انا ناويت اتطلق ارجوكم ادعولى

[غير مسجل]

السلام عليكم ورحمة الله وبركاتة
اللهم صل على سيدنا محمد تسليما كثيرا

انا هحكيلكم مشكلتى بس قبل دة
عايزة كل حد يدخل موضوعى يدعيلى من قلبه ان ربنا يغفرلى ويسامحنى لو عملت اى ذنب او اى حاجة فى حد من غير مااقصد
وان ربنا يرحمنى ويفك كربى ويفرحنى لانى بجد تعبت انا مش عايزة حاجة غير رضا ربنا وفرجة ورضاه عليا بس

انا متجوزة بقالى 11 شهر بالظبط والحمدلله دخلت حملت على طول ومعايا دلوقتى بنت ربنا يخليهالى ويباركلى فيها
ادعولى ربنا يحعلها من الصالحين الحافظين لكتاب الله
المهم جوزى دة انا مكنتش اعرف هو اخو وحدة صحبتى انا وفقت علية عشان لقيتة كويس واختة كانت كويسة معايا ودخلت بيتهم الحمدلله قولت كويسين وهنكون عيلة كويسة وربنا عوضنى خير عن خطوبتى الاولنية
فى الخطوبة جوزى قالى ان بصلى وعايز بيتى يكون كلة حب ومفيش حد يعرف حاجة عننا
مهما زعلنا من بعض محدش ينام وهو زعلان من التانى
وكلام حلو كتير اوى
بعد مااتجوزنا بقى بدا يتغير وحدة وحدة مبقاش هو الاول اللى انا عرفتة اتغير خالص
مبقاش يصلى هو اصلا كان بيصلى الجمعة بس وبيقولى بصلى
لقيتة بيتريق على ناس كتير واقولة حرام ولاخواتة يتريقو عليا يقولولى ياست الشيخة
سايبنى طول النها فى الشغل ويجى ياكل وينزل على طول يجى 12 وحدة بليل ياكل وينام
كل دة وانا لوحدى
الاهم من كل دة فى العلاقة مابنا مش بكون مبسوطة
طبعا مفيش الاول حنية مفيش تقديم الاول للحب يحسسنى بحنانة كل دة مفيش
انا خلاص قررت اتطلق لان حرام عليا افضل كدة انا تعبت اوى بحس انى ماليش لازمة,تم حذف هذا الكلام بعد معرفة ماتريدين قوله ياابنتى الفاضله .
لما يكون تعبان اخوتة بيخدوة عندهم فى بيت العيلة وانا ماليش لازمة
كل يوم لما يدخل البيت مش يقول سلامو عليكم واقولة مش بتقول لية يقولى بتريقة سلامو عليكم
جايب شيشة البيت وبيشرب شيشة
بيسمع اغانى حاطط كول تون اغانى
اتكلم معاة اقولة نفسى نكون ملتزمين يقولى ربنا يهدينا وسااعات يتريق عليا
مش بيصلى خالص الا الجمعة وينزل فنص الخطبة
دلوقتى حاسة ان بيتنا مش فية بركة خالص لان انا كمان مش بصلى عشان فى نفاس
بس بقول الاذكار
نسيت اقولكم انة مش بيغير عليا خالص يعنى كان موافق ان فى جوازنا انى البس عريان عادى واكون بشعرى اصل العيلة عندهم كلها كدة بس طبعا انا قولت لا
على فكرة فى لسة حاجات كتير اوى تتعب بس كفاية تعب لحد كدة
انا زعلانة اوى وبتمنى انى اموت انا وبنتى
انا والله لما اتجوزت كان نيتى انى اتجوز زوج صالح يعينى على طاعة ربنا ويكون حنين يعوضنى عن
اللى شوفتى فى حياتى
بس لقيت غير كدة خالص
كرهت كل حاجة بسببة
ارجوكم ادعولى ربنا يفرج كربى ويعملى اللى فية الخير
لانى انهاردة هكلمة اننا نتطلق عشان انا بجد تعبت
ادعولى ربنا يفرح قلبى بالحلال
ويسامحنى ويرضى عليا
ارجوكم ادعولى

[فريق استشارات سرك فى بير(الأخوات)]

رد: انا ناويت اتطلق ارجوكم ادعولى

لاحول ولاقوة إلابالله,ماتفكرى فيه هو أبغض الحلال عند الله ,,فلماذا ياابنتى نرجو التمهل حتى لاتندمى فكرى فى مستقبل ابنتكم
,فكرى فى حياتها لاتفكرى فى نفسك الآن ,ماذنب هذه الطفله تتربى بعيده عن حضن أباها ,
الحياه الزوجيه مختلفه عن الخطوبه ياابنتى الفاضله ,وسوف أحيلك على هذا الموضوع https://forums.way2allah.com/showthread.php?t=185193 أرجو أن تقرأيه بقلبك وبعدها سوف نتناقش فيما تريديه ,وفقكِ الله ويسر لكِ الإستقرار وهدوء البال .

[غير مسجل]

رد: انا ناويت اتطلق ارجوكم ادعولى

طب انا ذنبى اية اكون محتاجة للحب والحنان نفسى أحس انى كل حاجة ليه هو دة اللى انا عايزاة وكمان عايزة بنتنا تتربى فى جو اسرى كويس اسرة ملتزمة القدوة ابوها وامها مش امها بس
هو طيب وكويس ومش حرمنى من حاجة بس انا محتاجة بجد للحب فى حياتى
ارجوكم ادعولى ربنا يفرحنى بالحلال عاجلا غير اجلا وربنا يعملى اللى فية الخير عشان انا تعبت بجد

[أخت ناصحة لكى]

رد: انا ناويت اتطلق ارجوكم ادعولى

أختى الكريمة
كلنا كده زيك لما تزوجنا صدمنا فى بعض الاشياء من أزواجنا
مهو محدش كامل
ومفيش حد بيبان على حقيقته بجد فى فترة الخطوبة او العقد
أو جايز احنا اللى بنشوف كل حاجة حلوة وقتها

وهما كده زينا بالظبط
فى النهاية مفيش حد كامل


لو عملنا زيك كده يبقى كلنا هنطلق لأننا متجوزين بشر مش ملايكة واحنا كمان بنغلط

كل واحده فينا لازم تحافظ على بيتها وتستحمل شوية
أما الطلاق بيكون عند استحالة العشرة

لما يكون الزوج مدمن مثلا وبيضرب زوجته وبيخونها
او بيجيب نساء البيت عندها ويشرب خمر
او مريض نفسى يستحيل تعيش معاه

بجد فى ناس كده صدقينى
حاولى معاه وان شاء الله هيجيب نتيجه

وزى مابقولك الزواج سترة للمرأة بيحافظ عليها
أعرف ناس حاولت كتير تطلق والآخر اتطلقت وبعدين بترجع تندم جدا وتقول يا ريتنى كنت استحملت وخلاص مش احسن من حالى دلوقتى

ومتعتمديش انك هتتجوزى الافضل منه
ربما تخدعى وتتزوجى من هو أسوأ

هتقولى مش عايزة اتجوز من أساسه
هقولك دى فطرة ربنا فطرك عليها مش هتقدرى تعيشى من غير زواج
وهتعانى وحالتك النفسية هتسوء جدا

ومش هتعرفى ترجعى بيت أبوكى وتعيشى فيه زى الأول
بالعكس مهما كانت علاقتك كويسه بيهم
مش هتحسى باستقرار أبدا

الكلام ده كله من ناس مرو بتجارب زى دى
على فكرة انا برده متجوزه من حوالى سنتين يعنى مش كبيرة بقا وعاقلة ومتجوزه من زمان
ربنا ييسرلك الخير
وارجو انك تسجلى معانا فى المنتدى وتتواصلى معانا بنحبك فى الله

[فريق استشارات سرك فى بير(الأخوات)]

رد: انا ناويت اتطلق ارجوكم ادعولى

الحمد لله والصلاة والسلام على رسول الله صلى الله عليه وسلم ,اما بعد،،،

ابنتى الفاضله :

إن الحياة سوف تعود جميلة كما كانت، فلا تنزعجي، وحاولي الاقتراب منه، واعلمي أن ال11 شهر مدة قليلة، ولا تكفي لفهم الشريك، كما أن رومانسية فترة الخطوبة والأيام الأول قد لا تدوم, ليس لنقصان في جرعات الحب، ولكن للزيادة في الشعور بالمسئوليات, فالزواج حب وتكاليف ومسئولية، ومن هنا فإن العاطفة تتأخر قليلاً, ويتقدم العقل ليقود دفة الحياة الأسرية، وإذا ابتعد عنك الزوج فلا تبتعدي أنت، واحرصي على تفهم الوضع، وتعرفي على أسباب ما يحدث؛ لأن معرفة السبب تعين -بحول الله وقوته- على إصلاح الخلل والعطب، واستبدلي اللوم على الابتعاد بإشعاره بسعادة الوصال، وقرب الوساد، والفرق كبير بين من تقول لزوجها:(لماذا ابتعدت عني؟) وبين من تقول: (أنا أسعد جدا بقربك مني)؛ لأن هذه الأخيرة تشيع غرور الزوج, وتشعره بأهميته، ومكانته في نفسها، وهذا يجعل الزوج يقترب ويقترب، وهذا الأسلوب قبس ونفس من فقه أم المؤمنين عائشة رضي الله عنها، عندما استأذنها النبي صلى الله عليه وسلم ليخرج من فراشها ليقف بين يدي ربها، فقالت للنبي صلى الله عليه وسلم (والله إني لأحب قربك، ولكني أحب هواك).

لن تملك المرأة قلب زوجها حتى تقدم هواه على هواها, ورضاه على رضاها، فكوني له أمة يكن لك عبداً، وكوني له أرضاً يكن لك سماء، وقد يكون من المفيد معرفة الأسباب الأخرى -إن وجدت-، فمثلاً قد يبتعد الزوج قليلاً إذا كانت عليه ديون, أو عنده مشاكل في العمل، أو ....الخ
، ونحن نتمنى أن تقتربي أنت, وتحاولي فهم ما يحدث على ضوء ما ذكر أعلاه، ثم تتواصلي مع موقعك حتى نتعاون في وضع الحلول المناسبة وننصحك, بما يلي:

1-الدعاء له ولنفسك.

2-المحافظة على الأذكار في الصباح وفي المساء, وقراءة آيات الرقية الشرعية.

3-الحرص على طاعة الله؛ فإن قلب الزوج وقلوب العباد بين أصابعه يقلبها سبحانه.

4- الحرص على حسن وداعه, وحسن استقباله، والسؤال عنه عند غيابه.

5- تفادي الأمور التي تغضبه وتنفره، ومنها -بلا شك- اللوم والعتاب، والأمور التي عرفت أنه لا يحبها.

6-التعوذ بالله من الشيطان؛ فإنه يحزن أهل الإيمان، وليس بضارهم شيئاً إلا إذا قدر مالك الأكوان، والحب من الرحمن, والبغض من عدونا الشيطان.

7-تقوى الله في السر والعلن.


8- حسن معاملة أهله وتقوية الروابط الأسريه ولاتقولى أنهم أخذوه منكِ ياابنتى ,فهو منهم ولن ينقطع عنهم

كما انكِ لكِ أهل لاتنقطعى عنهم ,فعلاقة الأهل لها مكانه فى قلب الرجل وكذلك الزوجه لها مكانه أخرى فلا تضعى نفسك فى مقارنه معهم ابدا .




9-انسى خالص سلبياته وادعى له ياابنتى لايوجد رجل كامل فى هذه الدنيا ,ركزى مع ابنتك وربيها تربيه إسلاميه ,

10-صلى ركعتين فى جوف الليل وإسألى الله له الصلاح ,

11-حاولى ياابنتى تغيرى من نفسك اتركيه يفعل مايريد سيزهق بعد فتره من نفسه فالرجال لاتحب العند ,لاتعطيه اهتمام عندما يدخن أو يسمع أغانى ,اتركى المكان واسمعى شريط دينى ,ولاتلتفتى للتريقه ولفظ ستنا الشيخه ,,ياااه ألا تعلمين أن الرسول صلى الله عليه وسلم قيل عنه مجنون ,واين نحن من هديه وأخلاقه السمحه ,صلوات ربى وسلامه عليه ,استعينى بالله ياابنتى ولاتفرحى الشيطان ,ونفذى هذه الخطه وابلغينى بالنتيجه .وفقك الله ومتعك بالحلال ويسر جميع أحوالك .
ونسأل الله أن يديم بينكما الحب والمودة والرحمة.

[بحبك ف الله]

رد: انا ناويت اتطلق ارجوكم ادعولى

اسال الله العظيم رب العرش العظيم ان يشرح صدرك
ويهديكي لما فيه خيرا لكي
وان يهدي لك زوجك ويصلح لكما ابنتكما
اصبري يا حبيبتي
فالمؤمن مبتلي
لعله اختبار من الله عز وجل
الا ترين كم الامراض التي تصيب الاطفال
فاحمدي الله واشكري انه اعطي لك طفلة صحيحه
الا ترين كم النساء اللواتي يدعون الله ان يزوجهم الله
احمدي الله واشكري نعمته لانه رزقك بزوج
لعله فيه الخير ولكن غفل عنه
كان من الممكن ان يكون العكس هو الذي يريد الالتزام وانتي اللي تتريقي عليه
هل كنتي تقبلي ان يتركك
وان تركك هل هذا هو الحل؟؟؟؟
احسني النيه يا اختي الحبيبه
يعلم الله اني انصحك كاني انصح اختي
احسني نيتك
لا تصبري عليه الان الا لله
لن اقول لك لا تدعي ابنتك تتربي بدون اب
بل ساقول لك اصبري لله
واحتسبي
لعل الله ان يأتي بالفرج القريب