مفيش احسن من الموت

[غير مسجل]

تم التعديل

[فريق استشارات سرك فى بير(الأخوات)]

رد: مفيش احسن من الموت

السلام عليكم ورحمة الله وبركاته ...
أهلا بك أخانا الكريم فى بيتك الثانى الطريق الى الله
بداية نسأل الله لك التوفيق والرزق الواسع والصبر
مشكلتك اخى الكريم مشكلة كثير من الشباب لكن للأسف سريعا ما يصيبهم اليأس
يا أخى الانسانالذى يبحث ويعمل هنا وهناك لابد أن يأتى عليه وقت ويصل لما يريد إن شاء الله

مفيش حد بيبدأ كبير
ولازم تشوف سوق العمل طالب ايه وتاخد دورات فى تخصصك ومش عيب لو اتعلمت صنعة
بجانب شهادتك تفتح منها بيت وتكون لك مصدر دخل
كثير من الناس بيعملوا كده يعنى مثلا عندك تخصص التكييف والتبريد
لاحم الاكسجين ممكن تاخد فيهم دورات وتشتغل الشغل فيهم مطلوب جدا
ويبدأ من راتب 700 تقريبا ويزيد وتقدم مثلا فى شركة المقاولين العرب
اجتهد يا اخى حاول تتعلم صنعة انا عن نفسى اخى خريج كلية واتعلم صنعتين بجانب الشهادة
وقريب لى فى منصب كبير فى شركة البترول وايضا متعلم صنعة ولم يتركها إلى الآن
ولو مش عاوز تتعلم صنعة فيه مشروعات بسيطة جدا برأس مال صغير زى مثلا
3تليفوانات محمول وكروت شحن تبقى سنترال على صغير
او مثلا مشروع عربة الفول بيكسب دهب لأن الناس مش بتبطل تتكلم او تاكل
المهم انك تسعى ومتستعجلش النتائج طالما أنت بتجتهد ربنا حيوفقك إن شاء الله
وأكثر من الاستغفار واعلم انك فى نعم كتير ناس كتيرة محرومة منها زى نعمة الصحة ومعاهم ملايين
المهم دلوقتى يا بطل أنك تنفض التراب عن نفسك وتشد حيلك وتحسن الظن بالله انه حيوفقك ويعينك
واعلم اننا فى الدنيا إذا كان الانسان مش بيتولد بالساهل هل الشغل حيجى بساهل :)
روق كده ودور ومتملش وشوف زى ما قلتلك اللى طلبه سوق العمل
واحنا فى خدمتك فى اى وقت