حلم خايفه منه.خصوصاً اني سمعت نمل بيكلمني ؟؟!!

[غير مسجل]

السلام عليكم

انا كنت حلمت قبل كده اني في بيت مش بيتنا واهلي كلهم كانوا متجنعين وكنت انا وامي بنعملهم اكل
وصحيت من النوم في نفس اليوم تقدم لي شاب بس انا رفضتوا عشان انا اكبر منه بسنتين

وحلمت تاني ان حد جبلي فستان جنز ازرق بنص كم من فوق اسود لغايت قبل الوسط والباقي كله ازرق هو مش طويل اووي يعني باين حته من رجلي وكنت فرحانه اوي وانا لبساه وكنت بلف بيه وكان شعري ناعم وكرايه كده
وفجأ حد خبط فرحت جريت بسرعه عشان اخلعه ولما خلعته لقايت فيه نمل كبير كده وكان بيكلمني وبيقولي عشان متزعلش وكأن الفستان ده مش بتاعي كنت مستغربه جداً في الحلم تفسيره ايه ؟؟؟

وحلمت اني روحت مكه وانا قدام الكعبه وكنت عايزة اطوف بس مكنتش متوضأ فماما قالتلي روحي توضئ وتعالي روحت لقيت الحمامه مش نظيف وقرفت ومتوضأتش

وحلمت تاني يوم اني مع اختي وكان علي حجرها فستان فرح وانا بقولها انا بقي لما اجيب هجيب واحد عريان خالص وهفصل ليه زي جاكت قصير كده ..عشان انا منتقبه يعني هيكون سيدات بس وكده ..مع العلم ان اختي متزوجه

ايه بقي تفسير الاحلام وهل الاول خالص لما جالي عريس ورفضتوا كده اكون رفض نعمه ربنا ادهالي ولا ايه
؟؟؟؟؟؟؟؟؟؟
علماً بان في شخص انا بتني انه يكون من نصيبي اوووي لو كان في خير لي
وكنت حلمت قبل ده كله انه جيه وكان عايز يخطبني
ممكن بالله عليكوا تفسرولي او علي الاقل ايه حكايه النمل ده واني سمعتوا وفهمت كلامه

وبالله عليكوا ادعويلي كتييييييييير ان ربنا يهديني ويرزقني بمن هو افضل مني ولا يعلق قلبي بما ليس لي
وجزاكم الله خيراً

[فريق استشارات سرك فى بير(الأخوات)]

رد: حلم خايفه منه.خصوصاً اني سمعت نمل بيكلمني ؟؟!!

للأسف أختنا الفاضلة القسم ليس به متخصص لتفسير الاحلام وليست من قوانينه الآن ..
نسأله سبحانه أن يرزقكِ زوجا صالحا عاجل غير آجل وكل بنات وشباب المسلمين إنه ولي ذلك والقادر عليه ..