نفسي أكون انسان ناجح و صاحب عزيمة

[غير مسجل]

انا نفسي اكون انسان ناجح لكن مش عارف
تعرضت لكل أشكال الفشل و من اهلي اللي كانوا دايما بيفرضوا ارائهم و افكارهم عليا و عايزني اكون نسخة منهم و بسبب كده فضلت اغلب عمري متقوقع لحد فترة قريبة لما بدأت ىأخرج و اشتغل اكتشفت اني اتأخرت كتير جدا
أيوه اصل أنا من مدينة معروف عن أهلها انهم ناس عمليين بيشتغلوا من الصغر و لما الواحد منهم بيوصل سن ال15 يقدر يقدر يدير اي شغل بكفاءة زي الكبار
بعد دورات في التنمية البشرية و قراءة في الطب النفسي وصلت ان حالتي دلوقتي محتاجة اني اقوم بعمل عظيم و اشوف ثمرته بسرعة و اكمل حياتي عادي
بتوضيح اكتر جملة الشيخ الشعرواي رحمه الله (الثائر الحق هو من يثور لهدم الفساد ثم يهدأ ليبني الأمجاد)
بتوضيح أكثر أنا جوايا عملاق لسه مخرجش (ممكن تسميه قوة الارادة أو سميه زي ما تسميه)
يعني لازم أهدم الفساد اللي جوايا المتمثل في الاحباط و اليأس و الهزيمة النفسية عشان أقدر ابني نفسي صح علي الارادة و التحدي و العزيمة و النجاح و الصبر

فكرت اني اروح لطبيب نفسي لكنه مكلف جدا فبالله عليكم دلوني ازاي انجح في وسك بيئة الاحباط دي و تكون البداية بعمل ناجح أشوف ثمرته بسرعة و بعد كده ان شاء الله أقدر أمل حياتي بنجاح و تفوق ان شاء الله

[فريق استشارات سرك فى بير(الأخوات)]

رد: نفسي أكون انسان ناجح و صاحب عزيمة

السلام عليكم ورحمة الله وبركاته ...
بداية نرحب بك فى بيتك الثانى الطريق الى الله
ونسأل الله ان يشرح صدرك وييسر امرك ويفرج كربك
وللعلم نحن نتذكر مشكلتك انت من اهل دمياط او المنصورة تقريبا وتحدثنا معك
لكن لم تكمل الحديث معنا
المهم يا بطل لازم تعرف ان النجاح احيانا بيسبقه فشل مفيش انسان نجح غير لما جرب
طعم التعب وممكن يقع لكن دائما بيقف ويقوم على رجله
والموضوع مش محتاج طبيب نفسى اكتر
من انك محتاج عزيمة واصرار على مواصلة الطريق
كمثال
كان فيه رجل عاوز يتعلم النحو جرب مرة واثنين وفشل
جرب الثالثة فشل
وفى يوم شاف نملة بتصعد وتقع وشايلة فوق ظهرها حبة
وتقع وتاخدها وتقوم الى ان قدرت انها تصعد ونجحت
قال فى نفسه انا لازم ابقى زيها
وصل انه اصبح امام فى النحو والناس بتتعلم منه
واهم شيء انك تطرد الافكار السلبية وتضع مكانها افكار ايجابية

استعن بالله ولا تعجز
وأكثر من الاستغفار
وقيام الليل وتحرى اوقات اجابة الدعاء
وفقك الله لما يحب ويرضى