ممكن مساعدة من خلال الخبرة الشخصية(هل أقدم على خطوة عقد النكاح بالرغم من أن مدته يمكن أن تطول)

[غير مسجل]

السلام عليكم ورحمة الله وبركاته
الشيخ الفاضل بعد التحية
شيخنا الحبيب انا جايلك النهاردة فى موضوع كده بيعتمد على الخبرة الحياتية
ولانك اكبر منى سنا وأيضاً رجل محنك فان اريد مساعدتك ربنا يجازيك كل خير
انا فى سنة اولى كلية حاسبات ومعلومات
وكنت بفكر يا شيخنا انى اتقدم للزواج لفتاة متدينة وحافظة للقرآن
بص يا شيخنا انا مش بفهم فى الحاجات بتاعت الزواج دى نهائى
حتى الحاجات اللى بتتحس مش ببتقال مش بفهمها نهائى !!
بس انا بسمع سلسلة الشيخ هانى حلمى بتاعت الشباب والزواج وفهمت فيها شوية حاجات جميلة
بس برضوا فى حاجات تانية فى الواقع بتتعرف بالاعتماد على التجربة الشخصية ..
انا بقول لحضرتك البنت عجبانى انا مشفتهاش بس انا عاجبنى تدينها وانها منتقبة وحافظة لكتاب الله
والدها تكلمنا معه وموافق جدااااا بس انا لسه مروحتش عملت الرؤية الشرعية .
انا مشفتش البنت دى نهائى بس سمعت عنها سمعتها طيبة بفضل الله .
انا خطتى عتبقى كالتالى
انى اخطبها واكتب كتابى عليها خلال فترة الدراسة .
لكن الدخلة عندما اكون حصلت على عمل وان شاء الله الامر سهل وميسور واسال الله ان لا يكون فيه عاقبات
مع العلم انى ميسور عندى شقتى وجاهزة وان شا وميراثى من ابى رحمه الله من المال يكفينى انا اوضب الشقة واظبط فيها العفش واللذى منهُ ...
انا قلت لناس صحابى وكده
قالولى استنا بلاش تعمل كده دلوقت
قالولى استنا علشان لو فترة كتب الكتاب طولت بتبقى موملة وبتحصل مشاكل كتير
انا بصراحة مش فاهم ممكن مشاكل ايه اللى تحصل ؟؟؟؟
انا عاوز اكتب كتابى حتى علشان اتعفف واحس انى اطمئنيت وارتحت
خصوصاً ان الناس دول متدينين وانا مش عاوز سيب بنتهم لانها بجد فرصة بعد الصبر الطويل ده
للعلم الناس دول من بلد اخر بينى وبينهم حوالى 30 كيلو
بصراحة يا شيخنا بلدى اللى انا فيها مسالتش فيها عن بنت شيخ او شفت بنت من بنات المشايخ الا وللاسف ...
فانا محتار مش عارف اخد الخطوة دى ولا لا ؟؟؟
عاوز اكتب كتابى علشان اعف نفسى واطمئن
وفى نفس الوقت خايف احسن الموضوع يبقى فيه مشاكل وكده .. مع الناس دول عندهم قبول شديد لى
وللعلم انا لسه حعمل الاستخارة
ارجوا شيخنا ان تفيدنى جزاك الله كل خير

[فريق استشارات سرك فى بير(الأخوات)]

رد: ممكن مساعدة من خلال الخبرة الشخصية(هل أقدم على خطوة عقد النكاح بالرغم من أن مدته يمكن أن تطول)

برجاء قراءة هذا الموضوع اخى الفاضل فهو مفيد جدا لك :

https://forums.way2allah.com/showthread.php?t=166354


وكذلك هذا الموضوع واعرف انه طويل ولكنه مفيد وممتع :

https://forums.way2allah.com/showthread.php?t=85141

[غير مسجل]

رد: ممكن مساعدة من خلال الخبرة الشخصية(هل أقدم على خطوة عقد النكاح بالرغم من أن مدته يمكن أن تطول)

جزاكم الله كل خير يا شيخنا الحبيب
بس فى سؤال لو انا عاوز استفسر هل الوالد ابو معاذ يرد على الاسئلة بالمواضيع ؟؟
جزاك الله كل خير مرة اخرى

[فريق استشارات سرك فى بير(الأخوات)]

رد: ممكن مساعدة من خلال الخبرة الشخصية(هل أقدم على خطوة عقد النكاح بالرغم من أن مدته يمكن أن تطول)

وجزاك الله بالمثل وزيادة أخونا الكريم .

نعم أخونا .. شيخنا الفاضل أبو معاذ .. يرد على أغلب المشاكل في الفريق .