اريد الشيخ ابو معاذ فقط (اتمني الا يدخل احد غيرة رجاءا)

[القرار الاخير]

السلام عليكم ورحمة الله
فقط اكرر اتمني ان من يرد علي الشيخ ابو معاذ
واتمني ان يقوم فضيلته بمسح الموضوع بعد الرد عليه

تـــــم معرفة المشكلة .

اتمني ان اجد الرد قريبا لاني لربما في لحظة ياس اقتل نفسي

[فريق استشارات سرك فى بير(الأخوات)]

رد: اريد الشيخ ابو معاذ فقط (اتمني الا يدخل احد غيرة رجاءا)

عليكم السلام ورحمة الله وبركاته
بدون مقدمات اختي الكريمة ، تفتكري لو ربنا عاوزك تدخلي النار كان سابك ليه عايشة لحد دلوئتي ؟ ( لحد الوقت اللي نفسك تتوبي فيه ) ؟
شوفي يا أختي .
أنتي بتقولي انك عشتي فترة طويلة على المعصية ووووو . ، بس أعرفي بئى أن ربنا سبحانه وتعالى عملكِ وقفة .
وقفة لكللللللللل اللي عدى من حياتكِ .
يعني لحد هنا وأستوب .
وأكرمكِ وأنعم عليكِ أنه يغير قلبكِ ده .
القلب العاصي ، اللامبالي ،
قلوب البشر جميعهم بين يدي الله عز وجل ، يقلبها كيف يشاء ، وأنتِ دلوئتي ربنا أراد لكِ أنه يغير قلبكِ .
ويبدله بقلب جديد نظيف يريد التوبة .
وده معناه حاجتين
الاولى أن ربنا عاوزك تكوني من عباده الصالحين .
والتانية أنه سبحانه وتعالى طلما غير قلبكِ وأنعم عليكِ بالتوبة يبئى فتحلك باب المغفرة وهيغفرلكِ .
لأنه سبحانه وتعالى لو مش عاوز يغفرلكِ مكنش أنعم عليكِ بالتوبة ودليل أنه أنعم عليكي بالتوبة هو تغيير قلبكِ للصلاح والهداية .
.
تيجي أنتي بئى لما وصلتي للمرحلة العظيمة دي وتقولي أنتحر ؟؟!!
يا أختي في ألاف بل ملايين غيركِ يتمنوا يلاقوا قلبهم نظيف من تاني .
وبيعملوا المستحيل عشان يغيروا من نفسهم ومن قلوبهم .
وأنتي لما ربنا ينعم عليكي بالنعمة دي ، تفرطي فيها .
أنا هسألكِ سؤال وعوزاكي تجاوبي عليه ، ياترا لما كنتي بتعصي عمركِ لحظة حسيتي بيأس وفكرتي تنتحري ؟
أكيد لا .
طيب تعرفي حالة اليأس والإحباط اللي بتمري بيها دلوئتي دي ليه ؟
لأنك وصلتي لمرحلة بقت مصدر تهديد للشيطان الرجيم .
أيوة متستغربيش ، طول ما أنتي بتعصي وبتذنبي ، الشيطان مطمن وخططه معاكي ناجحة وماشية تمام .
أنما أول ما أبتديتي تفوقي من الغفلة وتنفضي عنكِ الذنوب والمعاصي ، كدة شكلتي تهديد له ، وبدأ يشوف أن في واحدة من أتباعة هتهرب من تحت سيطرته وحكمه .
وأبتدا هو كمان يفوق لكي ويرجع يخططلكِ صح عشان يلحقك قبل ما تطلعي من تحت سلطانه .
وأول خططه معاكي هو أنه يثبت فيكي ان ربنا مش هيقبل توبك دي ولا هيغفرلك .
بس تعرفي عشان هو متأكد أن ربنا قادر يجعلكِ تتوبي ، فعاوز يلحقكِ قبل ما تتوبي فعلاً وزرع في تفكيرك فكرة الانتحار مباشرةً .
بصراحة يا أختي ، أنا واجهتني خطط كتير أوي للشيطان الرجيم في محاولات منه أن يرجع التائبين عن طريق التوبة .
بس أنتي أول واحدة أشوفه عاوز يجيب معاكي مالأخر ، بأنه يخليكي تنتحري .
عادةً بيفضل يتبع أكتر من خطوة مع الشخص لحد ما يوصل للنتيجة اللي عاوزها في النهاية .
أنما أنتي عاوز يوصل للنتيجة دي بسرعة بدون خطوات طويلة ، تعرفي ليه ؟
لأن خلاص ربنا كتبلكِ التوبة والمغفرة بإذن الله تعالى ، فمفيش مجال ولا وقت أنه يحاول معاكي في خطوة ورا خطوة ، عاوز يلحقكِ بسرعة قبل ما تتوبي توبة نصوحة يقبلها الله .
عاوز يرميكِ في جهنم بسرعة قبل ما تحطي رجلك على أول طريق العودة لله .
لكن يا أختي أنتي الحمد لله خلاص ، ربنا كتبك تكوني من التائبين العائدين ، حكم الله نفذ خلاص ، ومهما حاول الشيطان الرجيم على عكس ذلك فلن ينجح .
قال رسول الله صلى الله عليه وسلم ( ................. ، من يَهدِهِ اللَّهُ فلاَ مضلَّ لَهُ ، ومن يضلل فلاَ هاديَ لَهُ ، ................
الراوي: عبدالله بن مسعود المحدث:الألباني - المصدر: صحيح ابن ماجه - الصفحة أو الرقم: 1547
خلاصة حكم المحدث: صحيح

وأعلمي أختي الكريمة أن الله ما فتح لكِ باب التوبة إلا لأنه يريد أن يغفر لكِ .


قال ربنا جل وعلا .


قُلْ يَا عِبَادِيَ الَّذِينَ أَسْرَفُوا عَلَىٰ أَنفُسِهِمْ لَا تَقْنَطُوا مِن رَّحْمَةِ اللَّـهِ ۚ إِنَّ اللَّـهَ يَغْفِرُ الذُّنُوبَ جَمِيعًا ۚ إِنَّهُ هُوَ الْغَفُورُ الرَّحِيمُ ﴿٥٣﴾ الزمر



بالله عليكِ في دليل أكبر من كدة على مغفرة ربنا ليكي ؟


وعد المسرفين بالرحمة ، لم يقل يا عبادي الذين أذنبوا ، بل قال الذين أسرفوا ( دليل على مغفرته ورحمته حتى للذين تمااااااااااادوا في الذنوب ، مش بس المذنبين العاديين . لا . إنما الذين تماااادوا في الذنوب وأسرفوا فيها ) .


يا الله ما أعظمك .

فأستغلي هذه الهبة العظيمة التي وهبكِ الله أياها ولا تفرطي فيها .
فإن الكثيرين غيرك يتمنوها .
قومي وأفرحي وأبتهجي ، وصلي لله شكراً على فضل التوبة وفضل المغفرة .
وأحبطي كيد الشيطان ونزغه .
وسامحيني لأنني أنا من رديت عليكِ وليس شيخنا الفاضل أبو معاذ .
فإنه أعانه الله مشغول كثيراً هذه الأيام .
ولم أريد أن نتأخر عليكي أكثر من ذلك .
ورجاءاً طمنيني عليكي .
أستودعكِ الله .
م.م