اريد نصيحه لانى فعلا محتاره(قطيعة الأهل بسبب الميراث)

[غير مسجل]

السلام عليكم ورحمة الله وبركاته
اخوانى واخواتى الكرام القائمين على هذا القسم الهام والمنتدي الاكثر من رائع
كنت محتاجه افضفض معاكم شويه وتنصحوني اعمل ايه مع اخواتى
الحكايه بدات بوفاة ولدي رحمة الله عليه
بابا كان متزوج قبل ولدتى وعنده 5 اولاد بنات ومن ثم تزوج ولدتى وجبنا 4 اولاد 3 بنات وولد
توفيت ولدتى كان سنها صغير رحمها الله وغفر لها هى واموات المسلمين جمبعا كنت انا قد تزوجت وبقي اخواتى الثلاثه مع مرات بابا وكنا بنحبها جدا لاننا تربينا على اننا اولادها وجميعا اخات وماكنش فى فرق ابدا بينا وكان بابا بيعملنا معامله واحده وتوفت هذه الام الحنون ايضا وتزوج ابى من زوجه جديده لكن هذه الزوجه كانت ماكره وديما كانت تعمل مشاكل بين بابا وبين اخويا لكن الحمد لله ماكنتش بتعرف توقع لان بابا ماكنش بيسمع كلمها ولا بيرد عليها
واخويا كان مريض وتوفى هو التاني الله يرحمه اوخاتى اللى من الام الاولى جميعهم متزوجين واخواتى كانو صغار وكبرو وتزوجو ايضا الحمد لله
عارفه انى لسه مادخلتش فى المشكله لكن ارجو ان يتسع صدركم لى معلش انا حبيت اقول البدايه علشان المشكله بدات بعد وفاة ولدي الله يرحمه
قل وافاة ولدي كنا اخوات وحبايب ومافيش اى مشاكل مابنا
وكان ديما ولدى بيحاول انه يجمعنا مع بعض
بدات المشكله مع الورث بعد الوفاه وكان بابا موصي بحجات تتعمل ولكن دون كتابه كانت وصيه لى لانى كنت الاقرب له
ديما وكنا انا وهو اصحاب اووي وديما نتكلم ونحكي مع بعض وكان بيعتبرنى ابنه الكبير مش بنت مع انى الانيه الوسطي لاولاده ومش الكبيره لكن الكبيره من الزوجه الثانيه المهم الحمد لله زوجي ميسور الحال ومش مخلينى محتاجه اى شئ
اثناء التقسيم ولاورث اخواتى خرجونى من القسمه خالص بقو يوزعو ويختارو وانا اقعدا ماحدش بقي يسالنى وانا مش اتكلمت ولا قولت اى شئ
لحد ما اختارو هما اللى عاوزينو وتركو لى نصيبى ولكن ارض مهمله لا قيمه لها وبعيده جداا والله انا رضيت بنصيبي وقولت الحمد لله بما قسم لى ربي واترحمت على ولدي
وكانت كل ما اخت من اخواتى يحبو يبيعو شئ اشتريه منهم لحد ما اشتريت تقريبا نص تركة ولدي وكنت بشتري بما يرضي الله وزيي زي الغريب والله واغلى كمان وكنت بكون راضيه علشان هما يرضو فقط
لكن مش عارفه ليه اخواتى قطعوني وبعدو عنى مش انا بس لا وبعدو عن اختيني الشققه
يمكن انا فى سبب انهم يبعجو عني لكن اختين التانيي مافيش اى سبب
هما فى القسم تركو المنزل بااكمله لمرات بابا الثالثه واولادها الصغار وتنزلو عنه بارادتهم وانا كنت معترضه على الموضوع دا
وقلت بابا موصي ان المنزل يترك على المشاع مابنا جميعا ونضل فيه مع بعض زعقو فيا وقالو لالا انتى تسكتى ماكليش فيه
كانو فاكرين ان مرات بابا هتسيب المنزل مفتوح ليهم وقت مايحبو يروحو وكدا زي ايام بابا هى قالت لهم كدا ضحكت عليهم على ما اتنزلو وسجلت البيت باسمها هى واولادها
دلؤتى جايين عاوزيني ابنى لهم بيت من مالى الخاص علشان لما ينزلو البد وكدا يبقو ينزلو فيه لانهم متزوجين بعيدا
انا طبعا رفضت لان المال مش مالى لاتصرف فيه دا مال زوجي وشقي غربته وتعبه معقول اخد منه وابنى لاخواتى منزل طيب ليه انا ورثت زيي زيهم وهما اخدو حقهم
زعلو مني لهذا السبب وقاطعونى انا مغتربه برا مصر وعايشه فى بلد وحيده ماليش حد حتى اخواتى مقطعني ومش بيسالو عني
بيحصلى مواقف وحوادث كثيره وبيعرفو وماحدش بيقول اسال على اختى واطمن عليها وعلى اولادها
مرات بيصعب عليا حالى ببكي زوجي بيزعق لي ويقولى انتى محتاجه منهم شئ اتصلى انتى بيهم وخلاص
بتصل كتير بس تعبت ونفسي احس ان اخواتى بيهتمو بيا او حبين يطمنو عليا بقطع التصال وببعد لكن للاسف ولا فى اى سؤال ولا جدوي
اخرها من فتره بسيطه حصلى حادث كبير انا واولادي وزوجي وكنا خلاص هنموت بجد ولكن بقدرة الله نجينا الحمد لله
ومش عارفه اعمل ايه علشان اقرب اخواتى منى تاني بصراحه احترت معاهم والله والله وربى يعهلم كم احبهم وكم افتقدهم وقلبي منفطر عليهم ونفسي ارتمي بين احضانهم لانى تعبت من الغربه ونفسي استقر فى بلدي لكن كل ما اقول انزل واستقر
ارجع تاني واقول انتى لو رجعتى هتعيشي غربه امر من اللى انتى فيها لان صعب الواحد لما يبقى بين اهله ويحس بغربه
بنزل اجازات وبحب المهم حواليا لكن فى اللى بييجي لما اقوله وفى اللى لا انا بروح وبزوبهم
لكن بحس انهم بيبقو محرجين مني لانى رحت وولادي بيحسو انهم ضيوف غير مرغوب فيهم
لما بقولوهم تعالو نزور خالتكم بيرفضو بيقول مش بتقابلنا كويس
انا عارفه انى اتكلمت كثير لكن كنت محتاج افضفض وحد يقولى اعمل ايه
هل علشان ارضي اخواتى اخد من مال زوجي وابنلهم المنزل
ولا اتنازلهم عن ورثي بالكامل والله مش عارفه اعمل ايه احترت ارضيهم ازاى
ياريت لو حد يقولى اعمل ايه بجد اخواتى وحشونى اووي
والله انا بكتب لكم ودوعي بتنزل مني وشم قدرا
انا الحمد لله بشهادة الجميع قلبي طيب وحنين اووي وبحب الخير للناس كلها وبعمل مايرضي الله ورسوله
ومش ببخل على اخواتى باللى اقدر عليه لكن موضوع انى ابني لهم بيت كبير وعلى ارضي كتير عليا انا متغربه ابنى مستقبل اولادي ولا ابنى لاخواتى
وزوجي مش ناقص علشان اقولو ابنى لاخواتى بيت ماهو كمان عنده اخوات ومش سايبينو فى حالو وديما هات هات وهو مش بيقدر يقولهم لا اجي انا واثقل عليه بطلبات اخواتى كمان حرام بجد مش عارفه اعمل ايه ياااريت تساعدوني
وتنصحونى اعمل ايه
وشكرم لحسن استماعكم
وبارك الله فيكم جميعا

[فريق استشارات سرك فى بير(الأخوات)]

رد: اريد نصيحه لانى فعلا محتاره

الحمد لله والصلاة والسلام على رسول الله صلى الله عليه وسلم ,أما بعد ,
مرحبا ابنتى الفاضله ,فى البدايه أقولك لكِ هونى على نفسك ياابنتى فأنتى لم تخطئى فى حق أحد ولكن هذه هى الدنيا أطماع وضغائن ,أنا أرى من خلال حديثك بأن ما فعلوه اخواتك ماهو إلا حسد منهم لأنك اشتريتى حوالى نصف تركة والدكم الطمع أعمى بصائرهم أخذوا حقهم وينتظروا منكِ المزيد ,وبالطبع لايحق ان تبنى لهم بيتا بديلا عن بيت العائله ولن أطلب منكِ أن تقاطعيهم ياابنتى لأن هذا يغضب الله عز وجل فقد قال سبحانه ,
1. فَهَلْ عَسَيْتُمْ إِن تَوَلَّيْتُمْ أَن تُفْسِدُوا فِي الْأَرْضِ وَتُقَطِّعُوا أَرْحَامَكُمْ أُولَـٰئِكَ الَّذِينَ لَعَنَهُمُ اللَّـهُ فَأَصَمَّهُمْ وَأَعْمَىٰ أَبْصَارَهُمْ ﴿٢٣﴾ أَفَلَا يَتَدَبَّرُونَ الْقُرْآنَ أَمْ عَلَىٰ قُلُوبٍ أَقْفَالُهَا ﴿٢٤﴾﴿محمد:

فلا نريد ان نفسد فى الأرض والأولى أن يكون لكِ بيتا لاحرج فى ذلك ولكن يكون خاص بكِ لأنه ملك لزوجك ولأولادك ويكون مفتوح لهم على الرحب والسعه وتدعيهم حتى بدون اى مناسبه تقربى إليهم بالهدايا ,كما قال الرسول صلى الله عليعه وسلم ,"تهادوا تحابوا" اصنعى طعاما كثيرا يليق بكِ وبزوجك واحتسبى ماتفعليه لوجه الله واطلبى من أخواتك أن يحضروا لزيارتك ولمى شمل الإسره وان شاء الله لن يضيعك الله وسوف تتألف القلوب ولاتتعجلى النتيجه اصبرى ياابنتى فأنتى على حق ولم تقاطعى ولم تظلمى ,جففى دموعك الآن وقومى توضأى وصلى ركعتين واطلبى من الله أن يؤلف بينكم ويصلح أحوالكم ,ولكن لاتلومى نفسك ولاتغضبى من صنيعهم مادمتِ لاتغضبين الله فلا تخشى من شىء
"ومن يتق الله يجعل له مخرجا "
قلوبنا معكِ ابنتى الفاضله ,وفقكِ الله وأعانك ووفق بينكم جميعا .

[غير مسجل]

رد: اريد نصيحه لانى فعلا محتاره(قطيعة الأهل بسبب الميراث)

اشكركم جزيلا بارك الله فيكم على الاهتمام والرد
واحب اقول ان زوجي يعتبرهم اخواته ويحبهن ويقدرهمن تقديرا كبير
ومنزلي مفتوح ديما ليهم عند نزولى الى ارض الوطن واذهب ديما لزيارتهم مع احساسي بان ضيف غير مرغوب فيه لكن اذهب لصة الرحمن
ووالله قولت لهم انا صح مسافره ومش بنزل لمصر غير كل سنتين او ثلاث لكن مفاتيح بيتى تحت امركم ممكن اعمل لكل واحده منكن نسخه تحتفظو بيها معاكم واللى يحب ينزل فيه فى اى وقت مافيش اى مانع
ولا اريد ان اتحدث عن الهديا فالحمد لله افعل ما في وسعي حتى وانا بعيد لما بسمع باى مناسبه عند اى منهن عرس احد اولادهم او اى شئ ارسل لهم الهدايا ومبالغ ماليه تعينهم على التحضيرات زوجي لا يمانع فى هذا ابداا حتى هما تحثو مع زوجي ليضغط عليا لكى اتنازل لهم عن قطعة ارض وقد فعل فعلا حلف عليا انى لازم اديهم اللى هما عاوزينه منعنا للمشاكل والقطيعه وردخت لطلب زوجه طاعة منى له خفت ان اعصيه وهذا مخالف لما امرنا به الله من طاعه للزوج وربنا لم يتركنى لحالى فى هذا الموقف وكشف طمعهم لزوجي والحمد لله عرف انهم بيحاولو يوقعو بينى وبينه
ورجع فى كلامه وسوف افعل واظل على توصل بيهم واتقرب لهم وان شاء الله ربنا قادر على لم الشمل مره اخري
بارك الله فيكم على الاهتمام والرد جزاكم الله خيراا