في بداية الطريق

[التائهة الصغيرة]

السلام عليكم ورحمة الله وبركاته
أنا كنت من زمان شوية كتبت هنا موضوعين وبشتكي عن نفسي والحمد لله لقيت الرد الطيب مع إن الكلام دة كان من زمان اه لكن من ساعتها في صراعات مع نفسي والشيطان ولكن
أنا الآن ف بداية الطريق وبتمنى جدا والله إني مبعدش عن طريق ربنا ولو للحظة واحدة بس خايفة أوي مش عارفة ليه بس والله مش بسيب نفسي وبحاربها بكل ما أوتيت من قوة
وبفضل الله أتا بخطو الخطي الأولى فكنت عايزة من حضراتكم انكم تنصحوني إني أعمل إيه عشان مش أقع زي كل مرة
نفسي أحس بجد إن المرة دي توبة بجد
نفسي أحس بحلاوة الطاعة
نفسي أتذوق حلاوة الأنس بالله
وبالذات الأيام دي خايفة لأتي روحت إعدادي بقي والبنات
يعني ربنا يهديهم ويسامحهم وقعوني معاهم
وجزاكم الله خيرا

[فريق استشارات سرك فى بير(الأخوات)]

رد: في بداية الطريق

وعليكم السلام ورحمة الله وبركاته
مرحبا بك أختي الفاضلة وبارك الله فيكي
ما شاء الله اللهم بارك ربنا يبارك فيك ويزيدك ويثبتك يارب
هنيئا لكي نعمة الإلتزام والهداية والتوبة

أحسني الظن بربك أختي الفاضلة ولا تقلقي ولا تضعي في بالك أنك ستقعي مرة أخري وأن توبتك غير صادقة بل سيري علي الطريق وأنت حسنة الظن في الله أنه لن يخذلك وأنه سيعينك علي طاعته سبحانه

ثم أكثري من الدعاء بإن يثبتك الله علي طاعته وقولي (( اللهم يامقلب القلوب والأبصار ثبت قلبي علي دينك ))
وعليكي بالإقبال علي كتاب الله وأقرأي ولو أيات قليلة في اليوم لكن داومي علي القراءة وهلمّى إلى حفظ كتاب الله
فالقرآن من أعظم أسباب الثبات علي الطاعة

وتخيري صحبة صالحة تعينك بعد الله علي الثبات
ولا يغررك الشيطان بأصدقاء السوء بملابسهم التي لا ترضي الله وكوني بين زملائك قدوة بتفوقك في مدرستك وبمحافظتك علي الصلاة وغير ذلك

ثبتنا الله وإياكي طاعته سبحانه
وكوني علي تواصل معنا أختي الفاضلة وأدعوك للتسجيل معنا في المنتدي وستجدي صحبة صالحة بإذن الله ومنهن من هي في عمرك
بارك الله فيكي
في حفظ الله أختنا ....

[التائهة الصغيرة]

رد: في بداية الطريق

جزاكم الله خيرا ع الرد أسعدتوني والله
بالنسبة لنقطة القرآن أنا كنت عاملة ورد للقراءة بس توقف من زمان عشان اليوم بيبقي قصير مع الدراسة والمذاكرة وكدة بس بإذن الله هحاول أرتب الأوقات وهعمل ورد ﻷقراؤة وأرجع تاني للحفظ
بالنسبة إني أدور ع الصحبة الصالحة صعب جدااااااااااا لإن ف المدرسة مفيش مخلوقة من مخلوقات ربنا ملتزمة أو تساعدني على الخير أبدا وفضلت أحور والله بس مفيش
طيب أبعد عن المدرسة أشوف المسجد مثلا
الأخوات طريقتهم وحشة جدا ليه طبيعي هما كبار مش هيكلموا واحدة زيي عندها 13 سنة يعني ليه هما اليهود ماتوا ؟؟؟
وواحدة منهم قالت لي كدة ف وشي
لكن الحمد لله أنا مسجلة ف المنتدى هنا لكن المشكلة إن النت في مشاكل وأصلا الدراسة هتبدأ وأنا مش بدخل إلا نادرا ف الدراسة
ف الأخوات هنا مش متواجدين معايا على طول
لكن ف المدرسة موجودين معايا معظم الوقت
ومش معني إن أنا إتأثرت بيهم بملابسهم لا لا إطلاقا
أنا الحمد لله لابسة إسدال ومش بلبس غير بني أو اسود ومستحيل أغير لبسي الحمد لله
لكن التأثير ف اللي بيعملوه واللي بيسمعوه واللي بيكلموه وكدة
وآسفة لو أطلت على حضرتك
وجزاك الله خيرا