هل هذا حب

[غير مسجل]

السلام عليكم ورحمة الله وبركاته

بالله عليكم اخوتي قولي لي ما الحل

أنا متعلقة جدا بانسان صالح احسبه كذلك ولا ازكي على الله احد على الرغم اني اغض بصري عن كل الرجال اجي عنده ومعرفش كل تفكيري انو الله يرزقني زوج متله باخلاقه ودينه وعلمه ودائما بدعي انو ربنا يزود محبة مراته في قلبه ويزود محبته بقلب مراته ويحسن ختامه.
ودائما بقول يا بخت مراته فيه. وبقول يا ريت كان أخوية

هو لا يعلم ذلك أبدا .....

الحل ايه.

[غير مسجل]

رد: هل هذا حب

اسفة على التدخل
بس انا مريت بحالة زى كدة
بس والله دا شيطان عاوز يعلق قلبك بحد غير ربنا
عاوز كل ماحد يتقدملك بعد كدة هتقارنى بينة وبين العريس
وبالطبع هتكونى محتارة وتعبانة نفسيا
بس لية بقة كل دا
دا هو خير لمراتة
مش كل واحد ملتزم هينفع لواحدة ملتزمة
ولو دا الشخص دا خير ليكى ربنا هيديهولك
لانك اولى بالخير من اى حد
بس ربنا يعلم ان شخص تانى هيريحك اكثر
.................................................. .............
تعرفى والله قصة حقيقية سمعتها
كان فيه شاب اخلاق ودين وبيحضر للشيوخ وكان كدة تشوفيه الله اكبر
وكانت البنات الملتزمة لما تشوفة تقول يارب جوزنى لية يااااااااارب
بس المفروض كانت تقول ((يارب يكون زوج ليا لو كان خير ليا ؟؟لاننا محدش يعرف الخير فين
المهم كل بنت تروح تقول لمعلمتها ..ادعيلى انى اكون زوجة فلان
تقولها لو كان خير
ترد تقول البنت ..لا دا كويس هو حد هيلاقى بالمواصفات دية دلوقتى
تقولها محدش عارف الخير والمصلحة للانسان فين غير الله عز وجل
وكذا بنت تروح تقول للمعلمة ادعيلى اتجوز فلان وهو نفس الشخص
وبردوا المعلمة ترد وتقول لو كان خير ليكى
بالفعل واحدة منهم اتجوزتة
وبقية البنات ربنا رزقها باشخاص كويسين جداااااااا
تعدى الايام والاخ دا ينتكس واحوالة تغيرت ويعامل زوجتة معاملة مش كويسة
فى حين البنات التانية اتجوزوا اشخاص تانين بس مستريحين ومبسوطين مع ازواجهم
فاتكرت البنت دية كلام المعلمة
انها لما تدعى وتقول يارب لو كان خير
لان ربنا عالم انو هبينتكس ومش هيكون كويس معاها
فكانت لازم تسمع الكلام
وادينا بنعتبر
فخلاصة ممكن دا مش خير ليكى
وربنا شايل ليكى حد احسن وهيسعدك
.................................................. ................
قصة تانية لاخت قريبة منى
كانتت بتروح تصلى الترواويح وكان الامام صوتة اللهم بارك رااااااااائع
وكان صغير فى السن
كانت بردوا متعلقة بية اووى وتدعى فى رمضان انو يزوجها
بس المشكلة ان الشاب دا خطيب صاحبتها
وكانت زيك كدة
حرمت من لذة قيام الليل
كان الناس بتعيط وهى قلبها قاسى بتحاول لكن مش عارفاة
المهم الشاب دا اتجوز صاحبتها وهى حامل دلوقتى
المهم ندمت انها علقت حد بغير الله عز وجل
تعرفى حصل ليها اية؟؟
تعدى رمضان ويتقدم لها واحد حافظ للقرءان وبيئم بالناس الصلاة بردوا
وهتصلى ورا زوجها
شوفتى بقى
ربنا كان شايل ليها واحد زية
بس هى غلطت انها علقت حد بغير ربنا عز وجل
.................................................. ...
فلى عاوزة اقولة ربنا كريييييم اوووووى وطيب اووووووى واكيد ربنا هيكرمك بواحد احسن
وانا حاسة ان ربنا شايلك حد كويس اووووى وهيسعدك
ادعى ربنا فى الثلث الاخير وربنا مش هيسبك ابدا
ويارب يقر عينك بزوج صالح مصلح يسعدك
وعاهدى ربنا دلوقتى انك تشيلى اى حد او اى تعلق الا بالله

[*مسلمة مصرية*]

رد: هل هذا حب

[quote=غير مسجل;1060449239]السلام عليكم ورحمة الله وبركاته/quote]

وعليكم السلام ورحمة الله وبركاته ..
هلا ومرحبا بكِ أختي الغالية ..

بالله عليكم اخوتي قولي لي ما الحل

أنا متعلقة جدا بانسان صالح احسبه كذلك ولا ازكي على الله احد على الرغم اني اغض بصري عن كل الرجال اجي عنده ومعرفش كل تفكيري انو الله يرزقني زوج متله باخلاقه ودينه وعلمه ودائما بدعي انو ربنا يزود محبة مراته في قلبه ويزود محبته بقلب مراته ويحسن ختامه.
ودائما بقول يا بخت مراته فيه. وبقول يا ريت كان أخوية

هو لا يعلم ذلك أبدا .....

الحل ايه.

دعينا نتكلم بصراحة أختي ..
بداية : لا بد أن نعلم جميعا أن الزواج هو رزق من الله و ( قسمة ونصيب ) لا يظلم الله به أحد من عباده فسبحانه حكيم عليم .. يقسم بين عباده بحكمة ..
لا شك أن هذا الكلام يعلمه بل ويحفظه الجميع .. لكن هل اليقين بذلك موجود فعلا ؟!
هل حالنا يطابق اقوالنا كما كان سلفنا الصالح ؟!
يقول الحسن البصري رحمه الله : [ علمت أن رزقي لن يأخذه غيري فاطمئن قلبي ] فلو جعل كل منا هذه الكلمات منهجا له يقرها القلب ويٌرى أثرها في أفعالنا لارتحنا كثيرا مما يدور في عقولنا من أسئلة لا جواب لها ..هذه النقطة مهمة جدا ..

النقطة الثانية :
وهي تعلقك بشخص كما ذكرتِ أختي في كلماتك :
أقول لكِ هذه النقطة سأنقاشك فيها من وجهين :
الأول : وهو أمر تعلق قلبكِ به ,, نعم خلقنا ربنا جنسين ( ذكر وأنثى ) كل منهما بطبيعة فطرته يميل للآخر لأن كلاهما بحاجة لمن يكمله نفسيا ويشاطره مشاعره ويشبع رغباته وغرائزه ,, ولما وضع الله ذلك في عباده وضع أيضا الوسيلة الصحيحة لترشيد هذا السلوك كي لا ينحرف المجتمع ,, فكان أمر الزواج .. أما من وجهه في غير ذلك فقد أهلك نفسه واجهد عقله ولحقه الهم على شئ لا يعلم نهايته ..
نعم أكيد قلبكِ صار مشغولا به ولعلك تتخيلينه في يومك وأنه زوج المستقبل بل قد يكون له حظ كبير من أحلامك بسبب انشغالك به .. فلم كل هذا ؟! ليه ترهقي نفسكِ وتشغلي قلبك بشئ لا يورث إلا القلق والهم ولا يأتي من ورائه خير أبدا ..
وقد تسعين لشئ هو حتفكِ ,, فنحن لا نعلم أين الخير قال تعالى ( وعسى أن تكرهوا شيئا وهو خير لكم وعسى أن تحبوا شيئا وهو شر لكم ) نعم قد لا يكون خير لكِ ,, فلا تدرين هل سيظل ملتزم للنهاية ولو افترضنا أنه سيثبت للنهاية ,, فما يدريك أن طباعه ستناسب طباعك ويحدث انسجام بينكما ,, فكل منا وله عيوبه ومميزاته مما قد يقبلها أو لا يستطيع التعايش معها الطرف الآخر ,, فنحن مهما بلغت عقولنا فهي قاصرة ولذلك شرع الله لنا دعاء الاستخارة حينما يكون المرء في حيرة من أمره لا يعلم أين الخير فهو بفعله لهذه الصلاة والدعاء يوكل أمره لله ليختار له الأصلح له ..
لا داعي لكل هذا أختي إرهاق لنفسك وقلق وقد يؤثر عليك بحيث ترفضين من يتقدم إليكِ فيما بعد منتظرة حلم قد لا يتحقق فكري في الأمر بعقلانية قبل فوات الآوان ..
فنصيحتي أختي هذا القلب إشغليه بربكِ بدلا من هذا الوهم فأقول وأكيد إنتِ معايا في الكلام ده إن انشغالك به سيشغلك عن ربك وسيؤثر على طاعاتك فأيهما تختارين يا حبيبة ؟! الجواب معروف ,, فاشغلي نفسك بالطاعات كي لا تشغلك بالمعصية والتفكير الكثير فيما لا يفيد ..

لفتة بسيطة أختي وأرجو أن يتسع صدركِ لها :
كل ما حدث هو بسبب إطلاق النظر إليه ولو كان هناك غض بصر عنه لما وصلتِ لما أنتِ ,, وقارني بين الحالين ستجدي أن حالك وصل لما أنتِ فيه في حين لو كان غض بصر ما كان حدث ذلك بل وسيورث ذلك نورا في القلب لأنه ترك ذلك ( وهو قادر على فعله ) لله وحده الذي أنعم عليه هذه النعمة ( البصر ) ليستخدمها فيما يرضيه ..

خلاصة الكلام :
1- تعرفي إنه لو نصيبك هيجي من غير ما تفكري فيه لأنه مفيش واحدة هتاخد زوجك المكتوب عند ربنا ( إلا إذا كانت زوجة تانية ^_^ ) ,, فخلي الأمر ده في بالك ..
2- ادعي ربنا لو فيه خير يتقدم إليكِ وألا ينشغل بالكِ به ..
3- لو تقدري تخلي حد يطلب منه يتقدم إليكِ فافعلي تنتهي القضية لكن التفكير دون جدوى فلن ينفعكِ أبدا وعندما تمر الأيام وتتزوجين غيره مثلا ستشعرين وقتها أنكِ أضعتي الكثير من وقتك فيما لا نفع منه بل كان باب قلق وصرف عن الطاعة .
4- اشغلي نفسكِ بالطاعة وأفعال الخير وأي عمل عادي حتى ..و بلاش الخلوة كثيرا مع نفسكِ ..
5- استغفري الله كثيرا ( مش بنية الزواج وإنما تعبدا لله ) ستجدي الخير في الدنيا والآخرة وتيسير لأمرك كله ..
6- إصرفِ بصركِ عنه ولو مش هتقدري يبقى متروحيش المكان اللي هو فيه ..

-----------------
ربنا يختار لكِ زوجا صالحا يرضاه لكِ ويرضيكِ به ويرضيه بكِ ..

[غير مسجل]

رد: هل هذا حب

السلام عليكم ورحمة الله وبركاته

بنات جزاكم الله خيرا على الاجابة الوافية.ولكن اسمعوني جيدا بنات مش عارفة اذا انا صريحة مع نفسي ولا لأ.

بتسدقوني لو قولتلكم أنا لم اتمناه يوما زوجا دلالة اني بدعيلوا دايما انو ربنا عز وجل يزود محبة مراته بقلبه ويزود محبته بقلب مراته..

لكن كل ما اراه بقول معقول في شبابنا انسان باخلاقه وعلمه وادبه وتواضعه ورفقه مع الاخرين والله العظيم كله ادب فانا انظر اليه نظرة اعجاب بشخصيته .

نفسي ربنا يكرمني بزوج صالح يعينني أن ندخل الجنة سويا ...قولوا آميييييييين.