ساعدوني في حفظ القرءان فلا اعرف كيف احفظ

[غير مسجل]

السلام عليكم ورحمة الله وبركاته
انا بقالي حوالي 6سنين بحاول احفظ القرءان ولكن سرعان ما اتوقف عن الحفظ والاسباب اخاف احفظ خطا

انا عرضت كتير علي والدتي ان اقدم في مدرسة قرءان او حتي ادور علي محفظة لكن النتيجة رفض

مرددين هتعملي بيه ايه انت مش عايزة تحفظي ولا حاجة بس انتي ذاكري

واشياء هكذا وبصراحة فضلت ادور في النت فبقدر ربنا لقيت قاعة فيها محفظة فاشتركت وبالفعل بدات ادخل واسمع الحمدلله المعلمة كانت بتقول ان حفظي كويس وان تجويدي كذلك بس محتاج شوية تركيز علي بعض الاحكام وانا اصلا عمري ما درست الاحكام

لكن كنت سعيدة بالمعلمة لكن للاسف والدتي دخلت عليه مرة وانا بسمع وزعجت فيه جامد غير مبالية بالمعلمة الي معايا فصلت مع المعلمة وفضلت افهم ماما ان بحفظ قرءان وحفظت كذا وكذا وقلتلها وحاولت اقنعها ومفيش اي فايدة

فعلشان كدا انا مش عارفة احفظ القرءان وان احفظ لوحدي بدون تسميع همتي بتضعف وساعات بترك الحفظ وللاسف مش هقدر اروح لمعلمة وفي نفس الوقت كل مواعيد التسميع في الغرف بتكون بالنهار فبتالي مش هينفع لان مش عايزة ماما تعرف

اعمل ايه واحفظ اذاي انا نفسي احفظ القرءان كله خلال سنة وكذلك نفسي اتعلم القرءات

بصراحة مش عارفة اعمل ايه للعلم هما مش رافضين حفظي للقرءان لكن هما عايزين احفظ لوحدي وفي الاجازة فقط وحتي حاولت افهمهم ان كدا هحفظ غلط يقولولي غلط غلط بس احفظي


بصراحة انا مدايقة جداااااااااا مش كفاية محفظنيش القرءان وانا صغيرة وكمان مش بيعنوني دلوقت بعد ما كبرت

انا اعمل ايه دلوقت مش هينفع احفظ بره لان بكون في الكلية طول اليوم فمعنديش وقت غير في الفجر وبالليل الي ممكن احفظ فيه

فهل حضراتكم تعرفوا معلمات عن طريق النت اودورات تحفظ القرءان كله في سنة ياريت تفيدوني وتنصحوني

انا والله ولا بسمع افلام ولا اغاني وهمووووووت واحفظ القرءان بالقرءات في اقرب وقت ياريت تفيدوني وتنصحوني لان بصراحة اصابني الياس والحزن الشديد

[فريق استشارات سرك فى بير(الأخوات)]

رد: ساعدوني في حفظ القرءان فلا اعرف كيف احفظ

وعليكم السلام ورحمة الله وبركاته
الحمد لله والصلاة والسلام على رسول الله صلى الله عليه وسلم
حياكِ الله أختى الفاضلة وبارك الله فيكِ ورزقنا وإياكِ الهمة العالية فى طاعته سبحانه

ما شاء الله اللهم بااااارك يبدو من ثنايا كلمات الصدق فى طلبك _ وحسيبك الله _ وأبشرى فمن يصدق الله يصدقه الله
فإن كنتِ صادقة فى رغبتك فى حفظ كتاب الله فبإذن الله سترزقينه
المهم أن لا تلتفتى عن هدفك وأن تضعيه نصب عينيك وأن لا تجعلى شيئا يحول بينك وبين هذا الدف السامى

كثير من الآباء والأمهات يمتنعوا عن ذهاب بناتهن لدور التحفيظ ولو علموا الخير الذى سيجنوه هم قبل بناتهم لما أعترضوا
لكن على أية حال يبقى كل الإحترام لهم وتقديرهم وعدم التعالى عليهم وإحساسهم بإنك أفضل منهم واعلمى أن القلوب بيد الله سبحانه قادر سبحانه أن يحول قلوبهم من عدم الرضا للذهاب إلى دار تحفيظ إلى الرضا بإن تذهبى

والحمد لله أختنا الفاضلة سبل حفظ القرآن أصبحت الآن كثيرة جدا عبر الإنترنت

هذا موقع _دلّنا عليه أحد الزوار _ يعلمك التجويد خطوة بخطوة بالصوت والصورة

http://www.harfkids.com/TO_DAY_TAGWI...750&******=563

برنامج التدريب على الحفظ
http://quran.muslim-web.com/exercise.htm

المصحـف المُحفـظ
http://www.nquran.com/Quran-flex/index.php


وأبشرى أختى هنا فى المنتدى بفضل الله قسم لتحفيظ الأخوات

قسم تحفيظ القرآن الكريم

وفيه تسميع كتابى وفيه تسميع صوتى بفضل الله
وحضرتك بتحدّدى الكمّ الذى تريدين حفظه فى كل مرة والتسميع الكتابى بيكون يومين فى الإسبوع
فندعوكِ بالإنضمام إلينا ونسأل الله أن يرزقنا وإياكِ حفظ القرآن على الوجه الذى يرضيه سبحانه عنّا إنه بكل جميل كفيل وهو حسبنا ونعم الوكيل
فى حفظ الله أختنا .........