ارجو المساعده

[غير مسجل]

السلام عليكم ورحمة الله وبركاته انا ام لاربعه اطفال ولد عمره 12 سنه و3 بنات وهو غير مدلل بالمره ولكنه تافه اعلم انه طفل ولكنه ممكن يشبط فى لعبه لطفل رضيع او ما شابه اقسم لكم انى وابيه لم نحرمه من شىء ما يطلبه يجاب فى القدر المتاح من حوالى سنه حرمته من المصروف ووجدته ياخذ من الدرج فلوس فنهرته واعطته مصروفه وترك امر اخذ الاموال من ورائى (السرقه) لكن من شهر اخذ 20 جنيه من جيب ابيه ولم يكن احد غيرى وهو بالمنزل ولهذا اكتشفنا انه هو ووالده ضربه ضرب موت مع انه من صغره لازم المسجد ويصلى ويعتكف من سن 10 سنين وعندما يكون معه مصروف زائد يتصدق ولكن يوم العشرين جنيه كان ابن عمه اخذ هو الاخر من جيب والده 30 جنيه وتم تاجير موتوسيكل وهو فى هذا السن وبعدها ارسلناه لشراء اشياء واخذ 10 جنيه وقال دى وقعت منى والادهى انه غير فى ارقام الفاتوره اللى اعطاها له البائع واخرا ذهب للاعتكاف وكان معه مصروفه وارسله شيخه لشراء اشياء وهو بيشترى وجد درج البائع مفتوح اخذ 10 جنيه مع العلم ان كان معه مصروفه وعلم الشيخ بالامر وتم طرده من الاعتكاف وكانت الطامه الكبرى بكيت بكاء وتمنيت لو انه جاءنى خبر موته وبكى والده واقسم انه لم يطعمنا ابدا حرام لماذا تفعل هذا الشىء يقول مش عارف انا بعمل كده ليه افكر فى عرضه على طبيب نفسى واريد رايكم وجزاكم الله خيرا

[فريق استشارات سرك فى بير(الأخوات)]

رد: ارجو المساعده

الحمد لله والصلاة والسلام على رسول الله صلى الله عليه وسلم ,أما بعد مرحبا اختى الفاضله وان شاء الله سوف أحيلك على هذا السؤال وان لكِ أسئله أخرى سوف أتابعك ان شاء الله :

السؤال هنا

[فريق استشارات سرك فى بير(الأخوات)]

رد: ارجو المساعده

السلام عليكم روحمة الله وبركاته ..
أهلا بك اختنا الكريمة فى بيتك الثانى الطريق الى الله
بداية نسأل الله ان يصلح حالكم جميعا
أختنا الكريمة حتصدقينى لو قلت لحضرتك أن العيب منكِ أنتِ وأبيه
هذا طفل طفل لا يستوعب الحلال والحرام جيدا وان كان ملازم للمسجد
يا اختى الكريمة الحنان والعطف لازمة يكون موجود قبل الضرب والقسوة
وبعدان أنتم للأسف بدل أن تجعلوه يخاف الله ويخشاه جعلتوه يخاف منكم فقط
بمعنى لماذا لم يتم توجيهه من البداية
زى يا حبيبى انت لو عاوز فلوس فى اى وقت خد مش حنقولك لا ابدا
بس عيب وحرام انك تاخد من ورانا مع حضن من ابيه ويطبطب عليه
لكن الولد غصب عنه الموضوع اتقلب معاه عند دون قصد منه
ويا اختى الكريمة اعرف بنت لأحد اقاربنا كانت فى الحضانة 5 سنوات وسرقت طعام صاحبها ومسطرته
ليييييييييييه ؟
ولما كبرت كانت بنت امينة جدا لأن امها استوعبت مشكلتها من البداية
عشان الأهل لم يعطوها مصروف الطفل بيكون له احتياجات حتى لو الأب والأم لايملكوا المال
الكافى على قد ما يقدروا
أختنا أنتِ امه واكيد ابنك حتة منك قربى منه ولو والده قاسى خليه يكون حنين عليه
وده سن الشقاوة بتاع كل الولاد الأمر لا يحتاج طبيب نفسى اطلاقا
مجرد حنان وعطف واحتواء وابنك أقترب من البلوغ لازم تصحبوه من دلوقتى
ولا تدعى عليه بالموت الأطفال يامى بتعمل واهلها بتصبر عليها
فالرفق الرفق والرحمة هذا طفل اختنا وياااااريت الوالد يقرب منه
وتخلوه يمارس هواية مفيدة ويفرغ طاقته فيها
ربنا ييسر اموركم كلها واحنا فى خدمتك فى اى وقت
فى حفظ الله