أرجو مساعدتكم ضرررررررروى

[غير مسجل]

السلام عليكم ورحمة الله وبركاته
أنا طالبة بطب وظروف أهلى المادية الآن صعبة وكنت محتاجة لشغل يساعدنى على تكملة دراستى
بس للآسف ظروف كليتى فى الوقت وكده صعبة شويه وغير متوفر عندى وقت غير الإجازات الخميس والجمعة أو بقية الأيام بعد الساعة 5 المغرب بيبقى عندى وقت وفى نفس الوقت محتاجة وقت للمذاكرة
فكرت أشتغل فى صيدلية بس أحيانا بيبقوا عايزين خبرة وكده
فلو حد يعرف لى صيدلة ممكن تشغلنى بظروفى ديه أنا بعرف أقرأروشتات وكده عادى بس عمرى ماوقفت فى صيدلية قبل كده
أرجو كل من يشاهد موضوعى أنا يساعدنى فى إيجاد عمل مناسب لظروفى سواء فى صيدلية أو غيره
لأن أنا كمان عليا دين حوالى 500 جنيه أستلفتهم عشان أقدر أشترى كتب ومصاريف للكلية وكده فأرجوكم تساعدونى فى إيجاد عمل فى أقرب وقت لسداد الدين وتكملة الدراسة :)
وجزاكم الله خير

[فريق استشارات سرك فى بير(الأخوات)]

رد: أرجو مساعدتكم ضرررررررروى

وعليكم السلام ورحمة الله وبركاته
الحمد لله والصلاة والسلام على رسول الله صلى الله عليه وسلم
حياكِ الله أختنا الفاضلة
أسأل الله سبحانه وتعالى أن يغنيك من فضله وأن يرزقكِ رزقا حلالا طيبا مباركا فيه وأن يبارك لكِ فى والديكِ وأن يمدّ لهما بالصحة والعافية وربنا يوسعها علينا وعليكم بالحلال الطيب
حقيقة أختنا لا نعرف ولكن ما شاء الله عليكِ تدرسين طب فإن شاء الله عندك خلفية عن بعض الأدوية وكما قلتى تعرفين قراءة الروشتات
فإن شاء الله إن كنتِ تأمنى على خروجك ووقوفك بعد المغرب فى صيدلية فانتقى صيدلية معروفة واعلمى أهلك بإنك ستعملى بها
واسألى صاحب الصيدلية عن كونك تريدن العمل بها وحاجتك إلى العمل وأنك تدرسين طب وتعرفين فى قراءة الروشتات وما إلى ذلك وإن شاء الله يوافق على عملك فيها
ولا تغفلى عن الدعاء فبه تيسّر الأمور وكل شيء بيد الله
ونسأل الله أن يكتب لكم الخير وأن يوفقكم إليه إنه على كل شيء قدير ....