حاسس بحرب مع نفسى !!!

[غير مسجل]

بسم الله الرحمن الرحيم
انا سنى 16 فى مدرسة مشتركة يعنى اولاد مع بنات فى نفس الفصل من واحنا اطفال لحد 3 ثانوى ... انا و اصدقائى بدأنا فى اعدادى نحس اننا كبرنا و بدأنا نشوف حولينا و نقلد الشباب (فيس بوك - موضه - موبايل - شات ) و فى مننا اللى كان مرتبط فى السن ده بس الحمد لله مكنتش منهم بس للاسف كنت عالفيس بوك بكلم زمايلى البنات فى المدرسة و هم بيكلمونى و نحكى مع بعض كاصدقاء و ساعتها مكناش بنصلى ولا نهتم بحاجة غير ازاى اثبت نفسى و ابين انى الأحسن و الأرجل و للأسف فى الوقت ده عرفنا فيه العادة السرية لكن بعد المرحلة الثانوية اتغيرنا كتير جزء مننا اتغير للأسوء (برشام - مخدرات - خمر) و جزء تانى ربنا هدانا شوية بكذا طريقة (الحمد لله) منها ان واحد نعرفه فى نفس سننا مات بدون اى مقدمات و واحد صديقنا تانى كان حالته خطر و هيموت بسبب خناقة مع شباب تانى بسبب بنات ! - و للأسف البنات عندنا (الا قليل جدا) معندهمش اى ذره حياء ولا أدب - بس بدأنا من شهور نلتزم و نواظب على الصلاة و المذاكرة و نغض البصر (اللى اكتشفنا انه حاجه صعبة جدا لدرجة اننا مبقناش نحب نخرج و حتى فى المدرسة البنات لبسها مستفز ) و بفضل الله بنشجع بعض و نتنافس مع بعض (مثال : انا قريت كتاب كذا ، انا عملت كذا ) و بفضل الله مبنسبش فرض ألا و نصليه على وقته و فى المسجد لكن للاسف بتواجهنى مشاكل كتير و بتواجه اصدقائى مشاكل شبهها اولا انى فى فترة الاعدادية كنت بكلم بنت عالفيس بوك معايا فى الفصل و كنت برتحلها جدا و بفضفض معاها و اتطور ده بينا لحب و طبعا اتفقنا هنفضل مع بعض على طول و مش هنسيب بعض و الكلام ده بس عرفت ان ده حرام باجماع الكل و بصراحة حاولت ادور على مخرج فى الدين اتحجج فيه و الشيطان رسملى مليون طريق اكترها تأثير عليا هى انك ب بتحبها غصب عنك و انت ربنا مش هيحاسبك على اللى غصب عنك و للاسف ساعات برضى بالفكره دى بس انا عارف ان كده انا برضى نفسى و هوايا فحاولت كتير المحلها ان دى حاجه حرام بس هى بتهرب و تقول احنا مش اتفقنا منسبش بعض و كلام كده و فى مرة قلتلها انى هسبها و انى مش عايز اعرف بنات تانى راحت هيا حاولت تنتحر و دخلت المستشفى و قالتلى بعدها لو سبتنى هموت نفسى و فضلت اكتر من شهر مكتئبة فى المدرسة و تعيط فمش قادر اقطع علاقتى بيها بأى طريقة و اكتر حاجه مضيقانى ان ساعات من مجرد كلامها او حتى ابتسامتها بضطر امارس العادة السرية اللى دايما اقرر انى هبطلها لأنى عارف انها حرام و نفس مشكلتى دى مع صحابى مع تغيير تفاصيل بسيطة ... بجد حاسس انى بتخانق مع نفسى و عارف ان ربنا مش راضى عنى عشان عارف الحرام و بعمله و حاسس انى مخنوق لدرجة انى مش عايز اعمل اى حاجه غير انى افضل قاعد على السرير او انزل اصلى فى المسجد (المكان الوحيد اللى بستريح فيه اكتر من البيت اولا عشان بحس انى بتقرب من ربنا و ثانيا بشوف فيه ناس هناك بحس ان قلبهم طيب و ربنا راضى عنهم ) و للاسف ببقى مخنوق و حاسس انى عايز اعيط لربنا بس الدموع مش بتنزل و طبعا ده دليل على قسوة القلب ... و مضايق ان اخويا الصغير داخل على نفس المرحلة اللى مريت بيها فى الاعدادية بس الموضوع معاه هيبقى اسوء بكتير لأن ميوله شر و ده باين من دلوقتى فخايف عليه اوى ...
اسف جدا على الاطالة بس والله انا مفضفتش كده غير لما شفت حسن اخلاقكم فى المواضيع اللى فاتت فاتمنى تساعدونى

[فريق استشارات سرك فى بير(الأخوات)]

رد: حاسس بحرب مع نفسى !!!

السلام عليكم ورحمة الله وبركاته
الحمد لله والصلاة والسلام على رسول الله صلى الله عليه وسلم
نرحب بك أخينا الفاضل وسعدنا جداا بفضفضتك معنا ونشكرك على حسن ظنك بنا وسامحنا على التأخير فى الرد عليكِ
بداية ندعو الله لك أن يهديك إلى الطريق المستقيم وأن يقيك شر نفسك وشر من حولك وأن يجنبك الفتن ما ظهر منها وما بطن إنه على كل شيء قدير

حديثك إلينا هذا إن دل على شيء فإنما يدل على الخير الكثير الذى تحمله وربما لا تشعر به والحق الذى أبصرك الله به والنور الذى هداك الله إليه بعدما كنت لا تصلى أصبحت من الطائعين لأمر ربهم وتقيم الصلاة فى المكان الذى ارتضاه رسول الله لأبناء هذه الأمة المباركة ألا وهو المسجد ،وغير ذلك من الخير الذى تفضّل ربنا وتكرّم عليك به

فنحمد الله أن وفقك للتوبة وأختارك واصطفاكِ من بين أصحابك الذى ساءت أحوالهم على النحو الذى ذكرت فاشكر الله على هذه النعمة

اسمح لنا أخينا الفاضل الكريم أن نستعرض بعض من كلماتك التى يبدو فيها صدق رغبتك فى فعل ما يحب الله ويرضى
فتقول

و للأسف البنات عندنا (الا قليل جدا) معندهمش اى ذره حياء ولا أدب - بس بدأنا من شهور نلتزم و نواظب على الصلاة و المذاكرة و نغض البصر (اللى اكتشفنا انه حاجه صعبة جدا لدرجة اننا مبقناش نحب نخرج و حتى فى المدرسة البنات لبسها مستفز ) و بفضل الله بنشجع بعض و نتنافس مع بعض (مثال : انا قريت كتاب كذا ، انا عملت كذا ) و بفضل الله مبنسبش فرض ألا و نصليه على وقته و فى المسجد

والله ياأخى أصبح الأمر يدمى القلب ويدمع العين على مناظر بناتنا وأخواتنا إلا من رحم الله فهذا فعلا زمان الفتن والفطن الذى يجتهد فى أن ينجو بنفسه ويحاول أن ينتشل الأخرين مما يغرقون فيه
هنيئا لكم التوبة ونسأل الله أن يثبتكم وأن يحفظكم من الفتن ما ظهر منها وما بطن


اثبتوا على ما أنتم عليه من تعاون على البر والتقوى وجعلكم الله صحبة صالحة

لكن للاسف بتواجهنى مشاكل كتير و بتواجه اصدقائى مشاكل شبهها اولا انى فى فترة الاعدادية كنت بكلم بنت عالفيس بوك معايا فى الفصل و كنت برتحلها جدا و بفضفض معاها و اتطور ده بينا لحب و طبعا اتفقنا هنفضل مع بعض على طول و مش هنسيب بعض و الكلام ده بس عرفت ان ده حرام باجماع الكل و بصراحة حاولت ادور على مخرج فى الدين اتحجج فيه و الشيطان رسملى مليون طريق اكترها تأثير عليا هى انك ب بتحبها غصب عنك و انت ربنا مش هيحاسبك على اللى غصب عنك و للاسف ساعات برضى بالفكره دى بس انا عارف ان كده انا برضى نفسى و هوايا فحاولت كتير المحلها ان دى حاجه حرام بس هى بتهرب و تقول احنا مش اتفقنا منسبش بعض و كلام كده و فى مرة قلتلها انى هسبها و انى مش عايز اعرف بنات تانى راحت هيا حاولت تنتحر و دخلت المستشفى و قالتلى بعدها لو سبتنى هموت نفسى و فضلت اكتر من شهر مكتئبة فى المدرسة و تعيط فمش قادر اقطع علاقتى بيها بأى طريقة

أخى ...
اقطع هذه العلاقة المحرّمة فورا ولا تدع لنفسك فرصة أن تفكر فيها
انشغل بمذاكرتك وما ينفعك ولا تبالى بإنها أصيب بإكتئاب أو هتنتحر أو نحو ذلك فكل هذه من وساوس الشيطان لتظل هكذا حبيس الشيطان وحبيس هواك

اقطع كل ما يصلك بهذه الفتاة وأول شيء تقطعه حسابك على الفيس بوك
نعم ياأخى عطّل الحساب وانساه واصدق الله فى طلب العون منه سبحانه أن يعينك

أخى ربما يكون الأمر ليس هينا عليك فى بادئ الأمر لكن بصدق إستعانتك بالله سيهون عليك كل صعب

أكثر من الدعاء بإن يبعد عنك هذه الفتاة وأن يعينك على شر نفسك وأبشر أخى الفاضل

ثم نصيحتى الأخيرة لك فى هذا الشأن لا تكلم معها ثانية من الآن احذف حسابك وابدأ صفحة جديدة مع الله وأنت فى هذا العمر المشرق الذى تبدو ملامح الخير فيه
ودعك من أن تلمّح لها أن ذلك لا يجوز وأن تريد تركها
لا
بل اقطع علاقتك مباشرة وبمرور الأيام ستنسى أنت وستنسى هى وندعو الله أن يملأ قلبك بحبه سبحانه

و اكتر حاجه مضيقانى ان ساعات من مجرد كلامها او حتى ابتسامتها بضطر امارس العادة السرية اللى دايما اقرر انى هبطلها لأنى عارف انها حرام و نفس مشكلتى دى مع صحابى مع تغيير تفاصيل بسيطة ... بجد حاسس انى بتخانق مع نفسى و عارف ان ربنا مش راضى عنى عشان عارف الحرام و بعمله و حاسس انى مخنوق لدرجة انى مش عايز اعمل اى حاجه غير انى افضل قاعد على السرير او انزل اصلى فى المسجد (المكان الوحيد اللى بستريح فيه اكتر من البيت اولا عشان بحس انى بتقرب من ربنا و ثانيا بشوف فيه ناس هناك بحس ان قلبهم طيب و ربنا راضى عنهم )

لا حول ولا قوة إلا بالله
انظر ياأخى ماذا حدث لك بسبب هذه الفتاة !
انجو بنفسك ياأخى الفاضل فأنت بفعلك هذا ترتكب محرمين وكما اتفقنا فى بادئ الأمر أننا نشعر فيك بالصدق فى رغبتك فى التغير

كلما أهمّتك نفسك للحديث معها انزل المسجد المكان اللى بتحبه وبترتاح فيها وحق لك هذه الراحة
انزل اعمل أى حاجه فى المسجد أقرأ قرآن ... اسمع درس ... أى حاجه
ابعد عن المكان الذى سيجعلك تتواصل معها

وإن شاء الله ننتظرك تبشرنا بإنك قطعت هذه العلاقة المحرمة

و للاسف ببقى مخنوق و حاسس انى عايز اعيط لربنا بس الدموع مش بتنزل و طبعا ده دليل على قسوة القلب ... و مضايق ان اخويا الصغير داخل على نفس المرحلة اللى مريت بيها فى الاعدادية بس الموضوع معاه هيبقى اسوء بكتير لأن ميوله شر و ده باين من دلوقتى فخايف عليه اوى ...

إن شاء الله بالتدريج ستجد عينيك تدمع خشية لله
ولتعلم أن كل إناء ينضح بما فيه والقلب هو الوعاء فإن ملأته خيرا ظهر هذا الخير على سائر الجوارح
فاحرص على تعبئته بالطاعات والقربات لرب الأرض والسماوات

ثم أخيك هاه الله انصحه برفق وكن له قدوة فأنتم ما زلت فى عمر الزهور ويسير بإذن الله أن تتغيروا للأفضل وخاطب والديك برفق أن يوضحوا له خطر ما يبدو عليه من ميول شر

وادعو له معك وأنت تصلى وعندما تنزل للصلاة فى المسجد خذه معك وألح عليه وقول له أنك تريده ليس أخا فقط بل أخ وصديق وإن شاء الله بالتدريج سيستجيب لك وسيكون خير معين لك بعد الله على الطاعة