إعـــــــلان

**ضيف** · 23-01-2013, 03:13 PM

رد: فضفضة بدون زعل مع زوار سرك فى بير ....متجدد بإذن الله

السلام عليكم ورحمة الله وبركاته

اخوانى فى الله
فضفضة ...بدون زعل مع زوار سرك فى بير._ متجدد باذن الله

وسط هذا الخضم الهائل والتركيز الإعلامي والفني والأدبي على أغاني الحب وقصص الغرام وأفلام العشق والهيام، مع تهيئة سائر وسائل الفتنة والجذب بين الطرفين، من اختلاط غير مراقب ولا محدود بين الجنسين في عز سن التوهج الغريزي والعاطفي، وأزياء مغرية فاتنة، وفنون ماجنة وغناء داعر وقدوات فاسدة، وتمجيد للعلاقات المحرمة، وتعسير للزواج وهو المنفذ الطبيعي الحلال لمثل هذه العواطف، مع كل هذا نجد أن أعظم فتنة يتعرض لها الشباب في هذا الزمن هي مشكلة الحب والعشق، سواء بالوقوع فيها، أو بالضغط العصبي الكبير الواقع على الأتقياء منهم في محاولة اجتنابها...

لا نستطيع أن ننكر ان الحب والانجذاب نحو الجنس الآخر بحد ذاته عاطفة فطرية غريزية زرعها الله تعالى في النفوس البشرية لتحقيق هدف عمارة الأرض وحفظ النوع وترابط المجتمعات..... إلخ..

والإسلام –دين الله تعالى الوسطي- لم ينكر هذه العاطفة ولم يقمعها، وإنما وجهها الوجهة الصحيحة، فجعل لها منفذا حلالا يكون تفريغها فيه مثمرا نافعا للمجتمع، بانيا للأسرة مقويا لعلاقات الأفراد فيها، ومعينا لهم على تحمل أعبائهم ومسؤولياتهم فيها، وسهل لهذا الطريق الحلال كل السبل بأن حث الشباب على الزواج إن استطاعو الباءة، وحث أولياء البنات على عدم عضلهن والمسارعة في تزويجهن إذا أتاهن من يرضون خلقه ودينه، وحث على تخفيف المهور.... وووو... وغير ذلك من سبل التسهيل....

ومن ناحية أخرى سد منافذ الحرام... فأمر بغض البصر للطرفين، وأمر المرأة باللباس الساتر، ونهى عن الخلوات، ونهى عن الخضوع بالقول، وعن الحديث بين الجنسين بكلام غير المعروف، وغير ذلك من أبواب سد الذرائع....

فما وضع الشباب هذه الأيام من هذه التعاليم الشرعية، وما موقفهم من هذه الفتن المتلاطمة من حولهم، وما دورنا نحن ؟؟؟....

الشباب اليوم، تحت تأثير كل الملابسات المذكورة أعلاه، ما إن يبلغ مرحلة الشباب حتى يبدأ رحلة البحث عن قصة حب يعيشها، ويتمتع فيها بكل ما يراه ويسمعه حوله من لهيب المشاعر ودفئها وجمالها وعذابها...

فتراه يدخل الجامعة وعيونه متلفتة حوله بحثا عمن يعجب بها أو تعجب به، قبل أن يلتفت إلى جدول محاضراته، فإن لم يجد في محيطه من تبدو عليها مخايل فتاة الأحلام المنشودة، بحث عنها في مكان آخر، كالمنتديات والانترنت والنوادي وغيرها من محافل يغشاها الجنسان ويلتقيان فيها بلا حدود ولا ضوابط...

ومما يؤسف له أن هذا أيضا حال كثير من الشباب الذي يسمي نفسه ملتزما، يأتي إلى هذه النقطة وينسى التزامه وخوفه من ربه، ويبقى الفرق بينه وبين غير الملتزم، أنه يسارع لإيجاد المبررات الشرعية لما يفعل، وإقناع الطرف الآخر بها...

ينسى الملتزم من هؤلاء أن أي تبادل للعواطف أو حتى تلميح لها من خلال الرسائل أو الأحاديث الهاتفية أو الانفرادية في الجامعة أو على الكورنيش أوبجوار المسجد أو بعد درس العلم أو غيرها يدخل تحت معنى الخضوع بالقول المنهي عنه، ومخالف لأمر الله بقول المعروف
" {يَا نِسَاء النَّبِيِّ لَسْتُنَّ كَأَحَدٍ مِّنَ النِّسَاء إِنِ اتَّقَيْتُنَّ فَلَا تَخْضَعْنَ بِالْقَوْلِ فَيَطْمَعَ الَّذِي فِي قَلْبِهِ مَرَضٌ وَقُلْنَ قَوْلاً مَّعْرُوفاً }الأحزاب32"..

وينسى الملتزم أن لقاءه أو اتصاله بالفتاة هو نوع من الخيانة والغدر، وتشجيع الفتاة على عصيان ولي أمرها، وينسى الملتزم أن اقترابه من الفتاة وتشجيعه لها على التقرب إليه –مع علمه بعدم قدرته على الزواح منها –على الأقل في وقتهما الحالي- هو تشجيع على المنكر، وتعاون على الإثم والعدوان، وفتح لأبواب الفتن والشيطان، فنبي الله يوسف عليه السلام، وهو نبي معصوم، عندما عُرض عليه الجمال والشباب خشي على نفسه ودعا ربه قائلا: "وَإِلاَّ تَصْرِفْ عَنِّي كَيْدَهُنَّ أَصْبُ إِلَيْهِنَّ وَأَكُن مِّنَ الْجَاهِلِينَ }يوسف33

فمن ظن بنفسه العصمة أكثر من نبي الله ابن نبي الله ابن نبي الله ابن نبي الله، فلا يبال ولا يكترث، وليقترب من الفتن كما يشاء.....

والحقيقة أنه لولا هذا الضغط الإعلامي والفني والتوجيهي والاجتماعي الفظيع في تزيين هذه النقطة وإلهاب مشاعر الشباب نحوها في كل لحظة، لما كان إلحاحها عليهم بمثل هذه الصورة التي نراها الآن، ولا شغلت من تفكيرهم حيز الأولوية...

وتجاهل هذه المشكلة والتصرف كأنها غير موجودة، هو بلا شك نوع من دفن الرؤوس في الرمال، وإنما الصواب فهمها ومعالجتها ومحاولة وضعها وإرجاعها ثانية لإطارها الشرعي الصحيح، بحيث نغنم خيرها ونتقي شرها..

فعلينا أن نعي وندرك في تعاملنا مع الشباب ولدى توجيههم النقاط التالية:

1- أن كل شاب وشابة يبحثون ويتطلعون للعيش في قصة حب رومانسية تماثل ما يبشر به الإعلام والفن والأدب.

2- أن المجتمعات المختلطة –خاصة في الجامعة- وأسلوب التعامل المنفتح غير المضبوط بين الجنسين يجعل الأمر سهلا وملحا جدا ومقاومته في غاية الصعوبة، لذا علينا ألا نشجع أبدا أبدا على الانخراط في المجتمعات المختلطة وشلل الأولاد والبنات.

3- أن أبواب الفتن المفتوحة من لباس فاتن وأغان داعرة وسلوكيات مغرية تجعل مقاومة هذا أمرا عسيرا جدا..

4- أن انتشار هذا الامر يجعله يبدو هو الوضع الطبيعي، ويجعل من لا يمارسه يبدو شاذا أو معقدا، أو يُعير بأنه لا تجارب له ولا خبرة..

5- أن انتشاره حتى بين فئة –من يسمون بـ- الملتزمين يجعل القدوة الحسنة غائبة تماما، ويجعل الخطاب الشرعي مع الشباب عسيرا جدا...

والرسائل التي أريد إيصالها للشباب من خلال هذا الموضوع ، تتلخص في عدة نقاط

نتكلم عنهم غدا ان قدر الله لنا البقاء

بس

بعد متدعولى ان شاء الله

هنا الرد والمتابعة والاستفسار ...مع ابو معاذ

**ضيف** · 23-01-2013, 09:39 PM

رد: فضفضة بدون زعل مع زوار سرك فى بير ....متجدد بإذن الله

اخوانى الافاضل

اريد من الجميع الان سماع هذه المحاضرة القيمة التى تمس القلوب

تتكلم عن واقع الشباب

واقع الخلوات والذنوب والمعاصى والذلات

واقع الغرف والشات

انها رسالة من شاب يتألم عن واقعه

شاب عاصى يحكى قصته ويقول :

http://www.youtube.com/watch?v=SZDirfD5Fyc

وبعد سماع المحاضرة

اريد ان اعرف ما الذى استفدته من المحاضرة ؟؟؟؟

والرد يكون :

هنا الرد والمتابعة والاستفسار ...مع ابو معاذ

**ضيف** · 24-01-2013, 12:51 PM

رد: فضفضة بدون زعل مع زوار سرك فى بير ....متجدد بإذن الله

معلش هأخر الرسائل التى اريد ايصالها من هذا الموضوع ليوم أو يومين

علشان أحكلكوا قصة
(( عتريس و فؤادة ))

قصة

عتريس شاب ملتزم وفؤادة فتاة ملتزمة

ياترى ممكن يحصل إعجاب ؟

معقولة وهوه بيغض بصره المفروض
وهيه كمان بتغض بصرها المفروض

/

/
عتريس ولد ملتزم ومن عيلة بردو ملتزمة

وفؤادة بنت ملتزمة ومن عيلة بردو ملتزمة

لو عتريس مخلص جامعة وجيش وعنده شقة وشغل مش هيتردد يخطب فؤادة

لكن الحكاية إنه لسه في الجامعة

الاتنين في تالته هندسة قد بعض تمام

قبل سنة 3 عتريس مكنش يعرف فؤادة لأنه بيغض بصره لكن تأتي الرياح بما لا تشتهي السفن

البشمهندس في المعمل قسمهم مجموعات كل مجموعة 5
مجموعة عتريس كانوا 3 شباب وبنتين

طبعا كان مضطر يتكلم

وحصل اللى حصل وأعجب بيها

عتريس فعلا ولد متدين وبيعرف ربنا في البداية فضل يقاوم إحساسه ازاي أنا اعجب ببنت وفعلا بيغض بصره وهوه بيكلمها لكن الأرواح جنود مجندة ما تعارف منها ائتلف

وكمان فؤادة بتلوم نفسها ازاي ممكن يكون عندها الاحساس ده

والاتنين مكنش قدامهم ملجأ غير الله عز وجل

عتريس في قيام الليل بيدعي يارب يسر لي الخير
يارب لو كنت في زمن رسول الله كنت اتقدمت وكملت نص ديني

لكن انا لو عتبت باب بيتهم أهلها
...

في الوقت ده فؤادة كان بيتقدملها ناس عشان تخطبها وأهلها كانوا بيضغطوا عليها

لا فؤادة تعرف ان عتريس بيتمناها زوجة ليه
ولا عتريس يعرف ان فؤادة بتتمناه زوج ليه

ياترى ايه اللي هيحصل؟؟؟

على فكرة دي قصة حقيقية لكن بتصرف واختلاف للأسماء فقط

ـــ فاصـــل ثم نواصل ـــ

وقبل ما أكمل حدوتة عتريس وفؤادة
وزي ما قولت إن شاء الله فيه قصص واقعية كتير للملتزمين

عايز أسأل سؤال لكل شاب ملتزم

ياترى بعد ما استخرت الله عايز ايه ومستني ايه من البنت اللي انت جواك مشاعر تجاهها
!!!!!!!!

وبردو سؤال لأختي الملتزمة

يا ترى عايزة ايه ومستنية ايه من الشاب اللي جواكِ مشاعر تجاهه
!!!!!!!!

ممكن حد يستغرب اني بقول بعد الاستخارة

ما هو يا جماعة الموضوع مش لعب عيال
وادينا هنجرب والأيام كفيلة

لاه الموضوع ان أول طوبة بتتحط

أول طوبة لبناء
بيت سعيد
مبني على تقوى الله

ـــــــ المهم ــــــــ

قرر عتريس انه يبلغ فؤادة بمشاعره

وفعلا بلغها

وبدأ سلسلة من الايميلات عادية للاطمئنان عليها
شوية يقولها متستننيش
شوية

استني

....

الفترة دي زاد الضغط جدا من أهل فؤادة علشان توافق على عريس من اللي متقدمين ليها
سبحان الله الأول كانوا بيلحوا انما مش بالطريقة الزيادة دي زي ما يكون ربنا مش راضي عن اللي بيحصل ودي رسايل منه

وقدرت فؤادة ترفض عريس ورا التاني

لحد ما خلصت جامعة هيه وعتريس

واتقدم عتريس

والحمد لله تمت الخطوبة

أكيد كل الناس دلوقتي بتقول كويس ان عتريس صارح فؤادة أهي استنته وازاي انا نصحت بلا للمصارحة

بصراحة اللي حصل بعد كده كتيييييير

خلاصته ان الخطوبة اتفركشت
ولا حول ولا قوة الا بالله
من شهر 8 اللي فات

وتعليق فؤادة : الحمد لله انها جت على قد كده

انتهت القصة
ولكن ليه حصل كدة

لا إله إلا الله

لو كان همنا من الزواج رضا الرحمن .... لما حصل ما حصل..

نعم لما حصل ما حصل

عتريس شاب كويس

لكنه سمح لنفسه بتتبع خطوات الشيطان

والأولى بينا نحن الشباب ... أن نذكر قوله تعالى:

وَلَقَدْ خَلَقْنَا الْإِنسَانَ وَنَعْلَمُ مَا تُوَسْوِسُ بِهِ نَفْسُهُ وَنَحْنُ
أَقْرَبُ إِلَيْهِ مِنْ حَبْلِ الْوَرِيد [ق:16]

وأن لا نرضى أن يرانا الله ونحن نفكر بغيره....علينا مجاهدة أنفسنا حتى لا يشغلنا غيره

نبضنا النابض...رضاك يا رب...وأنت أعلم بحاجتي

لساننا الناطق: فيا ليتك تحلو والحياة مريرة وليتك ترضى والأنام غضاب
إذا صح منك الود فالكل هين وكل ما على التراب تراب

قلبنا المتألم: إنما أشكو بثي وحزني إلى الله

ثم يا أيها الملتزم

يا من يدعي أنه يريد ستر نفسه بالزواج والتقوي على طاعة الله...

ما الذي يضمن لك أنك إذا تزوجت رجعت القهقرى؟

هذا شاب كان يداوم على صلاة ركعتين كلما أوى إلى فراشه

فلما تزوج....

ذهبت الركعتان

بل وذهبت صلاة الجماعة

وآخر كان يختم القرآن كل شهر

فلما تزوج....

صار يختم القرآن مرة في العام...

فهل مثل هذا الزواج يقربك إلى الله؟

بل لو تأملت إلى حال أولئك...لوجدت مشاكل الدنيا كلها ..يحملها على ظهره...

فأي راحة في زواج كهذا

حبيبى الغالى
ياللى لسة هيمان وواقع فى الغرام

بص لحياتك ومستقبلك
حياتك هناك ومستقبلك هناك
فى الجنة
راجع نفسك من تانى
قوم دلوقتى حالا وبص لنفسك فى المرايا
وقول لنفسك
هو أنا دة بتاع قيام الليل وقراءة القرأن فى أول الالتزام
وشوف ردك على نفسك
هو دة يرضى ربنا

أحبكم فى الله

الرد يكون :

هنا الرد والمتابعة والاستفسار ...مع ابو معاذ

اخوكم
ابو معاذ احمد المصرى

**ضيف** · 26-01-2013, 06:02 PM

رد: فضفضة بدون زعل مع زوار سرك فى بير ....متجدد بإذن الله

والهدف الذى أريد ايصاله للشباب من خلال هذا الموضوع ، يتلخص في النقاط التالية:

1- الإلحاح على فكرة أن الحب الحقيقي والدائم والمستمر هو الحب الذي ينشأ بعد الزواج.. وبيان ذلك من خلال القصص الواقعية والمقالات الادبية ، لمقاومة الإعلام الفاسد الذي يزين الرذيلة ويشوه الفضيلة، ويحبب الحرام ويبغض الحلال...

2- الحب دون زواج، وبنية التسلية وزيادة الخبرات أو تمضية الوقت، أو الحب من أجل الحب.... حرام.

3- أن الحب لا يتولد فجأة هكذا، بل يبدأ بإعجاب، يتحول إلى انجذاب، ثم يتحول إلى حب، وتحوله من مرحلة الانجذاب إلى الحب يكون بفعل الإنسان، بتفكره بالشخص الآخر، وتتبعه لأخباره، ومراقبته، والاتصال به، ولقائه، والخلوة به، ودوام التفكير به، وتسهم الموسيقى والغناء والشعر وغيرها في تنمية هذا الشعور وإذكائه، لذا فمن كان يعلم من نفسه عدم القدرة على الزواج، أو استحالة اقترانه بمن انجذب إليه/ها، فعليه أن يبتعد عن كل هذه الأفعال حتى لا يتحول انجذابه إلى حب، وينتهي بقلب محطم.. وليعلم أن الانجذاب الخارج عن إرادته لا يحاسب عليه، ولكن أفعاله الأخرى التي تنمي هذا الانجذاب هي التي يحاسب عليها "اللهم هذا قسمي فيما أملك، فلا تؤاخذني فيما تملك ولا أملك"

4- أما إن شعر الشاب بانجذاب نحو فتاة معينة، وكان مستعدا للزواج، فليدخل البيوت من أبوابها، وليتقدم لأهلها، ليتمتع بحبه في الحلال وفي النور.

5- إن شعرت الفتاة بانجذاب نحو شاب معين، وعلمت أنهما متناسبان، فالصواب أن تبادر بمصارحة أهلها، علهم يوسطون من يلمح للشاب ويحثه على التقدم لها، ولها في قصة سيدنا موسى عليه السلام مع ابنة شعيب أسوة حسنة، فإن تم المراد فبها ونعمت، وإلا علمت ألا أمل فحمت نفسها وقلبها من التحول من مجرد انجذاب إلى قصة حب أليمة من طرف واحد.... وحافظت على قلبها طاهرا نقيا خاليا لابن الحلال الذي قسمه الله تعالى لها... "وفي السماء رزقكم وما توعدون"..

6- إن كان الشاب قد بلغ مرحلة الحب فعلا، ولا يستطيع الزواج، فعليه أن يعف نفسه، ويصبر ويحتسب، ويستعين بالله، ولا ينجرف مع هواه فيما يغضب الله عز وجل..

7- إن عانى الشاب من تجربة حب فاشل، أو رفضته المحبوبة أو أهلها، فليعلم أن الزمان كفيل بمسح الجراح، وأن الإنسان قد رزق نعمة النسيان، فلا يحاول سجن نفسه في ذكرياته المؤلمة، بل يبحث عن زوجة صالحة يتمتع معها بالحب الحلال. ولا يلح على هذه العلاقة التي علم أنها لن تنتهي بالزواج، لأن هذا سيقوده للوقوع في المعصية.

8- أن تجارب الحب الفاشلة لا تترك ذكريات جميلة، بل بالعكس، إنها تترك جراحا غائرة ومؤلمة، فليس أشد ألما على النفس من شعورها بالرفض ممن تحب، أو بالحرمان منه، لذا فليحصن الإنسان قلبه ولا يتركه مفتوحا لكل فرصة سانحة، بل يحاول حراسته والسهر عليه لحمايته، حتى يحين وقت شغله بالحلال، حين يكون مستعدا للزواج.

9- الرغبة في الوقوع في قصة حب رومانسية، مع عدم الاستعداد للزواج، لأن الحب نفسه سعادة وشعور لذيذ، خطأ كبير ووهم، لأن الحب عاطفة متأججة لا تهدأ ولا ينطفي أوارها، وتحرم صاحبها الهدوء وراحة البال حتى يجد لها تفريغا، فإن كان التفريغ الحلال غير ممكن، قادته وألحت عليه للتفريغ الحرام، فيقع في الزنا والزواج العرفي وغيرها من مصائب، فإن كان تقيا وتجنب هذا، حولت حياته لجحيم من الحرمان والعذاب والشقاء.

10- تعتقد الفتاة أنها يمكن أن تعيش قصة حب عذري مع الفتى، والواقع أن طبيعة تعبير الرجل عن حبه لا يمكن إلا ان تكون بصورة حسية، لذا لا يمكن أن يصدق انها تحبه، ولا يمكن أن يكتفي منها أو يقنع إلا باللقاء الحسي، لذا عليها ألا تخدع نفسها، ولتعلم أنه إن لم يكن زواجه منها ممكنا، واستمرت مع ذلك في علاقتها معه، فإنها تسير نحو الفاحشة بخطا واسعة.

11- الحب الذي لا ينتهي بالزواج إما أن ينتهي لعلاقة غير شرعية تدمر الطرفين، أو ينتهي بفراق وآلام وعذاب يحطم القلب وتبقى آثاره السلبية مؤثرة على الانسان حتى بعد زواجه في المستقبل.

12- ليس شرطا للزواج الناجح مطلقا أن يبنى على قصة حب، ودراسة ميدانية لأحوال المتزوجين، تكشف أنه لا فرق أبدا في السعادة الزوجية بين من يتزوج عن حب وبين من يتزوج عن طريق تقليدي، فالشرط الهام للسعادة الزوجية هو حسن الاختيار، فحيثما توفر توفرت.

اخوانى الاكـــارم

هذا هو هدفى من كتابة هذا الموضوع
وأسأل الله تعالى أن ينفع به اخوانى الشباب حتى لاينجرفوا وراء الاوهام

وأتمنى من كل شاب له قصة يعرفها حدثت معه أو مع غيرة
يذكره هنا لنا لنستفيد منها
كذلك من له مشكله فى هذا الموضوع
يكتبها وبفضل الله عزوجل نساعده مع فريق الاستشارات فى حلها
لذلك سميت الموضوع بــ (( فضفضة ....بدون زعل ..))

الرد يكون :

هنا الرد والمتابعة والاستفسار ...مع ابو معاذ

**ضيف** · 27-01-2013, 06:53 PM

رد: فضفضة بدون زعل مع زوار سرك فى بير ....متجدد بإذن الله

حدوته طـــازة

حكاية الأخ (( ظاظا )) و الأخت (( ألاظا ))

كان يا مكان....فى قديم الزمان
كان فيه شاب بيحب....شاف واحده عاوزه تتحب...معاه فى كليه وحشه
ولأنها ضحكت له بطريقه وحشه...ضحك لها بطريقه أوحش
نسيوا ان فيه ناس حواليهم...بتراقبهم بطريقه وحشه
قرب منها...بطريقه وحشه...وقربت منه بطريقه وحشه
كلامهم كان مكشوف...ووحش....واتفقوا انهم يحبوا بعض بطريقه وحشه
اتصل بيها...واتصلت بيه...وكانوا بيكلموا بعض مكالمات وحشه
مع ان صوته وحش.....وضحكتها وحشه
اتقابلوا كمان فى كافيتريا وحشه
الناس شافتهم...وقالت عليهم كلام وحش..وحاجات وحشه
مسك ايديها...ومسكت ايده...بطريقه وحشه
بعد شويه...بعتت له جواب بخطها...وكتبت فيه حاجات وحشه
راحوا رحله مع زمايلهم...واتصرفوا بطريقه وحشه...
وبعد أسبوعين كان معاه صوره ليها....ومامته شافتها...قامت فكرت فيها بطريقه وحشه
فات كام سنه...واتخرج الوحش....وما راحش اتقدم للوحشه
اتقدم لها عريس....ولما سأل عنها...سمع حاجات وحشه
مشى و ما رجعش...لأنه ببساطه..عرف انها كانت بتحب بطريقه وحشه
ولسه الوحش ماراحش يخطب البنت الوحشه
وهى فى انتظاره...وقلبها بيتألم بطريقه وحشه
ودى نهاية اللى بيغضب ربنا
بطريقه
وحشه

أنا فاشل

أيوه
لأنى بأحب ألاظا....ومش عارف أعمل ايه
والجواز محتاج مبلغ كبير...لو من النهارده حا أوفر....يبقى حا أتقدم لها و أنا عندى سبعين سنه
وكمان لو ما شفتهاش السبعين سنه دول...حا أتجنن
وهى كمان حا تتجنن

طريقة التفكير

أهم شىء فى الانسان
طريقة تفكيره
غلط اننا نفكر بانهزاميه....ونحس اننا ضحايا
ونعيط...واحنا بنتخيل صورة الفشل
مش بأقول نشترى مخ جديد!!!!!
لأ
اقنع نفسك...وواجهها
هل تحبها فعلا...........!!!!
أم تحب نفسك...وعاوز تريحها!!
أصل اللى بيحب حد...بيخاف عليه....وبيحافظ على شعوره...واحساسه...وممكن يضحى علشان يسعده
يعنى ....لو بتحبها فعلا...انت اللى حا تقول لها...استنينى...وأصبرى... بس علشان ما حدش يقول عليكى كلمه مش تمام...أنامش حا أقف معاكى...ولا حا أكلمك
كمان مش حا أتصل بيكى....وما تفتكريش انى بأهرب منك
أنا بأحافظ على سمعتك

طب و الاحساس بالفشل

الحل بسيط.....قول لنفسك....أنا جدع

أنا جدع

عاوز أسمعها منكم كلكم
أصلنا لازم نشجع نفسنا...طالما بنطيع ربنا
صحيح فيه تحديات....ومشاكل.....وصعوبات
بس أول خطوه.....الثقه بالنفس
واللى عمرها ما حا تكون الا فى قلب شاب و شابه بيطيعوا ربنا
بص لمميزاتك....ورتب أولوياتك
لأن الطريق الى الزواج.....يحتاج...انسان ناجح

يعنى أنساها

لأ
بلاش تمسحها
خليها هناك....هنااااااااااااااا ااااك
جوهره مصونه....ولؤلؤه مكنونه...تنتظر وصولك
لم تخدشها مره....ولم تلمسها....
أنا مش بأقول امسحها...ولا غير ملامحها
زى ما هى.....واسعى يا عبد
وربنا أكيد حايساعدك...

ــــ

ياأخ (( ظــاظــا ))

أنا بسألك سؤال
يعنى

لو شفت ولد وبنت واقفين بيتكلموا وبيهزورا وبيضحكوا وكلام وهمسات وحاجات

ممكن يجيلك احساسين

أول احساس تتريق بينك وبين نفسك عليهم لأنك واثق ان كده غلط

بالله عليك متشمتش فلا تشمت بأخيك فيعافيه الله ويبتليك

احمد الله على نعمة الهداية وادعيه يا مثبت القلوب والأبصار ثبت قلبي على دينك

ومافيش مانع تدعي وتقول الحمد لله الذي عافاني مما ابتلى به غيري وفضلني على كثير ممن خلق تفضيلا ... تذكر أنهم مرضى بقلوبهم فاحمد الله على صلاح قلبك

تاني احساس ممكن يجيلك

انك تحس انك عايز كده انت كمان

عايز حد يهتم بيك
يراعيك
يفهمك
يحن عليك
ياخد باله منك

ما أنت بشر بردو ودي الطبيعة

فلا تنسى الأنس بالله

وتذكر " إن آنس الحبيب بحبيبه فآنس أنت بالله"

اصبر .. اتق الله فانه من يتق ويصبر فإن الله لا يضيع أجر المحسنين

ادعو الله عز وجل أن ييسر لك أمرك ويكفيك بحلاله عن حرامه ويغنيك بفضله عمن سواه

ردد

يارب ارزقني رفيقة الدرب الصالحة التى تعفني وتقربني منك وتعيننى على أمر دينى ودنياى

ياترى التنفيذ صعب؟؟

ستـــــــــــــــــــــوب

راجع نفسك ... راجعي نفسك

ياترى فهمتوا رسالتي ؟

دي رسالة أتمنى توصل لكل شاب وفتاة بعيد شوية عن الإلتزام إحتمال تصحي جواهم حاجة

إحتمال يعرفوا إن السعادة اللحظية مش دايمة

وأن السعادة الحقيقية في إرضاء الله عز وجل

أحبابى

بكرة نكمل حدوتة جديدة

نعرف الجواز زمــان كان ازاى
ودلوقتى فى 2012 ازاى

الرد يكون :

هنا الرد والمتابعة والاستفسار ...مع ابو معاذ

**ضيف** · 28-01-2013, 01:10 PM

رد: فضفضة بدون زعل مع زوار سرك فى بير ....متجدد بإذن الله

ازيكم و ايه الأخبار و عاملين ايه ؟؟؟؟؟؟؟

تمام ...؟؟؟ ايه اخبار موضوعنا ...؟؟

المهم علشان مطولش عليكم ....أنا كنت ناوى التوقف عن الكتابة فى الموضوع دة ...
ولكن
نظرا للحرارة العالية بالمشاكل فى اليومين اللى فاتوا
فقلت : نكتب حلقتين او تلاتة لتخفيض حرارة الجو الى مادون 37 درجة
..فباذن الله هنمد السلسله ... حلقتين كمان .... و هيكونوا بعنوان

( بعدت عنها / عنه . . . بس بجد طهقان زهقان مدايق
و مش عارف اعمل ايه ؟؟؟)

فبأذن الله نبدأ فى اول موضوع ......

السلام عليكم ورحمة الله وبركاته
انا لاحظت شباب كتير بيقول انا الحمد لله بعدت عن الشخص اللي كنت
مصاحباه / مصاحبها بس لسه بحبه / بحبها

بصوا يا جماعه انا عارف ان الموضوع بجد صعب و فى مشقه فى ان الأنسان يتخلص من الشخص اللى بيحبه .... و ده لأنه اتعود انه لما يصحى يرنلها و ترنلوا و لما يخرج من البيت لازم يرن و لو دخل ينام يكلمها او تكلمه

و الكلام ده كله .... بس و الله لو عرفنا ان الخير هو فى ترك الشخص اللى احنا بجد حبيناه ... هنعمل كده

و بعدين يا اخى و يا اختى لازم يكون عندنا ثقه فى وعد الله لينا

يا جماعه احنا لما وثقنا فى الدنيا عمرنا ست قرات

و لما وثقنا فى فى ان رصيد البنوك هو المستقبل و الآمان خلينا همنا كله هو ان يكون لينا رصيد فى البنك (( بس حرام ))

و لما وثقنا فى الدكتور ...بقينا نشوف الأب اللى بيدى للدكتور الفلوس و يفضل يدعيلوا و مش بعيد يساعدوا على الرغم ان الدكتور ده هو اللى هيفتح بطن ابنه و هيقطع فى لحمه

بس لأننا وثقنا فى الدكتور ... مديناش لنفسنا فرصه ان احنا نشك لمجرد لحظه فى قدراته ... و سلمنا نفسنا للدكتور لأننا استشعرنا الأمان و الطمائنينه تجاهه

ليه يا جماعه مش قادرين نثق فى وعد الله لينا ... ليه مش قادرين ندى نفسنا فرصه نحب ربنا بجد ... ليه خلينا رضى الناس و السعى وراء شهواتنا هو الهم الكبر و سيبنا محبه الله

والله يا جماعه قرآت آيه هزت كيانى كله ... و رددت فى نفسى لو يعلم هذه الأيه كل شاب و فتاه ... و الله لعلموا ان السعاده الحقيقيه فى طاعه الله و البعد عن ما يغضبه سبحانه و تعالى

و الأيه دى فى سوره ابراهيم ... و هى قول الله تعالى

{وَقَالَ الشَّيْطَانُ لَمَّا قُضِيَ الأَمْرُ إِنَّ اللّهَ وَعَدَكُمْ وَعْدَ الْحَقِّ وَوَعَدتُّكُمْ فَأَخْلَفْتُكُمْ وَمَا كَانَ لِيَ عَلَيْكُم مِّن سُلْطَانٍ إِلاَّ أَن دَعَوْتُكُمْ فَاسْتَجَبْتُمْ لِي فَلاَ تَلُومُونِي وَلُومُواْ أَنفُسَكُم مَّا أَنَاْ بِمُصْرِخِكُمْ وَمَا أَنتُمْ بِمُصْرِخِيَّ إِنِّي كَفَرْتُ بِمَا أَشْرَكْتُمُونِ مِن قَبْلُ إِنَّ الظَّالِمِينَ لَهُمْ عَذَابٌ أَلِيمٌ }إبراهيم22))

انا بس يا جماعه عاوز أقف وقفه صغيره جدا معاكم مع الأيه دى

اول حاجه ... (و قال الشيطان ) ...

يعنى مش الداعيه الفلانى ... يعنى مش ماما ... يعنى مش صاحبى

( لما قضي الامر )

يعنى خلاص يا جماعه انتهى الأمر ... مبقاش فى كلمه يارب .. مبقاش فى توبه .... مبقاش فى حد هيقول للتانى كده حرام و كده حلال

(ان الله وعدكم وعد الحق)

هنا بقى يا جماعه عاوزين نركز شويتين فى المعنى

وعدكم الله وعد الحق :

للأسف يا جماعه احنا فقدنا الثقه فى وعود الله لينا و صدقنا وعد الشيطان

وعدنا الله جل و علا و قال

(من يتق الله يجعل له مخرجا) .... و سيبنا وعد ربنا سبحانه وتعالى ... و خفنا نسيب اللى احنا بنحبهم علشان مش واثقين ان ربنا سبحانه و تعالى هيجعل لينا مخرج

و الشيطان قال لنا:

(مفيش جواز من غير صحوبيه) ...

(لوسبتاها هتتجوز غيرك ... و انت لو سبتيه هينساكى و هيشوف غيرك) ...

(يا بنتنى انت هتعقدى نفسك ليه ما البنات معظمهم كده .. و انت يا بنى تقوى ايه و بتاعت ايه عيش حياتك و كلم فلانه و علانه و لما يجى وقت الجواز يبقى يحلها ربنا ) ...

(يا بنى سيبك من الناس اللى عماله تقول سيبها علشان تكون ليك ومن نصيبك دى ناس فاهمه الدنيا غلط ) ..

(يا بنتى متعى نفسك و خليك معاه و لو سابك هتلاقى ميت واحد غيره ... .)

... و غيره ....... و غيره ...... و غيره

و رغم كل ده وثقنا فى وعد الشيطان لينا ... و نسينا ان الشيطان نفسه هو اللى قال فى القرآن

(ووعدتكم فاخلفتكم)

و عدتكم انكم هتتجوزا بعض و انا كنت عارف ان كل مكالمه كانت بتبعدوا عن بعض

وعدتكم انكم هتيعشوا فى سعاده و انا كنت عارف انكم هتعيشوا فى ضنك .

وعدتكم انكم هتكونوا متسامحين مع بعض و كل حاجه بينكم هتتحل و لكن منسيتش ان اخلى حياتكم شقاء و انكم تتخانقوا مع بعض بعد الجواز و خليت اتفه المشاكل سبب فى تعاستكم .

و عدتكم ان السعاده فى مكالمه تليفون و خليتكوا تنسوا ربنا السميع العليم

و النهارده (يوم القيامه أقصد) انا جاى اقولكم الكلام ده .. بس بعد ما خلاص زى ماكنتوا معايا فى الدنيا مطيعين و بتسمعوا كلامى ... فأنا جى احسركم و اعرفكم انى من الأول كنت بضحك عليكم وبلعب بمشاعركم ... )

ايوا كنت مخليك فاكر نفسك صح و انت بتكلمها و بتتعرف عليها بحجه انك بتدرس اخلقها

و انتى كنت مخليكى مبسوطه اوى وانت كل يوم بترخصى نفسك علشان واحد انا اقنعتك

انه هيكون ليكى و انه بيحبك .. لكن انا نسيت اقولك انك كل مكالمه كنت بتكلميه فيها كنتى بترخصى فى قلبه اكتر و اكتر ... و نسيت اقولك انه من كتر ما حس انك سهله و مش قادره تمنعى نفسك عنه .. كنتى انت اول واحده بره حسابته يوم ما فكر يرتبط بجد و يتجوز واحده هى فى يوم من الأيام هتكون زوجته وأم أولاده ... لكن بس حبيت اتفرج عليكم و افرح فيكم وانتوا بتغضبوا ربنا .. وانتوا عمالين بتكذبوا كلامه و وعوده ... بس خلاص انا عملت اللى انا عاوزه و قدرت العب بمشاعركم و قدرت اعذبكم و افرق بينكم ...

(وَمَا كَانَ لِيَ عَلَيْكُم مِّن سُلْطَانٍ إِلاَّ أَن دَعَوْتُكُمْ فَاسْتَجَبْتُمْ لِي)

و على فكره انا مضربتكمش على ايديكم .. انا كنت مضربتكش على ايدك لما رفعت سماعه التليفون و كلمتها ... و انا مضربتكيش على ايديك لما خرجتى معاه و كلمتيه ... انا بس شاورتلكم و ضحكت عليكم وقولتلكم ان طريق السعاده من هنا و انتو بصراحه مكدبتوش خبر .. و جريت تكلمها و جريتى تكلميه و رخصتى نفسك لواحد هو مخافش عليكى اصلا من عذاب ربنا و لكن رغبتوا فى انه يرضى شهوته منك كانت اقوى من خوفه عليكى ... و آخرتها يا مسكينه خسرتى كل حاجه ... لا انت طولتيه ولا قدرتى تعيشى حياتك مبسوطه مع غيره

(َلاَ تَلُومُونِي وَلُومُواْ أَنفُسَكُم )

محدش يلومنى .. لوموا انفسكم ... مش سمعتوا شريط الشيخ الفلانى وعرفته ان العلاقات بالطريقه دى حرام ... مش قريتوا الموضوع الفلانى و عرفته انكم كده مش صح وانكم بتخسروا بعض مش بتقربوا من بعض ... يلا بقه كل واحد يلوم نفسه من الحسره و الندم على انه خلى علاقته بيها باب من ابواب جهنم .. و يلا لومى نفسك بعد ما رخصتى نفسك ونكستى الدين و خذلتى نبيك

(مَّا أَنَاْ بِمُصْرِخِكُمْ وَمَا أَنتُمْ بِمُصْرِخِيَّ)

و خلاص بقينا فى الهوا سوا ... لا انا هعرف انجيكم من النار و العذاب ولا انتوا هتقدروا تنجونى ... خلاص بعد ايه جايين تتكلموا و تتوبوا .. ما كانت الدنيا عندكم مفتوحه لكم تتوبوا فيها و كنتوا تقدروا تسيبوا بعض ربنا كان هيجمعكم فى الحلال ...

لكن انا قدرت امتعكم ببعض متعه فانيه و للحظات معدوده و قدرت بعدها احرق قلبكم على بعض ..

قدرت احرق قلبك عليها و انت بتسمع خبر ارتبطها بواحد تانى غيرك

قدرت اخليك أحرق قلبك عليها لما عرفت انها ارتبطت بفلان من بعدك

و قدرت اخليكى تموتى من الحسره و انتى شايفاه فى ايد فلانه اللى يوم ما فكر يرتبط بواحده بجد تكون مراته كانت هى .. مش انتى

آآآآآآآآآآآآآآآآآآآآآآآآآآآه من ده عذاب ..... بوظنا معنى الحب ... بعد ما ادينا الشيطان فرصه يلعب بمشاعرنا

ليه يا جماعه نوصل للمرحله دى ... و الله يا جماعه ماتخافوا

متخفش يا اخى والله لو سبتها النهارده هتجيلك و ساعتها هتحس بجد بغلاوتها و قيمتها فى قلبك و هتحافظ عليها

و انتى متخافيش هيجيلك و الله هيجيلك

و أرجوكى بلاش ترخصى نفسك .. انت غاليه اوى و انت علشانك النبى اتعذب و علشانك حارب اليهود لما واحد بس فكر انه يتعرض لمسلمة .

أرجوكى حافظى على نفسك و غلى نفسك

و الموضوع بسيط جدا يا جماعه

بالله عليكى يا اختى لو فى النهارده جوهره على جبل عالى و حاول شاب ان يقتنص هذه الجوهره ... و حاول مره و وقع .. و حاول التانيه و وقع تانى و اتجرح ... و وقع التالته و أصيب بجراح وهو مازال مصر على ان يصل للهذه الجوهره

وفى آخر المحاولات وصل بعد مشقه وعناء ... بالله عليكى ساعتها هيقدر يفرط فيها

ساعتها هيجيلوا قلب انه يديها لغيره

....

بالظبط نفس الكلام .. النهارده انتى لما تمنعى نفسك عن الشاب اللى بجد نفسك تربتطى بيه ... صدقينى هتغلى جدا فى نظره .. كل يوم ربنا سبحانه وتعالى هيزيدك رفعه و قيمه فى قلبه ... و ان شاء الله لما يجمع الله بينكم

و الله ما هيجيله قلب يزعلك و هيحافظ عليكى و هيحطك جوا عينيه

لأنك بجد غاليه ... غاليه جدا

و تعالوا معايا نبص على الصوره التانيه

لو هى هى نفس الجوهره .. بس المره دى مش على قمه جبل

لأ

دى فى مرميه فى الشارع .. و عليها تراب و كل اللى رايح واللى جاى

عمال يشوط فيها ..لحد ما واحد لاقها و أخدها

بالله عليكى هتكون غاليه عنده .. زى الشاب اللى تعب و بذل قصارى جهده علشان يوصل للجوهره الغاليه

و ساعتها يا أختى عمرك ما هتكونى غاليه عنده .. يو ما هيحصل مشكله بينكم و لو تافهه .. اول كلمه

هيقولهالك ..

أيه انتى نسيتى نفسك و لا ايه ؟؟

يا بنتى متنسيش ان انتى اللى كنتى بتكلمينى و يتجرى ورايا

وبعدين بقولك ايه مش عاوز وجع دماغ مش عجباك العيشه معايا شوفى غيرى و انا عادى مستعد اتجوز من بكره

و غيره من الكلام الجارح المهين .. و ده كله لأنك رخصتك

نفسك ليه من الأول

.........

شوفتوا يا جماعه اد ايه الموضوع مش سهل

مش سهل ابدا انك تمشيها غلط من الأول و تقول انا بدور على السعاده

مش سهل ابدأ انك تقول انا عاوز ارضى ربنا و انت كل يوم بتعصيه

...........

يلا يا شباب ... بالله عليكم .. نسيب بعض علشان بجد نكون لبعض

و يلا يا رجاله بجد نكون رجاله و نبقى صحاب بجد ... مشاكلنا احنا اللى نحلها مع بعض .. بلاش بنت تعرف مشاكلك .. يلا ناخد بأيد بعض للجنه و نساعد بعض فى ان احنا نحب ربنا قبل اى حد ... لأن حب ربنا هيجيب لنا كل خير

و يلا يا بنات ... انت أرق من انك تجرحى حياءك .. انت واحده كلك حنان ..

كلك رقه .. كلك طيبه .. كلك مشاعر... بلاش تدمرى حاجه فيكى و هى مشاعرك و احاسيسك و تفرطى فيها فى طريق يغضب ربنا

و قوليها بأعلى صوتك (قلبى ملك ربى و حبى لله أشد)

... النهارده يا جماعه كل واحد يجعلها لله و يكلم الأنسانه المرتبط بيها

و يقولها

(أنا و الله لأنك خايف عليكى و نفسى ارتبط بيكى فأنا لازم اسيبك و صدقينى انا مش هرتبط بحد الا بيكى .. و صدقينى لو فيا خير ليكى هكون ليكى و ان شاء معادنا يوم ما هقدر اتقدملك ... سلام )

و انت قوليلوا

(أنا ليك بأذن الله .. بس أرجوك انا اخدت قرار و هو ان احنا لازم نسيب بعض علشان ربنا يبارك فى علاقتنا و يجعل آخرها الأرتباط .. و صدقنى انا ان شاء الله مش هرتبط بحد غيرك .. و هستناك .. بس انت شد حيلك فى دراستك علشان اكون فخوره و انا بتكلم عنك مع عيلتى و صدقنى طالما أحنا خلينا رضا ربنا قبل رضا نفسنا فصدقنى ربنا هيتولى أمرنا و مش هيفرقنا .. أرجوك ساعدنى و انا مستنيه يوم ما هتيجى تخبط على باب بتنا و تتقدملى ... سلام )

و من هنا ان شاء الله تكون البدايه فى الرجوع الى الله سبحانه و تعالى ... و بجد نقولها بأعلى صوتنا (بنحبك) يارب .... بحبك ... بحبك ... بحبك

بجد انا اسف عن كل كلمه خرجت بشىء من القسوه و العنف لكن والله خوفى على كل اخ و أخت كان هو الدافع و قبلها حبى لله سبحانه وتعالى ....

خلى شعارك

(قلبى ملك ربى و حبى لله أشد)

محدش يزعل منى
أنا بحبكم فى الله

وفى النهايه عاوزنى تانى بكرة فى نفس الموضوع
ولا خلاص زهقتوا وبلاش اكتب تانى
مستنى اشوف رأيكوا ايه وتردوا عليا :

هنا

الرد يكون :

هنا الرد والمتابعة والاستفسار ...مع ابو معاذ

**ضيف** · 31-01-2013, 03:28 PM

رد: فضفضة بدون زعل مع زوار سرك فى بير ....متجدد بإذن الله

مع كلمات خرجت من القلب لزوجتى فسميتها

(( لحظة وفــــــاء من زوج لزوجتة ))
ـــــــــــــ

حــبيتك لإلتزامك . . . . . . . . . . . . حـبيتك لاحترامك
حبيت فيكي التواضع . . . . . . . . . . . . والعزة اللي ف كلامك
مبســوط منك لأنك . . . . . . . . . . . . إسلامك كل همك
أنا أصلي قابلت بابا . . . . . . . . . . . . واداني فكرة عنك
وسألته عن طباعك . . . . . . . . . . . . إن كانت يعني هادية
فحكالي عن سماعك . . . . . . . . . . . . لكلامه وانت راضية
وازاي بتسلي نفسك . . . . . . . . . . . . بذكرك وانت فاضية
وحلاوة صوت تلاوتك . . . . . . . . . . . . وازاي بتكوني شادية

* * *
وسألته إن كنتي فاهمة . . . . . . . . . . . . معنى كلمة زوجين
قالي هتكونوا ورقة . . . . . . . . . . . . مطبوعة نسختين
غني كنت أو فقير . . . . . . . . . . . . ليك عند بنتي دين
سرك هيكون في بير . . . . . . . . . . . . معرفش مكانه فين
تفضل دايماً كبير . . . . . . . . . . . . في نظرها حبتين
لو جيت بفلوس كتير . . . . . . . . . . . . تطمن جت منين

* * *
هتكون دايماً معاها . . . . . . . . . . . . سيرتك هتكون هواها
والشوق اللي ف خيالك . . . . . . . . . . . . تلقاه لحظة لقاها
لو جيت زعلان ف مرة . . . . . . . . . . . . إرمي همومك وراها
ومهما شوفت بره . . . . . . . . . . . . مش هتشوف مستواها
واطمن يابني خالص . . . . . . . . . . . . عقلها مافيهوش تفاهة
وزي ما هي بنتي . . . . . . . . . . . . بنت حماتها وحماها

* * *

وسألته عن ولادي . . . . . . . . . . . . منك هيكونوا إيه؟
قاللي هيكونوا عادي . . . . . . . . . . . . فسألته يعني إيه؟!
قاللي العادي إللي كان . . . . . . . . . . . . عند الناس من زمان
العادي بتاع سراقة . . . . . . . . . . . . وحذيفة بن اليمان
العادي بتاع أسامة . . . . . . . . . . . . وابن الحكيم لقمان

ده العادي بتاعنا إحنا . . . . . . . . . . . . بنربي عليه عشان
لو جينا ولا رحنا . . . . . . . . . . . . هنقابل الرحمن
عمرك ما تخاف عليهم . . . . . . . . . . . . ولادك في الأمان
أنا بنتي هتربيهم . . . . . . . . . . . . ع السنة والقرآن
هتشوف ابنك بيصحى . . . . . . . . . . . . مادام سمع الأذان
ينزل في الفجر يقرا . . . . . . . . . . . . بالسجدة والانسان

هتشوف في حجاب بناتك . . . . . . . . . . . . العفة والإحسان
هتشوف إزاي مراتك . . . . . . . . . . . . هتعينك إنت كمان

* * *
وسألته عن حياتك . . . . . . . . . . . . من قبل الالتزام
قال أتذكر في ليلة . . . . . . . . . . . . مش فاكر أنهي عام
أذان الفجر أذن . . . . . . . . . . . . وقالتلي سيبني أنام
فدخلت الأوضه جوه . . . . . . . . . . . . أجيب منها الحزام
وعبال ما رجعت تاني . . . . . . . . . . . . كات رجعت ف الكلام
الله يجازي الشيطان . . . . . . . . . . . . خلاها تقول أنام
بس اطمن خلاص . . . . . . . . . . . . دلوقتي بقت تمام!

* * *
قدملي مكة كولا . . . . . . . . . . . . قاللي اتفضل وسمي
أحسن من بيبسى كولا . . . . . . . . . . . . صدقني وخدها مني

قلتله طيب ياعمي . . . . . . . . . . . . يسعدني أقولك إني
بطلب بنتك ونفسي . . . . . . . . . . . . تناسبني وترضى عني
راح شادد فجأه لبسي . . . . . . . . . . . . وقلب وشه وسألني

* * *
حافظ كم جزء يابني . . . . . . . . . . . . وقاري كم كتاب
احكيلي كده عن مؤتة . . . . . . . . . . . . أوغزوة الأحزاب
وسمع كم حديث . . . . . . . . . . . . في الأخذ بالأسباب
وكمان سمعلي آيه . . . . . . . . . . . . ذكرت فيها الدواب
ولو شايفها صعبة . . . . . . . . . . . . قللي بتاعة الذباب
واحكيلي حلم يوسف . . . . . . . . . . . . وبراءة الذئاب
واخواته لما جولوه . . . . . . . . . . . . دخلوا من أنهي باب
واديني فكرة برضه . . . . . . . . . . . . بتقبض كم ثواب
وناوي ازاي تحسن أنا شايفك لسه شاب

* * *
وسأل نفسه وسألني . . . . . . . . . . . . هيعوز إيه يعني مني؟
لو عندي كل حاجه . . . . . . . . . . . . وديني مش شاغلني
أحسن لك تنسى بنتي . . . . . . . . . . . . ومهرك مش لازمني
قلتله صبرك ياعمي . . . . . . . . . . . . وبراحتك امتحني
يبقى اما أسأل تجاوب . . . . . . . . . . . . خليك دايماً فاهمني
سألتك وانت ساكت . . . . . . . . . . . . خليتني أظن ظني
وفضل يسأل واجاوب . . . . . . . . . . . . وعشان خاطرك عصرني
وظهرت النتيجة . . . . . . . . . . . . وبفضل الله قبلني

* * *
قاللي مقبول في نظري . . . . . . . . . . . . مبروك عليك ياسيدي
لكن في نظرها هي . . . . . . . . . . . . نجاحك مش بإيدي
وهي زمانها راجعة . . . . . . . . . . . . من تمرين السويدي
خليك قاعد شوية . . . . . . . . . . . . استنا لما تيجي
هعملك من إيديا . . . . . . . . . . . . كباية شاي صعيدي

* * *
سابني وقعدت أفكر . . . . . . . . . . . . هل ممكن ترفضيني
طاب قولي حتى أفكر . . . . . . . . . . . . مش يمكن تفهميني
وفضل مخي يلاعبني . . . . . . . . . . . . يجيبني ويوديني
وخايف م المقابلة . . . . . . . . . . . . مرعوب بينك وبيني
ودق الباب في ثانية . . . . . . . . . . . . وشوفتك مرة تانية
مش قادر أنسى يومها . . . . . . . . . . . . وفاكر كل ثانية

* * *
ونده والدك عليكي . . . . . . . . . . . . عشان أول لقاء
دخلتي وشوفت وشك . . . . . . . . . . . . عليه نور الحياء
نور والله فعلاً . . . . . . . . . . . . مش نور بودرة وزواء
كان أول مرة أخاف . . . . . . . . . . . . من فتنة النساء
أخلاقك مش عادية . . . . . . . . . . . . وجمالك كان شفاء

* * *
قعدتي جنب والدك . . . . . . . . . . . . وسألتيني وجاوبتك
وفكل مرة أجاوب . . . . . . . . . . . . كنت باشوف ابتسامتك
ف أقول من جوه نفسي . . . . . . . . . . . . يارب أكون عجبتك
وبعد شوية قمتي . . . . . . . . . . . . ندهت عليكي مامتك
ورحتي دخلتي جوه . . . . . . . . . . . . وراح وراكي والدك
وانا قلت مش مروح . . . . . . . . . . . . غير لما أكون خطبتك

* * *
وابوكي جاني تاني . . . . . . . . . . . . وقرب من وداني
لابس كرفته سوده . . . . . . . . . . . . وبدله لون فراني
المنظر يعني كله . . . . . . . . . . . . ميدلش ع التهاني
قلتله مالك ياعمي . . . . . . . . . . . . من فضلك قول عشاني
عرقي غرقلي كمي . . . . . . . . . . . . سايبني ليه أعاني
قاللي مستني إيه . . . . . . . . . . . . فين إيدك إديهاني
البنت مش موافقة . . . . . . . . . . . . تتجوز حد تاني

* * *
كان أول مرة أعرف . . . . . . . . . . . . إزاي الناس بتفرح
سعادتي كات غريبة . . . . . . . . . . . . مش ممكن هقدر أشرح
من كتر حبي ليكي . . . . . . . . . . . . نويت أضحي وادبح
رحت اشتريت خروف . . . . . . . . . . . . وكان خروف بينطح
ده أخيراً هبقى جوزك . . . . . . . . . . . . وشجرة صبري تطرح

* * *
خطوبتنا كات بسيطة . . . . . . . . . . . . مكانش فيها زيطة
وفرحنا كان في جامع . . . . . . . . . . . . يعني مش خلطبيطة
ومامتك جت في يومها . . . . . . . . . . . . ورقعت كام سويطة
هاتولي بنتي منه . . . . . . . . . . . . دي مش فاهمة العبيطة
إنه هيخطفها مني . . . . . . . . . . . . وهتوحشني الغتيتة

* * *
صعبت عليا مامتك . . . . . . . . . . . . الموقف كان شديد
لكن فعلاً خطفتك . . . . . . . . . . . . ورحنا مكان بعيد
فاكرة ولا انتي ناسية . . . . . . . . . . . . أكيد فاكرة أكيد
من يوم ما بقيتي زوجتي . . . . . . . . . . . . وانا متهني وسعيد
معايا ف كل يوم . . . . . . . . . . . . ويوم لؤاكي عيد
عمرك ما دقتي نوم . . . . . . . . . . . . وانا تعبان أو مريض
فلوسي كات بتكتر . . . . . . . . . . . . والخير عندك يزيد
وعامله ليه دفتر . . . . . . . . . . . . ومرتبه المواعيد
وبفضل الله قدرتي . . . . . . . . . . . . وجبتيلي الوليد
وبعديها بشوية . . . . . . . . . . . . جبتيلنا عليه يزيد
وبعديه جت سمية . . . . . . . . . . . . وآخرهم كان حميد

بدعيلك كل يوم . . . . . . . . . . . . وأفضل أعيد وازيد
ربيتي عيالي دول . . . . . . . . . . . . ع القرآن المجيد
طول عمرك وانتي صافية . . . . . . . . . . . . قلبك لون الجليد
أخلاقهم مش عادية . . . . . . . . . . . . طلعنلك مش بعيد
وليد دلوقتي عالم . . . . . . . . . . . . ومعاه اجازة وتجويد
ودعوة قلبي صابت . . . . . . . . . . . . ويزيد أهو مات شهيد
وبنتك صيدلية . . . . . . . . . . . . وحميد أصبح معيد
الله برحم أبوكي . . . . . . . . . . . . راجل من نوع فريد
كل اللي قاله فيكي . . . . . . . . . . . . أنا عشته بالتحديد

* * *
عشت معاكي ف حكاية . . . . . . . . . . . . أحلى وأجمل رواية
حكايتي كات معاك . . . . . . . . . . . . وحكايتك كات معايا
اديتك كل عمري . . . . . . . . . . . . وهمك كان رضايا
وعمرك خدته منك . . . . . . . . . . . . وقربك كان دوايا
وخلاص العمر راح . . . . . . . . . . . . راحت أيام صبايا
ومسافر رحله صعبة . . . . . . . . . . . . وزادي مش كفايه
مش عاوز أشوف دموعك . . . . . . . . . . . . بالذات ف يوم عزايا
أنا عارف إنتي عارفة . . . . . . . . . . . . إن الموت مش نهاية
دي لسة الرحلة طالعة . . . . . . . . . . . . والموت خط البداية
إدعيلي يمكن أوصل . . . . . . . . . . . . وأشوف هناك حمايا
أنا عارف إنه فيها . . . . . . . . . . . . محجوزله هناك سرير

وسلامي في النهاية . . . . . . . . . . . . أنا خلصت الحكاية
لو يوم فكرتي فيه . . . . . . . . . . . . إقري شعري وغنايا
وبالله ف كل مرة . . . . . . . . . . . . تدعي لي بالهداية
عسى ربي بدعائك . . . . . . . . . . . . يغفر ليا الخطايا

**ضيف** · 09-04-2013, 02:33 PM

رد: فضفضة بدون زعل مع زوار سرك فى بير ....متجدد بإذن الله

السلام عليكم ورحمة الله وبركاته
الموضوع النهاردة هيكون عدة حلقات

الحلقة الاولى

الحـــب

من منا ينكر وجوده؟؟

ومن منا لا يعرفه؟؟

كلمه من حرفان..قصيره

لكنها تحتاج وقفه...طويله

فى الجزءالاول تحدثنا..

ولكن كلامنا كان لمن لم يبحر فى بحر الحب...

وكان القصد أن ينجو...ويعود سريعا لشاطىء الامان...ويقف لينتظر...ويترقب لحظة الشروق الحقيقيه فى حياته...وهنيئا له بهذا الفجر الجديد

لأنه سيكون الاول فى حياته

وهذه المره الحديث من نوع آخر

ولنوع آخر...

وأخص منه النوع((المـــــــلتزم))...فتاة محجبه...تحافظ على صلاتها...وتحب الله

وشاب حيى خلوق.... يحب الله...ويتبع الرسول صل الله عليه و سلم

والذى وجد نفسه فجأه...فى وسط البحر...لا يستطيع أن يعود للشاطىء الذى قفز من فوق صخوره فى بحر الحب....

ولا زالت الجزيرة التى يتمنى أن يصل اليها بعيده....ولابد أن يتحمل...ويقاوم التيار....ويصارع الامواج....حتى لا يغرق...

وحتى يصل الى هدفه...

جزيرة هادئه...يجتمع فيها مع من يحب....ويقف بأقدامه على أرض صلبه

لا تهتز...لأنهامبنية على حق...وصواب...وتقوى الله

فهيا معى...لنستكشف معا

الطريق النظيف الى جزيرة الحب

الطريق الى جزيرة الحب

أيها القلب الطيب
فجأه...وجدت نفسك...أو وجدت أنت نفسك ياأختى...تحبين
انه يتحرك بداخلك...دون ارادتك
قذفه الله فى قلبك...عندما رأيتها بعينك
لم يكن لك دخل...ولا تستطيع تغيير أى شىء
الان تعرف عنها الكثير...وربما تحدثت معها قليلا
تغض بصرك.رغم بصمات النظرة الاولى.....أعلم....أعلم
يؤنبك ضميرك.....أيضا أعلم
تخاف عليها...أعرف...أعرف
تغار عليها....طبيعى...وفطرى...
يعتصر قلبك ...وتختنق نبضاته...ان لم تتواجد فى مكان قريب...مجرد ((حضور))...وليس طلبا للكلام معها...أو لمس حتى يدها...أعرف..أعرف
تخشى أن لا تستطيع بناء السلم الذى ستصعد عليه لتطلب يدها.وتنثر الورد تحت أقدامها...وأنت واثق من نفسك..
تحلم...وتتتمنى..وتجدها دائما...أميرة تتمثل فيهاكل المزايا
وليس بيديك أن تمنع .أطياف حلمك
بل تخاف أن يصل اليها من تحاول ان تسبقه من القلوب الاخرى التى أيضا أحبتها
خوفك فى محله....وهى تستحق..
أتدرى لماذا؟؟
لأنك أيها القلب...تؤنب نفسك...وتلومه على مشاعره التى لم يكن لك دخل فيها...فقط...لأنك تخاف أن تغضب الله...لهذا أنت تتألم
نعم
أنت صاحب نفس لوامه
ولأن حب الله تعالى...هو عندك..الاول

هل الحب شىء ملوث؟؟

وهل هو شىء نخجل منه؟؟

وهل الحب مسئول عن أخطاء العصاه؟؟

وهل هو الذى يمسك يد الشاب...ويضعها على يدالفتاة..وهى لا تحل له!!!

وهل هو الذى يحرك أقدام الفتاة...ويأخذها الى الركن البعيد الهادىء لتلتقى بالمحبوب!!!!

هل هو الذى يحرك البصر. هنا و هناك!!

لا
لا

الحب برىء من كل هذا...

انماالخطأ...ممن يخطئون...عندما يسلمون جوارحهم للعدو ((ابليس)) الذى يتربص

وينتظر..وينظر طويلا

ويخطط...

ويهدأ حتى تتألم.....ثم ينتفض فى داخلك كالافعى....فترتفع النفس المطمئنه...وتحل الامارةبالسوء مكانها...فتقع الذنوب

يا للخساره

حاول أن تنقذ نفسك....وتنقذها معك..هيا شمر...هيااقفزى...من حقل مملوء بدماء سالت

حين ذبح المغفلون الفضيلةوالعفاف..وقتلواالحياء

تحت مسمى الحب

انتظرو الحلقة القادمة
بعنون

أى الطرفين أنت؟؟

هل أنت ..هو؟؟

أم أنت هى؟؟

أم أنتما اثنان معا

هل هو حب من طرف واحد؟؟؟؟؟؟

أم طرفان متفقان؟؟؟؟؟