مش عارف انا عايز ايه

[غير مسجل]

السلام عليكم ورحمه الله ايه الاخبار ياشيخنا يارب تكون تمام وبالف صحه وسلامه انا متاكد ان حضرتك عارفنى
ماهو ميفوتش عليا شهر غير لما انزل بموضوع وممكن تلاقيه ذى اللى قبله بس اهو بطمن كتير بردود حضراتكم
انا تمام وذى الفل بس مشكلتى مش عارف انا اقدر اعمل ايه انا قدراتى ايه يعنى انا بدرس كمبيوتر ساينس وبصراحه مش لاقى نفسى خالص فى المجال مش شاطر فيه ومش حابه حاولت احبه واجتهد فيه بس مفيش خالص مع العلم قبل ماادخل الكلية كنت بحلم اكون بدرس المجال ده بس للاسف مش ده اللى حاصل انا بجد مش عارف عايز ايه والموضوع ده تاعبنى جدا ومش لاقيله والامتحانات قربت ومش قادر اقرب من الكتاب بحس انه بعبع مش قادر افتح كتاب بكره العلم مع ان الترم الاول كنت افضل من كده بكتير بس مش عارف ايه اللى حصل دلوقتى بفكر ادرس ميكانيكا السيارات ومش عارف هل ده صح ولا غلط الخطوة نفسها او ايه اللى اعمله

[فريق استشارات سرك فى بير(الأخوات)]

رد: مش عارف انا عايز ايه

السلام عليكم ورحمة الله وبركاته ..
اخانا الكريم انت شايف ما هى مميزات القسم الأخر ميكانيكا السيارات
عن ما تدرسه ؟

[غير مسجل]

رد: مش عارف انا عايز ايه

السلام عليكم ورحمة الله وبركاته ..
ارجو من الفريق اذا وجد ردي مناسب حيث انني استطيع افادة الاخ السائل حيث انني معيدة فهندسة فليضع ردي للاخ
اولا اذا كنت في هندسة واجتزت اعدادي هندسة واتخصصت في قسم حاسب وواضح انك اجتزت ايضا الترم الاول من الامتحانات فانصحك كمل الترم التاني وصدقني انك ستحب القسم الذي تخصصت به مع مرور الوقت اللي عندك دا نازع داخلي لانك لم ترغب في دراسة الحاسب - بعد ظهور نتيجة اعدادي وظهور نتائج الاقسام فلقيت نفسي في قسم ميكانيكا وانا كنت كاتبة الرغبات كهرباء وبعدها ميكانيكا وامتنعت عن الطعام وكنت رافضة دخول قسم ميكانيكا نهائي فذهب والدي للكلية ونقلني لقسم اخر حيث ان تقدير اعدادي لم يتح لي الفرصة في دخول القسم الذي اريده وشاء الله ان التحق بقسم عمارة وكنت لا احبه نهائي وكنت اتغيب كثيرا والان انا معيدة فيه لان ارادة الله وتقديره لنا هو الخير نفسه والحمد لله رب العالمين - انا اعرف جيدا قسم ميكانيكا لانك اكيد عارف الرسم الهندسي بتاع اعداداي والوصفية كانوا من اصعب المواد وقسم ميكانيكا يتكون من ثلاث اقسام انتاج وسيارات وباور - نعم قسم سيارات مفيد ولكن هل عندك خلفية عن تجميع موتور للسيارة وتركيبه ودراسته بالرسم وهذا هو مشروع التخرج اللي ممكن تعمله انصحك اخي الفاضل ان تستخير الله اولا وان شاء الله سيقدر لك كل خير الله آمين

[غير مسجل]

رد: مش عارف انا عايز ايه

مش عارف يعنى بصراحه انا مبلاقيش ميول نهائى ناحيه المواد اللى فيها رياضيات كتيرة
بالاضافه انى حقيقى فعلا مش عارف انا عايز ايه الموضوع ده مسببلى حاله اكتئاب ودائما تبصلى فى الكلية تلاقى وشى مكتئب دائما مهموم بالمستقبل مع العلم للاسف انا مش عبقرى نهائى فى حاجة يعنى شاب عادى مفيش فيا ميزة يعنى هتشوفنى هتقول عليا عبقرى ولا موهوب الحاجة الوحيده اللى بستريح انى اعملها كتير الفلسفه وعلم النفس والطبيعه البشرية والتحليل بس هى هوايات لااكثر ولا اقل او جنون وحده او كثره التفكير مش عارف ياشيخ انا حقيقى بسعى باى شكل انى اشوف انا اقدر اعمل ايه ميكانيكا السيارات يعنى حسيت ان المجال مريح بالاضافه انه مختلف عن دراستى مش عارف بس هو ميول كده جه فجاه وانا دراستى اساس علوم الحاسب حاسبات ومعلومات بس مش ناجح فيها ولا شاطر

[غير مسجل]

رد: مش عارف انا عايز ايه

جزاكم الله اختى الكريمة
لاانا مش هندسة اطلاقا انا حاسبات ومعلومات
لاالسيارات معرفش فيها اى حاجة بس مستعد ابدا لوحدى فى التعلم والقراءه
هى ذى المشكلة مش مشكلة دراسة او تخصص فى حد ذاته المشكلة الاحساس الذاتى الدائم بانك مش ناجح
يعنى انا بقعد كده مع نفسى مش بلاقى ميزة نجاح فيا خالص مصروف وباخد من اهلى مصروف ولا حتى عمرى مااشتغلت
دراسه ومش شاطر بالبلدى بليد حتى خبرتى فى الحياه ضعيفه نسبيا
انا نفسى اكون حاجة واقدر اخدم البشرية وبلدى ودينى فى اى شى بحلم ليل ونهار بكده
بس الحلم لوحده مش كفاية احساس اللامبالاه مسيطر عليا معاه الاحباط
نفسى اكون حاجة كبيرة اوووووووووى