انا خلاص ناوي اكمل كدا

[الفاشل]

تم التعديل

[فريق استشارات سرك فى بير(الأخوات)]

رد: انا خلاص ناوي اكمل كدا

السلام عليكم ورحمة الله وبركاته ...
أهلاً بكم أخانا الكريمة فى بيتك الثانى الطريق الى الله بداية نسأل الله لك الهداية والعفاف والتقى والغنى
وأن يطهر قلبك ويبعد عنك الفتن ما ظهر منها وما بطن وقبل الحديث فى اى شيء أسمع لقوله تعالى

الشَّيْطَانُ يَعِدُكُمُ الْفَقْرَ وَيَأْمُرُكُم بِالْفَحْشَاء وَاللّهُ يَعِدُكُم مَّغْفِرَةً مِّنْهُ وَفَضْلاً وَاللّهُ وَاسِعٌ عَلِيمٌ

تأمل أخى الكريم سبحان الله هذا القول ينطبق على ما تمر به
أنت تفكر فى التوبة والرجوع الى الله وبناء مستقبل ايمانى مشرق بإذن الله
لكن الشيطان يوسوس لك أنك مهما فعلت ستعيش هكذا وتموت هكذا
لا لا أخى أعلم أن الانسان منّا يمكن أن يقع وتذل قدمه لكن التوبة التوبة
أوعى تقول انا خلاص مفيش منى أمل أنا الناس كلها لو أتغيرت عمرى ما أتغير
أنظر لقصة سيدنا عمر بن الخطاب
إن عمر رضي الله عنه كان في الجاهلية يعبد الأصنام، وكان يئد ابنته، ويفعل الأفاعيل، ويظلم الناس، وظلم المسلمين حتى قال سعيد بن زيد : [لقد رأيتني وإن عمر لموثقي وأخته على الإسلام] ولكنه أسلم وشاء الله أن ينتقل عمر من ظلام الجاهلية إلى نور الإسلام، فتغيرت الشخصية وانقلبت تمام الانقلاب، وكان لذلك بادرة، وما سيأتي من الأحاديث الصحيحة والحسنة في سيرة هذا الرجل تدل على جوانب من عظمته، لقد كان المسلمون يستبعدون إسلام عمر ، حتى قالت أم عبد الله بنت أبي حثمة : [والله إنه لنرتحل إلى أرض الحبشة إذ أقبل عمر حتى وقف علي، وهو على شركه، قالت: وكنا نلقى منه أذىً لنا وشراً علينا، فقالت: فقال عمر لما رآهم يتأهبون للجلاء عن مكة : إنه الانطلاق يا أبا عبد الله ! قالت: قلت: نعم. والله لنخرجن في أرض الله، آذيتمونا وقهرتمونا حتى يجعل الله لنا مخرجاً، قالت: فقال: صحبكم الله، ورأيت له رقةً لم أكن أراها، ثم انصرف، وقد أحزنه فيما أرى خروجنا، قالت: فجاء عامر بن ربيعة فقلت له: يا أبو عبد الله ! لو رأيت عمر آنفاً ورقته، وحزنه علينا، قال: أطمعتِ في إسلامه؟ قالت: قلت: نعم. قال: لا يسلم الذي رأيتِ حتى يسلم حمار الخطاب ] هل يسلم الحمار؟ قالها يأساً لما كان يرى من غلظته وقسوته على الإسلام، ولكن الله إذا أراد أن يهدي هدى، ولو كان الرجل أقسى الناس قلباً وأبعدهم عن الله، وهذا لكل عاصى أن لا ييأس من رحمة الله
والمشكلة دلوقتى عندك الهمة والنية انك عاوز تتغير أحنا ممكن نتابع معاك هنا
ولا نمل بفضل الله من إرشاد عباد الله ودلالة الخلق على الخالق
بالنسبة للأفلام الاباحية شيل الكمبيوتر بيعه ومتقولش حقضى وقت فراغى ازاى
لأنك عارف انت بتقضيه فى اييه ؟
وهو تلك المعصية لازم تبعد سبب همك وحزنك أنت عارف انك مش سعيد كده ومش راضى عن نفسك
وده سبب بكائك يبقى احنا يا بطل لااااااازم نشد حيلنا شوية ونثبت وناخد خطوات
وأهم حاجة وأول حاجة الدعاء وأنك تعزم النية على التوبة وتفتح صفحة جديدة مع ربنا
ولو وقعت تقوم وتمسك الحبل متسبش الحبل
والخطوات
أبدأ فى حفظ القرآن وأقرأه بنية التقرب الى الله والشفاء من أمراض القلوب
علاج قسوة القلب أنك تعرف نفسك قدرها روح زيارة للمقابر وشوف أخرتها اييييييه
الميت لو حيتكلم حيقول لك مازلت الفرصة قدامك اوعى تبعد عن طريق ربنا هو النجاة طوق النجاة
زور المستشفيات وحتلاقى نعم عندك كتييييييير من الناس اتحرم منها
أنت فيك عقل وفيك حواس تقدر تتغير بفضل الله
اوعى تبيع الأخرة بدنيييا
اوعى انت دلوقتى الفرصة قدامك تصلح كل اللى فات وربنا ارحم بيك من والدتك
حاول تبعد عن جو الفتن دور على شغل تانى مفهوش معاصى واختلاط
ولو المرتب صغير ربنا يباركلك فيه ويبارك فى صحتك وتحس بالسعادة اللى الانسان ميقدرش يشتريها
بكنوز الدنيا كلها
صلى الفروض فى المسجد أول بأول
ولو على الناس وأخطائهم كلنا بشر محدش كامل العصمة دفنت مع النبى صلى الله عليه وسلم
الدين لا يتمثل فى هؤلاء الاشخاص
أنشغل بنفسك وأترك اى معصية فى الحال وادعى ربنا يغير قلبك
القلوب بين أصابع الرحمن
تكلمنا معك حديث من القلب الى القلب نتمنى ان يصل إليك
ولو عاوز تتابع معنا ممكن من اى سايبر وفيه معسكر ايمانى تابع للطريق الى الله ممكن تشترك فيه
واحنا فى خدمتك فى اى وقت فى حفظ الله
وأخيرا اسمع هذا النداء الربانى
http://www.youtube.com/watch?v=31N316gmKOo

[الفاشل]

رد: انا خلاص ناوي اكمل كدا

اولا اشكرك
بس انت عارف انا من كتر اللي سمعته من محاضرات وخطب مبقاش عندي اى قدرة على حاجة يئست من كل شى حتي معندش طموح ف حياتي ان انا اكبر ف عملي واتعلم شئ جديد او حتي اتزوج او اتغير او اعمل اي شئ خير.

انا كنت بفضفض معاكو من زهقي خلاص معدش عندي همه حتى لو قمت وعملت اللي بتقول علية انا عارف في نفسي ان انا بخدع ربنا ما كل مرة كداااا وبكدب ما الحاجات القذرة دي ف قلبي ومش عارف اغيرها ومعندش عزم على عدم الرجوع.

انت عارف انا لما بقعد لوحدي وممكن افكر انا هموت ازاي بخاف قوي من القبر والظلمة والعذاب مع الزناة اللي بشوفهم وبفرح لما انزل فيديوهات .

انا مش عارف انا عايش وخلاص.

[فريق استشارات سرك فى بير(الأخوات)]

رد: انا خلاص ناوي اكمل كدا

السلام عليكم ورحمة الله وبركاته ...
سبب ما أنت فيه يتلخص فى شيء واحد (تلك المعصية )
أنت بالطبع لا ترضى أن الناس تشوف عورتك تخيل معى انك ماشى فى الشارع ومتجرد من ملابسك
يا ترى حيكون أحساسك أيه لو وضعت نفسك مكانهم حتشعر ببشاعة مشاهدة هؤلاء ؟
يا أخى الكريم الهم والنكد والحزن وقسوة القلب سببه تلك المعصية
وأنت تقريبا فى بداية العشرينات وده سن التخبط ولاااااااااااازم تكون حازم مع نفسك
أنت فيك عقل والعاقل لا يرضى لنفسه بذلك
حتقول انا قلبى قاسى ومش بيتغير
واحنا مش بنقولك أضغط على زر التغيييير
أحنا بنقولك اصبر على الطاعة وأصبر على ترك المعصية جاااااااااااااهد
جاااااااااهد
الفارس لما بيكون فى ساحة المعركة بيحاول يتفادى خصمه بل هو اللى بيقضى عليه
تماااااااااام
يبقى انت دلوقتى فى ساحة المعركة
وأمامك مخلوق ضعيف الشيطان أهزمه وأجعله يبكى
ألزم المسجد قدر المستطاع حتى لو الناس مش عجباك يا أخى صاحب نفسك
وربيها
كل واحد فينا زى ما قلت لأخ أخر له مشكلة هنا مشابهة لك
ربى نفسك
والحلال مفيش أحلى منه حتحصل على ما تريد فى الحلال بدون هم ونكد
وخنقة من الدنيا
جااااااااااااااهد
اول خطوة يا بطل أنك تشيل الجهاز خاااااااااااالص
وتابع معنا من السيبر واشترك فى حلقة لتحفيظ القرآن
ونزل السور اللى حتحفظها على الموبيل عشان مترجعش تقول الجهاز والحفظ
تمام
الخطوة الثالثة أنك تشيل الأفكار السلبية اللى فى دماغك كلها وتحط افكار تانية ايجابية
أنت تقريبا أبن سوق زى ما بنقول باللغة العامية
اكيد جه فى دماغك مشروع لو نفذته حتكسب منه ويطلع لك دخل كويس وتقدر تتزوج
وتعيش وتفتح بيت وتكون أسرة
ولو حتى فيه رواسب من التربية السيئة مع الأيام كل شيء بيتغير
والوقت والحياة كفيلة انهم يعلموا الانسان
ياااااااااااريت فعلا تاخد الخطوة الأولى
وربنا سبحانه وتعالى حيفتح عليك
وتذكر من ترك شيئا لله عوضه خيرا منه

[فريق استشارات سرك فى بير(الأخوات)]

رد: انا خلاص ناوي اكمل كدا

http://www.youtube.com/watch?v=kn5YaxsXccg

هل أخذت خطوات اخانا الكريم وليتك تسمع هذا المقطع القرآنى؟

[الفاشل]

رد: انا خلاص ناوي اكمل كدا

المشكلة عندي ان اسباب المعاصي امامي لسة مش قادر اغيرها
حاجة تانية ان لما كنت ملتزم كنت برفض اقعد مع ابي وامي واخواتي لما بيسمعوا افلام واغاني ودلوقتي لما اسيبهم هيقولوا اية انا كدا منافق ولسة حب الحاجات دي ف قلبي وانا كمان بجيب لهم قنوات الافلام اللي كنت بحذفها والاغاني حتى لو اسلامية فيها موسيقى لماهر زين وحمزة نمرة بسمعا معاهم
شاكلي هموت كداااااااا
يائس

[فريق استشارات سرك فى بير(الأخوات)]

رد: انا خلاص ناوي اكمل كدا

السلام عليكم ورحمة الله وبركاته ...
أخانا الكريم كون انك بتحب هذا الأمر وأنك تركته لله فربنا سبحانه وتعالى حيعوضك خيرا اسمع تلك الآية

((وَأَمَّا مَنْ خَافَ مَقَامَ رَبِّهِ وَنَهَى النَّفْسَ عَنِ الْهَوَى * فَإِنَّ الْجَنَّةَ هِيَ الْمَأْوَى))

فالموضوع محتاج منك جهاد جااااااااهد بالله عليك
ورجاء عدم وضع ذلك الوجه الغاضب حتى لا يطبق عقلك الباطن ذلك لأشارات سلبية
تفائل رجاء وخلى عندك حسن ظن بالله أنك حتتغير

فيه معاصى حاليا عاملة حجاب بينك وبين التوبة لأنك مش صادق
أصدق الله يصدقك
يعنى مفيش افلام اباحية
ترك العمل المختلط لانه واضح انه بيدفعك للفتنة دفع
ترك كل المعاصى توب وجدد التوبة كل يوم قبل النوم
ولااااااااااااااااازم خطوات سريعة انت متعرفش الموت حيأتى متى ؟
جااااااااااهد بالله عليك
أنت فى حالك هذا أشبه بإنسان بيغرق وبيعرف يعوم وينقذ نفسه
ونحن نتابعك
فى حفظ الله

[I Will Try]

رد: انا خلاص ناوي اكمل كدا

اولا اشكرك جدا

الحمد لله بدات اترك المواقع وبدات ف الصيام والله حسيت ان انا كاره لهذة المواقع.
بس فية مشكلة مشاهدة الافلام والمسلسلات والموسيقى برضة لسة بحبها ولكن بحاول اسيبها.
فية مشكلة ان انا لما كنت بعمل معاصي السر والمواقع القذرةكنت بخاف حد يشوفني وكنت بمسح المواقع من الجهاز لحد يراهم وده بيخليني منافق وخايف من اخواتي ومش خايف من ربنا انا بتعذب قوى من كدا. وكمان الرياء دة مشكلة كبيرة عندي

ارجوك ادعو لي انا تعبان وبحاول لسة.
ارجوك لا تتركني انا معنديش اصحاب اصلا وكلهم بعدوا عني بعد لما كان بيحبوني.

يا رب ارحمني وتب على

[فريق استشارات سرك فى بير(الأخوات)]

رد: انا خلاص ناوي اكمل كدا

السلام عليكم ورحمة الله وبركاته ...

أبشر أبشر بكل خير أخانا الكريم أسعدنى ذلك الخبر
وتلك الخطوة بإذن الله ستكون فاتحة خير عليك وتتغير تغير كبير
بَشِّرِ الَّذِين آمَنُواْ وَعَمِلُواْ الصَّالِحَاتِ أَنَّ لَهُمْ جَنَّاتٍ تَجْرِي مِن تَحْتِهَا الأَنْهَارُ
وأعلم أنك بعت الرخيص وأشتريت الغالى
جنة عرضها السموات والأرض
ربنا سبحانه وتعالى لم يتركك لنفسك بدليل أنه يسرلك الدخول هنا
وأنك تلاقى ناس تسمعك وتاخد بإيدك
لكن الصبر على الطاعة وعلى ترك المعصية محتاج منك جهاد ووقت
حاول تشغل نفسك بأنشطة أخرى ولو على الرياء أدعى ربنا سبحانه وتعالى أنه يرزقك الاخلاص
فى القول والعمل ولا تلتفت لوساوس الشيطان
لأنك كل ما حتاخد خطوة حيقولك انت منافق انت مرائى
الشيطان دعك منه ومن وساوسه
هل الكلب عندما ينبح يعيره احد اهتمام
محدش بيقول للكلب انت بتنبح ليييييييييه ويلتفت له
بالظبط كده خليك مع الله
واترك الشيطان ووسوسته وأستعيذ بالله منه
وحقترح عليك شيء جميل جدا
ممكن تضع على الموبيل الخاص بيك قراءات بأصوات لشيوخ مؤثرة
وتسمع فيها كتييييييييييييير جدا حتى لو قلبك مش بيتأثر مع الوقت سينجلى الصدأ
لأن الغناء والقرآن لا يجتمعان فى قلب
فالقرآن إن شاء الله سيخرج من قلبك حب الأغانى لكن اصبر اصبر
ونحن نتابعك ومتنساش تبحث عن عمل غير مختلط
فى حفظ الله