مشاكل الحب والزواج ارجو الرد بسرعة .

[غير مسجل]

السلام عليكم ورحمة الله وبركاته
انا شاب 23سنة من 4 سنين كنت بشتغل ايام الدراسة واتعرفت على بنت فى مكان عملى المؤقت كانت من البنات المبتسمة دائما والمتساهلة في الكلام والحديث مع الاغراب وهيا اللى جذبتنى اليها باهتمامها بيا وكلامها ليا وانا كنت خام جدا متعرفتش على بنات قبل كده فاتعلقت بيها وحبيتها انا معايا مؤهل عالى لكن هيا معاها دبلوم بس بردو انا ابتديت معاها علاقة لمدة سنتين كلام في التليفون على وعد بالتقدم لو تيسرت االامور غيرت فيها كتير اوى قعدتها من الشغل ومنعتها من الكلام والحديث مع الاغراب على اساس الاخوة وولاد العم وولاد الخال على اساس الاخوة والسلام باليد وحاجات كتيرةاوى كانت غلط الحمد لله اتصلحت ولبست الخمار بعد ان كانت ترتدى الحجاب العادى السائد بعد كده اتفقنا اننا نبعد عن بعض عشان ربنا يقربنا ومش عاوزين نعمل حاجة غلط تغضب ربنا وبالفعل قطعت علاقتى بيها وعرفتها على والدتى واختى في التليفون لو عايزة تطمن عليا او اطمن عليها واتفقت انا وهيا على حاجات كتير تتعمل ومترجعش للى كانت عليه لما ابعد عنها وتخلى بالها من نفسها وتحافظ على نفسها ومتتكلمش مع اى حد غير المحارم من الرجال لحد ما ربنا قدرنى وقدرت اخطبها وفعلا اتقدمتلها ولقيت اللىمكنتش متوقعو ابدا لقيت انو طباع وعادات اهلها مختلفة تماما مع فكرى وطباعى كل حاجة عندهم عادى الضحك والهزار والكلام مع اى حدعادى والرقص فى الافراح عادى لكن خطيبتى كانت ملتزمة شوية عنهم بس برضو حصل حاجات كتير زعلتى زى مثلا كان ليها اخت كبيرة واتخطبت وكانت بتخرج هيا واختها وخطيب اختها على طول المهم قولت استحمل مش مشكلة انا هجوزها هيا مش هجوز اهلها لكن للاسف قربنا من بعض فى فترة الخطوبة لدرجة انى كنت بلمسها بمسك ايديها بضمها وكمان قبلتها كان كل مرة بيحصل شيء زى كده كنت بحس بذنب فظيع المهم دلوقتى انا بعدت عن الذنب ده لكن هيا اعتبرت انو انا بضغط عليها كده وكل شوية اوامر ونهى ومتروحيش هنا ومتجيش هنا وده ممنوع وابتدت تتأثر باهلها وفكرتنى بكل ما مضى من عذاب افتكرت كل حاجة كانت بتعملها زمان ذى الصوت العالى والضحك في الشارع والهزار مع الاغراب وسماع الاغانى .وكل شيء يؤلم ابتديت اغلط فيها واشتمها وهيا صوتها بقى يعلى عليا وبقت تقفل السكة فى وشى وتتريق عليا في الكلام وبقيت كل شوية اقولها لو عملتى اى حاجة غلط هسيبك كنت منعتها تروح عند ناس معينة وكانت وعدتنى وعاهدتنى انها متروحش وبرضو راحت من غير حتى ما تعرفنى قبل ما تروح قولتلها انتى كده خنتى العهد اللى بينا كترت المشاكل اوى واهلها شايفين انى متشدد ومش عاجبهم وانا تعبت ومش مستريح وحاسس انها اتغيرت ومعدش في حاجة اسمها حب دلوقتى بتقولى لما ابقى على ذمتك ابقى اتكلم معايا
عاوز انهى الخطوبة دى خالص بس خايف اكون بكده ظالم خايف من الظلم خايف اندم عليها وربنا يبتلينى بأسوأ منها وحاسس انو هيجرالها حاجة لو سيبتها بس كل ما اجى ابص لمستقبلنا مع بعض الاقيه مظلم مفيش اى توافق في الفكر والعقل بينى وبين الاسرة كاملة وانا عاوز ابنى بيت محترم اساسه هو الاخلاق الدين والسنة عاوز ابنى حياة كريمة عاوز زوجة تحفظنى فى غيابى عاوز زوجة لما اقولها على حاجة تقول حاضر طالما مش بتغضب ربنا عاوز زوجة متعرفش في حياتها من الرجال غير ابوها وزوجها عاوز زوجة محفوظة في بيتها كالجوهرة وبالرغم من انى وصلت خطيبتى لانها مبقتش تتكلم مع اى حد بس اهلها ضد كل ده وبيزعلو منها لما بتقفل على نفسها الباب وحد غريب موجود ويفضلو يندهولها ويقولولها اخرجى اقعدى معانا انتى مقفلة كده ليه ابتدت تتأثر بيهم وابتدت تغلطنى انا وتقتنع بفكرهم انا مش عارف اعمل ايه
ياترى لو كل واحد فينا راح لحالو هبقى ظلمتها معايا وهشيل ذنبها
وربنا هيبتلينى بأسوأ منها
ولا ربى هيغفر لى ويرزقنى بالزوجة الصالحة انا خايف وتايه ومش عارف اعمل ايه دلونى يا اهل الخير

من فضلكم ارجو حذف الموضوع بعد الرد عليه ولو فيه استفسار من حضراتكو على اى تفاصيل اسئلونى وانا ارد حتى يتسنى لكم الحكم الصحيح والسلام عليكم ورحمة الله وبركاته

[فريق استشارات سرك فى بير(الأخوات)]

رد: مشاكل الحب والزواج ارجو الرد بسرعة .

عليكم السلام ورحمة الله وبركاته

حياك الله أخونا الفاضل .

أخونا الفاضل ، نرى أنك الحمد لله على خير ولا نذكي على الله أحد .

فكم أسعدني جداً أنك أمتلكت من قوة الإرادة ما جعلك أبتعدت عن هذه الأخت حتى يمن الله عليك بكرمه وتستطيع التقدم لها .

أسأل الله تعالى أن يكون هذا العمل شفيعاً لك .

أخي الكريم .. أن ما تطلبه من الأرتباط بزوجة تصونك وتحافظ عليك ووووو ، كل هذه أمور من حقك وهي سعي لإرضاء الله عز وجل .

وأؤيدك في التمسك بهذه الصفات في شريكة حياتك .

فإن هذه الصفات في الزوجة تُعين الزوج على طاعة الله أكثر .

الحل الذي أمامك الأن أخي الفاضل هو أن تجلس مع خطيبتك وتتحدث معها بكل وضوح .

وتقول لها أنا طبعي كذا وكذا .

وأريد من شريكة حياتي أن تفعل 1 ـ 2 ـ 3 ( تقول لها ما تريدها أن تفعله وما تريدها أن تبتعد عنه ، ولكن في نقاط محددة حتى تكون على بينة من الأمر وتكون كل الأمور واضحة أمامها ولا تأتي يوم وتقول لك أنا مكنتش فاهمة أنت تقصد أيه ) .

فهل تقبيلني بهذه الصفات وتوافقين على الإلتزام بمتطلباتي هذه ؟

فإن وافقت يكون خيراً بإذن الله تعالى ، وتقوم بأختبارها خلال مدة محددة ، وترى هل ألتزمت بما طلبته منها أم لا ، وإن خانت أتفاقكم .

فخير ما يكون لك في هذه الحالة هو السعي في طاعة الله وذلك بالظفر بوصية النبي - صلى الله عليه وسلم - :

(تنكح المرأة لأربع: لمالها ولجمالها ولحسبها ولدينها، فاظفر بذات الدين تربت يداك) متفق على صحته.

وخرج مسلم في صحيحه عن النبي صلى الله عليه وسلم أنه قال: (الدنيا متاع وخير متاعها المرأة الصالحة).


وخرج ابن ماجة عن النبي - صلى الله عليه وسلم – أنه قال: (ما استفاد المرء بعد تقوى الله خيرًا من امرأة صالحة إذا نظر إليه سرته، وإذا أمرها أطاعته وإذا أقسم عليها أبرته وإذا غاب عنها حفظته في نفسها وماله).



ونسأل اللهَ عز وجل أن يشرح صدوركم وأن ييسر أموركم وأن يجعلكم من عباد الله الصالحين وأن يوفقكم لما يحب ويرضى ويرزقكم الزوجة الصالحة التقيّة التي تعينكم على الطاعة ..
وبالله التفويق.

م.م