أنا مضايقة حد يريحني

[غير مسجل]

السلام عليكم ورحمة الله وبركاته

الاتنين دول واحدة منهم صاحبتي كانت مش ملتزمة وبعدين ربنا هداها ولبست النقاب لكن خايفة عليها من عدم الثبات
أحيانا بتكلمني بأنها بتضعف وكده بس أنا مش عارفة أعملها ايه
بكلمها على اد مابقدر لكن وصلت لدرجة انها فكرت تخلع النقاب
ولبسها على النقاب بقى مش زي الأول لسة شايفاها امبارح لابسة حاجة حمرا على النقاب
انا خايفة عليها اوي ومش عارفة اعمل ايه
هي مش بتدخل على النت خالص ومش عارفة ايه اللي ممكن يخليها تثبت
كذا مرة قلتلها على العلم الشرعي بس مش بتروح
هي مهتمة بالدراسة اوي ومش عايزة تنشغل عنها بأي حاجة
ساعدوني أرجوكم

صاحبتي التانية هي ماكانتش باختياري فجأة لقيت ان احنا اصحاب وبقينا بنروح ونيجي مع بعض على طول لان دفعتنا اصلا قليلة اوي
وبعدين عرفت انها كانت بتحب واحد وبتكلمه في الموبايل على طول
وبتكلم الولاد اللي في الدفعة عندنا عادي كأنهم اخواتها
ومهما قلتلها تقولي ده انا بقوله على ميعاد المحاضرة او حاجات زي كده

انا مش واخدة على كده خالص ومش بيعجبني النظام ده

وبعدين اللي كانت بتحبه ده قطع العلاقة معاها بحجة مش مقنعة وهي نفسيتها اتأثرت جدا وقتها
وبعد فترة كبيرة اوي بدأ يتصل بيها تاني بس هي مارضيتش ترد عليه ومرة بس ردت قالتله انا مش اللي انت عرفتها زمان انا خلاص بقيت واحدة تانية وكلام كده يعني معناه انها مش هتتكلم معاه تاني

وبعد كده اتقدملها من يومين كده ولسة هييجي البيت

بس انا مش عارفة اعمل ايه
انا عايزة ربنا يخلصني منها خايفة على نفسي منها
لما بس اسيبها واقعد في حتة تانية ولا يعدي فترة ما اكلمهاش عالموبايل تزعل
فمش عارفة حتى ابعد تدريجيا
السنة دي كان في تخصص وكان نفسي كل واحدة فينا تروح تخصص عشان ابعد عنها لكن دخلونا كلنا تخصص واحد
وبدعي ربنا لو البنت دي مش خير ليا يخلصني منها بالمعروف عشان مش بحب اعمل مشاكل
وبالذات ليا اصحاب تانيين في كلية تانية بيقولولي البنت اللي معاكي دي شكلها مرتبطة شكلها بتكلم ولاد ..ده انا شفتها واقفة مع ولد معاكم في الدفعة النهاردة
كده بقى وانا زهقت
قولولي اعمل ايه
جزاكم الله خيرا

[فريق استشارات سرك فى بير(الأخوات)]

رد: أنا مضايقة حد يريحني

وعليكم السلام ورحمة الله وبركاته
الحمد لله والصلاة والسلام على رسول الله صلى الله عليه وسلم
أهلا ومرحبا بكِ أختى الفاضلة ونسأل الله سبحانه أن يبارك فيكِ ويرزقكِ الصحبة الصالحة التى تأخذ بيدك لما يحب سبحانه ويرضى
بداية نعتذر لكِ جدا على التأخير بارك الله فيكم وجزاكم الله خيرا

واحدة منهم صاحبتي كانت مش ملتزمة وبعدين ربنا هداها ولبست النقاب لكن خايفة عليها من عدم الثبات
أحيانا بتكلمني بأنها بتضعف وكده بس أنا مش عارفة أعملها ايه
بكلمها على اد مابقدر لكن وصلت لدرجة انها فكرت تخلع النقاب
ولبسها على النقاب بقى مش زي الأول لسة شايفاها امبارح لابسة حاجة حمرا على النقاب

نسأل الله سبحانه أن يثبتها على لباس العفة والطهر
كونى معها أختنا الفاضلة وداومى النصح لها ولا تيأسى منها
وممكن أن تدليها على درس تسمعه مع تحفيزك لها على سماعه ولو أن تسمعيه معها
وهذا درس رائع جدا
لأنك غالية
وخاطبيها باللين والرفق والشفقة والمحبة بإن تثبت على هذا الزى وكونى لها قدوة
ثم ذكّريها من الحين والحين بفضل النقاب ونعمة الله عليها بإن منّ الله عليها بالنقاب فى حين أن هناك الكثير من الأخوات يبكون شوقا وحبا لهذا الزى ولكن وقف أمامهم عقبات حالت بينهم وبين هذا العفاف _ نسأل الله أن يرزق نساء المسلمين _
وأخبريها أنه يكفيها شرفا أنها بهذا الزى تتشبه بأمهات المؤمنين فمن تشبه بقوم فهو منهم كما أخبر رسول الله صلى الله عليه وسلم

صاحبتي التانية هي ماكانتش باختياري فجأة لقيت ان احنا اصحاب وبقينا بنروح ونيجي مع بعض على طول لان دفعتنا اصلا قليلة اوي
وبعدين عرفت انها كانت بتحب واحد وبتكلمه في الموبايل على طول ......

لعل الله أرسلك إلى هذه الأخت كطوق نجاة وسبيل هداية لها لتأخذى بيدها لمرضاة الله فهى على خطر عظيم بارتباطها بهذا الشاب
فتواصلى معها بالقدر الذى تنصحيه بها ولا يفتنك فى دينك
ابتسمى لها ولتشعر منكِ حبك لها وخوفك عليها
اهدى لها هدية ولو بسيطة وقولى لها أنى أحبك وأخاف عليكِ من هذه الذئاب البشرية
_والله يااختنا كثيرات وقعوا فى هذا الجرم البشع وقلوبهم طيبة جدا لكن تحتاج من يأخذ بإيديهن _
لو تعرفى صفحتها على الفيس مثلا أو أى طريق تهديها هذا المقطع
مؤثر جدا
http://www.youtube.com/watch?v=ff5wA...&feature=share

اسأليها عن حالها علطول وخليكِ جنبها
ولا تعاونيها على المعصية
فإن رأيتيها تقف مع شاب فلترى منكِ مدى حزنك وغضبكولتذكّريها بالله ثم بالموت

ونسأل الله أن يهديها وأن يحبب إليها الإيمان وأخبرينا عن حالك معهما نسأل الله لنا ولكم الثبات على الذى يرضيه ونسأله سبحانه أن يهدينا لما فيه رضاه
وفقكِ الله

[غير مسجل]

رد: أنا مضايقة حد يريحني

جزاكم الله كل خير على الرد
وأنا أعذركم والله وأعلم مدى المشاكل التي تكتب في القسم وانتم مطالبون بالرد عليها
أعانكم الله وجزاكم خيرا

بالنسبة للأخت الأولى حاضر بإذن الله أعمل معاها كده

والأخت التانية هي مش عندها كمبيوتر بس ممكن أحول المقطع ده mp3 وأديهولها عالموبايل
وهي اتخطبت للأخ ده وانتقبت بفضل الله
لكن أول ماانتقبت كانت مش بتكلم الشباب عندنا خالص وشايفة انها ماينفعش تكون منتقبة وتتكلم معاهم
والشباب نفسهم لما لقيوها كده مابقيتش تتكلم بقوا مش بيكلموها خالص وللأسف هي اللي رجعت تتكلم تاني
وهي مش بتتكلم في حاجات برة الدراسة لكن مثلا معاكم الورق بتاع كذا؟
يا أحمد هات البتاع دي ويامحمود مش عارفة ايه
وانا مش بحب كده خالص
ولما قلتلها تاني قالتلي انتي محسساني اني بعمل حاجة حرام ولا غلط

[فريق استشارات سرك فى بير(الأخوات)]

رد: أنا مضايقة حد يريحني

وخيرا جزاكِ أختنا وبارك الله فيكِ واسعد الله قلبك وأقر عينك بما يرضيه سبحانه

الحمد لله
ربنا يهديها ويغفر لها
وعندما تقول لكِ

انتي محسساني اني بعمل حاجة حرام ولا غلط

قوليلها نعم حرام وغلط
وخاطبيها بإسلوب يناسبها فإن كانت تأتى بالشدة خاطبيها بالشدة حتى لا تسيء إلى هذا الزى المبارك ولتتق الله
وإن كانت تنقلب إن خاطبتيها بالشدة فخاطبيها باللين مع توضيح خطورة مخالطة الشباب فالأمر ليس هيّن كما تتصور
فما تريده يمكن أن تأخذه من أخت أو تحرص هى على الحضور ولا تحتاج لأحد
هدانا الله وإياكم لما يحب ويرضى
اللهم آميـــــن