غريب انا وسط الناس(كيف أتخذ قرار)

[غير مسجل]

السلام عليكم ورحمة الله وبركاته
اولا : الله يكتب ليكم الاجر والثواب علي هذا القسم الجميل وعلي جميع اقسام المنتدي والله يثبتنا واياكم علي الطريق المستقيم

ثانيا : انا مش عارف ابدا من فين وارجوا منكم ان يتسع صدركم لي وان تحتووني ربنا يبارك فيكم
انا شاب عندي 24 سنة حاصل علي كلية ولكن من فترة طويلة انا حاسس ومعترف اني عندي عقدة نفسية علشان كدة كان نفسي ادخل قسم علم نفس في الجامعة علشان اعرف اعالج نفسي ولكن لله في اقداره حكم وقدر الله ماشاء فعل انا اتربيت في بيت عادي كل شيئ عادي حياتي كانت ملهاش اي هدف ومكانش لي اي هدف في الحياة ولا اعرف للحياة اي طعم كثيرا ما كنت في المرحلة الاعدادية والثانوية والي الان اتضايق بدون اي سبب
ابي الله يعطيه الصحة والعافية كان قاسي عليا في التربية وكنت اتعرض للضرب منه وانا صغير وامي الله يبارك فيها غير متعلمة فهي لا تعرف شيئا الا القليل مكانش حد بيسمع ولكن ولله الحمد البيت متدين ولله الحمد محافظين علي الصلاة
ولكن لما وصلت للجامعة وبدات اختلط مع المجتمع كانت الطامة والمشكلة اني مش عارف اتعامل مع البشر كثير من الناس بيقولي والي الان ان كلامك واقف (مش مبلوع )
معنديش حاجة اسمها مشاعر وقلبي قاسي جدا كمان معنديش عزيز والمشكلة اني مش عارف اتعامل مع الناس وحتي اخواني في البيت وجيراني مبعرفش اخد قرار حتي في حياتي الشخصية
يعني الان مطلوب مني اني اختار لي شريكة للحياة ولكني لسه مش عارف اخد القرار المناسب
في يوم من الايام سمعت برنامج بيتكلم علي العنف الاسري عيني دمعت
ومشكلة كمان زي ما حكيت لحضراتكم ان قلبي قاسي ودمعتي مش بتنزل الا بالعافية لدرجة اني احيانا والعياذ بالله بحس اني معنديش قلب وكل شوية بحاول اتغلب علي هذه المشاكل واكسر الجفوة بيني بين ابي ولله الحمد ولكن اي مشكلة صغيرة في البيت بيكون ليها اثر علي ممكن الشيطان يسول لي اني ابيع الكل وابكيش الا علي مصلحتي واحيانا بفكر اني اسافر من البيت وبدون رجعة
بحس انا في وادي واخواني وفكرهم في وادي تاني وكلام الوالد يتنفذ بدون تفكير

معلش للاطالة ولكن هناك اشيااااااااااااااااااااااااااااء كتيييييييييييييييييييييير الواحد محتاج يحكي ويفضفض مع ناس ثقة زي حضراتكم توجه وتعلم وتصحح التربية الخاطئة وتنصح
ارجو الرد والمتابعة و

[فريق استشارات سرك فى بير(الأخوات)]

رد: غريب انا وسط الناس

السلام عليكم ورحمة الله وبركاته ...
أهلا بك اخانا الكريم فى بيتك الثانى الطريق الى الله
بداية نسأل الله ان يشرح صدرك ويهديك وييسر امرك ويرزقك الزوجة الصالحة اللهم آمين
اكيد مشكلتك بتدور فى شيء واحد (الجهل بتربية الابناء )
احنا طبعا مقدرين كل كلمة بتقولها بس بنرجع ونقول
والدك ووالدتك رغم جهلهم العلمى قاموا على تربيتك ولم يلقوا بك فى الشارع
زى كتير من الاباء والامهات انت فى نعمة كبيرة جدا ممكن لو بصيت على اى طفل فى الشارع
حتقول الحمدلله الف مرة لك بيت واب وام وشرب واكل ومتعلم ألخ من النعم التى لا تعد ولاتحصى
ولكن الحياة عاوزة مننا كبشر رؤية خاصة نابعة من كل فرد فينا
بمعنى انا طلعت لقيت والدى ووالدتى ربونى بطريقة قاسية
اتفادى المشكلة دى وافكر فى مستقبلى وعلاقتى مع الناس لأن والدك ووالدتك مش هم
كل الدنيا او كل المجتمع كلامنا مش معناه عدم طاعة ليهم بلعكس انت المفروض تسعى لرضاهم
وحبهم
لكن ثقافة التعامل مع الأخر بنحتاجها كتيييييييييييير جدا
ولازم نغلط عشان نتعلم
ونصيحتنا لك طبعا انك تحاول تاخد دورات تنمية بشرية
عند مدرب تنمية بشرية محترم وملتزم
ويكون عندك استعداد للتغير والصبر اهم شيء الصبر التغيير مش بيجى بين يوم وليلة
تكون مرن مع الناس متتعاملش مع الناس على انهم اعدائك وفى نفس الوقت تكون حذر
بل حب الخير للناس وتعامل بالرفق واللين حتلاقى حياتك بقيت جمييييييييييييلة
ونصيحة اخوية بلاش تشوف الدنيا بنظرة تشاؤمية
اى نعم الدنيا فيها مشاكل كتير ومصائب لكن فيها حجات طيبة وجميلة كتير ايضا
استمتع بحياتك

بنسبة لمسألة اختيار الزوجة
هات ورقة وقلم واكتب الصفات اللى تتمناها فى زوجتك ولازم تكون عندك قناعة
تامة بشريكة حياتك واهم شيء طبعا قبل الجمال وقبل اى شيء صاحبة الدين والاخلاق
ويكون عندك توكل تام على الله انه لا يتركك لأختيارك بل يختار لك الافضل والأحسن
فى حياتك ونسأل الله لك التوفيق

[غير مسجلة]

رد: غريب انا وسط الناس

انصح اخانا ان يبدا في التعامل الاآن مع الناس و يفكر بالامور كيف يرضي ربه فيها في كل الاحوال
تعلم كيف تثبت على الطاعة
و تجاهد فيها نفسك
و ان تدعو الى الله
و ان تتحمل مسئوليه على المستوى الشخصي في اي تطوير في الطاعات او اكتساب خلق او ان تعيش بخلق اية كل اسبوع تجدد ايه و تعيش معها مراقبة مع نفسك
او الاجتماعي في العائلة ان شا الله تكون مسئوليتك هي انك تاتي بالخضار او الخبز او اي شيء

كل ما ذكرته هو تحديات
لن تشعر باي قيمه لها الا اذا علمت انك ستموت و تحاسب و انك مسئول عند الله

هذا هو ما يصنع للانسان شخصية سوية = الدين + الاحتكاك بالناس

ولا تقل انك كبرت حتى تتعلم الان و لكن اعلم ان الانسان يتعلم حتى يموت
حتى من يكتبون في فريق الاستشارات يتعلمون بالخطأ و التجربة وكل انسان فيه صلاح و تقوى يتعلم ايضا حتى يموت
و ان تبدا في التعلم الآن واستعن بالله ولا تعجز

و اعلم ان الذي لا يخطيء فهو انسان لا يتحرك اصلا و لا يصنع شيئا فاحتك بالناس فورا و تزود بالدين و النية الصالحة
فلا فائدة لانسان يتعامل جيدا لكن لا يحمل في قلبه هم الدين

[غير مسجل]

رد: غريب انا وسط الناس

اسال الله ان يجيكم خيرا علي تواصلكم معي ويجعل ذلك في ميزان حسناتكم ( اللهم امين )
انا ولله الحمد راضي جدا علي وضعي وبحاول علي قد ما اقدر ارضي ربي ولكني المشكلة ان الواحد مش بيعرف ياخد قرار وخصوصا القرارات المصيرية
ولو حضارتكم تدلوني علي نوع الدورات اللي بالتنمية البشرية واين احصلها يبقا جزاكم الله خير
واتمني من الله لكم التوفيق والسداد وان يجمعنا في الفردوس الاعلي مع النبين والصديقين والشهداء