكم .. حاجات كتير حصلت منه تحزن اى حد عليه ، لكن باختصار اشد حاجة صدمتنى بجد امبارح ... بعد محاولات انه يصلى كتير فى ايام مختلفه ، امبارح يقولى اصلى انا عاوز اصلى بس مش ببقى عاوز اصلى بس مش عارف ليه ، وفجأة يقوللى هوا ليه اصلا أصلى يعنى انتم ليه بتصلوا (انا للأسف عمرى ما اتسألت السؤال من حد قبل كدا خصوصا صغير وبالغ فى نفس الوقت) قولتله عشان ده ركن من اركان الاسلام الخمسة ، والصنايعى اللى فى المطبعة عد الاركان له ، قال يعنى ايه الكلام ده ، يعنى ايه اركان ، طبعا انا بدأ يراودنى ما مدى ابعاد الحالة اللى قدامى ، قولت اروح مع الصنايعى اللى شغال معاه ، كلمنى شوية عنه جه يقوللى قعد يسألنى فى حاجات عن ربنا وليه ومنين واشمعنا واحنا عيشين ليه وووو ، وهوا غلب منى فى ان فى حاجات المفروض ما نسألشى عنها وانا غلبت برضه معاه وقولتله ما تجى نسأل شيخ فيها ، قلب شقلباز وقال ينهار هههههه دانا لو سألته ممكن ينط فى كرشى فيها ، عارفين ... لو ماكنشى بان عليه فى الاول انه كاره اللى هوا فيه ومش طايق وكمان امبارح تشوفوه وهوا بألم قاعد يكرر الاركان وهوا بيعمل الشاى - حاسس ان جواه نار من انه بقى كدا وحاسس انه عاوز يقول انا ذنبى ايه انى ابقى كدا انا ذنى ايه حد يقوللى ، ممكن تقولوا لا لا لا انت طيب يا عم الشيخ ده هوا عيل شيطان ووو ، بالعكس تصرفاته بتوحى غير كدا ، انا مش عاوز اطول عليكم.

يارب يكون وصلكم حالته ، انا عارف انكم ممكن تكونوا زى (هنعمل ايه يابنى بس) وانا والله مش عارف اعمل ايه ، انا برضه وانا صغير الناس كانت حاسه بحالى وحاسة قد ايه انا ضايع وسابونى لغاية سن 22 سنة من غير اى مساعدات ماشى تايه فى الدنيا
الواد مش عارف اركان الاسلام ، ولا عارف يعنى ايه الكلام ده ، وايه وجع الدماغ ده ووووو
وانا بصراحة مفوقتش وهوا بيقول الكلام ده من الصدمة (اشد من حالتى وانا صغير) وزى ما بيقولوا فاقد الشئ لا يعطيه

هل فى حل؟
انا حاولت مع الصنايعى انه يحاول ياخده معاه فى كل صلاة، ويحاول لو جه الشغل مش مستحمى يرجعه يستحمى ، تقريبا كدا الواد طاقق من البيت والبيت طهق منه ، ورامى نفسه لينا خالص وللشارع
بحس انه لما مش بيلاقى حد ، بيخدر نفسه مع العيال الزفت دى وينسى نفسه كل اللى هوا فيه
ولما بيشوفنى ساعات ببقى حاسس انه عايز يقول ، يييييييييييييييييييه اه وجع القلب جالنا اهه

مرة على ما اتذكر بيسأل الصنايعى بيقوله هوا يعنى ايه يوم القيامة ده ، الصنايعى حكاله شويه (اكيد عن اهوال اليوم ده) قاله باس باس باس يا عم الحاج ، المعلم بيسلم عليك وبيقولك متجيش هنا تانى

ابدا معاه بايه ، مش عارف ااجيبله خطب عن ايه يسمعها ولا عارف اعمل ايه، والناس اللى فى بلدنا من اهل السنة مجرد طلبة علم مش دعوة فردية ولا مجتهدين فى الدعوة واخد بإيد الناس الضالة ، تحس انهم لا يجيدوا موضوع التربية خالص - مش تقليل ليهم بس دى خبرة عن اللى اعرفهم على الاقل
انتم ايه رايكم، نعمل زى الناس وعلى رايهم فكك ، ولا احنا لازم نفكر فى اللى بيضيع من وسطنا زى ما بنفكر فى تبنى الشباب الموهوب والطائع والمجتهد والصالح والشاطر ووووو ؟
ازا كان عليا فانا كنت غلبان وانا صغير وكنت من المتفوقين لكن لما ضعت قعدت اكتر من سبع سنين ضايع فى طريق حياتى حتى وانا صغير لم اكن اصلى الا فى ايام الامتحانات
إذا كان عليا نفسى اساعد ، لا اتذكر ولا اعلم اللى محتاجه واحد فى سنه ولا فقه ولا حكمة ولا ولا ولا
لا حول ولا قوة الا بالله

حتى انا اللى بكتب مش عارف اقولهم ايه ولا يسمع ايه
حتى لما كلمته عن الشيخ هانى وعن الخطب بتاعته برضه مش عارف اديله ايه منها

لو تقدروا تحطوا خطة لكدا ، انا مستعد انى اعمل اللى اقدر عليه ... على الاقل يمكن يكون ربنا قدر ان دى بداية له وباقى المشوار مع حد تانى
---------------------------------

آسف لو فى اخطاء فى الكلام - لم يتم مراجعه الكلام المكتوب
شكرااااااااااا
وجزاكم الله خيرا

[فريق استشارات سرك فى بير(الأخوات)]

رد: طلب من احد المعارف

السلام عليكم ورحمة الله وبركاته ..
بالطبع أخي الكريم ما تفعله ثواب كبير وأنت لا تعرف ماذا يخفي المستقبل حتى ولو الولد لم ينصلح فثوابك عند الله

وما عند الله لا يضيع أبدا


الولد محتاج فعلا متابعة ومن رأيى الشخصي هو محتاج منتدى دعوي من سنه وعلى قده
وفيه متابعة إيمانية
ولم نجد أفضل من هذا المنتدى
وخلي الولد يقرأ مواضيع دكتور مصطفى
وله كتيبات دعوية للشباب رائعة بالتوفيق
http://www.goodwayinlife.com/forum/

[غير مسجل]

رد: طلب من احد المعارف

جزاكم الله خيرا وجزاكم الله الفردوس الاعلى ونسال الله ان يكون عملك خالص لوجه الله وجددوا النية رجاءا وصراحة الموضوع اعجبني كثيرا كثيرا كثيرا بتمنى بتمنى بتمنى من كل شخص بيلاقي شخص ضال انه يدعوه دعوه فردية ويتعب ويصبر لله ... ومن خلال تجربتي مع هذه الحياة والحمدلله جايب نتيجة الحمد لله يارب ان اذكر الشخص الي قدامي بالجنة ونعيمها ولذاتها وكرم الله ورحمته يعني مثلا اكثر شيء بشوف الشخص الي قدامي طبعا في سن صغير تقريبا ما بين 7 سنوات الى 14 سنة المهم الكلام الي بياثر فيهم مثلا بقولهم الاحاديث القدسية واقولهم مثلا فضل لو انت بس قلت سبحان الله وبحمده سبحان الله العظيم يبقى ليك شجرة في الجنة وشجرة الجنة تختلف جدا جدا عن الدنيا وبقولهم مثلا لو قلت لا حول ولا قوة الا بالله يبقى ليك كنز من كنوز الجنة واحمسهم للكنز واقولهم شفتوا كنز الجنة غير خالص عن الدنيا وكمان بقولهم فيه خمر في الجنة ومثلا بقولهم انت نفسك تسبح تحت البحر او برغبهم في الحجات الي صعب يعملوها هنا وبحاول اخليهم يتخيلوها الجنة وطبيعة وبحار من خلال ذكري لهم يعني ( بقولهم كلمة تخيلوا معي اشجار وانهار واحصنها وطعام وشراب والاكل المحبب لهم واقولهم تخيلوا انتم بقى في الجنة وبيتحمسوا جدا جدا لدرجة والله ان الطفل عينهم شوي وبتدمع سبحان الله ) وبقولهم على اجر ركعتين قبل الفجر ايه اجرها بدور على الاعمال السهلة جدا وبقولهم اجرها واقولهم انها مش هياخذ منك شوية دقايق انت تملك 24 ساعة راح تخسر شو اذا قلت لاحول ولا قوة الا بالله وهكذا ....وطبعا وطبعا لا تستهينوا بكلمة واحدة هو ممكن ما يسمع منكم ويستهزء وغيرها لكن والله يوم من الايام راح يتذكر لان كل كلمة بتتخزن في العقل الباطن والله يشهد كم كلمة قالوها لي وتتخزن في العقل الباطن واثارها موجودة حتى الان رغم مرور السنواات عليها وخاصة وخاصة في هذا السن المراهقة وماقبلها هذا (سن الذروةكنز والله كنز مهما كان لا يغركم عدم تفاعله ولكن الكلمة لها اثار ولو بعد حين ) ..... ومن خلال تجربتي احكولهم على نعيم الجنة وعلى (رحمة الله ومحبته لينا ) ونقولهم شفتوا ربنا ازاي كريم مجرد اني بس بس ابتسم بوجه واحد مسلم يديني عليه اجر يعني نشوف كل عمل صالح ونرغبه كثييييير كثيييير في الاجر ,,, بعطي مثلا عشان الفكرة توضح:: ( الحمد لله تملئ الميزان ) تشرح له هالكلمة تقولهم انت على بالك ميزان بتاع الفواكه ولا الخضار لا لا لا ده انت عارف عظمة ربنا الميزان الي عععند ربنا كبير جدا جدا جدا وبس لما تقول الحمد لله بس هالكلمة راح تملئ ميزانك كلها حسنات عشان بس قلت الحمد لله شفت كرم ربنا قد ايه ) وهكذا وهكذا تمسك كل الاعمال الصالحة وهي كثير وترغبه بالاجر وان شاء الله تنفع معكم هالشيء وياريت كمان تقولهم عن الفوائد الصحية الي اكتشفوها العلماء ماذا يحصل للدماغ عند الاستماع الى القران وايضا فوائد العظيمى الصحية للصلاة عشان كمان يعني يجعل روحه تتحرك ... من ناحية الصلاة ياريت تخبروهم بان الوضوء بتغسل الشخص من كل القذورات واحنا احسن من المسيحين الاسلام دين طهارة واخبرهم ان بعضهم اصبحوا يعالج الاشخاص بالسجود يعني ابحثوا عن فوائد الوضوء والصلاة واجرهم واحفظوهم والقوه لهذا الشخص بطريقة جذابة .... واخر شيء بدي احكيه ياريت تستعملوا الخيال معهم فهي اثبت اثبت اثبت للنفوس يعني تجعلهم يتخيلون الجنة اخبروهم بان يغمضوا عينيه ثم انت تكلم معه واخبره تخيل هناك اشجار وانهار ومناظر خلابة واحصنة وفراشات ووردود وهكذا ) وجزاكم الله خيرا