مرض قلبى (الرجاء دخول امى الفاضله)

[غير مسجل]

السلام عليكم ورحمة الله وبركاته


وارجو الحذف ياامى
بارك الله فيكم

[فريق استشارات سرك فى بير(الأخوات)]

عليكم السلام ورحمة الله وبركاته

أهلاً ومرحباً بأبنتي الكريمة .

هوني على نفسكِ يا أبنتي.

والله قلبكِ مازال بخييييييير ، ملئ بالخير.

لو لم يكن قلبكِ مليئاً بالخير لما حزنتِ على ما تمرين به .

أبنتي الكريمة .. للأسف للأسف !! أنتِ مش عرفتي مشكلتكِ أيه بالظبط .

أيوة يا بنتي متستغربيش .

مشكلتكِ واضحة جداً بس للأسف مش واضحة ليكي .

أنا هقولكِ بالظبط تفسير اللي بيحصل معاكي دلوقتي يا بنتي .

أنتي يابنتي للأسف الشيطان الرجيم ونفسكِ الأمارة بالسوء أتفقوا عليكِ وأحكموا الحلقة عليكِ .

عرفوا يدخلولكِ منين .. وعشان عرفوا يدخلولكِ ، قدروا يتحكموا فيكِ بششششدة .

شوفي يا بنتي كلامكِ هنا

اغضب لو وجدت احداهن تعلم اكثر منى او ان احد اثنى على احداهن وانا **********************

اللي بيحصل يا بنتي أولاً هنا: نفسكِ هي اللي بتبتدي للدخول لكي الأول بأنكِ لما تتمني أنكِ تكوني أنتِ الأفضل بين أخواتكِ ( وده شيء عادي ومباح أنكِ تحبي تكوني أفضل دينياً وأفضل معرفة وأفضل ألتزاماً ، كل دي أفكار إيجابية لا ضرر فيها ) هنا تبتدي نفسكِ تلاقي الحتة الضعيفة فيكِ اللي تقدر تدخلكِ منها .. وتنمي فيكِ التمني بالأفضلية ليصل لدرجة كبييييييرة جداً عندكِ ، ويصبح داخلكِ تربة خصبة لدخول أي زرع أخر ، من هنا يلاقي الشيطان الرجيم فرصته ويلاقي الطريق ممهد جداً له في أنكِ تتقبلي الأفكار اللي هيزرعها في نفسكِ بكل بساطة .
منها بيدأ يزرع الحقد في نفسكِ ( ولاحظي هنا أنه بيزرعه في نفسكِ مش في قلبكِ ، لأن القلب بين يدي الله هو الوحيد القادر على تحريكه كيف يشاء ) وحينما يزرع في نفسكِ ما يريده ( الحقد ) ينمو مع الوقت إلى كراهية لمن تحقدين عليه ، وبذلك يثبت في ذهنكِ أنكِ بتكرهي هؤلاء الأشخاص وتحقدين عليهم .

نأتي هنا لثاني خطوة بيعملها الشيطان فيكي . أيوة بيستعمل معاكي خطوات تانية ، ولا أنتي فاكرة هيقف معاكي لحد كدة ؟ لا طبعاً .

المهم .. بعد ما مهد لنفسه داخل نفسكِ أفكار الكراهية والحقد ، ييجي بقى لتحطيمكِ أنتي بالأفكار دي .

أقولكِ أزاي .. هو خلاص وصل لأنه زرع في نفسكِ وفي تفكيركِ أنكِ أنسانة حقودة وبتكرهي أقرب الناس إليكي وبتحقدي عليهم ،، يبتدي بقى للمرحلة الأكبر والأكثر تقدماً ، أنه يخليكي تخجلي من ربنا وأنتي على الصورة دي .
ويخلي الصورة اللي جعلكِ عليها دي تهدم الصلة اللي بينكِ وبين ربنا ، أيوة أزاي يعني هتقدري تنظري لربنا وأنتي أنسانة حقودة كدة وبتكرهي اللي حواليكي .. ( دي الأفكار اللي بيحطها في دماغكِ ) .. وأفكار تانية كتير تخليكي تخجلي من كل شيء يربطكِ بربنا .. تخجلي أنكِ تصلي وتقولي أزاي هضع وجهي أمام وجه ربنا في الصلاة وأنا بالسوء ده ، أزاي هرفع إيدي وأدعي ربنا وأنا جوايا وحش أوي كدة ، والأكبر من كدة بقى !!!!! أنه يقنعكِ أن كل العبادات اللي بتعمليها دي رياء ويخليكي تقولي في نفسكِ ( أيه النفاق اللي أنا فيه ده ، مع كل الحقد والكره اللي جوايا ومش خجلانة أني أمسك المصحف أرء فيه ؟ )
دا أنا كدة كمان عندي رياء + الحقد + الكره وووو .

وبطبعاً بالأفكار دي كلها اللي بيزرعها في دماغكِ وبيحطمكِ بيها عمركِ ما هتحسي بطعم إي حاجة إيمانية بتعمليها ، ولا بطعم أي طاعة ولا بطعم أي عبادة .

وبكدة بقى يكون وصل لغرضه معاكي من كل الطرق ( يعني لو مش بعدتي عن ربنا بسبب خجلكِ منه وأنتي بهذه الصورة ... هتبعدي عنه وتبطلي عبادة لأنكِ مش حاسة بأي طعم لها ) وبكدة يكون مش سايبلكِ أي طريق للرجوع لربنا .

لكن يابنتي قال رسول الله ( صلى الله عليه وسلم ) : ( ...........، من يَهدِهِ اللَّهُ فلاَ مضلَّ لَهُ ، ومن يضلل فلاَ هاديَ لَهُ ،........ ) .



الراوي: عبدالله بن مسعود المحدث:الألباني - المصدر: صحيح ابن ماجه - الصفحة أو الرقم: 1547
خلاصة حكم المحدث: صحيح

اللي أقصده من وضع هذا الجزء من الحديث لكِ .. أن ربنا هداكي ومش عاوزكِ تبعدي عنه .. أيوة يا بنتي .. وهناك دليلين على ذلك .

أولاً : لأنه سبحانه وتعالى لم يقلب قلبكِ تجاه المعصية ، وذلك بأنه جعل قلبكِ يكره ما وصلت إليه نفسكِ .

ثانياً : أنه أراد لكِ المجيء هنا لكي يمن علينا من فضله ويساعدكِ من خلالنا بتلك الكلمات التي وهبني الله نعمة كتابتها لكِ .

نأتي الأن للعلاج يا أبنتي .

العلاج يا بنتي أنكِ تستعيذي بالله من الشيطان الرجيم أولاً .. ثانياً تقومي تتوضئي وتصلي ركعتين شكر لله تعالى لمحبته لكِ وأنه ردكِ إليه رداً جميلاً .

ثالثاً : أكثري من الدعاء في جوف الليل أن يُصلح الله تعالى نفسكِ وألا يجعل للشيطان عليكِ سبيلاً .

رابعاً : لا تظني أن الشيطان الرجيم سيترككِ بدون أن يحاول الإيقاع بكِ ثانيةً .. ولكن إن أستطاع هزيمتكِ ووقعتي لا تضعفي بل قومي بكل ثبات وأستعيدي مكانتكِ عند الله تعالى ... فإن الله يفرح بتوبة عبده ورجوعه إليه .

أسأل الله تعالى "أن يجنبكِ الشيطان وسوسته وهزه ولمزه "

وأن يقيكِ شر نفسكِ .

وأسألته تعالى أن يمن عليكِ بالزوج الصالح التقي الذي يتقي الله فيكِ ويكون عوناً لكِ على الطاعة ويأخذ بيدكِ للجنة يارب عاجلاً غير آجلاً يااااااااااارب .

أبقي طمنينا عليكِ أبنتي .

م.م