امي الحبيبة وابي ابو معاذ محتاجة رد منكم انتم الاثنين بارك الله فيكم يارب

[غير مسجل]

السلام عليكم ورحمة الله وبركاته

مشكلتي تقريبا مشكلة مشهورة جدااا وهي اني مخطوبة لانسان مش ملتزم ومش بيصلي كويس فرض وفرض

بمعني انه لو نايم او برة البيت مايصليش مع العلم انه نفسه يصلي وبقاله كتيييييييير كدة

وانا بدأت اقارن بينه وبين اللي الشباب الملتزم وبقيت اتمني اني اتزوج من واحد ملتزم غير خطيبي خايفة اووي علي ديني

وفي الوقت نفسه هو عنده استقبال للخير بس مش بحماس وهمة بضعف شوية يعني لازم ازن عليه واتحايل علشان يصلي مثلا او يقرا قرآن

دلوقتي لو انا سبته بسبب الصلاة وعدم الالتزام ((((يبقي حرام عليا وكدة يبقي كسرت قلبه لانه متعلق بيا جدااااااا)))))

ولو سبته هو بيحبني وانا كمان اتعلقت بيه جدا ومش عارفة اعمل ايييييييييه

احاول معاه انه يتغير ولا اسيبه وربنا يرزقني بزوج ملتزم ولا استسلم وخلااااااص

ومامتي قالتلي حاولي معاه اتعدل كان بها متعدلش يبقي هتعاني منه طول عمرك

وكمان فيه نقطة هاااااااااااااااااااااااااااامة جدااااااااا وهي الشغل يعني لما اقوله مش هتنزل تدور علي شغل ؟؟

يقولي هسال اللي اعرفهم علي شغل يعني حاسة ان معندوش حماس للشغل برضو مش بيدور كدة بقلب جااااااامد

وهو اصلا هيتعين ان شاء الله في شركة بس لما الشهادة بتاعة الجامعة تخرج لانها لسة مخرجتش فيها مشكلة فالمفروض يشتغل

لحد الشهادة ماتتطلع مش معقولة باباه هيساعده في كل حاجة

نفسي احس انه بيشتغل وراااااااااجل بمعني الكلمة... مش بس عنده نخوة ولو حد بصلي ياكله...

الرجولة في تمسكه بدينه

يارب تكونوا فهمتم قصدي

وهو بيبر اهله وبيساعدهم الحمد لله وعلاقته طيبة مع والدي ووالدتي

فيدووووووني الله يكرمكم

احاول معاه ولا اسيبه ؟؟؟؟؟؟؟؟ طيب ولو حاولت احاول معاه ازاي ؟؟

ربنا يكرمكم ويجعله في ميزان حسناتكم اللهم آمين

اسفة للاطالة

بالله عليكم لا تنسوا الدعاء لي بالزوج الصالح الصالح ليس الزواج فقط فكل امنيتي اني مبعدش عن ربنا سبحانه وتعالى ابدااااااااااا

يارب لا تحرمني نعمة البيت والاطفال الصالحين والاسرة الملتزمة اللهم امين

[فريق استشارات سرك فى بير(الأخوات)]

رد: امي الحبيبة وابي ابو معاذ محتاجة رد منكم انتم الاثنين بارك الله فيكم يارب

الحمد لله والصلاة والسلام على رسول الله صلى الله عليه وسلم ,أما بعد,
مرحبا ابنتى الفاضله ,أولا انتى سألتى السؤال ورديتى ياغاليه ,يعنى بتحبيه ومش قادره على بعده ,طيب ازاى أنا ها أقولك سيبيه ,أنا أقولك تعملى ايه ,أولا صلى استخاره وشوفى ربنا ها يختار لك ايه ويوفقك إليه ان شاء الله ,وكمان يابنتى اللى بيحب بيعمل أى شىء علشان يرضى اللى بيحبه ,انتهزى انتى الفرصه دى وخليكى وراه لغاية لما ينتظم فى صلاته ,قوليله مش ها تشوفنى الا لما تواظب على الصلاه ,صحيه الفجر برساله ,فى وقت جلوسه عندكم قومى للصلاه وشجعيه انه يقوم يصلى ,التزمى بشرع ربنا من ورائه ومن أمامه دائما حتى يتعود أن تعظيم شعائر ديننا هى الأساس لقيام حياه سليمه خاليه من الصعوبات والكدر ,تابعيه فى كل فرض ,وأما عن عمله ان شاء الله لما يتحدد ميعاد الزواج لايوافق والدك الا اذا كان فيه عمل ثابت ,وبكده ها يلتزم ويتحمل المسؤليه ويتحمس حتى تكونى من نصيبه ,الخلاصه يابنتى خليكى وراه وان شاء الله فيه أمل عرفيه حاجات عن السنه يعملها
حتى يستيقظ على صلاة الفجر:
-عدم الإكثار من الطعام قبل النوم

- القيلولة بعد وجبة الغذاء


- اكل سبع ثمرات كل صباح


- استعمال السواك قبل كل صلاة خاصة

وان شاء الله ربنا ها يوفقك ويصلح لكِ شريك حياتك وزوج المستقبل الذى يعينك على طاعة الله ويرزقكم بالذريه الصالحه ,وأى سؤال نحن جميعا تحت أمرك .وفقكِ الله .

[غير مسجل]

رد: امي الحبيبة وابي ابو معاذ محتاجة رد منكم انتم الاثنين بارك الله فيكم يارب

ربنا يبارك فيكم يامي الحبيبة بجد ردك ماشاء الله ريحني جداا وبالله لا تنسيني من صالح دعائك
ربنا يبارك في حضرتك يارب اللهم آمين وتشوفي كل خير في اولادك يارب اللهم آمين .

[فريق استشارات سرك فى بير(الأخوات)]

رد: امي الحبيبة وابي ابو معاذ محتاجة رد منكم انتم الاثنين بارك الله فيكم يارب

وإياكِ ابنتى الغاليه ,وفقكِ الله وتقبل دعائك .