معلش كلمة تانية

[غير مسجل]

انا مش اجتماعى ومش بعرف اعمل ايه فى مواقف زى الفرح والتعزية
ومش عارف ازا كان حضرتك واحد من الاساتذة الافاضل اللى كانوا بيساعدونى
لكن انا متاكد ان حضرتك كنت معايا فى المعسكر وحضرتك من بورسعيد
وانا كنت معجب بادارة حضرتك والمجهود اللى عملته ودعيت ان ربنا يعينك ويوفقك

انا حاسس بيك عشان مرة تخيلت انى امى ماتت وكنت حاسس بالم شديد
ومرة تخيلت ان اخ عزيز عليا ، مات وافترقت عنه

بس متزعلشى والله حضرتك
عارف مرة لقيت على منتدى الجملة دى
" أدركت ان الدنيا زوال وأن الخلود مع الاحباب محال وان الجنة تحتاج الى شد الرحال فسألت الله ان يجمعنى بك على طاعته وفى الجنة تحت الظلال "

بجد والله حضرتك اجمل لذة بجد انه ربنا يمن عليه بدخوله الجنة ، وانت تبقى معاه فى الجنة
وانتم الاتنين مع الرسول عليه الصلاة والسلام
حضرتك افرح بجد ، احبابه واحبابك كتير ، وكلنا هندعليه ان ربنا يغفرله
ويارب يجيلك فى المنام يطمنك ويبشرك -- بس اهم حاجة تقوللى عشان اعرف برضه :)

حاول على نفسك انك تصبر ان شاء الله هيدخل الجنة
فكر فيه كدا وهوا فى الجنة
وبيقولك انت مش ناوى تبقى معايا فى الجنة
هتطول كتير !!
اجتهد يلا وتعالى فى الجنة معايا
لقد كثر خير الله وطاب ، وعفى عنى الكريم الاكرم

واقول لك
ان كان خلق الله من احبابه معك بقلوبهم وادعيتهم
فكيف بخالقك
لا تحزن ان الله معك

وتستطيع فى الايام القادمة ان تنوى فى بعض الاعمال او كلها ان تكون لاخيك (لا اعلم مدى شرعيتها ولكن نويت مرة ختم القرآن فى رمضان لستى)
وفى هذه الايام حقا كثر خير الله وطاب
ولعلها فرصة لكما ، قد يكون وهو حى لن يحصل مثل الثواب الذى سوف تحصله
وانا ان شاء الله هبقى انوى فى اعمالى ، وادعو الله ان ياخد من اجرى فيها ويعطيها له بإذن الله

سلام عليكم

[ضيف]

رد: معلش كلمة تانية

جزاك الله خيرا اخى الفاضل

وبجد كلماتك طيبة واثرت فى جدا وبخاصة هذه الجملة :


" أدركت ان الدنيا زوال وأن الخلود مع الاحباب محال وان الجنة تحتاج الى شد الرحال فسألت الله ان يجمعنى بك على طاعته وفى الجنة تحت الظلال "

فبارك الله فيك اخى

وحقا انا كنت فى معسكر بورسعيد وكنت مدير المعسكر واسمى ابو معاذ

وقريبا ان شاء الله يكون المعسكر الثالث ونرجوا ان تكون معنا

والسلام عليكم