اريد المساعدة

[غير مسجل]

بجد اسفة انى بصدع دماغ حضرتك
انا اخاف من الزواج انها عقدة بداخلى هل احاول ان انسى هذا الموضوع ام اذهب الى دكتور نفسى
ارجو ان تنصحينى
لا ابوح لاحد بهذا الا لكى يا امى بجد اسفة انى كررت الموضوع اكتر من مرة لست عديمة الحياء ولكنى منكسرة من داخلى تماما
اذا كنتى تضايقتى منى فارجو ارجوا الا تردى عليا لانى لا اريد ازعاج احد وخاصة انتى يا امى

[فريق استشارات سرك فى بير(الأخوات)]

رد: اريد المساعدة

مرحبا ابنتى الغاليه ,طبعا أنا لااصدع ولاأتضايق منكم أبدا ,اسألى براحتك وأنا تحت أمرك
وبعدين الموضوع ده شاغل بالك ليه قوى كده ياابنتى ,مش أنا قولتلك سيبى الأمور الغيبيه دى لربنا
وكل شىء بالتعود وان شاء الله مش هتلاقى مشاكل خالص ,دى فطره ربنا جبلنا عليها
ومش معقول ربنا ها يرضى لنا الشقاء ,بنيتى ,الزواج سنه كونيه وشركه بين اثنين
اساسها الموده والرحمه ,وبعدين هو أنتى أول أو آخر بنوته ها تتجوز ,,ياغاليه أمامك بنات كتير تزوجوا
وعايشين فى سعاده وهناء ,اتركى بس الأفكار اللى فى رأسك دى لأنك كل مابتفكرى هاتتعبى نفسك وتعيشى فى فزع من الزواج على طول ,وان شاء الله مش ها تحتاجى لدكتور نفسى ولاحاجه ,وعارفه انك بنوته مؤدبه لأنك بتسألى الكبار ومش بتأخدى معلومات غلط من اللى فى سنك ,
ابنتى الغاليه ,,ممكن تسمعى كلامى وتشغلى نفسك بطاعة الله ,أكيد انتى مشاركه معانا هنا فى المنتدى ,ادخلى قسم الأخوات الخاص واتعاملى مع أخواتك وان شاء الله هاتلاقى الصحبه الصالحه بجد وهاتنسى الأفكار اللى شاغله نفسك بيها ,,طبعا أنا كلمتك بالعاميه كده علشان تعرفى انى معاكى وقريبه منك ومش متضايقه من كلامك ,خلاص ياست البنات ,اتفقنا ,؟ربنا يسعدك ونفرح بكِ عن قريب ,
فى حفظ الله .